1 ⴷⴻⴳ ⵓⵙⴻⴳⴳⵯⴰⵙ ⵡⵉⵙⵙ ⵅⴻⵎⵙⴰ ⵓ-ⵄⵉⵛⵔⵉⵏ ⵏ ⵍⵎⴻⵏⴼⴰ ⵏⵏⴻⵖ, ⵖⴰⵔ ⵓⵎⴻⵥⵡⴰⵔ ⵏ ⵓⵙⴻⴳⴳⵯⴰⵙ, ⴷⴻⴳ ⵡⴰⵙⵙ ⵡⵉⵙⵙ ⵄⴻⵛⵔⴰ ⵏ ⵓⵢⵓⵔ, ⴷⴻⴳ ⵓⵙⴻⴳⴳⵯⴰⵙ ⵡⵉⵙⵙ ⴰⵔⴱⴻⵄⵟⴰⵛ ⴰⵡⴰⵔⵏⵉ ⵎⴰ ⵡⵜⵉⵏ ⵜⴰⵏⴷⵉⵏⵜ, ⴷⴻⴳ ⵡⴰⵙⵙ ⵏⵏⵉ ⵏⵏⵉⵜ, ⵜⵓⵖⴰ ⴰⴼⵓⵙ ⵏ ⵙⵉⴷⵉ ⵅⴰⴼⵉ ⵓⵛⴰ ⵉⵏⴷⴻⵀ ⴰⵢⵉ ⴷⵉⵏ. ^■   2 ⴷⵉ ⵜⵉⵎⴻⵥⵔⵉⵡⵉⵏ ⵏ ⴰⵔⴻⴱⴱⵉ ⵉⵏⴷⴻⵀ ⴰⵢⵉ ⵖⴰⵔ ⵜⴻⵎⵎⵓⵔⵜ ⵏ ⵉⵙⵔⴰⵉⵍ ⵓⵛⴰ ⵉⵙⵙⴰⵔⵙ ⴰⵢⵉ ⵅ ⵉⵊⵊ ⵏ ⵡⴻⴷⵔⴰⵔ ⵢⵓⵄⵍⴰⵏ ⵎⵉⵅⴻⴼ ⵜⵓⵖⴰ ⵛⴰ ⵏ ⵍⴻⴱⵏⵉ ⴰⵎ ⵉⵛⵜ ⵏ ⵜⴻⵏⴷⵉⵏⵜ ⵖⴰⵔ ⵓⵖⴻⵥⴷⵉⵙ ⵏ ⵍⵊⴰⵏⵓⴱ ⵏⵏⴻⵙ. 3 ⵢⵉⵡⵢⵉ ⴰⵢⵉ ⴷⵉⵏ, ⵓ ⵅⵥⴰⵔ, ⵉⵊⵊ ⵏ ⵡⴻⵔⵢⴰⵥ. ⵚⵚⵉⴼⴻⵜ ⵏⵏⴻⵙ ⴰⵎ ⵚⵚⵉⴼⴻⵜ ⵏ ⵏⵏⵃⴰⵙ ⵓ ⴷⴻⴳ ⵓⴼⵓⵙ ⵏⵏⴻⵙ ⵉⵊⵊ ⵏ ⵓⴼⵉⵍⵓ ⵏ ⵍⴻⵇⵟⴻⵏ ⴷ ⵉⵊⵊ ⵏ ⵓⵖⴰⵎⵉⵏ ⵏ ⵡⴻⵄⴱⴰⵔ. ⵏⴻⵜⵜⴰ ⵜⵓⵖⴰ ⵉⴱⴻⴷⴷ ⵖⴰⵔ ⵜⴻⵡⵡⴰⵔⵜ. 4 ⵉⵙⵙⵉⵡⴻⵍ ⴰⴽⵉⴷⵉ ⵡⴻⵔⵢⴰⵥ ⵏⵏⵉ: “ⴰ ⵎⵎⵉⵙ ⵏ ⴱⵏⴰⴷⴻⵎ, ⵅⵥⴰⵔ ⵙ ⵜⵉⵟⵟⴰⵡⵉⵏ ⵏⵏⴻⴽ, ⵙⴻⵍ ⵙ ⵉⵎⴻⵥⵥⵓⵖⴻⵏ ⵏⵏⴻⴽ, ⵓⵛⴰ ⵙⴰⵔⵙ ⵓⵍ ⵏⵏⴻⴽ ⵉ ⵎⴰⵔⵔⴰ ⵏⵏⵉ ⴷ ⴰⵛ ⵉ ⵖⴰ ⵙⵙⴻⵛⵏⴻⵖ, ⵎⴰⵖⴰⵔ ⵜᵉⵜⵜⵡⴰⵙⵇⴻⴱⴷⴻⴷ ⵖⴰⵔ ⴷⴰ ⵃⵉⵎⴰ ⴰⴷ ⴰⵛ ⵜ ⵙⵙⴻⵛⵏⴻⵖ. ⵎⴰⵔⵔⴰ ⵎⵉⵏ ⵜⵡⴰⵍⵉⴷ, ⵉⵏⵉ ⵜ ⵉ ⵜⴰⴷⴷⴰⵔⵜ ⵏ ⵉⵙⵔⴰⵉⵍ!”

5 ⵅⵥⴰⵔ, ⵖⴰⵔ ⴱⴰⵔⵔⴰ ⵏ ⵜⴰⴷⴷⴰⵔⵜ ⵜⵓⵖⴰ ⴷⵉⵏ ⵉⵊⵊ ⵏ ⵡⴻⵖⴱⴰⵔ ⵏⵏⵉ ⵜⵓⵖⴰ ⵉ ⴷ ⴰⵙ ⴷⴷ-ⵉⵏⵏⴹⴻⵏ ⴽⵓⵍⵛⵉ. ⴷⴻⴳ ⵓⴼⵓⵙ ⵏ ⵡⴻⵔⵢⴰⵥ ⵜⵓⵖⴰ ⴷ ⵉⵊⵊ ⵏ ⵓⵖⴰⵏⵉⵎ ⵏ ⵡⴻⵄⴱⴰⵔ ⵏ ⵙⴻⵜⵜⴰ ⵏ ⵉⵖⴰⴵⴻⵏ ⴽⵓⵍ ⵉⵊⵊⴻⵏ ⵥⵥⴰⵢⵙⴻⵏ ⴷ ⵉⵊⵊ ⵏ ⵓⵖⵉⵍ ⴷ ⵉⵊⵊ ⵏ ⵡⴻⵄⴱⴰⵔ ⵏ ⵜⵉⵔⵓ ⵏ ⵓⴼⵓⵙ. ⵏⴻⵜⵜⴰ ⵉⵄⴱⴰⵔ ⵜⵉⵔⵓ ⵏ ⵍⵃⵉⴹ ⵏⵏⵉ, ⴰⵇⴰ-ⵜ ⴷ ⵉⵊⵊ ⵏ ⵓⵖⴰⵏⵉⵎ, ⵓ ⵍⵓⵄⵍⴰ ⵏⵏⴻⵙ ⵓⵍⴰ ⴷ ⵉⵊⵊ ⵏ ⵓⵖⴰⵏⵉⵎ. ^□  

