1 ⵢⵓⵙⴰ-ⴷⴷ ⵖⴰⵔⵉ ⵡⴰⵡⴰⵍ ⵏ ⵙⵉⴷⵉ, ⵉⵏⵏⴰ:

2 “ⵛⴻⴽ, ⴰ ⵎⵎⵉⵙ ⵏ ⴱⵏⴰⴷⴻⵎ, ⵙⴳⴻⵄⵄⴻⴷ ⵉⵊⵊ ⵏ ⵡⴻⵥⵔⵉ ⵏ ⵡⴻⵛⴹⴰⵏ, ⵅ ⵚⵓⵔ. 3 ⵉⵏⵉ ⵉ ⵚⵓⵔ, ⵜⴰⵏⴷⵉⵏⵜ ⵉ ⴷⵉⵏ ⵉⵥⴻⴷⴷⵖⴻⵏ ⵖⴰⵔ ⵜⴻⵡⵡⵓⵔⴰ ⵏ ⵍⴻⴱⵃⴰⵔ, ⵜⴰⵏⴷⵉⵏⵜ ⵏⵏⵉ ⵉⵜⵜⵙⴻⴱⴱⴰⴱⴻⵏ ⴰⴽ-ⴷ ⵍⴻⴳⵏⵓⵙ ⵏⵏⵉ ⵉⵥⴻⴷⴷⵖⴻⵏ ⴷⵉ ⵜⴻⵎⵎⵓⵔⴰ ⴰⵟⵟⴰⵙ ⵖⴰⵔ ⵜⵎⴰ ⵏ ⵍⴻⴱⵃⴰⵔ: ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ:

ⴰ ⵚⵓⵔ, ⵛⴻⵎ ⵜⴻⵇⵇⴰⵔⴻⴷ: ‘ⵏⴻⵛⵛ ⴰⵇⴰ ⴰⵢⵉ ⵏⵉⵛⴰⵏ ⴷⴻⴳ ⵡⴰⵥⵔⵉ!’^■  

4 ⵉⵢⵎⵉⵔⴻⵏ ⵏⵏⴻⵎ ⴰⵇⴰ ⴰⵜⴻⵏ ⴷⴻⴳ ⵡⵓⵍ ⵏ ⵍⴻⴱⵃⵓⵔ,

ⵉⵏⵏⵉ ⵛⴻⵎ ⵉⴱⵏⴰⵏ ⴰⵇⴰ ⴳⴳⵉⵏ ⴰⵥⵔⵉ ⵏⵏⴻⵎ ⵏⵉⵛⴰⵏ.

