ⵉⵥⵍⵉ ⵡⵉⵙⵙ ⵜⵍⴰⵜⴰ - ⴰⵡⴻⴷⴷⴻⴱ ⴷ ⵓⴼⴻⵡⵡⴻⵊ ⵏ ⵓⵏⴰⴱⵉ
3
1 ⴰⵍⵉⴼ. ⵏⴻⵛⵛ ⴷ ⴰⵔⵢⴰⵥ ⵏⵏⵉ ⵉⵥⵔⵉⵏ ⵍⴻⵖⴱⴻⵏ ⵙ ⵡⴻⵄⵎⵓⴷ ⵏ ⵓⴷⵓⵇⵇⴻⵥ ⵏ ⵡⴻⵖⴹⴰⴱ ⵏⵏⴻⵙ.
2 ⴰⵍⵉⴼ. ⵏⴻⵜⵜⴰ ⵉⵏⴷⴻⵀ ⴰⵢⵉ ⵓⵛⴰ ⵉⵊⵊⴰ ⴰⵢⵉ ⴰⴷ ⵓⵢⵓⵔⴻⵖ ⴷⵉ ⵜⴰⴵⴻⵙⵜ,
ⵡⴰⵔ ⵉⴵⵉ ⴷⵉ ⵜⴼⴰⵡⵜ.
3 ⴰⵍⵉⴼ. ⵙ ⵜⵉⴷⴻⵜⵜ, ⵏⴻⵜⵜⴰ ⵢⴰⵔⵔⴰ ⵍⴻⴱⴷⴰ ⴰⴼⵓⵙ ⵏⵏⴻⵙ ⴹⵉⴷⴷ ⵉⵏⵓ,
ⴰⵙⵙ ⵉⴽⵎⴻⵍ.
4 ⴱⵉⵜ. ⵏⴻⵜⵜⴰ ⵉⴹⴻⵢⵢⴻⵄ ⴰⵢⵙⵓⵎ ⵉⵏⵓ ⴷ ⵜⴻⵍⵎⴻⵛⵜ ⵉⵏⵓ,
ⵢⴰⵔⵥⴰ ⵉⵅⵙⴰⵏ ⵉⵏⵓ.
5 ⴱⵉⵜ. ⵉⴱⵏⴰ ⵓ ⵉⵇⵓⵡⵡⴰⵔ ⴰⵢⵉ,
ⵙ ⴰⵔⵔⵀⴰⵊ ⴷ ⵜⴰⵎⴰⵔⴰ.
6 ⴱⵉⵜ. ⴷⵉ ⵟⵟⵍⴰⵎ ⵉⵊⵊⴰ ⴰⵢⵉ ⵥⴻⴷⴷⵖⴻⵖ,
ⴰⵎ ⵉⵎⴻⵜⵜⴰⵏ ⵏ ⵡⴰⵟⵟⴰⵙ ⵥⴻⴳ ⵡⴰⵎⵉ.
7 ⴳⵉⵎⴻⵍ. ⵏⴻⵜⵜⴰ ⵉⴱⴻⵍⵍⴻⵄ ⴰⵢⵉ ⵊⴰⵔ ⵍⴻⵃⵢⵓⴹ,
ⵡⴰⵔ ⵥⴻⵎⵎⴰⵔⴻⵖ ⴰⴷ ⵏⴻⵊⵎⴻⵖ.
ⵉⵙⵙⴻⴷⵇⴻⵍ ⵅⴰⴼⵉ ⵙⵙⵏⴰⵙⴻⵍ ⵉⵏⵓ ⵏ ⵏⵏⵃⴰⵙ.
8 ⴳⵉⵎⴻⵍ. ⵄⴰⴷ ⵎⴻⵍⵎⵉ ⵜⵜⵍⴰⵖⵉⵖ ⵓ ⵙⵖⵓⵢⵢⵓⵖ,
ⵏⴻⵜⵜⴰ ⵉⵇⵇⵉⵎ ⵉⴱⴽⴻⵎ ⵖⴰⵔ ⵜⵥⴰⴵⵉⵜ ⵉⵏⵓ.