6 ⵅⴻⵏⵏⵉ ⵢⵓⵙⴰ-ⴷⴷ ⴰⵍ \bdit ⵍⴻⴱⵏⵉ ⵏ\add* ⵜⴻⵡⵡⴰⵔⵜ ⵏⵏⵉ ⵉⵅⴻⵥⵥⴰⵔⴻⵏ ⵖⴰⵔ ⵛⵛⴰⵔⵇ\bd* ⵓⵛⴰ ⵉⴳⴻⵄⵄⴻⴷ ⵅ ⴷⴷⵔⵓⵊ ⵏⵏⴻⵙ, ⵓⵛⴰ ⵉⵄⴱⴰⵔ ⵜⴰⵏⴻⴱⴷⴰⵜ ⵏ ⵜⴻⵡⵡⴰⵔⵜ, ⵜⵉⵔⵓ ⵏⵏⴻⵙ ⴰⵏⴻⵛⵜ ⵏ ⵉⵊⵊ ⵏ ⵓⵖⴰⵏⵉⵎ, ⵓ ⵜⵉⵔⵓ ⵏ ⵜⵏⴻⴱⴷⴰⵜ ⵏⵏⴻⵖⵏⵉ ⵓⵍⴰ ⴷ ⵉⵊⵊ ⵏ ⵓⵖⴰⵎⵉⵏ. 7 ⵜⵓⵥⴻⴳⴳⴰⵔⵜ ⵏ ⵉⵛⵜ ⵏ ⵜⴻⵅⵅⴰⵎⵜ ⵏ ⵜⴻⵡⵡⴰⵔⵜ ⴷ ⵉⵊⵊ ⵏ ⵓⵖⴰⵏⵉⵎ ⵓ ⵜⵉⵔⵓ ⵏⵏⴻⵙ ⵓⵍⴰ ⴷ ⵉⵊⵊ ⵏ ⵓⵖⴰⵏⵉⵎ. ⵊⴰⵔ ⵜⴻⵅⵅⴰⵎⵉⵏ ⵏ ⵜⴻⵡⵡⴰⵔⵜ ⵜⵓⵖⴰ ⴷⵉⵏ ⵅⴻⵎⵙⴰ ⵏ ⵉⵖⴰⴵⴻⵏ, ⵓ ⵜⴰⵏⴻⴱⴷⴰⵜ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⵖⴰⵔ ⵓⵖⴻⵥⴷⵉⵙ ⵏ ⵡⴻⵙⵇⵉⴼ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⵖⴰⵔ ⵓⵖⴻⵥⴷⵉⵙ ⵏ ⵜⴰⴷⴷⴰⵔⵜ, ⴰⵇⴰ-ⵜⵜ ⴷ ⵉⵊⵊ ⵏ ⵓⵖⴰⵏⵉⵎ. 8 ⵏⴻⵜⵜⴰ ⵉⵄⴱⴰⵔ ⴰⵙⵇⵉⴼ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⵖⴰⵔ ⵓⵖⴻⵥⴷⵉⵙ ⵏ ⵜⴰⴷⴷⴰⵔⵜ, ⴰⵇⴰ-ⵜ ⴷ ⵉⵊⵊ ⵏ ⵓⵖⴰⵏⵉⵎ. 9 ⵉⵄⴱⴰⵔ ⴰⵙⵇⵉⴼ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ, ⴰⵇⴰ-ⵜ ⴷⵉ ⵜⵎⴻⵏⵢⴰ ⵏ ⵉⵖⴰⴵⴻⵏ, ⵓⵛⴰ ⵍⴻⴹⵔⵓⴼ ⵏ ⵍⵃⵉⴹ ⵏⵏⴻⵙ ⵜⵓⵖⴰ ⴰⵜⴻⵏ ⴷⵉ ⵜⵏⴰⵢⴻⵏ ⵏ ⵉⵖⴰⴵⴻⵏ. ⴰⵙⵇⵉⴼ ⵏ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⵜⵓⵖⴰ ⵖⴰⵔ ⵓⵖⴻⵥⴷⵉⵙ ⵏ ⵜⴰⴷⴷⴰⵔⵜ.

10 ⵣⵉ ⵊⵊⵉⵀⴻⵜ ⵏ ⵜⴻⵅⵅⴰⵎⵉⵏ ⵏ ⵜⴻⵡⵡⴰⵔⵜ ⵖⴰⵔ ⵓⵖⴻⵥⴷⵉⵙ ⵏ ⵛⵛⴰⵔⵇ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ, ⴰⵇⴰ ⴷⵉⵏ ⵜⵍⴰⵜⴰ ⵥⵥⴰⵢⵙⴻⵏⵜ ⵖⴰⵔ ⵓⵖⴻⵥⴷⵉⵙ-ⴰ ⵓ ⵜⵍⴰⵜⴰ ⵥⵥⴰⵢⵙⴻⵏⵜ ⵖⴰⵔ ⵓⵖⴻⵥⴷⵉⵙ ⵏⵏⴻⵖⵏⵉ. ⴰⵇⴰ ⴰⵜⴻⵏⵜ ⵖⴰⵔⵙⴻⵏⵜ ⴷ ⵉⵊⵊ ⵏ ⵍⴻⵄⴱⴰⵔ. ⵍⴻⴹⵔⵓⴼ ⵏ ⵍⵃⵉⴷ ⵖⴰⵔⵙⴻⵏ ⴷ ⵍⴻⵄⴱⴰⵔ ⴷ ⵉⵊⵊⴻⵏ ⵖⴰⵔ ⵓⵖⴻⵥⴷⵉⵙ-ⴰ ⵓ ⵖⴰⵔ ⵓⵖⴻⵥⴷⵉⵙ ⵏⵏⴻⵖⵏⵉ.

11 ⵉⵄⴱⴰⵔ ⵜⵉⵔⵓ ⵏ ⵡⴰⴷⴰⴼ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ, ⴰⵇⴰ-ⵜ ⴷⵉ ⵄⴻⵛⵔⴰ ⵏ ⵉⵖⴰⴵⴻⵏ, ⵓⵍⴰ ⴷ ⵜⵓⵥⵥⴻⴳⴳⴰⵔⵜ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ, ⴰⵇⴰ-ⵜⵜ ⴷⵉ ⵜⵍⴻⵟⵟⴰⵛ ⵏ ⵉⵖⴰⴵⴻⵏ.

12 ⵜⵜⴰⵙⵉⵄ ⵥⵥⴰⵜ ⵉ ⵜⴻⵅⵅⴰⵎⵉⵏ ⵏ ⵜⴻⵡⵡⴰⵔⵜ ⵜⵓⵖⴰ ⵉⵊⵊ ⵏ ⵓⵖⵉⵍ ⵖⴰⵔ ⵓⵖⴻⵥⴷⵉⵙ-ⴰ ⵓⵛⴰ ⵖⴰⵔ ⵓⵖⴻⵥⴷⵉⵙ ⵏⵏⴻⵖⵏⵉ ⵜⵓⵖⴰ ⵜⵜⴰⵙⵉⵄ ⵓⵍⴰ ⴷ ⵉⵊⵊ ⵏ ⵓⵖⵉⵍ. ⵉⵛⵜ ⵏ ⵜⴻⵅⵅⴰⵎⵜ ⵖⴰⵔⴻⵙ ⵙⴻⵜⵜⴰ ⵏ ⵉⵖⴰⴵⴻⵏ ⵖⴰⵔ ⵉⵊⵊ ⵏ ⵓⵖⴻⵥⴷⵉⵙ ⴷ ⵙⴻⵜⵜⴰ ⵉⵖⴰⴵⴻⵏ ⵖⴰⵔ ⵉⵊⵊ ⵏ ⵓⵖⴻⵥⴷⵉⵙ ⵏⵏⴻⵖⵏⵉ.