5 ⵎⴰⵔⵔⴰ ⵜⵉⵍⵡⵉⵃⵉⵏ ⵏ ⵜⴼⴻⵍⵡⵉⵏ ⵏ ⵜⵖⴰⵔⵔⵓⴱⴰ ⵏⵏⴻⵎ ⴳⴳⵉⵏ ⵜⴻⵏⵜ ⵉ ⵛⴻⵎ

ⴷⵉ ⵜⵏⴰⵢⴻⵏ ⵥⵉ ⵜⵛⴻⵊⵊⵓⵔⴰ ⵏ ⵓⵎⴻⵔⵥⵉ,

ⵉⵡⵢⴻⵏ ⵜⵉⵛⴻⵊⵊⵓⵔⴰ ⵏ ⵜⴻⵏⴳⴻⵍⵜ ⵥⵉ ⵍⵓⴱⵏⴰⵏ,

ⵎⴰⵃⴻⵏⴷ ⴰⴷ ⴰⵎ ⴳⴳⴻⵏ ⵜⵉⵃⴻⵏⵢⴰ ⵉ ⵍⴱⴰⵛⵛⴰⵜ. ^□  

6 ⵣⵉ ⵜⵛⴻⵊⵊⵓⵔⴰ ⵏ ⵍⴱⴻⴵⵓⴹ ⵏ ⴱⴰⵛⴰⵏ ⴳⴳⵉⵏ ⵍⴻⵎⵇⴰⴷⴻⴼ ⵏⵏⴻⵎ,

ⵍⴱⴰⵏⴽⵓⵡⴰⵜ ⵏⵏⴻⵎ ⵉ ⵉⵇⴻⴷⴷⴰⴼⴻⵏ ⴰⵇⴰ ⴰⵜⴻⵏⵜ ⵥⵉ ⵍⵄⴰⵊ

ⵉⵜⵜⵡⴰⴳⴳ ⴷⴻⴳ ⵓⴽⴻⵛⵛⵓⴷ ⵏ ⵜⴻⵏⴳⴻⵍⵜ,

ⵉⵡⵢⴻⵏ ⵜ ⵥⵉ ⵜⴻⵎⵎⵓⵔⴰ ⵅ ⵜⵎⴰ ⵏ ⵍⴻⴱⵃⴰⵔ ⵏ ⴰⵢⵜ ⵏ ⴽⵉⵜⵜⵉⵎ. ^□  ■  

7 ⵍⴱⴰⵛⵛ ⵏⵏⴻⵎ ⵜⵓⵖⴰ-ⵜ ⵙ ⵍⴻⵇⵟⴻⵏ ⴰⵥⴷⴰⴷ ⵥⵉ ⵎⵉⵚⵔⴰ,

ⵅⴻⵢⵢⴹⴻⵏ ⵜ ⵙ ⵡⴰⵟⵟⴰⵙ ⵏ ⵜⵉⵏⵜⴰⵜ.

ⵍⴱⴰⵛⵛ ⵜⵓⵖⴰ ⵉ ⵛⴻⵎ ⴷ ⵜⴰⵄⴻⴵⴰⵏⵜ.

ⵜⴰⵙⵇⵉⴼⵜ ⵏ ⵓⵇⵉⴹⵓⵏ ⵏⵏⴻⵎ ⵜⵓⵖⴰ-ⵜⵜ ⵥⴻⴳ ⵓⴷⴻⵀⵎⴰⵏⵉ ⴷ ⴰⵔⵊⵓⵡⴰⵏⵉ,

ⵥⵉ ⵜⴻⵎⵎⵓⵔⴰ ⵅ ⵜⵎⴰ ⵏ ⵍⴻⴱⵃⴰⵔ ⵏ ⵉⵍⵉⵛⴰ.

8 ⵉⵎⴻⵥⴷⴰⵖ ⵏ ⵚⵉⴷⵓⵏ ⵓ ⵏ ⴰⵔⵡⴰⴷ ⵜⵓⵖⴰ ⴰⵜⴻⵏ ⴷ ⵉⵇⴻⴷⴷⴰⴼⴻⵏ ⵏⵏⴻⵎ,

ⵉⵎⵉⵖⵉⵙⴻⵏ ⵏⵏⴻⵎ, ⴰ ⵚⵓⵔ, ⵏⵏⵉ ⴷⴰⵢⴻⵎ ⵉⴵⴰⵏ,

ⵜⵓⵖⴰ ⴰⵜⴻⵏ ⴷ ⵉⵏⴻⴷⴷⴰⵀⴻⵏ ⵏⵏⴻⵎ.

9 ⵉⵡⴻⵙⵙⵓⵔⴰ ⵏ ⵊⵓⴱⴰⵢⵍ ⴷ ⵉⵎⵉⵖⵉⵙⴻⵏ ⵏⵏⴻⵙ ⵜⵓⵖⴰ ⴰⵜⴻⵏ ⴷⴰⵢⴻⵎ,

ⵜⵓⵖⴰ ⵄⴻⴷⴷⵍⴻⵏ ⵎⴰⵔⵔⴰ ⵜⵉⵥⵥⴰ ⵏⵏⴻⵎ.

ⵎⴰⵔⵔⴰ ⵜⵉⵖⴰⵔⵔⵓⴱⴰ ⵏ ⵍⴻⴱⵃⴰⵔ ⴷ ⵉⴱⴻⵃⵔⵉⵢⵢⴻⵏ ⵏⵙⴻⵏ ⵓⵙⵉⵏ-ⴷⴷ ⵖⴰⵔⴻⵎ ⵃⵉⵎⴰ ⴰⴷ ⴽⵉⴷⴻⵎ ⵙⴻⴱⴱⴻⴱⴻⵏ.