9 ⴳⵉⵎⴻⵍ. ⵙ ⵜⵚⵓⴹⴰⵔ ⵉⵏⵊⴰⵔⴻⵏ ⵉⴱⴻⵍⵍⴻⵄ ⵅⴰⴼⵉ ⴰⴱⵔⵉⴷ,
ⵉⵙⵙⴼⴰⵔⵖ ⵉⵎⴻⵙⵔⴰⵇ ⵉⵏⵓ.
10 ⴷⴰⵍⵉⵜ. ⵜⵓⵖⴰ ⵏⴻⵜⵜⴰ ⵉ ⵏⴻⵛⵛ ⴰⵎ ⴷⴷⵓⴱ ⵉⵜⵜⵃⴰⵎⴰⵏ,
ⴰⵎ ⵡⴰⵢⵔⴰⴷ ⴷⴻⴳ ⵉⵎⵓⵛⴰⵏ ⵉⵏⵏⵓⴼⴰⵔⴻⵏ.
11 ⴷⴰⵍⵉⵜ. ⵏⴻⵜⵜⴰ ⵢⵓⵥⵥⴻⵍ ⵅⴰⴼⵉ ⵥⴻⴳ ⵡⴻⴱⵔⵉⴷ, ⵉⵎⴻⵥⵥⴻⵇ ⴰⵢⵉ,
ⵡⴰⵔ ⴷ ⴰⵢⵉ ⵉⵊⵊⵉ ⵛⴰ.
12 ⴷⴰⵍⵉⵜ. ⵏⴻⵜⵜⴰ ⵉⵙⵙⴻⵎⵃⴻⴹ ⵍⵇⴻⵡⵙ ⵏⵏⴻⵙ
ⵓⵛⴰ ⵉⵊⵊⴰ ⴰⵢⵉ ⴰⴷ ⵉⵍⵉⵖ ⴷ ⴰⵡⴰⴹ ⵉ ⴼⵍⵉⵜⵛⴰ ⵏⵏⴻⵙ.
13 ⵀⵉ. ⴼⵍⵉⵜⵛⴰⵜ ⵥⴻⴳ ⵡⴻⵇⵔⴰⴱ ⵏⵏⴻⵙ
ⵉⵊⵊⴰ ⵉ-ⵜⴻⵏⵜ ⴰⴷ ⴰⴷⴼⴻⵏⵜ ⴷⵉ ⵜⵉⵥⵥⴰⵍ ⵉⵏⵓ.
14 ⵀⵉ. ⴷⴻⵡⵍⴻⵖ ⴷ ⵜⴰⵙⴻⴹⵀⴰⵛⵜ ⵉ ⵎⴰⵔⵔⴰ ⵍⴳⴻⵏⵙ ⵉⵏⵓ,
ⴷ ⵉⵥⵍⵉ ⵏⵙⴻⵏ ⵏ ⵓⵥⴰⵡⴰⵔ ⴰⵙⵙ ⵉⵎⵓⵏ.
15 ⵀⵉ. ⵏⴻⵜⵜⴰ ⵉⵙⵙⵊⵊⵉⵡⴻⵏ ⴰⵢⵉ ⵙ ⵜⴰⵔⵥⵓⴳⵉ,
ⵉⵙⵙⴻⵙⵙⵓ ⴰⵢⵉ ⵙ ⵛⵛⵉⵃ.
16 ⵡⴰⵡ. ⵜⵉⵖⵎⴰⵙ ⵉⵏⵓ ⵉⵊⵊⴰ ⵉ-ⵜⴻⵏⵜ ⵥⴻⵄⵄⴼⴻⵏⵜ ⴷⴻⴳ ⵓⵇⴰⵢⴰⵙ ⴰⵍⴰⵎⵉ ⴰⵔⵥⵉⵏⵜ,
ⵉⵙⵙⴻⵖⴹⴻⵙ ⴰⵢⵉ ⴷⴻⴳ ⵢⵉⵖⵖⴻⴷ.