13 ⵉⵄⴱⴰⵔ ⵄⴰⵡⴻⴷ ⵍⴻⴱⵏⵉ ⵏ ⵜⴻⵡⵡⴰⵔⵜ ⵥⵉ ⵜⵥⴻⵇⵇⴰ ⵏ ⵉⵛⵜ ⵏ ⵜⴻⵅⵅⴰⵎⵜ ⴰⵍ ⵜⴰⵥⴻⵇⵇⴰ ⵏ ⵡⴻⵏⵏⴻⵖⵏⵉ. ⵜⵉⵔⵓ ⵏⵏⴻⵙ ⵜⵓⵖⴰ-ⵜ ⴷⵉ ⵅⴻⵎⵙⴰ ⵓ-ⵄⵉⵛⵔⵉⵏ ⵏ ⵉⵖⴰⴵⴻⵏ, ⴰⴷⴰⴼ ⴰⵔⴻⵏⴷⴰⴷ ⵏ ⵡⴰⴷⴰⴼ ⵏⵏⴻⵖⵏⵉ.

14 ⵉⴳⴳⴰ ⵉ-ⵜ ⵓⵍⴰ ⵖⴰⵔ ⵍⴻⴹⵔⵓⴼ ⵏ ⵍⵃⵉⴹ: ⵙⴻⵜⵜⵉⵏ ⵏ ⵉⵖⴰⴵⴻⵏ, ⵓⵛⴰ ⵍⴻⵎⵔⴰⵃ ⵉⴽⴽⴰ ⵅ ⵟⵟⴰⵔⴼ ⵏ ⵍⵃⵉⴷ, ⵉⵏⵏⴻⴹ ⴰⵙ-ⴷⴷ ⵍⴻⵎⵔⴰⵃ ⵉ ⵍⴻⴱⵏⵉ ⵏ ⵜⴻⵡⵡⴰⵔⵜ ⵎⴰⵔⵔⴰ.

15 ⵣⵉ ⵥⵥⴰⵜ ⵏ ⵜⴻⵡⵡⴰⵔⵜ ⵏ ⵡⴰⴷⴰⴼ ⴰⵍ ⵥⵥⴰⵜ ⵏ ⵡⴻⵙⵇⵉⴼ ⵏ ⵜⴻⵡⵡⴰⵔⵜ ⵏ ⴷⴰⵅⴻⵍ, ⴰⵇⴰ ⴷⵉⵏ ⵅⴻⵎⵙⵉⵏ ⵏ ⵉⵖⴰⴵⴻⵏ.

16 ⵜⵓⵖⴰ ⵍⴻⴽⵡⴰⵥⵉ ⵃⵚⴰⵔⴻⵏ ⵖⴰⵔ ⵜⴻⵅⵅⴰⵎⵉⵏ ⵏ ⵜⴻⵡⵡⴰⵔⵜ ⵓ ⵖⴰⵔ ⵍⴻⴹⵔⵓⴼ ⵏ ⵍⵃⵉⴷ ⵖⴰⵔ ⵓⵖⴻⵥⴷⵉⵙ ⵏ ⴷⴰⵅⴻⵍ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⴷⴻⴳ ⵡⴻⵏⵏⴻⴹ, ⵓⵍⴰ ⴷⵉ ⵍⴻⵃⵢⵓⴹ ⵏ ⴱⴰⵔⵔⴰ, ⵓ ⵜⵓⵖⴰ ⵍⴻⴽⵡⴰⵥⵉ ⴷⴻⴳ ⵡⴻⵏⵏⴻⴹ ⵅⴻⵥⵥⴰⵔⴻⵏ ⵖⴰⵔ ⴷⴰⵅⴻⵍ ⵓ ⵅ ⴽⵓⵍ ⵉⵊⵊ ⵥⵉ ⵍⴻⴹⵔⵓⴼ ⵏ ⵍⵃⵉⴹ ⵜᵉⵜⵜⴰⴼⴻⴷ ⴷⵉⵏ ⵜⵉⵛⴻⵊⵊⵓⵔⴰ ⵏ ⵜⵉⵏⵉ.

17 ⵉⵏⴷⴻⵀ ⴰⵢⵉ-ⴷⴷ ⵖⴰⵔ ⵍⴻⵎⵔⴰⵃ ⵏ ⴱⴰⵔⵔⴰ, ⵓⵛⴰ ⵅⵥⴰⵔ, ⴰⵇⴰ ⴷⵉⵏ ⵉⵅⵅⴰⵎⴻⵏ ⴷ ⵉⵛⵜ ⵏ ⵜⵉⵙⵉ ⵏ ⵥⵥⴻⵍⵍⵉⵊ ⵉⵜⵜⵡⴰⴳⴳⴻⵏ ⴷⴻⴳ ⵡⴻⵏⵏⴻⴹ ⵏ ⵍⴻⵎⵔⴰⵃ. ⵜⵓⵖⴰ ⴷⵉⵏ ⵜⵍⴰⵜⵉⵏ ⵏ ⵉⵅⵅⴰⵎⴻⵏ ⵖⴰⵔ ⵜⵉⵙⵉ ⵏ ⵥⵥⴻⵍⵍⵉⵊ ⵏⵏⵉ.

18 ⵜⵉⵙⵉ ⵏ ⵥⵥⴻⵍⵍⵉⵊ ⵜⵓⵖⴰ-ⵜ ⵖⴰⵔ ⵓⵖⴻⵥⴷⵉⵙ ⵏ ⵍⴻⴱⵏⵉⵢⵢⴰⵜ ⵏ ⵜⴻⵡⵡⴰⵔⵜ, ⵜⴻⵇⵇⴻⵏ ⵏⵉⵛⴰⵏ ⵉ ⵜⵓⵥⵥⴻⴳⴳⴰⵔⵜ ⵏ ⵍⴻⴱⵏⵉⵢⵢⴰⵜ ⵏ ⵜⴻⵡⵡⴰⵔⵜ. ⵜⴰⵏⵉⵜⴰ ⵜⵓⵖⴰ-ⵜⵜ ⴷ ⵜⵉⵙⵉ ⵏ ⵥⵥⴻⵍⵍⵉⵊ ⵉ ⵉⴵⴰⵏ ⵡⴰⴷⴷⴰⵢ.