10 ⴰⵢⵜ ⵏ ⵍⴼⵓⵔⵚ, ⵏ ⵍⵓⴷ ⵓ ⵏ ⴼⵓⵟ ⵜⵓⵖⴰ ⴰⵜⴻⵏ ⴷⵉ ⵍⵄⴻⵙⴽⴰⵔ ⵏⵏⴻⵎ, ⵉⵔⵢⴰⵥⴻⵏ ⵉⵄⴻⵙⴽⴰⵔⵉⵢⵢⴻⵏ. ⵓⵢⵍⴻⵏ ⴷⴰⵢⴻⵎ ⵜⴰⵙⴻⴷⴷⴰⵔⵜ ⵏⵙⴻⵏ ⴷ ⵍⴽⴰⵙⴽ ⵏⵙⴻⵏ ⵓⵛⴰ ⵡⵛⵉⵏ ⴰⵎ ⵍⵄⴻⵥⵥ.

11 ⴰⵢⵜ ⵏ ⴰⵔⵡⴰⴷ ⴷ ⵍⵄⴻⵙⴽⴰⵔ ⵏⵏⴻⵎ ⵜⵓⵖⴰ ⴰⵜⴻⵏ ⵅ ⵍⴻⵃⵢⵓⴹ ⵏⵏⴻⵎ, ⵓⵛⴰ ⵉⴳⴰⵎⵎⴰⴷⵉⵢⵢⴻⵏ, ⴰⵢⵜ ⵏ ⴱⵓ-ⵜⴻⵔⵢⴰⵙⵜ ⵏⵏⴻⵎ, ⴱⴻⴷⴷⴻⵏ ⵅ ⵙⵙⵓⵎⵄⴰⵜ ⵏⵏⴻⵎ. ⵜⵉⵙⴻⴷⴷⴰⵔⵉⵢⵢⴻⵏ ⵏⵙⴻⵏ ⵉⵇⴻⵙⵃⴻⵏ ⵏ ⵓⵙⴻⵍⵇⵉ ⵜⵓⵖⴰ ⵓⵢⵍⴻⵏⵜ ⴷⴻⴳ ⵡⴻⵏⵏⴻⴹ ⵅ ⵍⴻⵃⵢⵓⴹ ⵓⵛⴰ ⴰⵔⵏⵉⵏⵜ ⴷⴻⴳ ⵡⴰⵥⵔⵉ ⵏⵏⴻⵎ ⴰⵟⵟⴰⵙ.

12 ⵜⴰⵔⵛⵉⵙ ⵜⵓⵖⴰ ⵉⵜⵜⵙⴻⴱⴱⴰⴱ ⴰⴽⵉⴷⴻⵎ ⵉ ⵙⵙⵉⴱⴱⴻⵜ ⵏ ⵓⴼⴻⵢⵢⴻⴹ ⵏ ⵄⵍⴰⵎ ⴽⵓⵍ ⵉⴳⴻⵍⵡⴰⵏ. ⵏⵉⵜⵏⵉ ⵡⵛⵉⵏ ⴰⵎ ⵏⵏⵓⵇⴰⵔⵜ, ⵓⵥⵥⴰⵍ, ⴰⵙⵜⴰⵏⵢⵓ ⴷ ⵍⴻⵅⴼⵉⴼ ⴷⵉ ⵟⵟⵡⴻⵄ ⵏ ⵙⵙⴻⵍⵄⴻⵜ ⵏⵏⵉ ⴷ ⴰⵙⴻⵏ ⵜⴻⵥⵥⴻⵏⵥⴻⴷ.

13 ⵢⴰⵡⴰⵏ ⴷ ⵜⵓⴱⴰⵍ ⴷ ⵎⴰⵛⵉⵅ ⵜⵓⵖⴰ ⴰⵜⴻⵏ ⴷ ⵉⵙⴻⴱⴱⴰⴱⴻⵏ ⵏⵏⴻⵎ. ⵏⵉⵜⵏⵉ ⵡⵛⵉⵏ ⴰⵎ ⵍⴻⵄⵎⵓⵔ ⵏ ⵉⵡⴷⴰⵏ ⴷ ⵍⴻⵇⵛⵓⵄ ⵏ ⵏⵏⵃⴰⵙ ⴷⵉ ⵟⵟⵡⴻⵄ ⵏ ⵙⵙⴻⵍⵄⴻⵜ ⵏⵏⴻⵎ.