17 ⵡⴰⵡ. ⵛⴻⴽ ⵜⴻⵙⵙⵉⴳⴳⵯⴻⵊⴻⴷ ⵍⴻⵄⵎⴰⵔ ⵉⵏⵓ ⵅ ⵍⴻⵀⵏⴰ,
ⵏⴻⵛⵛ ⵜⵜⵓⵖ ⵜⵛⵓⵏⵉ.
18 ⵡⴰⵡ. ⵏⴻⵛⵛ ⵏⵏⵉⵖ: “ⵊⵊⴻⵀⴷ ⵉⵏⵓ ⵉⵇⴹⴰ,
ⵓⵍⴰ ⴷ ⴰⵙⵉⵜⴻⵎ ⵉⵏⵓ ⴷⵉ ⵙⵉⴷⵉ.”
19 ⵣⴰⵢⵉⵏ. ⵄⵇⴻⵍ ⵅ ⵍⴻⵖⴱⴻⵏ ⵉⵏⵓ ⴷ ⵜⵎⴻⵃⴱⴰⵙⵜ ⵉⵏⵓ,
ⵅ ⵛⵛⵉⵃ ⴷ ⴰⵔⵔⵀⴰⵊ.
20 ⵣⴰⵢⵉⵏ. ⵍⴻⵄⵎⴰⵔ ⵉⵏⵓ ⵉⵜⵜⵅⴰⵔⵔⴻⵚ ⵏⵉⵛⴰⵏ ⴷⵉ ⵎⴰⵏ ⴰⵢⴰ,
ⴰⵇⴰ ⵉⵛⴹⴻⵏ ⴷⴰⵢⵉ.
21 ⵣⴰⵢⵉⵏ. ⴰⵢⴰ ⵅⵙⴻⵖ ⴰⴷ ⵜ ⴰⵔⵔⴻⵖ ⵖⴰⵔ ⵡⵓⵍ,
ⵙ ⵓⵢⴻⵏⵏⵉ ⵙⵙⵉⵜⵉⵎⴻⵖ ⵄⴰⴷ.
22 ⵅⵉⵜ. ⵙ ⵜⵎⴻⴳⴳⴰ ⵏ ⵜⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⵏ ⵙⵉⴷⵉ,
ⴰⵇⴰ ⵡⴰⵔ ⵏⴻⵜⵜⵡⴰⵀⴻⵍⵍⴻⴽ ⵛⴰ,
ⵎⵉⵏⵥⵉ ⴰⵔⵔⴻⵃⵎⴻⵜ ⵏⵏⴻⵙ ⵄⴻⵎⵎⴰⵔⵚ ⵡⴰⵔ ⵜⴱⴻⴷⴷ.■
23 ⵅⵉⵜ. ⴰⵇⴰ-ⵜⵜ ⴷ ⵊⴷⵉⴷ ⴽⵓⵍ ⵚⵚⴱⴻⵃ,
ⵍⴰⵎⴰⵏ ⵏⵏⴻⴽ ⴷ ⴰⵎⴻⵇⵇⵔⴰⵏ. ■
24 ⵅⵉⵜ. ⵜⴰⵙⵖⴰⵔⵜ ⵉⵏⵓ ⴷ ⵙⵉⴷⵉ, ⴰⵎⵎⵓ ⵉ ⵉⵇⵇⴰⵔ ⵍⴻⵄⵎⴰⵔ ⵉⵏⵓ,
ⵙ ⵓⵢⴻⵏⵏⵉ ⵜⵜⵖⵉⵎⵉⵖ ⵙⵙⵉⵜⵉⵎⴻⵖ ⴷⴰⵢⴻⵙ. ■
25 ⵜⵉⵜ. ⵉⵚⴱⴻⵃ ⵙⵉⴷⵉ ⵉ ⵢⴻⵏⵏⵉ ⴷⴰⵢⴻⵙ ⵉⵙⵙⵉⵜⵉⵎⴻⵏ,
ⵉ ⵍⴻⵄⵎⴰⵔ ⵏⵏⵉ ⵅⴰⵙ ⵢⴰⵔⴻⵥⵥⵓⵏ.
