1 “ⵎⵍⵉ ⴷⴷ-ⵜⴻⵀⵡⵉⴷ, ⴰⵎ ⵜⵉⵎⴻⵙⵙⵉ ⵜⴻⵙⵙⴰⵔⴻⵖ ⵜⵉⵥⴳⵉ ⵓ ⴰⵎⴻⵛⵏⴰⵡ ⵜⵉⵎⴻⵙⵙⵉ ⵜⴻⵙⵙⵜⴰⵔⵜⴰⵔ ⴰⵎⴰⵏ, ⵎⴰⵃⴻⵏⴷ ⴰⴷ ⵉⵜⵜⵡⴰⵙⵙⵛⴻⵏ ⵉⵙⴻⵎ ⵏⵏⴻⴽ ⵉ ⵉⵖⵔⵉⵎⴻⵏ ⵏⵏⴻⴽ, ⵃⵉⵎⴰ ⴰⴷ ⴰⵔⵊⵉⵊⴻⵏ ⵥⵥⴰⵜⴻⴽ ⵍⴻⴳⵏⵓⵙ, 2 ⵓⵎⵉ ⵜⴻⴳⴳⵉⴷ ⵜⵉⵎⴻⵙⵍⴰⵢⵉⵏ ⵉⵙⵙⴰⴳⴳⵯⴰⴷⴻⵏ ⵉ ⵡⴰⵔ ⵜⴻⵏⵜ ⵏⵔⵉⵊⵉ ⵄⴻⵎⵎⴰⵔⵚ. ⵎⵍⵉ ⴷⴷ-ⵜⴻⵀⵡⵉⴷ ⴰⵍⴰⵎⵉ ⴰⵔⵊⵉⵊⴻⵏ ⵉⴷⵓⵔⴰⵔ ⵥⵥⴰⵜ ⵉ ⵡⵓⴷⴻⵎ ⵏⵏⴻⴽ.”

3 “ⵣⴻⴳ ⵡⴻⵛⵃⴰⵍ ⵓⵢⴰ ⵄⴻⵎⵎⴰⵔⵚ ⵡⴰⵔ ⵜ ⵙⵍⵉⵏ, ⵓⵍⴰ ⴷ ⴰⵎⴻⵥⵥⵓⵖ ⵡⴰⵔ ⵜ ⵉⵙⵍⵉ, ⵓⵍⴰ ⴷ ⵜⵉⵟⵟ ⵡⴰⵔ ⵜ ⵜⴻⵥⵔⵉ, ⴰⵇⴰ ⴷ ⵉⵊⵊ ⵏ ⴰⵔⴻⴱⴱⵉ ⵏⵏⴻⵖⵏⵉ ⵏⵀⵍⴰ ⵛⴻⴽ, ⵡⴻⵏⵏⵉ ⵉⵜⵜⴻⴳⴳⴻⵏ ⵛⴰ ⴷⵉ ⵟⵟⵡⴻⵄ ⵏ ⵢⵉⵏⵏⵉ ⵅⴰⵙ ⵉⵜⵜⵔⴰⵊⴰⵏ. ^■   4 ⵡⴻⵏⵏⵉ ⵉⴼⴰⵔⵔⵃⴻⵏ ⵥⵉ ⵜⵙⴻⴳⴷⴰ ⵓⵛⴰ ⴰⴷ ⵥⵥⴰⵢⴻⵙ ⵢⴻⴳⴳ, ⴰⴷ ⵜ ⵜⴻⵍⵇⵉⴷ ⵛⴻⴽ, ⵉⵏⵏⵉ ⵅⴰⴽ ⵉⵜⵜⴻⵄⵇⵉⵍⴻⵏ ⴷⴻⴳ ⵉⴱⵔⵉⴷⴻⵏ ⵏⵏⴻⴽ. ⵅⵥⴰⵔ, ⵜⴻⴼⴼⵓⴳⵎⴻⴷ, ⵎⵉⵏⵥⵉ ⵏⴻⵛⵛⵉⵏ ⵏⴻⵅⴹⴰ. ⵏⴻⴳⴳⴰ ⵉ-ⵜ ⵄⴰⴷ ⵍⴻⴱⴷⴰ, ⵎⴰ ⵅⴻⵏⵏⵉ ⴰⴷ ⵏⴻⵜⵜⵡⴰⵏⵊⴻⵎ? 5 ⵏⴻⵛⵛⵉⵏ ⵎⴰⵔⵔⴰ ⴰⵎ ⵓⵎⴻⵅⵎⵓⵊ, ⵎⴰⵔⵔⴰ ⵍⵎⵓⵄⵚⵉⵢⵢⴻⵜ ⵏⵏⴻⵖ ⴰⵎ ⵡⴰⵔⵔⵓⴹ ⵉⵅⴻⴵⴹⴻⵏ ⴷⴻⴳ ⵉⴷⴰⵎⵎⴻⵏ, ⵏⴻⵛⵛⵉⵏ ⵎⴰⵔⵔⴰ ⴰⵎ ⵜⴼⴰⵔⵜ ⵏⵉⵙⵙⵍⴰⵡ, ⵓⵛⴰ ⵍⵎⵓⵄⵚⵉⵢⵢⴻⵜ ⵏⵏⴻⵖ ⵜⴽⴻⵙⵙⵉ ⴰⵏⴻⵖ ⴰⵎ ⵓⵚⴻⵎⵎⵉⴹ. ^■  