14 ⵣⵉ ⵜⴰⴷⴷⴰⵔⵜ ⵏ ⵉⵊⴻⴵⵉⴷⴻⵏ ⵏ ⵜⵓⵊⴰⵔⵎⴰ ⵡⵛⵉⵏ ⴰⵎ ⵉⵢⵙⴰⵏ ⴷ ⵉⵎⵏⴰⵢⴻⵏ ⴷ ⵉⵙⴻⵔⴷⴰⵏ ⴷⵉ ⵟⵟⵡⴻⵄ ⵏ ⵙⵙⴻⵍⵄⴻⵜ ⵏⵏⵉ ⴷ ⴰⵙⴻⵏ ⵜⴻⵥⵥⴻⵏⵥⴻⴷ.

15 ⴰⵔⵔⴰⵡ ⵏ ⴷⴰⴷⴰⵏ ⵜⵓⵖⴰ ⴰⵜⴻⵏ ⴷ ⵉⵙⴻⴱⴱⴰⴱⴻⵏ ⴷⵉ ⵟⵟⵡⴻⵄ ⵏⵏⴻⵎ. ⴰⵟⵟⴰⵙ ⵏ ⵜⴻⵎⵎⵓⵔⴰ ⵅ ⵜⵎⴰ ⵏ ⵍⴻⴱⵃⴰⵔ ⵜⵓⵖⴰ ⵅⵙⴻⵏⵜ ⴰⴷ ⵟⵟⴼⴻⵏⵜ ⵙⵙⴻⵍⵄⴻⵜ ⵥⴻⴳ ⵓⴼⵓⵙ ⵏⵏⴻⵎ. ⵜⵉⵖⵎⴰⵙ ⵜⵉⵎⴻⵇⵇⵔⴰⵏⵉⵏ ⵏ ⵍⴼⵉⵍ ⴷ ⵓⴽⴻⵛⵛⵓⴹ ⵏ ⵡⴻⴱⵏⵓⵙ ⴰⵔⵔⵉⵏⵜ ⴰⵎ ⵜⴻⵏⵜ-ⵉ-ⴷⴷ. ^□  

16 ⴰⵔⴰⵎ ⵜⵓⵖⴰ ⵉⵜⵜⵙⴻⴱⴱⴰⴱ ⴰⴽⵉⴷⴻⵎ ⵅ ⵡⴰⵟⵟⴰⵙ ⵏ ⵍⴻⵇⵛⵓⵄ ⵉ ⵜⵚⴻⵏⵏⵄⴻⴷ. ⵏⵉⵜⵏⵉ ⵡⵛⵉⵏ ⴰⵎ ⴽⴰⵔⴱⵓⵏⴽⴻⵍ ⴷ ⴰⵊⵓⵔⵡⴰⵏⵉ ⴷ ⵍⴱⵓⵔⴹⴰ ⵙ ⵜⵉⵏⵜⴰⵜ ⵉⴼⴰⵔⵥⴻⵏ ⴷ ⵍⴻⵇⵟⴻⵏ ⴰⵥⴷⴰⴷ ⴷ ⵍⵎⴰⵔⵊⴰⵏ ⴷ ⵍⴻⵄⵇⴰⵇ ⵉⵥⴻⴳⴳⵡⴰⵖⴻⵏ ⴷⵉ ⵟⵟⵡⴻⵄ ⵏ ⵙⵙⴻⵍⵄⴻⵜ ⵏⵏⵉ ⴷ ⴰⵙⴻⵏ ⵜⵇⴻⴷⴷⵎⴻⴷ.

17 ⵢⴰⵀⵓⴷⴰ ⴷ ⵜⴻⵎⵎⵓⵔⵜ ⵏ ⵉⵙⵔⴰⵉⵍ ⵜⵓⵖⴰ ⵜⵜⵙⴻⴱⴱⴰⴱⴻⵏ ⴰⴽⵉⴷⴻⵎ. ⵏⵉⵜⵏⵉ ⵡⵛⵉⵏ ⴰⵎ ⵉⵎⴻⵏⴷⵉ ⵥⵉ ⵎⵉⵏⵏⵉⵜ ⵓⵍⴰ ⴷ ⵃⴰⵍⴰⵡⵉⵜ, ⵜⴰⵎⵎⴻⵏⵜ, ⵥⵥⴻⵛⵜ ⴷ ⴱⴰⵍⵙⴰⵎ ⴷⵉ ⵟⵟⵡⴻⵄ ⵏ ⵙⵙⴻⵍⵄⴻⵜ ⵏⵏⴻⵎ.