26 ⵜⵉⵜ. ⴰⵇⴰ ⵎⵍⵉⵃ ⴰⵔⴰⵊⵉ ⵙ ⵓⵙⵉⵜⴻⵎ ⵖⴰⵔ ⵥⵥⴰⵜ,
ⴷⵉ ⵍⵀⵓⴷⵏⴻⵜ ⵖⴰⵔ ⵓⵙⴻⵏⵊⴻⵎ ⵥⵉ ⵙⵉⴷⵉ.
27 ⵜⵉⵜ. ⵎⵍⵉⵃ ⵉ ⵡⴻⵔⵢⴰⵥ ⴰⴷ ⵢⴰⵔⴱⵓ ⴰⵥⴰⵢⵍⵓ ⴷⵉ ⵜⴻⵎⵥⵉ ⵏⵏⴻⵙ.
28 ⵢⵓⴷ. ⴻⵊⵊ ⵉ-ⵜ ⴰⴷ ⵉⵇⵇⵉⵎ ⵃⴰⴼⵉ, ⴰⴷ ⵉⵙⵙⴻⵖⴷ,
ⵎⴰⵖⴰⵔ ⵙⵉⴷⵉ ⵉⴳⴳⴰ ⵉ-ⵜⵜ ⵅⴰⵙ.
29 ⵢⵓⴷ. ⴻⵊⵊ ⵉ-ⵜ ⴰⴷ ⵉⴳⴳ ⴰⵇⴻⵎⵎⵓⵎ ⵏⵏⴻⵙ ⴷⵉ ⵜⵄⴻⵊⵊⴰⵊⵜ,
ⴰⴷ ⵢⵉⵏⵉ: “ⴰⴷ ⵜⴰⵖ ⵉⴵⴰ ⵍⴰⵢⴰⵙ!” ■
30 ⵢⵓⴷ. ⴻⵊⵊ ⵉ-ⵜ ⴰⴷ ⵉⵡⵛ ⴰⵎⴻⴳⴳⵉⵥ ⵉ ⵡⴻⵏⵏⵉ ⵜ ⵉⵛⵛⴰⵜⴻⵏ,
ⴻⵊⵊ ⵉ-ⵜ ⴰⴷ ⵉⵜⵜⵡⴰⵙⵊⵊⵉⵡⴻⵏ ⵙ ⵓⵙⴻⵃⵇⴰⵔ.
31 ⴽⴰⴼ. ⵎⵉⵏⵥⵉ ⵙⵉⴷⵉ ⵉⵏⵓ ⵡⴰⵔ ⵉⵏⴻⵟⵟⴰⵔ ⵃⴻⴷ ⵉ ⵍⴻⴱⴷⴰ,
32 ⴽⴰⴼ. ⵎⴰⵛⴰ ⵎⴰⵍⴰ ⵏⴻⵜⵜⴰ ⵉⵙⵙⴻⵛⴹⴻⵏ ⵃⴻⴷ,
ⴰⴷ ⵅⴰⵙ ⵉⵃⵉⵏⵏ ⵄⴰⵡⴻⴷ,
ⵄⵍⴰⵃⵙⴰⴱ ⵍⴻⵎⵖⴰⵔⴻⵜ ⵏ ⵜⵎⴻⵅⵙⵉⵡⵜ ⵏⵏⴻⵙ ⵉⵛⵓⵡⵡⴰⵔⴻⵏ,
33 ⴽⴰⴼ. ⵎⴰⵖⴰⵔ ⵏⴻⵜⵜⴰ ⵡⴰⵔ ⵉⵃⴻⵚⵚⴰⵔ ⵏⵉⵖ ⵉⵙⵙⴻⵛⴹⵉⵏ ⵜⴰⵔⵡⴰ ⵏ ⴱⵏⴰⴷⴻⵎ ⵙ ⵡⵓⵍ.
