1 ⵢⵓⵙⴰ-ⴷⴷ ⵖⴰⵔⵉ ⵡⴰⵡⴰⵍ ⵏ ⵙⵉⴷⵉ ⴷⴻⴳ ⵓⵙⴻⴳⴳⵯⴰⵙ ⵡⵉⵙⵙ ⵜⴻⵙⵄⴰ, ⴷⴻⴳ ⵓⵢⵓⵔ ⵡⵉⵙⵙ ⵄⴻⵛⵔⴰ, ⵅ ⵡⴰⵙⵙ ⵡⵉⵙⵙ ⵄⴻⵛⵔⴰ ⵏ ⵓⵢⵓⵔ, ⵉⵏⵏⴰ:

2 “ⴰ ⵎⵎⵉⵙ ⵏ ⴱⵏⴰⴷⴻⵎ, ⴰⵔⵉ ⵉ ⵢⵉⵅⴻⴼ ⵏⵏⴻⴽ ⵉⵙⴻⵎ ⵏ ⴰⵙⵙ-ⴰ, ⵉⵙⴻⵎ ⵏ ⴰⵙⵙ ⵏ ⵢⵉⴹⴰ. ⴷⴻⴳ ⵡⴰⵙⵙ-ⴰ ⵏⵏⵉⵜ ⴰⴷ ⵉⵃⵚⴰⵔ ⵓⵊⴻⴵⵉⴷ ⵏ ⴱⴰⴱⵉⵍ ⵓⵔⵛⴰⵍⵉⵎ. 3 ⵙⵉⵡⴻⵍ ⵉⵊⵊ ⵏ ⵓⵎⴻⴷⵢⴰ ⵉ ⵜⴰⴷⴷⴰⵔⵜ ⵉⵖⴻⵡⵡⵖⴻⵏ ⵏⵏⵉ, ⵓⵛⴰ ⵉⵏⵉ ⴰⵙⴻⵏ: ‘ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ:

ⴻⴳⴳ ⵉⵊⵊ ⵏ ⵜⴻⵢⴷⵓⵔⵜ, ⴻⴳⴳ ⵉ-ⵜⵜ ⵓⵛⴰ ⴽⴻⴱⴱ ⴷⴰⵢⴻⵙ ⴰⵎⴰⵏ. ^■   4 ⴻⴳⴳ ⴷⴰⵢⴻⵙ ⵜⵉⴼⴻⵜⵜⵓⵜⵉⵏ ⵏ ⵡⴻⵢⵙⵓⵎ, ⵎⴰⵔⵔⴰ ⵜⵉⴼⴻⵜⵜⵓⵜⵉⵏ ⵉⵛⵏⴰⵏ, ⵜⴰⵎⴻⵚⵚⴰⴹⵜ ⴷ ⵜⴻⵖⵔⵓⴹⵜ, ⵄⴻⵎⵎⴰⵔ ⵉ-ⵜⵜ ⵙ ⵢⴻⵅⵙⴰⵏ ⴷ ⵍⴻⵎⵍⵉⵃ ⵇⴰⵄ. 5 ⴽⵙⵉ ⵍⴻⵎⵍⵉⵃ ⵏ ⵡⵓⴵⵉ ⵓⵛⴰ ⴰⵔⵔ ⵓⵍⴰ ⴷ ⴰⴽⴻⵛⵛⵓⴹ ⵙⴰⴷⵓ ⵏⵙⴻⵏ. ⴻⵊⵊ ⴰⴷ ⵙⴻⵀⴷⴻⵏ ⵎⴰⵔⵔⴰ ⵎⵍⵉⵃ ⴰⵍⴰⵎⵉ ⵄⴰⴷ ⵉⵅⵙⴰⵏ ⵏⵏⴻⵙ ⴰⴷ ⴷⴰⵢⴻⵙ ⵜⵜⵡⴰⵏⴻⵏⵏⴰⵏ.’ ”

6 “ⵙ ⵓⵢⴰ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ:

