1 “ⴰⴷ ⵉⴼⴰⵔⵃ ⵍⴻⵅⵍⴰ ⴷ ⵜⴻⵎⵎⵓⵔⵜ ⵢⵓⵥⵖⴻⵏ, ⴰⴷ ⵜⴻⵙⵍⵉⵡⵍⴻⵡ ⵍⴻⵡⴹⴰ, ⴰⴷ ⵜⵏⴻⵡⵡⴰⵔ ⴰⵎ ⵜⵍⵉⵍⵍⴻⵛⵜ. 2 ⴰⴷ ⵜⵏⴻⵡⵡⴰⵔ ⴰⴷ ⵜⵛⵓⵡⵡⴰⵔ, ⵡⴰⵀ ⴰⴷ ⵜⴻⵙⵍⴻⵡⵍⵉⵡ ⵍⴻⵡⴹⴰ ⵙ ⵍⴻⴼⵔⴰⵃⴻⵜ ⴷ ⵓⵙⵍⵉⵡⵍⴻⵡ. ⴰⴷ ⴰⵙ ⵉⵎⵎⴻⵡⵛ ⵓⵄⵓⴵⵉ ⵏ ⵍⵓⴱⵏⴰⵏ, ⵍⵄⴻⵥⵥ ⵏ ⴽⴰⵔⵎⵉⵍ ⵓ ⵏ ⵍⴻⵡⴹⴰ ⵏ ⵛⴰⵔⵓⵏ. ⵏⵉⵜⵏⵉ ⴰⴷ ⵥⴰⵔⴻⵏ ⴰⵄⵓⴵⵉ ⵏ ⵙⵉⴷⵉ, ⵍⵄⴻⵥⵥ ⵏ ⴰⵔⴻⴱⴱⵉ ⵏⵏⴻⵖ.”

3 “ⵙⵎⴻⵃⴹⴻⵎ ⵉⴼⴰⵙⵙⴻⵏ ⴰⵔⵅⵓⵏ ⵓ ⵙⵊⴻⵀⴷⴻⵎ ⵉⴼⴰⴷⴷⴻⵏ ⵉⵜⵜⴻⵎⵔⴰⵢⵡⴰⵏ. ^■   4 ⵉⵏⵉⵎ ⵉ ⵢⴻⵏⵏⵉ ⵖⴰⵔ ⵉⴵⴰ ⵓⵍ ⵉⴳⴳⵯⴻⴷ: ‘ⵉⵍⵉⵎ ⴷ ⵉⵔⵢⴰⵥⴻⵏ, ⵡⴰⵔ ⵜⵜⴻⴳⴳⵯⴻⴷⴻⵎ! ⵅⵥⴰⵔⴻⵎ, ⴰⵔⴻⴱⴱⵉ ⵏⵡⴻⵎ ⴰⴷ ⵉⵅⵍⴻⴼ, ⴰⴷ ⴷⴷ-ⵢⴰⵙ ⵙ ⵡⴻⵅⵍⴰⴼ ⵏ ⴰⵔⴻⴱⴱⵉ, ⴰⴷ ⴷⴷ-ⵢⴰⵙ, ⴰⴷ ⴽⴻⵏⵏⵉⵡ ⵉⵙⵙⴻⵏⵊⴻⵎ.’ 5 ⵅⴻⵏⵏⵉ ⴰⴷ ⵏⵏⵓⵔⵥⵎⴻⵏⵜ ⵜⵉⵟⵟⴰⵡⵉⵏ ⵏ ⵉⴹⴰⵔⵖⴰⵍⴻⵏ ⵓⵛⴰ ⴰⴷ ⵜⵜⵡⴰⵔⴻⵥⵎⴻⵏ ⵉⵎⴻⵥⵥⵓⵖⴻⵏ ⵏ ⵉⴷⵓⵀⵛⴰⵔ. ^■   6 ⵅⴻⵏⵏⵉ ⴰⴷ ⵉⵏⴳⴻⵥ ⵓⵇⵉⴹⴰⵔ ⴰⵎ ⵓⴷⴰⴷ ⵓⵛⴰ ⵉⵍⴻⵙ ⵏ ⵓⵥⵉⵏⵓⵏ ⴰⴷ ⵉⵙⵍⵉⵡⵍⴻⵡ, ⵎⴰⵖⴰⵔ ⴰⴷ ⴷⴷⵓⵇⵇⵥⴻⵏ ⵡⴰⵎⴰⵏ ⴷⵉ ⵍⴻⵅⵍⴰ ⵓⵍⴰ ⴷ ⵜⵉⵖⵥⴰⵔⵉⵏ ⴷⵉ ⵍⴻⵡⴹⴰ. ^■   7 ⵜⴰⵎⵎⵓⵔⵜ ⵢⵓⵥⵖⴻⵏ ⴰⴷ ⵜⴻⴷⵡⴻⵍ ⴷ ⵙⵙⴰⵔⵉⵊ ⵓ ⵜⴰⵎⵎⵓⵔⵜ ⵉⴼⴼⵓⴷⴻⵏ ⴷ ⵜⴰⵍⴰⵡⵉⵏ ⵉⵜⵜⴱⴻⵇⴱⵓⵇⴻⵏ. ⴷⵉ ⵜⴻⵎⵎⵓⵔⵜ ⵏ ⵡⵓⵛⵛⴰⵏⴻⵏ ⵏ ⵍⴻⵅⵍⴰ, ⵎⴰⵏⵉ ⴰⵔⵔⴻⵢⵃⴻⵏ, ⴰⴷ ⵢⵉⵍⵉ ⴰⵔⵔⴱⵉⵄ ⴰⴽ-ⴷ ⵓⵖⴰⵏⵉⵎ ⴷ ⵡⴻⵥⵔⴰⴼ.”