18 ⴷⵉⵎⴰⵛⵇ ⵜⵓⵖⴰ ⵉⵜⵜⵙⴻⴱⴱⴰⴱ ⴰⴽⵉⴷⴻⵎ ⴷⴻⴳ ⵡⴰⵟⵟⴰⵙ ⵏ ⵍⴻⵇⵛⵓⵄ ⵉ ⵜⵚⴻⵏⵏⵄⴻⴷ, ⵅ ⵎⴰⵔⵔⴰ ⵉⴳⴻⵍⵡⴰⵏ ⵏⵏⴻⵎ, ⵙ ⴱⵉⵏⵓ ⵏ ⵅⵉⵍⴱⵓⵏ ⴷ ⵜⴹⵓⴼⵜ ⵜⴰⵛⴻⵎⵍⴰⵍⵜ.

19 ⴷⵉ ⵟⵟⵡⴻⵄ ⵏ ⵙⵙⴻⵍⵄⴻⵜ ⵏⵏⵉ ⴷ ⴰⵙⴻⵏ ⵜⴻⵥⵥⴻⵏⵥⴻⴷ, ⵡⵛⵉⵏ ⴰⵎ ⵡⴰⴷⴰⵏ ⴷ ⵢⴰⵡⴰⵏ ⵓⵥⵥⴰⵍ ⵏ ⵡⴻⵎⵥⵉⵍ ⴷ ⵇⴰⵙⵙⵉⵢⴰ ⴷ ⵓⵖⴰⵏⵉⵎ ⵓⵃⴻⵎⵎⵓⵎ ⵉⵜⵜⴼⵓⵃⴻⵏ ⵥⵉ ⵓⵥⴰⵍ.

20 ⴷⴰⴷⴰⵏ ⵜⵓⵖⴰ ⵉⵜⵜⵙⴻⴱⴱⴰⴱ ⴰⴽⵉⴷⴻⵎ ⵙ ⵡⴻⵔⵔⵓⴹ ⵏ ⵜⴱⴰⵔⴷⵉⵡⵉⵏ ⵉ ⵓⵏⴻⴷⴷⴰⵀ.

21 ⵉⵄⵔⴰⴱⴻⵏ ⴷⵉ ⵍⵡⴰⵟⴰⵜ ⴷ ⵎⴰⵔⵔⴰ ⵍⵃⵓⴽⴽⴰⵎ ⵏ ⵇⵉⴷⴰⵔ ⵜⵓⵖⴰ ⵜⵜⵙⴻⴱⴱⴰⴱⴻⵏ ⴰⴽⵉⴷⴻⵎ. ⴷⴻⴳ ⵉⵥⴻⵎⵔⴰⵡⴻⵏ ⴷ ⵉⵛⴰⵔⵔⵉⵢⵢⴻⵏ ⴷ ⵉⵖⴰⵢⴹⴻⵏ ⵜⵓⵖⴰ ⵜⵜⵙⴻⴱⴱⴰⴱⴻⵏ ⴰⴽⵉⴷⴻⵎ.

22 ⵉⵙⴻⴱⴱⴰⴱⴻⵏ ⵏ ⵛⴰⴱⴰ ⴷ ⵢⴻⵏⵏⵉ ⵏ ⵔⴰⵄⵎⴰ ⵜⵓⵖⴰ ⴰⵜⴻⵏ ⴷ ⵉⵙⴻⴱⴱⴰⴱⴻⵏ ⵏⵏⴻⵎ. ⵏⵉⵜⵏⵉ ⵡⵛⵉⵏ ⵍⴻⵎⵅⴻⵢⵢⴻⵔ ⵏ ⵍⴻⵄⵟⵓⵔ ⴷ ⵄⵍⴰⵎ ⴽⵓⵍ ⵉⵥⵔⴰ ⵉⵖⵍⴰⵏ ⴷ ⵡⵓⵔⴻⵖ ⴷⵉ ⵟⵟⵡⴻⵄ ⵏ ⵙⵙⴻⵍⵄⴰⵜ ⵏⵏⵉ ⴷ ⴰⵙⴻⵏ ⵜⵇⴻⴷⴷⵎⴻⴷ.