19 ⵏⴻⵜⵜⴰ ⵉⵄⴱⴰⵔ ⵜⵉⵔⵓ ⵥⵉ ⵥⵥⴰⵜ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⵉ ⵉⴵⴰⵏ ⵖⴰⵔ ⵡⴰⴷⴷⴰⵢ ⵏ ⵍⴻⵎⵔⴰⵃ ⴰⵍ ⵍⴻⵎⵔⴰⵃ ⵏ ⴷⴰⵅⴻⵍ ⵖⴰⵔ ⵓⵖⴻⵥⴷⵉⵙ ⵏⵏⴻⵙ ⵏ ⴱⴰⵔⵔⴰ, ⵎⵢⴰ ⵏ ⵉⵖⴰⴵⴻⵏ. ⴰⵎⵎⵓ ⵉ ⵉⵄⴱⴰⵔ ⵛⵛⴰⵔⵇ ⴷ ⵛⵛⴰⵎⴰⵍ ⵏ ⵍⴻⵎⵔⴰⵃ.

20 ⵣⵉ ⵍⴻⴱⵏⵉ ⵏ ⵜⴻⵡⵡⴰⵔⵜ ⵏⵏⵉ ⵉⵅⴻⵥⵥⴰⵔⴻⵏ ⵖⴰⵔ ⵛⵛⴰⵎⴰⵍ, ⵖⴰⵔ ⵍⴻⵎⵔⴰⵃ ⵏ ⴱⴰⵔⵔⴰ, ⵉⵄⴱⴰⵔ ⵜⵓⵥⵥⴻⴳⴳⴰⵔⵜ ⴷ ⵜⵉⵔⵓ. 21 ⵜⵉⵅⵅⴰⵎⵉⵏ ⵏⵏⴻⵙ, ⵜⵍⴰⵜⴰ ⵖⴰⵔ ⵓⵖⴻⵥⴷⵉⵙ-ⴰ ⴷ ⵜⵍⴰⵜⴰ ⵖⴰⵔ ⵓⵖⴻⵥⴷⵉⵙ ⵏⵏⴻⵖⵏⵉ, ⴷ ⵍⴻⴹⵔⵓⴼ ⵏⵏⴻⵙ ⵏ ⵍⵃⵉⴹ ⵓⵍⴰ ⴷ ⵍⴻⵃⵢⵓⴹ ⵏⵏⴻⵙ ⵏ ⴱⴰⵔⵔⴰ ⵖⴰⵔⵙⴻⵏ ⴷ ⵍⴻⵄⴱⴰⵔ ⴷ ⵉⵊⵊⴻⵏ ⴰⵎⴻⵛⵏⴰⵡ ⵍⴻⴱⵏⵉ ⵏ ⵜⴻⵡⵡⴰⵔⵜ ⵜⴰⵎⴻⵥⵡⴰⵔⵓⵜ. ⵜⵓⵥⵥⵓⴳⴳⴰⵔⵜ ⵜⵓⵖⴰ-ⵜⵜ ⵅⴻⵎⵙⵉⵏ ⵏ ⵉⵖⴰⴵⴻⵏ ⴷ ⵜⵉⵔⵓ ⵏⵏⴻⵙ ⵜⵓⵖⴰ-ⵜⵜ ⵅⴻⵎⵙⴰ ⵓ-ⵄⵉⵛⵔⵉⵏ ⵏ ⵉⵖⴰⴵⴻⵏ. 22 ⵍⴻⴽⵡⴰⵥⵉ ⵏⵏⴻⵙ ⴷ ⵍⴻⵃⵢⵓⴹ ⵏⵏⴻⵙ ⵏ ⴱⴰⵔⵔⴰ ⵓⵍⴰ ⴷ ⵜⵉⵛⴻⵊⵊⵓⵔⴰ ⵏⵏⴻⵙ ⵏ ⵜⵉⵏⵉ ⵜⵓⵖⴰ ⵖⴰⵔⵙⴻⵏ ⵍⴻⵄⴱⴰⵔ ⴷ ⵉⵊⵊⴻⵏ ⴰⵎⴻⵛⵏⴰⵡ ⵍⴻⴱⵏⵉ ⵏ ⵜⴻⵡⵡⴰⵔⵜ ⵏⵏⵉ ⵉⵅⴻⵥⵥⴰⵔⴻⵏ ⵖⴰⵔ ⵛⵛⴰⵔⵇ. ⵜⵜⴳⴻⵄⵄⴰⴷⴻⵏ ⵖⴰⵔⴻⵙ ⵅ ⵉⵊⵊ ⵏ ⴷⴷⵔⵓⵊ ⴰⴽ-ⴷ ⵙⴻⴱⵄⴰ ⵏ ⵜⵔⴻⴼⴼⵉⴷⵉⵏ ⵓⵛⴰ ⵍⴻⵃⵢⵓⴹ ⵏⵏⴻⵙ ⵏ ⴱⴰⵔⵔⴰ ⵜⵓⵖⴰ ⴰⵜⴻⵏ ⵖⴰⵔ ⵓⵖⴻⵥⴷⵉⵙ ⵏ ⵥⵥⴰⵜ. 23 ⵍⴻⴱⵏⵉ ⵏ ⵜⴻⵡⵡⴰⵔⵜ ⵏ ⵍⴻⵎⵔⴰⵃ ⵏ ⴷⴰⵅⴻⵍ ⵜⵓⵖⴰ-ⵜⵜ ⵥⵥⴰⵜ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⵏ ⵛⵛⴰⵎⴰⵍ ⴷ ⵜⴻⵏⵏⵉ ⵏ ⵛⵛⴰⵔⵇ. ⵣⴻⴳ ⵉⵛⵜ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⴰⵍ ⵉⵛⵜ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⵏⵏⴻⵖⵏⵉ ⵉⵄⴱⴰⵔ ⵎⵢⴰ ⵏ ⵉⵖⴰⴵⴻⵏ.