34 ⵍⴰⵎⵉⴷ. ⵅⵎⵉ ⵉ ⵖⴰ ⵍⴻⴱⵥⴻⵏ
ⵎⴰⵔⵔⴰ ⵉⵎⴻⵃⴱⴰⵙ ⵏ ⵜⴻⵎⵎⵓⵔⵜ ⵙⴰⴷⵓ ⵉⴹⴰⵔⴻⵏ,
35 ⵍⴰⵎⵉⴷ. ⵅⵎⵉ ⵉ ⵖⴰ ⵃⴰⵔⵔⴼⴻⵏ ⵜⴰⵙⵖⴰⵔⵜ ⵏ ⵡⴻⵔⵢⴰⵥ
ⵥⵥⴰⵜ ⵉ ⵡⵓⴷⴻⵎ ⵏ ⵓⵎⵄⵓⴵⵉ ⵅ ⴽⵓⵍⵛⵉ,
36 ⵍⴰⵎⵉⴷ. ⵅⵎⵉ ⵉ ⵖⴰ ⵇⴻⵍⴱⴻⵏ ⴷⴷⴻⵄⵡⴻⵜ ⵏ ⴱⵏⴰⴷⴻⵎ,
ⵎⴰ ⵥⴻⵄⵎⴰ ⵙⵉⴷⵉ ⵉⵏⵓ ⵡⴰⵔ ⵉⵜⵜⵡⵉⵍⵉ ⵎⴰⵏ ⴰⵢⴰ?
37 ⵎⵉⵎ. ⵎⴰⵏ ⵡⴻⵏ ⵉ ⵉⵇⵇⴰⵔⴻⵏ ⵛⴰ ⵏ ⵍⵃⴰⵊⵊⴻⵜ ⵓⵛⴰ ⵅⴻⵏⵏⵉ ⵜⴻⵎⵙⴰⵔ,
ⵎⴰⵍⴰ ⵡⴰⵔ ⵜⵜ ⵢⵓⵎⵓⵔ ⵙⵉⴷⵉ ⵉⵏⵓ?■
38 ⵎⵉⵎ. ⵎⴰ ⵡⴰⵔ ⴷⴷ-ⵉⵜⵜⵉⵙ ⵥⴻⴳ ⵓⵇⴻⵎⵎⵓⵎ ⵏ ⵓⵎⵄⵓⴵⵉ ⵅ ⴽⵓⵍⵛⵉ
ⵎⴰⵔⵔⴰ ⵎⵉⵏ ⵡⴰⵔ ⵉⵃⵍⵉⵏ ⵓⵍⴰ ⴷ ⵎⴰⵔⵔⴰ ⵎⵉⵏ ⵉⵚⴻⴱⵃⴻⵏ? ■
39 ⵎⵉⵎ. ⵎⴰⵎⵎⴻⵛ ⵉⵜⵜⵛⴻⵜⵛⴰ ⵅⴻⵏⵏⵉ ⴱⵏⴰⴷⴻⵎ ⵉⴷⴷⴰⵔⴻⵏ ⵄⴰⴷ?
ⴻⵊⵊ ⵎⴰⵛⴰ ⴰⵔⵢⴰⵥ ⴰⴷ ⵉⵛⴻⵜⵛⴰ ⵥⵉ ⵙⵙⵉⴱⴱⴻⵜ ⵏ ⴷⴷⵏⵓⴱ ⵏⵏⴻⵙ.
40 ⵏⵓⵏ. ⴻⵊⵊ ⴰⵏⴻⵖ ⴰⴷ ⵏⴻⵅⵥⴰⵔ ⵉⴱⵔⵉⴷⴻⵏ ⵏⵏⴻⵖ, ⴰⴷ ⴷⴰⵢⵙⴻⵏ ⵏⴰⵔⵥⵓ,
ⵓ ⴻⵊⵊ ⴰⵏⴻⵖ ⴰⴷ ⴷⴷ-ⵏⴻⴷⵡⴻⵍ ⵖⴰⵔ ⵙⵉⴷⵉ.
41 ⵏⵓⵏ. ⴻⵊⵊ ⴰⵏⴻⵖ ⴰⴷ ⵏⴻⵙⵙⴳⴻⵄⵄⴻⴷ ⴰⴽ-ⴷ ⵉⴼⴰⵙⵙⴻⵏ ⵏⵏⴻⵖ ⵓⵍⴰ ⴷ ⵡⵓⵍⴰⵡⴻⵏ ⵏⵏⴻⵖ,
ⵖⴰⵔ ⴰⵔⴻⴱⴱⵉ ⴷⴻⴳ ⵓⵊⴻⵏⵏⴰ.