‘ⵓⵛⵜ ⵅ ⵜⴰⵏⴷⵉⵏⵜ ⵏ ⵉⴷⴰⵎⵎⴻⵏ, ⵜⴰⵢⴷⵓⵔⵜ ⵜⴻⵏⵏⵉ ⵥⵉ ⵍⴻⵅⵎⴻⵊ ⵏⵏⴻⵙ ⵄⴰⴷ ⴷⴰⵢⴻⵙ, ⵜⴻⵏⵏⵉ ⵥⵉ ⵡⴰⵔ ⵢⴻⴽⴽⵉⵙ ⵍⴻⵅⵎⴻⵊ ⵏⵏⴻⵙ! ⴽⴽⴻⵙ ⵥⵥⴰⵢⴻⵙ ⵜⴰⴼⴻⵜⵜⵓⵜ ⴰⵡⴰⵔⵏⵉ ⵉ ⵜⴼⴻⵜⵜⵓⵜ ⵏⵏⴻⵖⵏⵉ ⴱⵍⴰ ⴰⴷ ⵅⴰⵙ ⵜⴻⴳⴳⵉⴷ ⵜⴰⵇⴻⴷⴷⵓⵃⵜ. ^■   7 ⵎⵉⵏⵥⵉ ⵉⴷⴰⵎⵎⴻⵏ ⵏⵏⴻⵙ ⴰⵇⴰ ⴷⵉ ⵍⵡⴻⵙⵜ ⵏⵏⴻⵙ, ⵜⴻⵙⵙⵉⵥⴻⵍ ⵉ-ⵜⴻⵏ ⵅ ⵉⵛⵜ ⵏ ⵜⴻⵚⴹⴰⵔⵜ ⵜⴰⵇⴻⵛⵛⴰⵔⵜ. ⵡⴰⵔ ⵜⴻⵏ ⵜⴻⵙⵙⵉⵥⵥⵉⵍ ⵅ ⵜⴻⵎⵎⵓⵔⵜ ⵎⴰⵃⴻⵏⴷ ⴰⴷ ⵜⴻⵏ ⵜⴻⴷⴷⵉⵍ ⵙ ⵓⵛⴰⵍ. 8 ⵃⵉⵎⴰ ⴰⴷ ⵉⵜⵜⵡⴰⵙⵙⴻⴽⴽⴰⵔ ⵡⴻⵙⵄⴰⵔ, ⵃⵉⵎⴰ ⴰⴷ ⵢⵉⵍⵉ ⵡⴻⵏⵇⴰⵎ, ⴳⴳⵉⵖ ⵉⴷⴰⵎⵎⴻⵏ ⵏⵏⴻⵙ ⵅ ⵜⴻⵚⴹⴰⵔⵜ ⵜⴰⵇⴻⵛⵛⴰⵔⵜ ⵃⵉⵎⴰ ⵡⴰⵔ ⵜⵜⵡⴰⵙⴷⵓⵍⵢⴻⵏ ⵉⴷⴰⵎⵎⴻⵏ ⵏⵏⴻⵙ.’ ”

9 “ⵙ ⵓⵢⴰ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ: ⵓⵛⵜ ⵅ ⵜⴻⵏⴷⵉⵏⵜ ⵏ ⵉⴷⴰⵎⵎⴻⵏ! ⵓⵍⴰ ⴷ ⵏⴻⵛⵛ ⴰⴷ ⴳⴳⴻⵖ ⴰⵇⴻⵍⵍⵉⵊ ⵏ ⵓⴽⴻⵛⵛⵓⴹ ⵉ ⵓⵛⴻⵄⵄⴰⵍ ⵏ ⵜⵎⴻⵙⵙⵉ ⵉⵎⵖⴰⵔ! ^■  

10 ⴰⵔⵏⵉ ⴰⴽⴻⵛⵛⵓⴹ, ⴻⵊⵊ ⵜⵉⵎⴻⵙⵙⵉ ⴰⴷ ⵜⴰⵔⴻⵖ ⴰⵟⵟⴰⵙ, ⵛⴻⵏⵏⴻⴼ ⴰⵢⵙⵓⵎ ⵎⵍⵉⵃ ⵓⵛⴰ ⴻⵊⵊ ⴽⵓⴼⴼⵓ ⵉⵙⵙⵜⴻⵅⵜⵉⵅⴻⵏ ⴰⴷ ⵉⵃⴰⵊ ⵓⵛⴰ ⴻⵊⵊ ⵉⵅⵙⴰⵏ ⴰⴷ ⵛⴻⵎⴹⴻⵏ.