23 ⵃⴰⵔⴰⵏ ⴷ ⴽⵉⵏⵏⴰ ⴷ ⵄⴰⴷⴰⵏ, ⵉⵙⴻⴱⴱⴰⴱⴻⵏ ⵏ ⵛⴰⴱⴰ, ⴰⵛⵛⵓⵔ ⴷ ⴽⵉⵍⵎⴰⴷ, ⵜⵓⵖⴰ ⵜⵜⵙⴻⴱⴱⴰⴱⴻⵏ ⴰⴽⵉⴷⴻⵎ. 24 ⵏⵉⵜⵏⵉ ⵜⵓⵖⴰ ⵜⵜⵙⴻⴱⴱⴰⴱⴻⵏ ⴰⴽⵉⴷⴻⵎ ⴷⴻⴳ ⵍⴻⵄⴱⴰⵢⴰⵜ ⵉⵛⴻⵏⵄⴻⵏ ⴷ ⵉⵙⴻⵍⵀⴰⵎⴻⵏ ⵉⴷⴻⵃⵎⵉⵢⵢⴻⵏ ⴷ ⵍⴱⵓⵔⴹⴰⵜ ⵜⵉⵇⴰⵔⵇⴰⵛⵉⵏ ⵓ ⴷⵉ ⵍⴽⴻⵜⵜⴰⵏ ⵉⵖⵍⴰⵏ ⵙ ⵉⴼⵉⵍⴰⵏ ⵏ ⵜⵉⵏⵜⴰⵜ ⵉⴼⴰⵔⵥⴻⵏ, ⵉⵏⵏⵉ ⵉⴵⴰⵏ ⵊⴰⵔ ⵙⵙⴻⵍⵄⴻⵜ ⵏⵏⴻⵎ ⵙ ⵜⴻⵙⵖⵓⵏⵉⵏ ⵉⵊⴻⵀⴷⴻⵏ ⵉⵜⵜⵡⴰⵎⵓⴷⴻⵏ.

25 ⵉⵖⴰⵔⵔⵓⴱⴰ ⵏ ⵜⴰⵔⵛⵉⵛ ⵜⵓⵖⴰ ⴰⵜⴻⵏ ⴷ ⵉⴽⴰⵔⴰ$ⴰⵏⴻⵏ ⵏⵏⴻⵎ.