42 ⵏⵓⵏ. ⵏⴻⵛⵛⵉⵏ ⵏⵄⴻⴷⴷⴰ ⵓ ⵏⵖⴻⵡⵡⴻⵖ,
ⵛⴻⴽ ⵡⴰⵔ ⵜⴻⵖⴼⴰⵔⴻⴷ ⵛⴰ ⵉ ⵓⵢⴰ.
43 ⵙⴰⵎⵉⵅ. ⵛⴻⴽ ⵜⵍⴻⵃⵃⴼⴻⴷ ⴰⵏⴻⵖ ⴷⴻⴳ ⵡⴻⵖⴹⴰⴱ ⵓ ⵜⴻⴹⴼⴰⵔⴻⴹ ⴰⵏⴻⵖ,
ⵜⴻⵏⵖⵉⴷ, ⵡⴰⵔ ⵅⴰⵏⴻⵖ ⵜⵃⵉⵡⵍⴻⴷ ⵛⴰ.
44 ⵙⴰⵎⵉⵅ. ⵜⵍⴻⵃⵃⴼⴻⴷ ⵉⵅⴻⴼ ⵏⵏⴻⴽ ⴷⴻⴳ ⵓⵙⴻⵢⵏⵓ,
ⵎⴰⵃⴻⵏⴷ ⴰⴷ ⵜⴰⴼ ⵜⴰⵥⴰⴵⵉⵜ ⵡⴰⵔ ⵜⵥⴻⵎⵎⴰⵔ ⴰⴷ ⵜⴻⵄⴷⵓ.
45 ⵙⴰⵎⵉⵅ. ⵛⴻⴽ ⵜⴰⵔⵔⵉⴷ-ⴷⴷ ⴰⵏⴻⵖ ⴷ ⵜⴰⵅⵎⵓⵊⵉ ⴷ ⵡⴻⴼⵔⴰⴹ
ⴷⵉ ⵍⵡⴻⵙⵜ ⵏ ⵍⴻⴳⵏⵓⵙ.
46 ⴱⵉ. ⵎⴰⵔⵔⴰ ⵍⵄⴻⴷⵢⴰⵏ ⵏⵏⴻⵖ
ⴰⵔⵥⵎⴻⵏ-ⴷⴷ ⵖⴰⵔⵏⴻⵖ ⴰⵇⴻⵎⵎⵓⵎ ⵏⵙⴻⵏ.
47 ⴱⵉ. ⵜⵉⴳⴳⵯⵓⴷⴰ ⴷ ⵜⴻⵅⵛⴻⴼⵜ ⴷⴻⵡⵍⴻⵏⵜ ⴷ ⴰⵥⵢⴻⵏ ⵥⵥⴰⵢⵏⴻⵖ,
ⴰⵅⴰⵔⵔⴻⴱ ⴷ ⴰⵔⵥⵉⵢⵢⴻⵜ.
48 ⴱⵉ. ⵣⵉ ⵜⵉⵟⵟⴰⵡⵉⵏ ⵉⵏⵓ ⵜⵜⴰⵥⵥⵍⴻⵏⵜ ⵉⵎⴻⵟⵟⴰⵡⴻⵏ,
ⵅ ⵜⴰⵔⴻⵥⵥⵉⵜ ⵏ ⵢⴻⴵⵉⵙ ⵏ ⵍⴳⴻⵏⵙ ⵉⵏⵓ.
49 ⵄⴰⵢⵉⵏ. ⵜⵉⵟⵟ ⵉⵏⵓ ⵜⴻⵇⵇⵉⵎ ⵜᵉⵜⵜⴰⵥⵥⴻⵍ ⵙ ⵉⵎⴻⵟⵟⴰⵡⴻⵏ,
ⵡⴰⵔ ⵜᵉⵜⵜⴰⵔⴻⵢⵢⵉⵃ, ⵡⴰⵔ ⵜⴻⵙⵙⴱⴻⴷⴷⵉ,
50 ⵄⴰⵢⵉⵏ. ⴰⵍ ⴷ ⵉ ⵖⴰ ⵉⵙⵙⵉⵊⵊ ⵙⵉⴷⵉ ⵥⴻⴳ ⵓⵊⴻⵏⵏⴰ, ⵓⵛⴰ ⴰⴷ ⵉⵜⵜⵡⴰⵍⴰ ⴰⵢⴰ.