24 ⵅⴻⵏⵏⵉ ⵉⵏⴷⴻⵀ ⴰⵢⵉ ⵖⴰⵔ ⵓⵖⴻⵥⴷⵉⵙ ⵏ ⵍⵊⴰⵏⵓⴱ, ⵓ ⵅⵥⴰⵔ, ⵜⵓⵖⴰ ⴷⵉⵏ ⵉⵊⵊ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⵏⵏⵉ ⵉⵅⴻⵥⵥⴰⵔⴻⵏ ⵖⴰⵔ ⵍⵊⴰⵏⵓⴱ. ⵉⵄⴱⴰⵔ ⵍⴻⴹⵔⵓⴼ ⵏ ⵍⵃⵉⴹ ⴷ ⵍⴻⵃⵢⵓⴹ ⵏⵏⴻⵙ ⵏ ⴱⴰⵔⵔⴰ ⵓⵛⴰ ⵍⴻⵄⴱⵓⵔⴰⵜ ⵏⵙⴻⵏ ⵜⵓⵖⴰ ⴰⵜⴻⵏ ⴷ ⵉⵊⵊ. 25 ⵍⴻⴱⵏⵉ ⵏ ⵜⴻⵡⵡⴰⵔⵜ ⵖⴰⵔⴻⵙ ⵍⴻⴽⵡⴰⵥⵉ ⵓⵛⴰ ⵓⵍⴰ ⴷ ⵍⴻⵃⵢⵓⴹ ⵏ ⴱⴰⵔⵔⴰ ⴷⴰⵢⵙⴻⵏ ⵍⴻⴽⵡⴰⵥⵉ ⴰⵎ ⵡⴻⵏⵏⴻⵖⵏⵉ. ⵜⵓⵥⵥⵓⴳⴳⴰⵔⵜ ⵏⵏⴻⵙ ⵜⵓⵖⴰ-ⵜⵜ ⴷⵉ ⵅⴻⵎⵙⵉⵏ ⵏ ⵉⵖⴰⴵⴻⵏ ⵓ ⵜⵉⵔⵓ ⵏⵏⴻⵙ ⴷⵉ ⵅⴻⵎⵙⴰ ⵓ-ⵄⵉⵛⵔⵉⵏ ⵏ ⵉⵖⴰⴵⴻⵏ. 26 ⴷⵔⵓⵊⵊ ⴷⴰⵢⴻⵙ ⵙⴻⴱⵄⴰ ⵏ ⵜⵔⴻⴼⴼⵉⴷⵉⵏ ⵓ ⵍⴻⵃⵢⵓⴹ ⵏⵏⴻⵙ ⵏ ⴱⴰⵔⵔⴰ ⵜⵓⵖⴰ ⴰⵜⴻⵏ ⵖⴰⵔ ⵥⵥⴰⵜ. ⵜⵓⵖⴰ ⵖⴰⵔⴻⵙ ⵜⵉⵛⴻⵊⵊⵓⵔⴰ ⵏ ⵜⵉⵏⵏⵉ ⵅ ⵍⴻⴹⵔⵓⴼ ⵏ ⵍⵃⵉⴹ, ⵉⵛⵜⴻⵏ ⵖⴰⵔ ⵉⵊⵊ ⵏ ⵓⵖⴻⵥⴷⵉⵙ ⵓ ⵉⵛⵜⴻⵏ ⵖⴰⵔ ⵓⵖⴻⵥⴷⵉⵙ ⵏⵏⴻⵖⵏⵉ. 27 ⵜⵓⵖⴰ ⴷⵉⵏ ⵄⴰⵡⴻⴷ ⵉⵛⵜ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⵖⴰⵔ ⵍⴻⵎⵔⴰⵃ ⵏ ⴷⴰⵅⴻⵍ ⵏⵏⵉ ⵉⵅⴻⵥⵥⴰⵔⴻⵏ ⵖⴰⵔ ⵍⵊⴰⵏⵓⴱ. ⵉⵄⴱⴰⵔ ⵥⴻⴳ ⵉⵛⵜ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⴰⵍ ⵍⴻⴱⵏⵉ ⵏ ⵜⴻⵡⵡⴰⵔⵜ ⵏⵏⴻⵖⵏⵉ ⵖⴰⵔ ⵓⵖⴻⵥⴷⵉⵙ ⵏ ⵍⵊⴰⵏⵓⴱ: ⵎⵢⴰ ⵏ ⵉⵖⴰⴵⴻⵏ. 28 ⵅⴻⵏⵏⵉ ⵢⵉⵡⵉ ⴰⵢⵉ ⵖⴰⵔ ⵍⴻⴱⵏⵉ ⵏ ⵜⴻⵡⵡⴰⵔⵜ ⵏ ⵍⵊⴰⵏⵓⴱ ⵖⴰⵔ ⵍⴻⵎⵔⴰⵃ ⵏ ⴷⴰⵅⴻⵍ. ⵉⵄⴱⴰⵔ ⵍⴻⴱⵏⵉ ⵏ ⵜⴻⵡⵡⴰⵔⵜ ⵏ ⵍⵊⴰⵏⵓⴱ, ⵜⵓⵖⴰ ⵍⴻⵄⴱⵓⵔⴰⵜ ⵏⵏⴻⵙ ⴷ ⵉⵊⵊⴻⵏ. 29 ⵉⵅⵅⴰⵎⴻⵏ ⵏⵏⴻⵙ ⴷ ⵍⴻⴹⵔⵓⴼ ⵏⵏⴻⵙ ⵏ ⵍⵃⵉⴹ ⵓⵍⴰ ⴷ ⵍⴻⵃⵢⵓⴹ ⵏⵏⴻⵙ ⵏ ⴱⴰⵔⵔⴰ ⵖⴰⵔⵙⴻⵏ ⴷ ⵍⴻⵄⴱⵓⵔⴰⵜ ⴷ ⵉⵊⵊⴻⵏ. ⵍⴻⴱⵏⵉ ⵏ ⵜⴻⵡⵡⴰⵔⵜ ⵜⵓⵖⴰ ⵖⴰⵔⴻⵙ ⵍⴻⴽⵡⴰⵥⵉ ⵓⵛⴰ ⵓⵍⴰ ⴷ ⵍⴻⵃⵢⵓⴹ ⵏⵏⴻⵙ ⵏ ⴱⴰⵔⵔⴰ ⵖⴰⵔⵙⴻⵏ ⵍⴻⴽⵡⴰⵥⵉ ⴷ ⵉⵊⵊⴻⵏ ⴰⵎ ⵜⵉⵏⵏⵉ. ⵜⵓⵥⵥⵓⴳⴳⴰⵔⵜ ⵏⵏⴻⵙ ⵜⵓⵖⴰ-ⵜⵜ ⴷⵉ ⵅⴻⵎⵙⵉⵏ ⵏ ⵉⵖⴰⴵⴻⵏ ⵓ ⵜⵉⵔⵓ ⵏⵏⴻⵙ ⴷⵉ ⵅⴻⵎⵙⴰ ⵓ-ⵄⵉⵛⵔⵉⵏ ⵏ ⵉⵖⴰⴵⴻⵏ. 30 ⵏⵏⴹⴻⵏ ⴰⵙ-ⴷⴷ ⵍⴻⵃⵢⵓⴹ ⵏ ⴱⴰⵔⵔⴰ. ⵜⵓⵥⵥⵓⴳⴳⴰⵔⵜ ⵏⵏⴻⵙ ⵜⵓⵖⴰ-ⵜ ⴷⵉ ⵅⴻⵎⵙⴰ ⵓ-ⵄⵉⵛⵔⵉⵏ ⵏ ⵉⵖⴰⴵⴻⵏ ⵓ ⵜⵉⵔⵓ ⵏⵏⴻⵙ ⴷⵉ ⵅⴻⵎⵙⴰ ⵏ ⵉⵖⴰⴵⴻⵏ. 31 ⵜⵓⵖⴰ ⵍⴻⵃⵢⵓⴹ ⵏⵏⴻⵙ ⵏ ⴱⴰⵔⵔⴰ ⵖⴰⵔ ⵍⴻⵎⵔⴰⵃ ⵏ ⴱⴰⵔⵔⴰ. ⵜⵓⵖⴰ ⴷⵉⵏ ⵜⵉⵛⴻⵊⵊⵓⵔⴰ ⵏ ⵜⵉⵏⵉ ⵅ ⵍⴻⴹⵔⵓⴼ ⵏ ⵍⵃⵉⴹ ⵓ ⴷⴷⵔⵓⵊ ⵏⵏⴻⵙ ⴷⴰⵢⴻⵙ ⵜⵎⴻⵏⵢⴰ ⵏ ⵜⵔⴻⴼⴼⵉⴷⵉⵏ.