6 ⵓⵍⴰ ⴷ ⵉⵊⵊ ⵡⴰⵔ ⵉⵜⵜⵍⵉⵖⵉ ⵉⵙⴻⵎ ⵏⵏⴻⴽ, ⵓⵍⴰ ⴷ ⵉⵊⵊ ⵉⵜⵜⴻⴽⴽⴰⵔ ⵃⵉⵎⴰ ⴰⴷ ⴷⴰⵢⴻⴽ ⵉⵟⵟⴻⴼ, ⵎⴰⵖⴰⵔ ⵛⴻⴽ ⵜⴻⵙⵙⵏⵓⴼⴼⴰⵔⴻⴷ ⴰⵖⴻⵎⴱⵓⴱ ⵏⵏⴻⴽ ⵅⴰⵏⴻⵖ ⵓⵛⴰ ⵜⴻⵊⵊⵉⴷ ⴰⵏⴻⵖ ⴰⴷ ⵏⵖⴰⵔⵇ ⴷⴻⴳ ⵓⴼⵓⵙ ⵏ ⵍⵎⵓⵄⵚⵉⵢⵢⴻⵜ ⵏⵏⴻⵖ. 7 ⵎⴰⵛⴰ ⵍⴻⵅⵅⵓ, ⴰ ⵙⵉⴷⵉ, ⵛⴻⴽ ⴷ ⴱⴰⴱⴰⵜⵏⴻⵖ, ⵏⴻⵛⵛⵉⵏ ⴷ ⵜⵍⴰⵅⵜ ⵓ ⵛⴻⴽ ⴷ ⴱⵓ-ⵜⵍⴰⵅⵜ ⵏⵏⴻⵖ, ⵏⴻⵛⵛⵉⵏ ⵎⴰⵔⵔⴰ ⴷ ⵍⵅⴻⴷⵎⴻⵜ ⵏ ⵉⴼⴰⵙⵙⴻⵏ ⵏⵏⴻⴽ.

8 ⴰ ⵙⵉⴷⵉ, ⵡⴰⵔ ⵜⴻⴳⴳⵉⴷ ⴰⴷ ⵉⴷⴷⵓⵇⵇⴻⵥ ⵡⴻⵖⴹⴰⴱ ⵏⵏⴻⴽ ⴰⵎⵎⵓ ⴰⵟⵟⴰⵙ ⵓ ⵡⴰⵔ ⵜⵜⵉⴷⴰⵔ ⵉ ⵍⴻⴱⴷⴰ ⵍⵎⵓⵄⵚⵉⵢⵢⴻⵜ. ⴰⵇⴰ ⴷⴰ, ⵅⵥⴰⵔ, ⵏⴻⵛⵛⵉⵏ ⵎⴰⵔⵔⴰ ⴷ ⵍⴳⴻⵏⵙ ⵏⵏⴻⴽ. ^■   9 ⵜⵉⵏⴻⴷⴷⴰⵎ ⵏⵏⴻⴽ ⵜⵉⵎⵇⴻⴷⴷⴰⵙⵉⵏ ⴷⴻⵡⵍⴻⵏⵜ ⴷ ⵍⴻⵅⵍⴰ, ⵚⵉⵀⵢⵓⵏ ⵜⴻⴷⵡⴻⵍ ⴷ ⵜⴰⵏⴻⵥⵔⵓⴼⵜ, ⵓⵔⵛⴰⵍⵉⵎ ⴷ ⴰⵎⵛⴰⵏ ⵉⵜⵜⵡⴰⵔⴻⴷⴷⴵⴻⵏ.

10 ⵜⴰⴷⴷⴰⵔⵜ ⵏⵏⴻⵖ ⵜⴰⵎⵇⴻⴷⴷⴰⵙⵜ ⵜⴻⵛⵛⵓⵔ ⵙ ⵜⵉⵙⵙⵉⵇⵜ, ⵎⴰⵏⵉ ⵉⴱⴰⴱⴰⵜⴻⵏ ⵏⵏⴻⵖ ⵙⵙⴻⵎⵖⴰⵔⴻⵏ ⵛⴻⴽ, ⵜᵉⵜⵜⵡⴰⵛⵎⴻⴹ ⵙ ⵜⵎⴻⵙⵙⵉ ⵓ ⵎⴰⵔⵔⴰ ⵎⵉⵏ ⵅⴰⵏⴻⵖ ⵉⵄⵉⵥⵥⴻⵏ, ⵉⴷⵡⴻⵍ ⴷ ⵍⵅⵉⵔⴱⴻⵜ.

11 ⵎⴰ ⵜⵥⴻⵎⵎⴰⵔⴻⴷ ⴰⴷ ⵜⵎⴻⵏⵄⴻⴷ ⵉⵅⴻⴼ ⵏⵏⴻⴽ ⴷⵉ ⵇⴰⵄ ⴰⵢⴰ, ⴰ ⵙⵉⴷⵉ, ⵎⴰ ⵜⵥⴻⵎⵎⴰⵔⴻⴷ ⴰⴷ ⵜⴻⵙⵙⴻⵖⴷⴻⴷ ⵓ ⴰⴷ ⴰⵏⴻⵖ ⵜⴻⵃⵚⴰⵔⴻⴷ ⴰⵎⵎⵓ ⴰⵟⵟⴰⵙ?”