51 ⵄⴰⵢⵉⵏ. ⵜⵉⵟⵟ ⵉⵏⵓ ⵜᵉⵜⵜⴻⴳⴳ ⴰⵢⵉ ⵍⴻⵃⵔⵉⵇ ⴷⵉ ⵍⴻⵄⵎⴰⵔ ⵉⵏⵓ,
ⵥⵉ ⵙⵙⵉⴱⴱⴻⵜ ⵏ ⵎⴰⵔⵔⴰ ⵢⴻⵙⵙⵉⵙ ⵏ ⵜⴻⵏⴷⵉⵏⵜ ⵉⵏⵓ.
52 ⵜⵙⴰⴷⵉ. ⴰⵔⴻⴷⴷⴼⴻⵏ ⴰⵢⵉ-ⴷⴷ ⵍⵄⴻⴷⵢⴰⵏ ⵉⵏⵓ ⵙ ⵎⵉⵏ ⵖⴰⵔⵙⴻⵏ,
ⴰⵎ ⵉⵊⵊ ⵏ ⵡⴻⵊⴹⵉⴹ, ⴱⵍⴰ ⵙⵙⵉⴱⴱⴻⵜ.
53 ⵜⵙⴰⴷⵉ. ⵏⵉⵜⵏⵉ ⵙⵙⴱⴻⴽⵎⴻⵏ ⵜⵓⴷⴰⵔⵜ ⵉⵏⵓ ⴷⴻⴳ ⵡⴰⵏⵓ,
ⵓⵛⴰ ⵏⴹⴰⵔⴻⵏ ⴰⵥⵔⵓ ⵅⴰⴼⵉ.
54 ⵜⵙⴰⴷⵉ. ⴰⵎⴰⵏ ⵃⴻⵎⵍⴻⵏ-ⴷⴷ ⵅ ⵓⵥⴻⴵⵉⴼ ⵉⵏⵓ,
ⵏⵏⵉⵖ: “ⴰⵇⴰ ⵡⴰⵔ ⵇⵇⵉⵎⴻⵖ ⴵⵉⵖ!”
55 ⵇⵓⴼ. ⴰ ⵙⵉⴷⵉ, ⵏⴻⵛⵛ ⵍⴰⵖⵉⵖ ⵅ ⵢⵉⵙⴻⵎ ⵏⵏⴻⴽ,
ⵥⵉ ⵍⴰⴵⴰⵖ ⵏ ⵡⴰⵏⵓ.
56 ⵇⵓⴼ. ⵛⴻⴽ ⵜⴻⵙⵍⵉⴷ ⵉ ⵜⵎⵉⵊⵊⴰ ⵉⵏⵓ,
ⵡⴰⵔ ⵜⵜⴻⵇⵇⴻⵏ ⴰⵎⴻⵥⵥⵓⵖ ⵏⵏⴻⴽ ⵥⵥⴰⵜ ⵉ ⵓⵥⴻⵀⵀⴰⵔ ⵉⵏⵓ,
ⵥⵥⴰⵜ ⵉ ⵉⵖⵓⵢⵢⴰⵏ ⵉⵏⵓ!
57 ⵇⵓⴼ. ⵛⴻⴽ ⵜⵓⵙⵉⴷ-ⴷⴷ ⵖⴰⵔⵉ ⴷⴻⴳ ⵡⴰⵙⵙ ⵉ ⴷ ⴰⵛ ⴷⴷ-ⵍⴰⵖⵉⵖ,
ⵜⴻⵏⵏⵉⴷ: “ⵡⴰⵔ ⵜⵜⴻⴳⴳⵯⴻⴷ ⵛⴰ!”