32 ⵅⴻⵏⵏⵉ ⵢⵉⵡⵉ ⴰⵢⵉ ⵖⴰⵔ ⵍⴻⵎⵔⴰⵃ ⵏ ⴷⴰⵅⴻⵍ, ⵖⴰⵔ ⵓⵖⴻⵥⴷⵉⵙ ⵏ ⵛⵛⴰⵔⵇ. ⵉⵄⴱⴰⵔ ⵍⴻⴱⵏⵉ ⵏ ⵜⴻⵡⵡⴰⵔⵜ ⵏ ⵍⵊⴰⵏⵓⴱ, ⵜⵓⵖⴰ ⵍⴻⵄⴱⵓⵔⴰⵜ ⵏⵏⴻⵙ ⴷ ⵉⵊⵊⴻⵏ. 33 ⵜⵉⵅⵅⴰⵎⵉⵏ ⵏⵏⴻⵙ ⴷ ⵍⴻⴹⵔⵓⴼ ⵏⵏⴻⵙ ⵏ ⵍⵃⵉⴹ ⵓⵍⴰ ⴷ ⵍⴻⵃⵢⵓⴹ ⵏⵏⴻⵙ ⵏ ⴱⴰⵔⵔⴰ ⵖⴰⵔⵙⴻⵏ ⴷ ⵍⴻⵄⴱⵓⵔⴰⵜ ⴷ ⵉⵊⵊⴻⵏ. ⵍⴻⴱⵏⵉ ⵏ ⵜⴻⵡⵡⴰⵔⵜ ⵜⵓⵖⴰ ⵖⴰⵔⴻⵙ ⵍⴻⴽⵡⴰⵥⵉ ⵓⵛⴰ ⵓⵍⴰ ⵖⴰⵔ ⵍⴻⵃⵢⵓⴹ ⵏⵏⴻⵙ ⵏ ⴱⴰⵔⵔⴰ ⵉ ⴷⴷ ⴰⵙⴻⵏ ⵉⵏⵏⴹⴻⵏ ⵎⴰⵔⵔⴰ. ⵜⵓⵥⵥⵓⴳⴳⴰⵔⵜ ⵏⵏⴻⵙ ⵜⵓⵖⴰ-ⵜⵜ ⴷⵉ ⵅⴻⵎⵙⵉⵏ ⵏ ⵉⵖⴰⴵⴻⵏ ⵓ ⵜⵉⵔⵓ ⵏⵏⴻⵙ ⴷⵉ ⵅⴻⵎⵙⴰ ⵓ-ⵄⵉⵛⵔⵉⵏ ⵏ ⵉⵖⴰⴵⴻⵏ. 34 ⵍⴻⵃⵢⵓⴹ ⵏⵏⴻⵙ ⵏ ⴱⴰⵔⵔⴰ ⵜⵓⵖⴰ ⴰⵜⴻⵏ ⵖⴰⵔ ⵍⴻⵎⵔⴰⵃ ⵏ ⴱⴰⵔⵔⴰ. ⵜⵓⵖⴰ ⴷⵉⵏ ⵜⵉⵛⴻⵊⵊⵓⵔⴰ ⵏ ⵜⵉⵏⵉ ⵅ ⵍⴻⴹⵔⵓⴼ ⵏ ⵍⵃⵉⴹ ⵏⵏⴻⵙ, ⴰⵎ ⵖⴰⵔ ⵓⵖⴻⵥⴷⵉⵙ-ⴰ ⵓⵍⴰ ⵖⴰⵔ ⵓⵖⴻⵥⴷⵉⵙ ⵏⵏⴻⵖⵏⵉ, ⵓ ⴷⴷⵔⵓⵊ ⵏⵏⴻⵙ ⴷⴰⵢⴻⵙ ⵜⵎⴻⵏⵢⴰ ⵏ ⵜⵔⴻⴼⴼⵉⴷⵉⵏ.

35 ⵅⴻⵏⵏⵉ ⵢⵉⵡⵉ ⴰⵢⵉ ⵖⴰⵔ ⵍⴻⴱⵏⵉ ⵏ ⵜⴻⵡⵡⴰⵔⵜ ⵏ ⵛⵛⴰⵎⴰⵍ ⵓⵛⴰ ⵉⵄⴱⴰⵔ ⵅⴻⵏⵏⵉ ⵍⴻⵄⴱⵓⵔⴰⵜ ⴷ ⵉⵊⵊⴻⵏ. 36 ⵜⵉⵅⵅⴰⵎⵉⵏ ⵏⵏⴻⵙ ⵏ ⵜⴻⵡⵡⴰⵔⵜ ⴷ ⵍⴻⴹⵔⵓⴼ ⵏⵏⴻⵙ ⵏ ⵍⵃⵉⴷ ⴷ ⵍⴻⵃⵢⵓⴹ ⵏⵏⴻⵙ ⵏ ⴱⴰⵔⵔⴰ ⵖⴰⵔⵙⴻⵏ ⵍⴻⴽⵡⴰⵥⵉ ⴷⴻⴳ ⵡⴻⵏⵏⴻⴹ ⵏⵙⴻⵏ. ⵜⵓⵥⵥⵓⴳⴳⴰⵔⵜ ⵏⵏⴻⵙ ⵜⵓⵖⴰ ⴷⵉ ⵅⴻⵎⵙⵉⵏ ⵏ ⵉⵖⴰⴵⴻⵏ ⵓⵛⴰ ⵜⵉⵔⵓ ⵏⵏⴻⵙ ⴷⵉ ⵅⴻⵎⵙⴰ ⵓ-ⵄⵉⵛⵔⵉⵏ ⵏ ⵉⵖⴰⴵⴻⵏ. 37 ⵍⴻⴹⵔⵓⴼ ⵏⵏⴻⵙ ⵏ ⵍⵃⵉⴹ ⵜⵓⵖⴰ ⴰⵜⴻⵏ ⵖⴰⵔ ⵍⴻⵎⵔⴰⵃ ⵏ ⴱⴰⵔⵔⴰ. ⵜⵓⵖⴰ ⴷⵉⵏ ⵜⵉⵛⴻⵊⵊⵓⵔⴰ ⵏ ⵜⵉⵏⵉ ⵖⴰⵔ ⵓⵖⴻⵥⴷⵉⵙ-ⴰ ⵓ ⵖⴰⵔ ⵓⵖⴻⵥⴷⵉⵙ ⵏⵏⴻⵖⵏⵉ ⵅ ⵍⴻⴹⵔⵓⴼ ⵏⵏⴻⵙ. ⴷⴷⵔⵓⵊ ⵏⵏⴻⵙ ⴷⴰⵢⴻⵙ ⵜⵎⴻⵏⵢⴰ ⵏ ⵜⵔⴻⴼⴼⵉⴷⵉⵏ.