11 ⴰⵔⵔ ⵅⴻⵏⵏⵉ ⵜⴰⵢⴷⵓⵔⵜ ⵉⵅⵡⴰⵏ ⵄⴰⵡⴻⴷ ⵅ ⵍⴻⴼⵃⴻⵎ ⵏⵏⴻⵙ ⵃⵉⵎⴰ ⴰⴷ ⵉⵙⴻⵀⴻⴷ ⵓ ⴰⴷ ⵉⵛⵎⴻⴹ ⴷⴷⵔⴰ ⵏⵏⴻⵙ ⵏ ⵏⵏⵃⴰⵙ ⵓⵛⴰ ⴰⴷ ⵜⴻⴼⵙⵉ ⵥⵥⴰⵢⴻⵙ ⵜⴻⵅⵎⵓⵊⵉ ⵉ ⴷⴰⵢⴻⵙ ⵉⴵⴰⵏ, ⵓ ⵅⴻⵏⵏⵉ ⴰⴷ ⵉⵜⵜⵡⴰⵇⴹⵉ ⵍⴻⵅⵎⴻⵊ.

12 ⵎⴰⵔⵔⴰ ⴰⵎⴰⵔⵔⴻⵜ ⴰⵇⴰ-ⵜ ⴷⵉ ⴱⴰⵟⴻⵍ. ⵍⴻⵅⵎⴻⵊ ⵏⵏⴻⵙ ⵉⴼⴻⵢⵢⴹⴻⵏ ⵡⴰⵔ ⴷⴷ-ⵉⴼⴼⵉⵖ ⵥⵥⴰⵢⴻⵙ. ⴰⵔⵔ ⵍⴻⵅⵎⴻⵊ ⵏⵏⵉ ⴷⵉ ⵜⵎⴻⵙⵙⵉ!

13 ⴷⵉ ⵜⴻⵅⵎⵓⵊⵉ ⵏⵏⴻⵎ ⵜⴻⴵⵉ ⵍⴻⴼⴹⵉⵃⴻⵜ ⵏⵏⴻⵎ ⵎⵉⵏⵥⵉ ⵏⴻⵛⵛ ⵜⵓⵖⴰ ⵅⵙⴻⵖ ⴰⴷ ⵛⴻⵎ ⵙⵙⵉⵥⴻⴷⴳⴻⵖ ⵓⵛⴰ ⵅⴻⵏⵏⵉ ⵡⴰⵔ ⵜᵉⵜⵜⵡⴰⵙⵉⵥⴷⵉⴳⴻⴷ. ⵙ ⵓⵢⴰ ⵡⴰⵔ ⵜᵉⵜⵜⵡⴰⵙⵉⵥⴷⵉⴳⴻⴷ ⴰⵍ ⵅⴰⵎ ⵉ ⵖⴰ ⵙⵙⵉⵡⴹⴻⵖ ⴰⵖⴹⴰⴱ ⵉⵏⵓ ⵉⵜⵜⴻⵃⴷⵓⴷⵓⵇⴻⵏ.

14 ⵏⴻⵛⵛ, ⵙⵉⴷⵉ, ⵙⵙⵉⵡⵍⴻⵖ. ⴰⴷ ⵉⴼⴼⴻⵖ ⵓ ⵏⴻⵛⵛ ⴰⴷ ⵜ ⴳⴳⴻⵖ. ⵡⴰⵔ ⵙⴻⵎⵃⴻⵖ ⴷⴻⴳ ⵉⵎⴻⵔⵡⵓⵙⴰ ⵓ ⵡⴰⵔ ⵥⵥⵉⴵⵥⴻⵖ ⵓ ⵡⴰⵔ ⵏⴷⵉⵎⴻⵖ. ⴰⴷ ⵅⴰⵎ ⵃⴻⴽⵎⴻⵏ ⵉⴱⵔⵉⴷⴻⵏ ⵏⵏⴻⵎ ⴷ ⵜⵎⴻⴳⴳⴰ ⵏⵏⴻⵎ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ.” ^■  