58 ⵔⵉⵅ. ⵛⴻⴽ, ⴰ ⵙⵉⴷⵉ, ⵜⴰⵔⴻⴼⵄⴻⴷ ⴷⴷⵄⴰⵡⵉ ⵅ ⵍⴻⵄⵎⴰⵔ ⵉⵏⵓ,
ⵛⴻⴽ ⵜⴼⴻⴽⴽⴻⴷ ⵜⵓⴷⴰⵔⵜ ⵉⵏⵓ.
59 ⵔⵉⵅ. ⴰ ⵙⵉⴷⵉ, ⵜⴻⵥⵔⵉⴷ ⴷⴷⴻⴵ ⵉ ⴷⴰⵢⵉ ⵉⴳⴳⵉⵏ,
ⴰⵖ ⴰⵢⵉ ⵜⴰⵙⵖⴰⵔⵜ ⵉⵏⵓ.
60 ⵔⵉⵅ. ⵛⴻⴽ ⵜⴻⵥⵔⵉⴷ ⵎⴰⵔⵔⴰ ⴰⵅⵍⴰⴼ ⵏⵙⴻⵏ,
ⵎⴰⵔⵔⴰ ⵎⵉⵏ ⵏⵡⴰⵏ ⴹⵉⴷⴷ ⵉⵏⵓ.
61 ⵛⵉⵏ. ⵛⴻⴽ ⵜⴻⵙⵍⵉⴷ ⵍⵃⴻⴳⵔⴰ ⵏⵙⴻⵏ, ⴰ ⵙⵉⴷⵉ,
ⵎⴰⵔⵔⴰ ⵎⵉⵏ ⵏⵡⴰⵏ ⴹⵉⴷⴷ ⵉⵏⵓ,
62 ⵛⵉⵏ. ⴰⵡⴰⵍⴻⵏ ⵏⵏⵉ ⴷⴷ-ⵉⵜⵜⴻⴼⴼⵖⴻⵏ ⵥⵉ ⵊⴰⵔ ⵉⵢⴻⵏⵛⵉⵛⴻⵏ ⵏ ⵢⵉⵏⵏⵉ ⵅⴰⴼⵉ ⵉⵖⴻⵡⵡⵖⴻⵏ,
ⵓⵍⴰ ⴷ ⵍⴻⵎⵡⴰⵢⴰⵍ ⵏⵙⴻⵏ ⵏ ⵓⵅⴰⵔⵔⴻⵚ ⵅⴰⴼⵉ ⴰⵙⵙ ⵉⵎⵓⵏ.
63 ⵛⵉⵏ. ⵅⵥⴰⵔ ⵖⴰⵔ ⵓⵖⵉⵎⵉ ⴷ ⵓⴱⴻⴷⴷⵉ ⵏⵙⴻⵏ,
ⵏⴻⵛⵛ ⴷ ⵉⵥⵍⵉ ⵏⵙⴻⵏ ⵏ ⵓⵙⵜⴻⵀⵥⵉ.
64 ⵜⴰⵡ. ⴰ ⵙⵉⴷⵉ, ⵅⴻⴵⴻⵚ ⵉ-ⵜⴻⵏ,
ⵄⵍⴰⵃⵙⴰⴱ ⵜⵉⵎⴻⴳⴳⴰ ⵏ ⵉⴼⴰⵙⵙⴻⵏ ⵏⵙⴻⵏ.
65 ⵜⴰⵡ. ⵙⴷⴰⵖⵔⴻⵍ ⵓⵍⴰⵡⴻⵏ ⵏⵙⴻⵏ,
ⴻⵊⵊ ⵏⵏⴻⵄⵍⴻⵜ ⵏⵏⴻⴽ ⴰⴷ ⴷⴷ-ⵅⴰⵙⴻⵏ ⵜⴻⵡⴹⴰ.
66 ⵜⴰⵡ. ⴹⴼⴰⵔ ⵉ-ⵜⴻⵏ ⴷⴻⴳ ⵡⴻⵖⴹⴰⴱ ⵏⵏⴻⴽ,
ⵇⴹⴰ ⵅⴰⵙⴻⵏ ⵥⵉ ⵙⴰⴷⵓ ⵓⵊⴻⵏⵏⴰ ⵏ ⵙⵉⴷⵉ.