38 ⵜⵓⵖⴰ ⴷⵉⵏ ⵉⵊⵊ ⵏ ⵡⴻⵅⵅⴰⵎ ⵙ ⵉⵛⵜ ⵏ ⵜⴻⵡⵡⴰⵔⵜ ⵖⴰⵔ ⵍⴻⴹⵔⵓⴼ ⵏ ⵍⵃⵉⴹ ⵏ ⵍⴻⴱⵏⵉⵢⵢⴰⵜ ⵏ ⵜⴻⵡⵡⴰⵔⵜ, ⴰⴷ ⴷⵉⵏ ⵙⵙⵉⵔⴷⴻⵏ ⵜⴰⵖⴰⵔⵚⵜ ⵏ ⵡⴻⵛⵎⴰⴹ. 39 ⴷⵉ ⴷⴰⵅⴻⵍ ⵏ ⵡⴻⵙⵇⵉⴼ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⵜⵓⵖⴰ ⴷⵉⵏ ⵜⵏⴰⵢⴻⵏ ⵏ ⵟⵟⴰⴱⵍⴰⵜ ⵖⴰⵔ ⵓⵖⴻⵥⴷⵉⵙ-ⴰ ⵓ ⵜⵏⴰⵢⴻⵏ ⵏ ⵟⵟⴰⴱⵍⴰⵜ ⵖⴰⵔ ⵓⵖⴻⵥⴷⵉⵙ ⵏⵏⴻⵖⵏⵉ ⵃⵉⵎⴰ ⴰⴷ ⵅⴰⵙⴻⵏⵜ ⵖⴰⵔⵚⴻⵏ ⵜⴰⵖⴰⵔⵚⵜ ⵏ ⵡⴻⵛⵎⴰⴹ ⴷ ⵜⵖⴰⵔⵚⵜ ⵏ ⴷⴷⴻⵏⴱ ⴷ ⵜⵖⴰⵔⵚⵜ ⵏ ⵓⵎⴰⵔⵡⴰⵙ. 40 ⴱⴰⵔⵔⴰ ⵖⴰⵔ ⵉⵊⵊ ⵏ ⵓⵖⴻⵥⴷⵉⵙ ⵏ ⵥⵥⴰⵜ ⵖⴰⵔ ⵎⴰⵏⵉ ⴳⴻⵄⵄⴷⴻⵏ ⵖⴰⵔ ⵡⴰⴷⴰⴼ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⵏ ⵛⵛⴰⵎⴰⵍ ⵜⵓⵖⴰ ⴷⵉⵏ ⵜⵏⴰⵢⴻⵏ ⵏ ⵟⵟⴰⴱⵍⴰⵜ, ⵓ ⵖⴰⵔ ⵓⵖⴻⵥⴷⵉⵙ ⵏ ⵥⵥⴰⵜ ⵏⵏⴻⵖⵏⵉ ⵖⴰⵔ ⵡⴻⵙⵇⵉⴼ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⵜⵓⵖⴰ ⴷⵉⵏ ⵄⴰⵡⴻⴷ ⵜⵏⴰⵢⴻⵏ ⵏ ⵟⵟⴰⴱⵍⴰⵜ. 41 ⴰⵎⵎⵓ ⵜⵓⵖⴰ ⴷⵉⵏ ⴰⵔⴻⴱⵄⴰ ⵏ ⵟⵟⴰⴱⵍⴰⵜ ⵖⴰⵔ ⵉⵊⵊ ⵏ ⵓⵖⴻⵥⴷⵉⵙ ⵓ ⴰⵔⴻⴱⵄⴰ ⵏ ⵟⵟⴰⴱⵍⴰⵜ ⵖⴰⵔ ⵓⵖⴻⵥⴷⵉⵙ ⵏⵏⴻⵖⵏⵉ ⵖⴰⵔ ⵉⵖⴻⵥⴷⵉⵙⴻⵏ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ, ⴰⵇⴰ ⴷⵉⵏ ⵜⵎⴻⵏⵢⴰ ⵏ ⵟⵟⴰⴱⵍⴰⵜ ⵉ ⵎⵉⵏ ⵅⴻⴼ ⵥⴻⵎⵎⴰⵔⴻⵏ ⴰⴷ ⵖⴰⵔⵚⴻⵏ. 42 ⵜⵓⵖⴰ ⴷⵉⵏ ⴰⵔⴻⴱⵄⴰ ⵏ ⵟⵟⴰⴱⵍⴰⵜ ⵥⵉ ⵜⵚⵓⴹⴰⵔ ⵉⵜⵜⵡⴰⵏⴻⵇⵛⴻⵏ ⵖⴰⵔ ⴷⴷⵔⵓⵊ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ. ⵜⵓⵥⵥⵓⴳⴳⴰⵔⵜ ⵏ ⵟⵟⴰⴱⵍⴰ ⵜⵓⵖⴰ-ⵜⵜ ⴷ ⵉⵊⵊ ⵏ ⵓⵖⵉⵍ ⴷ ⵡⴻⵥⵢⴻⵏ ⵓ ⵜⵉⵔⵓ ⵏⵏⴻⵙ ⴷ ⵉⵊⵊ ⵏ ⵓⵖⵉⵍ ⴷ ⵡⴻⵥⵢⴻⵏ ⵓ ⵍⵓⵄⵍⴰ ⵏⵏⴻⵙ ⴷ ⵉⵊⵊ ⵏ ⵓⵖⵉⵍ. ⵎⵎⴰⵔⵙⴻⵏ ⵅⴰⵙ ⵍⴻⵇⵛⵓⵄ ⵉ ⵥⵉ ⵖⴰⵔⵔⵚⴻⵏ ⵜⴰⵖⴰⵔⵚⵜ ⵏ ⵡⴻⵛⵎⴰⴹ ⴷ ⵜⴻⵡⵀⵉⴱⵜ ⵏ ⵜⵖⴰⵔⵚⵜ. 43 ⵜⵉⵙⴻⵏⵏⴰⵔⵉⵏ ⵙ ⴷⵓⴱⴻⵍ ⵏ ⵉⵊⵊ ⵏ ⵍⴻⵄⴱⴰⵔ ⵏ ⵓⴼⵓⵙ ⵜⵜⵡⴰⵎⴻⵜⵏⴻⵏⵜ ⴷⴻⴳ ⵡⴻⵏⵏⴻⴹ ⵏ ⵜⴰⴷⴷⴰⵔⵜ ⵏ ⵜⴻⵡⵡⴰⵔⵜ, ⵓ ⴰⵢⵙⵓⵎ ⵉ ⵜⴻⵡⵀⵉⴱⵜ ⵏ ⵜⵖⴰⵔⵚⵜ ⵜⵓⵖⴰ ⵜⴻⵎⵎⴰⵔⵙ ⵅ ⵟⵟⴰⴱⵍⴰⵜ.