15 ⵢⵓⵙⴰ-ⴷⴷ ⵖⴰⵔⵉ ⵡⴰⵡⴰⵍ ⵏ ⵙⵉⴷⵉ, ⵉⵏⵏⴰ:

16 “ⴰ ⵎⵎⵉⵙ ⵏ ⴱⵏⴰⴷⴻⵎ, ⵅⵥⴰⵔ, ⵙ ⵉⵛⵜ ⵏ ⵜⴻⵛⵜⵉ ⵏⴻⵛⵛ ⴰⴷ ⴽⴻⵙⵙⴻⵖ ⵎⴻⵥⵔⵉ ⵏⵏⴻⴽ ⵥⵥⴰⵜ ⵉ ⵜⵉⵟⵟⴰⵡⵉⵏ ⵏⵏⴻⴽ. ⵛⴻⴽ ⵎⴰⵛⴰ ⵡⴰⵔ ⵜᵉⵜⵜⵔⵓⴷ ⵓ ⵡⴰⵔ ⵜⵜⴻⵊⵊⵉ ⴰⴷ ⵓⵥⵥⵍⴻⵏ ⵉⵎⴻⵟⵟⴰⵡⴻⵏ ⵏⵏⴻⴽ.

17 ⵙⵖⵓⵢⵢ ⴷⴻⴳ ⵓⵀⴻⴷⴷⴻⵏ, ⵡⴰⵔ ⵛⴻⵟⵟⴻⵏ ⵅ ⵓⵎⴻⵜⵜⵉⵏ. ⵇⵇⴻⵏ ⴰⵔⴻⵥⵥⴻⵜ ⵏⵏⴻⴽ ⵅⴰⴽ ⵓⵛⴰ ⴻⴳⴳ ⵜⵉⵙⵉⵍⴰ ⵏⵏⴻⴽ ⴷⴻⴳ ⵉⴹⴰⵔⴻⵏ ⵏⵏⴻⴽ, ⵓ ⵡⴰⵔ ⵜⵜⵍⴻⵃⵃⴰⴼ ⴰⵛⵍⴰⵖⴻⵎ ⵏⵏⴻⴽ ⴷ ⵜⵎⴰⵔⵜ ⵏⵏⴻⴽ ⵏⵉⵖ ⴰⴷ ⵜⴻⵛⵛⴻⴷ ⴰⵖⵔⵓⵎ ⵏⵏⵉ ⴷⴷ ⵖⴰ ⵢⴰⵡⵢⴻⵏ ⵉⵡⴷⴰⵏ ⵉ ⵡⴻⵛⴹⴰⵏ.”

18 ⵖⴰⵔ ⵜⵓⴼⴼⵓⵜ ⵙⵙⵉⵡⵍⴻⵖ ⵉ ⵍⴳⴻⵏⵙ ⵓ ⵖⴰⵔ ⵜⵎⴻⴷⴷⵉⵜ ⵜⴻⵎⵎⵓⵜ ⵜⵎⴻⵟⵟⵓⵜ ⵉⵏⵓ ⵓ ⴷⵉ ⵜⵡⴻⵛⵛⴰ ⴳⴳⵉⵖ ⴰⵎ ⵎⴰⵎⵎⴻⵛ ⵉ ⴷ ⴰⵢⵉ ⵉⵜⵜⵡⴰⵡⴻⵚⵚⴰ.

19 ⵉⵏⵏⴰ ⴰⵢⵉ ⵍⴳⴻⵏⵙ: “ⵎⴰ ⵡⴰⵔ ⵜⴻⵅⵙⴻⴷ ⴰⴷ ⴰⵏⴻⵖ ⵜⴻⵙⵙⴻⵛⵏⴻⴷ ⵎⵉⵏ ⵄⵏⴰⵏⵜ ⵜⵎⴻⵙⵍⴰⵢⵉⵏ-ⴰ, ⵎⴰⵢⴻⵎⵎⵉ ⵉ ⵜⴻⴳⴳⴻⴷ ⴰⵎⵎⵓ?” 20 ⵏⴻⵛⵛ ⵏⵏⵉⵖ ⴰⵙⴻⵏ: “ⵢⵓⵙⴰ-ⴷⴷ ⵖⴰⵔⵉ ⵡⴰⵡⴰⵍ ⵏ ⵙⵉⴷⵉ, ⵉⵏⵏⴰ:

21 ⵉⵏⵉ ⵉ ⵜⴰⴷⴷⴰⵔⵜ ⵏ ⵉⵙⵔⴰⵉⵍ: ‘ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ! ⵅⵥⴰⵔ, ⵏⴻⵛⵛ ⴰⴷ ⵙⵙⵄⵉⴵⵜⴻⵖ ⵣⵥⴰⵡⴻⵛⵜ ⵉⵏⵓ ⵉⵇⴻⴷⴷⵙⴻⵏ ⵜⴻⵏⵏⵉ ⴷ ⴰⵄⵓⴵⵉ ⵏ ⵊⵊⴻⵀⴷ ⵏⵡⴻⵎ ⴷ ⵓⵎⴻⵥⵔⵉ ⵏ ⵜⵉⵟⵟⴰⵡⵉⵏ ⵏⵡⴻⵎ ⴷ ⵍⴻⵀⵥⵓⵟ ⵉ ⵍⴻⵄⵎⴰⵔ ⵏⵡⴻⵎ, ⵓⵍⴰ ⴷ ⵉⵃⴻⵏⵊⵉⵔⴻⵏ ⵏⵡⴻⵎ ⴷ ⵢⴻⵙⵙⵉⵜⵡⴻⵎ ⵏⵏⵉ ⵜⴻⵊⵊⵉⵎ ⴷⵉⵏ ⴰⴷ ⵡⴹⴰⵏ ⵙ ⵙⵙⵉⴼ. 22 ⵅⴻⵏⵏⵉ ⴰⴷ ⵜⴻⴳⴳⴻⵎ ⴰⵎ ⵎⴰⵎⵎⴻⵛ ⴳⴳⵉⵖ ⵏⴻⵛⵛ. ⵡⴰⵔ ⵜᵉⵜⵜⵍⴻⵃⵃⴰⴼⴻⵎ ⴰⵛⵍⴰⵖⴻⵎ ⴷ ⵜⵎⴰⵔⵜ, ⵓⵛⴰ ⴰⵖⵔⵓⵎ ⵉ ⴷⴷ-ⵢⵉⵡⵢⴻⵏ ⵉⵔⵢⴰⵥⴻⵏ, ⵡⴰⵔ ⵜ ⵜᵉⵜⵜⴻⵜⵜⴻⵎ. 23 ⴰⵔⴻⵥⵥⴰⵜ ⵏⵡⴻⵎ ⴰⴷ ⵉⵍⵉⵏⵜ ⵅ ⵉⵥⴻⴵⵉⴼⴻⵏ ⵏⵡⴻⵎ ⵓ ⵜⵉⵙⵉⵍⴰ ⵏⵡⴻⵎ ⴷⴻⴳ ⵉⴹⴰⵔⴻⵏ ⵏⵡⴻⵎ. ⵡⴰⵔ ⵜⵛⴻⵟⵟⵏⴻⵎ ⵓ ⵡⴰⵔ ⵜᵉⵜⵜⵔⵓⵎ. ⴰⴷ ⵜⴻⵃⵃⴰⵎ ⴷⵉ ⵍⵎⵓⵄⵚⵉⵢⵢⴻⵜ ⵏⵡⴻⵎ ⵓⵛⴰ ⴰⴷ ⵜⴻⵇⴷⵉⴷⵙⴻⵎ ⵉⵊⵊⴻⵏ ⴰⴽ-ⴷ ⵡⴻⵏⵏⴻⵖⵏⵉ. ^■   24 ⴰⵎⵎⵓ ⵉ ⵖⴰ ⵢⵉⵍⵉ ⵃⵉⵥⵇⵉⵢⴰⵍ ⴷ ⵍⴻⵄⵍⴰⵎⴻⵜ ⵏ ⵍⴻⵄⵊⴻⴱ ⵉ ⴽⴻⵏⵏⵉⵡ. ⴰⴷ ⵜⴻⴳⴳⴻⵎ ⵏⵉⵛⴰⵏ ⴰⵎ ⵎⴰⵎⵎⴻⵛ ⵉⴳⴳⴰ ⵏⴻⵜⵜⴰ. ⵅⵎⵉ ⴷⴷ ⵖⴰ ⵢⴰⵙ ⴷⴷⴻⴳⴳⴰ, ⴰⴷ ⵜⴻⵙⵙⵏⴻⵎ, ⴱⴻⵍⵍⵉ ⵏⴻⵛⵛ ⵙⵉⴷⵉ, ⴷ ⵙⵉⴷⵉ.’ ” ^■  