“ⵜⵓⵖⴰ ⵛⴻⵎ ⴷⵉⵏⵏⵉ, ⵜⴻⵛⵛⵓⵔⴻⴷ ⵓ ⵜⴷⴻⵇⵍⴻⴷ ⴰⵟⵟⴰⵙ,

ⴷⴻⴳ ⵡⵓⵍ ⵏ ⵍⴻⴱⵃⵓⵔ,

26 ⵉⵇⴻⴷⴷⴰⴼⴻⵏ ⵏⵏⴻⵎ ⵉⵡⵢⴻⵏ ⵛⴻⵎ ⵖⴰⵔ ⵡⴰⵎⴰⵏ ⵢⵓⵄⵍⴰⵏ,

ⴰⵙⴻⵎⵎⵉⴹ ⵥⵉ ⵛⵛⴰⵔⵇ ⵢⴰⵔⵥⴰ ⵛⴻⵎ ⴷⴻⴳ ⵡⵓⵍ ⵏ ⵍⴻⴱⵃⵓⵔ. ^■  

27 ⵉⴳⴻⵍⵡⴰⵏ ⵏⵏⴻⵎ ⴷ ⵙⵙⴻⵍⵄⴻⵜ ⵏⵏⵉ ⵜⴻⵥⵥⴻⵏⵥⴻⴷ ⴷ ⵜⵙⴻⴱⴱⴰⴱⵜ ⵏⵏⴻⵎ,

ⵉⴱⴻⵃⵔⵉⵢⵢⴻⵏ ⵏⵏⴻⵎ ⴷ ⵉⵏⴻⴷⴷⴰⵀⴻⵏ ⵏⵏⴻⵎ ⴷ ⵢⴻⵏⵏⵉ ⵉⵄⴻⴷⴷⵍⴻⵏ ⵜⵉⵔⴻⵥⵥⴰ ⵏⵏⴻⵎ,

ⴷ ⵉⵙⴻⴱⴱⴰⴱⴻⵏ ⵏⵏⵉ ⵉⵜⵜⵙⴻⴱⴱⴰⴱⴻⵏ ⴰⴽⵉⴷⴻⵎ,

ⴷ ⵎⴰⵔⵔⴰ ⵉⵄⴻⵙⴽⴰⵔⵉⵢⵢⴻⵏ, ⵉⵏⵏⵉ ⴰⴽⵉⴷⴻⵎ

ⵓ ⴰⴽ-ⴷ ⵎⴰⵔⵔⴰ ⴰⴳⵔⴰⵡ ⴷⵉ ⵍⵡⴻⵙⵜ ⵏⵏⴻⵎ,

ⴰⴷ ⵡⴹⴰⵏ ⵎⴰⵔⵔⴰ ⴷⴻⴳ ⵡⵓⵍ ⵏ ⵍⴻⴱⵃⵓⵔ,

ⴷⴻⴳ ⵡⴰⵙⵙ ⵏ ⵓⵡⴻⵟⵟⵓ ⵏⵏⴻⵎ. ^■  

28 ⵣⵉ ⵍⵃⴻⵙⵙ ⵏ ⵜⵖⵓⵢⵢⵉⵜ ⵏ ⵉⵏⴻⴷⴷⴰⵀⴻⵏ ⵏⵏⴻⵎ,

ⴰⴷ ⴰⵔⵊⵉⵊⴻⵏ ⴷⵛⵓⵔⴰⵜ ⵏⵏⴻⵎ. ^■  

29 ⴰⴷ ⵀⵡⴰⵏ ⵥⵉ ⵜⵖⴰⵔⵔⵓⴱⴰ,

ⵎⴰⵔⵔⴰ ⵉⵏⵏⵉ ⵉⵟⵟⴼⴻⵏ ⵜⵉⵎⴻⵇⴷⴰⴼⵉⵏ,

ⵎⴰⵔⵔⴰ ⵉⴱⴻⵃⵔⵉⵢⵢⴻⵏ ⴷ ⵎⴰⵔⵔⴰ ⵉⵏⴻⴷⴷⴰⵀⴻⵏ ⵏⵏⴻⵎ,

ⴰⴷ ⴱⴻⴷⴷⴻⵏ ⵅ ⵜⴻⵎⵎⵓⵔⵜ,

30 ⵓⵛⴰ ⴰⴷ ⵙⵙⴳⴻⵄⵄⴷⴻⵏ ⵜⵎⵉⵊⵊⴰ ⵏⵙⴻⵏ,

ⴰⴷ ⵙⵖⵓⵢⵢⴻⵏ ⵙ ⵉⵎⴻⵟⵟⴰⵡⴻⵏ ⵉⵎⴰⵔⵥⴰⴳⴻⵏ,

ⴰⴷ ⵏⴹⴰⵔⴻⵏ ⵓⵛⴰⵍ ⵅ ⵉⵥⴻⴵⵉⴼⴻⵏ ⵏⵙⴻⵏ,

ⴰⴷ ⵎⴰⵔⵖⴻⵏ ⴷⴻⴳ ⵉⵖⵖⴻⴹ,

31 ⵓⵛⴰ ⴰⴷ ⵃⴻⴼⴼⴻⵏ ⵉⵅⴻⴼ ⵏⵙⴻⵏ ⵥⵉ ⵙⵙⵉⴱⴱⴻⵜ ⵏⵏⴻⵎ