44 ⵖⴰⵔ ⴱⴰⵔⵔⴰ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⵏ ⴷⴰⵅⴻⵍ ⵜⵓⵖⴰ ⴷⵉⵏ ⵜⵉⵅⵅⴰⵎⵉⵏ ⵏ ⵉⵎⴻⵖⵏⴰⵊⴻⵏ ⴷⵉ ⵍⴻⵎⵔⴰⵃ ⵏ ⴷⴰⵅⴻⵍ ⵏⵏⵉ ⵉⴵⴰⵏ ⵖⴰⵔ ⵓⵖⴻⵥⴷⵉⵙ ⵏ ⵥⵥⴰⵜ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⵏ ⵛⵛⴰⵎⴰⵍ. ⵓⴷⴻⵎ ⵏⵏⴻⵙ ⵖⴰⵔ ⵥⵥⴰⵜ ⵜⵓⵖⴰ ⵉⵅⴻⵥⵥⴰⵔ ⵖⴰⵔ ⵍⵊⴰⵏⵓⴱ. ⵖⴰⵔ ⵓⵖⴻⵥⴷⵉⵙ ⵏ ⵍⴻⴱⵏⵉ ⵏ ⵜⴻⵡⵡⴰⵔⵜ ⵏ ⵛⵛⴰⵔⵇ ⵜⵓⵖⴰ ⴷⵉⵏ ⵉⵛⵜ ⵏ ⵜⴻⵅⵅⴰⵎⵜ ⵏⵏⵉ ⵉⵅⴻⵥⵥⴰⵔⴻⵏ ⵖⴰⵔ ⵛⵛⴰⵎⴰⵍ. 45 ⵏⴻⵜⵜⴰ ⵉⵙⵙⵉⵡⴻⵍ ⴰⴽⵉⴷⵉ “ⵜⴰⵅⵅⴰⵎⵜ-ⴰ ⵏⵏⵉ ⵥⵉ ⵉⵅⴻⵥⵥⴰⵔ ⵡⵓⴷⴻⵎ ⵏⵏⴻⵙ ⵖⴰⵔ ⵍⵊⴰⵏⵓⴱ, ⴰⵇⴰ-ⵜⵜ ⵉ ⵉⴽⴻⵀⵀⴰⵏⴻⵏ ⵏⵏⵉ ⵉⵃⴻⵟⵟⴰⵏ ⵅ ⵜⵙⴻⵅⵅⴰⵔⵜ ⵏ ⵜⴰⴷⴷⴰⵔⵜ. 46 ⵜⴰⵅⵅⴰⵎⵜ ⵏⵏⵉ ⵜⵅⴻⵥⵥⴰⵔ ⵡⵓⴷⴻⵎ ⵏⵏⴻⵙ ⵖⴰⵔ ⵛⵛⴰⵎⴰⵍ, ⴰⵇⴰ-ⵜⵜ ⵉ ⵉⴽⴻⵀⵀⴰⵏⴻⵏ ⵏⵏⵉ ⵉⵃⴻⵟⵟⴰⵏ ⵅ ⵜⵙⴻⵅⵅⴰⵔⵜ ⵏ ⵓⵄⴰⵍⵟⴰⵔ, ⵏⵉⵜⵏⵉ ⴷ ⴰⵢⵜ ⵏ ⵚⴰⴷⵓⵇ ⵏⵏⵉ ⵉ ⵖⴰ ⴷⴷ-ⵉⵇⴰⵔⵔⴱⴻⵏ ⵖⴰⵔ ⵙⵉⴷⵉ ⵥⴻⴳ ⴰⵢⵜ ⵏ ⵍⴰⵡⵉ ⵎⴰⵃⴻⵏⴷ ⴰⴷ ⴰⵙ ⵙⴻⵅⵅⴰⵔⴻⵏ.” 47 ⵉⵄⴱⴰⵔ ⵍⴻⵎⵔⴰⵃ: ⵜⵓⵥⵥⴻⴳⴳⴰⵔⵜ ⵏⵏⴻⵙ ⵎⵢⴰ ⵏ ⵉⵖⴰⴵⴻⵏ ⵓ ⵜⵉⵔⵓ ⵏⵏⴻⵙ ⵎⵢⴰ ⵏ ⵉⵖⴰⴵⴻⵏ, ⵉⵊⵊ ⵏ ⵓⴽⵡⴰⴷⵔⵓⵏ. ⴰⵄⴰⵍⵜⴰⵔ ⵜⵓⵖⴰ-ⵜ ⵥⵥⴰⵜ ⵏ ⵜⴰⴷⴷⴰⵔⵜ.

48 ⵅⴻⵏⵏⵉ ⵢⵉⵡⵉ ⴰⵢⵉ ⵖⴰⵔ ⵡⴻⵙⵇⵉⴼ ⵏ ⵜⴰⴷⴷⴰⵔⵜ ⵓⵛⴰ ⵉⵄⴱⴰⵔ ⵍⴻⴹⵔⵓⴼ ⵏ ⵍⵃⵉⴹ ⵏ ⵡⴻⵙⵇⵉⴼ, ⵅⴻⵎⵙⴰ ⵏ ⵉⵖⴰⴵⴻⵏ ⵖⴰⵔ ⵉⵊⵊ ⵏ ⵓⵖⴻⵥⴷⵉⵙ ⵓ ⵅⴻⵎⵙⴰ ⵏ ⵉⵖⴰⴵⴻⵏ ⵖⴰⵔ ⵓⵖⴻⵥⴷⵉⵙ ⵏⵏⴻⵖⵏⵉ, ⵓⵍⴰ ⴷ ⵜⵉⵔⵓ ⵏ ⵜⴻⵡⵡⴰⵔⵜ, ⵜⵍⴰⵜⴰ ⵏ ⵉⵖⴰⴵⴻⵏ ⵖⴰⵔ ⵉⵊⵊ ⵏ ⵓⵖⴻⵥⴷⵉⵙ ⵓ ⵜⵍⴰⵜⴰ ⵏ ⵉⵖⴰⴵⴻⵏ ⵖⴰⵔ ⵓⵖⴻⵥⴷⵉⵙ ⵏⵏⴻⵖⵏⵉ. 49 ⵜⵓⵥⵥⵓⴳⴳⴰⵔⵜ ⵏ ⵡⴻⵙⵇⵉⴼ ⵜⵓⵖⴰ-ⵜⵜ ⵄⵉⵛⵔⵉⵏ ⵏ ⵉⵖⴰⴵⴻⵏ ⵓ ⵜⵉⵔⵓ ⵏⵏⴻⵙ ⵃⵉⵟⴰⵛ ⵏ ⵉⵖⴰⴵⴻⵏ, ⴷ ⵎⴰⵏ ⴰⵢⴰ ⵖⴰⵔ ⵓⵖⴻⵥⴷⵉⵙ ⵏ ⵜⵔⴻⴼⴼⵉⴷⵉⵏ ⵏ ⴷⴷⵔⵓⵊ ⵉ ⵥⵉ ⵥⴻⵎⵎⴰⵔⴻⵏ ⴰⴷ ⴳⴻⵄⵄⴷⴻⵏ. ⵜⵓⵖⴰ ⴷⵉⵏ ⵄⴰⵡⴻⴷ ⵉⴱⵉⵍⴰⵔⴻⵏ ⵖⴰⵔ ⵍⴻⴹⵔⵓⴼ ⵏ ⵍⵃⵉⴹ, ⵉⵊⵊ ⵖⴰⵔ ⵓⵖⴻⵥⴷⵉⵙ-ⴰ ⵓ ⵉⵊⵊ ⵖⴰⵔ ⵓⵖⴻⵥⴷⵉⵙ ⵏⵏⴻⵖⵏⵉ.