25 “ⵓⵛⴰ ⵛⴻⴽ, ⴰ ⵎⵎⵉⵙ ⵏ ⴱⵏⴰⴷⴻⵎ, ⴷⴻⴳ ⵡⴰⵙⵙ ⵉ ⵥⵥⴰⵢⵙⴻⵏ ⵉ ⵖⴰ ⴽⴻⵙⵙⴻⵖ ⵍⴱⵓⵔⵊ ⵏⵙⴻⵏ, ⵍⴻⴼⵔⴰⵃⴻⵜ ⵅ ⵜⴻⵍⵡⵉⵥⵜ ⵏⵙⴻⵏ, ⵓⵍⴰ ⴷ ⵎⴻⵥⵔⵉ ⵏ ⵜⵉⵟⵟⴰⵡⵉⵏ ⵏⵙⴻⵏ ⴷ ⵉⵃⴻⵏⵊⵉⵔⴻⵏ ⴷ ⵜⵃⴻⵏⵊⵉⵔⵉⵏ ⵏⵙⴻⵏ ⵏⵏⵉ ⵢⴰⵔⴻⴱⴱⵓⵏ ⵏⵉⵜⵏⵉ ⴷⴻⴳ ⵡⵓⵍ, 26 ⴰⵇⴰ ⴷⴻⴳ ⵡⴰⵙⵙ ⵏⵏⵉ ⵙⵉⵎⴰⵏⵜ ⵏⵏⴻⵙ ⴰⴷ ⵖⴰⵔⴻⴽ ⴷⴷ-ⵢⴰⵙ ⵉⵊⵊⴻⵏ ⵡⴻⵏⵏⵉ ⵢⴰⵔⴻⵡⵍⴻⵏ ⵎⴰⵃⴻⵏⴷ ⴰⴷ ⵢⴻⴳⴳ ⵜⵏⴰⵢⴻⵏ ⵏ ⵉⵎⴻⵥⵥⵓⵖⴻⵏ ⵏⵏⴻⴽ ⴰⴷ ⵙⵍⴻⵏ ⵓⵢⴰ. 27 ⴷⴻⴳ ⵡⴰⵙⵙ ⵏⵏⵉ ⴰⴷ ⵢⴰⵔⵥⴻⵎ ⵓⵇⴻⵎⵎⵓⵎ ⵏⵏⴻⴽ ⴰⴽ-ⴷ ⵓⵇⴻⵎⵎⵓⵎ ⵏ ⵡⴻⵏⵏⵉ ⵢⴰⵔⴻⵡⵍⴻⵏ ⵓⵛⴰ ⴰⴷ ⵜⴻⵙⵙⵉⵡⵍⴻⴷ, ⵡⴰⵔ ⵜᵉⵜⵜⵉⵍⵉⴷ ⵄⴰⴷ ⴷ ⴰⵢⵏⴰⵡ. ⵛⴻⴽ ⴰⴷ ⴰⵙⴻⵏ ⵜⵉⵍⵉⴷ ⴷ ⵍⴻⵄⵍⴰⵎⴻⵜ ⵏ ⵍⴻⵄⵊⴻⴱ ⵓⵛⴰ ⵏⵉⵜⵏⵉ ⴰⴷ ⵙⵙⵏⴻⵏ ⴱⴻⵍⵍⵉ ⵏⴻⵛⵛ ⴷ ⵙⵉⴷⵉ.”