ⵓⵛⴰ ⴰⴷ ⴱⴻⵢⵙⴻⵏ ⵙ ⵜⵅⵓⵏⵛⴰⵢ ⵏ ⵡⴻⵛⴹⴰⵏ,

ⵓⵛⴰ ⴰⴷ ⵅⴰⵎ ⵔⵓⵏ,

ⵙ ⵍⴻⵄⵎⴰⵔ ⵉⵛⵛⵓⵔ ⵙ ⵜⴰⵔⵥⵓⴳⵉ ⵓ ⵙ ⵜⵖⵓⵢⵢⵉⵜ ⵜⴰⵎⴻⵔⵥⴰⴳⵜ. ^■  

32 ⴰⵎ ⵜⵜⵡⴻⵃⵡⵉⵃⴻⵏ ⴰⴷ ⵅⴰⵎ ⵙⵙⴳⴻⵄⵄⴷⴻⵏ ⵉⵊⵊ ⵏ ⵉⵥⵍⵉ ⵏ ⵡⴻⵛⴹⴰⵏ,

ⵓⵛⴰ ⴰⴷ ⵅⴰⵎ ⵡⵜⴻⵏ ⴰⴳⴻⵊⴷⵓⵔ,

ⴰⴷ ⵉⵏⵉⵏ: ‘ⵎⴰⵏ ⵡⴻⵏ ⵉⴵⴰⵏ ⴰⵎⴻⵛⵏⴰⵡ ⵚⵓⵔ,

ⴰⵎⴻⵛⵏⴰⵡ ⵜⴰⵏⴷⵉⵏⵜ ⵉⵜⵜⵡⴰⵀⴻⴷⵎⴻⵏ ⴷⵉ ⵍⵡⴻⵙⵜ ⵏ ⵍⴻⴱⵃⴰⵔ?

33 ⵍⴰⵎⵉ ⴷⴷ-ⵉⵡⵢⴻⵏ ⵙⵙⴻⵍⵄⴻⵜ ⵏⵏⴻⵎ ⵥⴻⴳ ⵓⵊⴻⵎⵎⴰⴹ ⵏ ⵍⴻⴱⵃⵓⵔ,

ⵜⵓⵖⴰ ⵜⴻⵙⵙⵊⵉⵡⵏⴻⴷ ⴰⵟⵟⴰⵙ ⵏ ⵍⴻⴳⵏⵓⵙ.

ⵙ ⵡⴰⵟⵟⴰⵙ ⵏ ⵉⴳⴻⵍⵡⴰⵏ ⵏⵏⴻⵎ ⴷ ⵜⵙⴻⴱⴱⴰⴱⵜ ⵏⵏⴻⵎ,

ⵜⴰⵔⵔⵉⴷ ⵉⵊⴻⴵⵉⴷⴻⵏ ⵏ ⵜⴻⵎⵎⵓⵔⵜ ⴷ ⵜⵜⵡⴰⵊⴰⵔ.

34 ⴷⵉ ⵜⵙⴰⵄⵄⴻⵜ ⵏⵏⵉ ⴷⵉ ⵜᵉⵜⵜⵡⴰⵔⵥⴻⴷ ⵙ ⵍⴻⴱⵃⵓⵔ, ⴷⵉ ⵍⵎⴻⵀⵎⵓⴷ ⵏ ⵡⴰⵎⴰⵏ,

ⵜⵓⵖⴰ ⵜⴻⵡⴹⴰ ⵜⵙⴻⴱⴱⴰⴱⵜ ⵏⵏⴻⵎ ⵎⴰⵔⵔⴰ ⵓ ⵎⴰⵔⵔⴰ ⴰⴳⵔⴰⵡ ⵉ ⵖⴰⵔⴻⵎ.

35 ⵎⴰⵔⵔⴰ ⵉⵎⴻⵥⴷⴰⵖ ⵏ ⵜⴻⵎⵎⵓⵔⴰ

ⵅ ⵜⵎⴰ ⵏ ⵍⴻⴱⵃⴰⵔ ⵜⵜⴱⴻⵀⵜⴻⵏ,

ⵓ ⵉⵊⴻⴵⵉⴷⴻⵏ ⵏⵙⴻⵏ ⵜⵜⴰⵔⵊⵉⴼⴻⵏ,

ⵜⵜⵏⴻⵅⵍⴰⵄⴻⵏ ⵓⴷⵎⴰⵡⴻⵏ ⵏⵙⴻⵏ.

36 ⵉⵙⴻⴱⴱⴰⴱⴻⵏ ⵊⴰⵔ ⵍⴻⴳⵏⵓⵙ ⴰⴷ ⵅⴰⵎ ⵚⴻⴼⴼⴰⵔⴻⵏ,

ⴰⵇⴰ ⵜⴷⴻⵡⵍⴻⴷ ⴷ ⵉⵊⵊ ⵏ ⵓⵎⴻⴷⵢⴰ ⵉ ⵡⴰⵔⵊⴻⴼ,

ⵓⵛⴰ ⵡⴰⵔ ⵜᵉⵜⵜⵉⵍⵉⴷ ⵄⴰⴷ ⵉ ⵍⴻⴱⴷⴰ.” ^■