8 “ⴰⴷ ⴷⵉⵏ ⵢⵉⵍⵉ ⵉⵊⵊ ⵏ ⵡⴻⴱⵔⵉⴷ ⵉⵙⴻⴳⴳⵎⴻⵏ, ⴰⴱⵔⵉⴷ ⵏⵏⵉ ⵉ ⵖⴰ ⵍⴰⵖⴰⵏ ‘ⴰⴱⵔⵉⴷ ⴰⵎⵇⴻⴷⴷⴰⵙ!’. ⵓⵍⴰ ⴷ ⵉⵊⵊ ⵏ ⵓⵎⴻⵅⵎⵓⵊ ⵡⴰⵔ ⵅⴰⵙ ⵉⴳⴳⵓⵔ, ⵎⴰⵛⴰ ⴰⴷ ⵢⵉⵍⵉ ⵉ ⵏⵉⵜⵏⵉ: ⵎⴰⵏ ⵡⴻⵏ ⵎⴰ ⵉⴳⴳⵓⵔⴻⵏ ⵅ ⵡⴻⴱⵔⵉⴷ-ⴰ, ⵄⴰⴷ ⵉⴱⵓⵀⴰⵍⵉⵢⵢⴻⵏ ⵡⴰⵔ ⵜⵜⵡⴻⴷⴷⵉⵔⵉⵏ. 9 ⵡⴰⵔ ⴷⵉⵏⵏⵉ ⵉⵜⵜⵉⵍⵉ ⵡⴰⵢⵔⴰⴷ ⵓ ⵡⴰⵔ ⵅⴰⵙ ⵉⵜⵜⴳⵉⵄⵄⵉⴷ ⵏⵉⵖ ⴰⴷ ⵉⵜⵜⵡⴰⴼ ⴷⵉⵏ ⵓⵍⴰ ⴷ ⵉⵊⵊ ⵏ ⵍⵡⴻⵃⵛ ⵉⵜⵜⵛⴰⵔⵔⴻⴳ, ⵎⴰⵛⴰ ⵉⵏⵏⵉ ⵉⵜⵜⵡⴰⵚⴻⵍⵃⴻⵏ ⴰⴷ ⵅⴰⵙ ⵓⵢⵓⵔⴻⵏ.

10 ⵉⵏⵏⵉ ⵉⵜⵜⵡⴰⵚⴻⵍⵃⴻⵏ ⵥⵉ ⵙⵉⴷⵉ ⴰⴷ ⵄⴻⵇⴱⴻⵏ, ⴰⴷ ⴷⴷ-ⴰⵙⴻⵏ ⵙⵍⵉⵡⵍⵉⵡⴻⵏ ⵖⴰⵔ ⵚⵉⵀⵢⵓⵏ. ⵍⴻⴼⵔⴰⵃⴻⵜ ⵏ ⵍⴻⴱⴷⴰ ⴰⴷ ⵜⴰⵔⵙⴰ ⵅ ⵉⵥⴻⴵⵉⴼⴻⵏ ⵏⵙⴻⵏ. ⴰⴼⴰⵔⵔⴻⵊ ⴷ ⵍⴻⴼⵔⴰⵃⴻⵜ ⴰⴷ ⵖⴰⵔⵙⴻⵏ ⴰⵡⴹⴻⵏ, ⴰⵛⴹⴰⵏ ⴷ ⵡⴻⵙⵃⵉⵙⵙⴻⴼ ⴰⴷ ⵥⵥⴰⵢⵙⴻⵏ ⴰⵔⴻⵡⵍⴻⵏ.” ^■