1 “ⵓⵛⵜ ⵅ ⵢⴻⵏⵏⵉ ⴷⴷ-ⵉⵀⵡⴰⵏ ⵖⴰⵔ ⵎⵉⵚⵔⴰ ⵃⵉⵎⴰ ⴰⴷ ⴰⴼⴻⵏ ⵜⵡⵉⵥⴰ, ⵉⵏⵏⵉ ⵉⵜⵜⴻⵛⵍⴻⵏ ⵅ ⵢⴻⵢⵙⴰⵏ ⵓ ⵜⵜⴻⴳⴳⴻⵏ ⵍⴰⵎⴰⵏ ⴷⴻⴳ ⵉⴽⴰⵔⵔⵓⵜⴻⵏ, ⵎⵉⵏⵥⵉ ⵏⵉⵜⵏⵉ ⴷⴻⴳ ⵡⴰⵟⵟⴰⵙ, ⵓⵍⴰ ⵅ ⵢⴻⵏⵏⵉ ⵉⵏⵢⵉⵏ ⵅ ⵢⴻⵢⵙⴰⵏ, ⵎⵉⵏⵥⵉ ⵏⵉⵜⵏⵉ ⵊⵊⴻⵀⴷⴻⵏ, ⴰⵅⵎⵉ ⵡⴰⵔ ⵅⴻⵥⵥⴰⵔⴻⵏ ⵖⴰⵔ ⵓⵎⵇⴻⴷⴷⴰⵙ ⵏ ⵉⵙⵔⴰⵉⵍ ⵓ ⵡⴰⵔ ⴰⵔⴻⵥⵥⵓⵏ ⵙⵉⴷⵉ.” ^■  

2 “ⵎⴰⵛⴰ ⵓⵍⴰ ⴷ ⵏⴻⵜⵜⴰ ⴷ ⴰⵎⵉⵖⵉⵙ, ⵏⴻⵜⵜⴰ ⴳⴳⵓⵔ ⴰⴷ ⵢⴻⵊⵊ ⵍⵖⴰⵔ ⴰⴷ ⴷⴷ-ⵢⴰⵙ. ⵡⴰⵔ ⵉⵜⵜⴷⵉⴽⴽⵡⵉⵍ ⴷⴻⴳ ⵡⴰⵡⴰⵍ ⵏⵏⴻⵙ, ⴰⴷ ⵉⴽⴽⴰⵔ ⴹⵉⴷⴷ ⵉ ⵜⴰⴷⴷⴰⵔⵜ ⵏ ⵉⵄⴻⴼⴼⴰⵏⴻⵏ ⵓ ⴹⵉⴷⴷ ⵉ ⵜⵡⵉⵥⴰ ⵏ ⵢⵉⵏⵏⵉ ⵉⵜⵜⴻⴳⴳⴻⵏ ⵍⵎⵓⵄⵚⵉⵢⵢⴻⵜ. 3 ⵎⴰⵖⴰⵔ ⵉⵎⵉⵚⵔⵉⵢⵢⴻⵏ ⴷ ⵉⵡⴷⴰⵏ, ⵡⴰⵔ ⴵⵉⵏ ⴷ ⴰⵔⴻⴱⴱⵉ, ⵓⵛⴰ ⵉⵢⵙⴰⵏ ⵏⵙⴻⵏ ⴷ ⴰⵢⵙⵓⵎ, ⵡⴰⵔ ⵉⴵⵉ ⴷ ⴰⵔⵔⵓⵃ. ⴰⴷ ⵉⵙⴰⵔⵔⴻⵃ ⵙⵉⴷⵉ ⴰⴼⵓⵙ ⵏⵏⴻⵙ ⴰⵍ ⵉ ⵖⴰ ⵉⵏⵇⴰⵔⴹ ⵡⴻⵏⵏⵉ ⵉⵡⵛⵉⵏ ⴰⴼⵓⵙ ⵓ ⴰⵎⵎⵓ ⵓⵍⴰ ⴷ ⵡⴻⵏⵏⵉ ⴷⴰⵢⴻⵙ ⵉⵡⵛⵉⵏ ⴰⴼⵓⵙ ⴰⴷ ⵉⵡⴹⴰ. ⴰⵎⵎⵓ ⵉ ⵖⴰ ⵇⴹⴰⵏ ⵏⵉⵜⵏⵉ ⵎⴰⵔⵔⴰ ⵉⴷⵙⴻⵏ.”

4 “ⵎⴰⵖⴰⵔ ⴰⵎⵎⵓ ⵉ ⴷ ⴰⵢⵉ ⵉⵏⵏⴰ ⵙⵉⴷⵉ: ‘ⴰⵎ ⵎⴰⵎⵎⴻⵛ ⵉⵜⵜⴰⵔⵔⵓⵊⴷⵓⴷ ⵡⴰⵢⵔⴰⴷ ⵏⵉⵖ ⵡⴰⵢⵔⴰⴷ ⴰⵎⴻⵥⵢⴰⵏ ⵅ ⵥⵥⴰⵔⴷⴻⵜ ⵏⵏⴻⵙ ⵅⵎⵉ ⵅⴰⵙ ⴷⴷ-ⵜⵜⵍⴰⵖⴰⵏ ⵉⵊⵊ ⵏ ⵓⴱⴰⵔⵔⵓ ⵏ ⵉⵎⴻⴽⵙⴰⵡⴻⵏ, ⴱⵍⴰ ⵎⴰ ⴰⴷ ⵉⵏⵏⴻⵅⵍⴻⵄ ⵥⵉ ⵜⵎⵉⵊⵊⴰ ⵏⵙⴻⵏ ⵓ ⵡⴰⵔ ⵉⵅⴻⵏⵏⴻⵙ ⵥⴻⴳ ⵓⴱⴰⵔⵔⵓ ⵏⵙⴻⵏ, ⴰⵎⵎⵓ ⵉ ⵖⴰ ⵉⵀⵡⴰ ⵓⵍⴰ ⴷ ⵙⵉⴷⵉ ⵏ ⵍⵄⴻⵙⴽⴰⵔⴰⵜ ⵃⵉⵎⴰ ⴰⴷ ⵉⵎⵏⴻⵖ ⵅ ⵡⴻⴷⵔⴰⵔ ⵏ ⵚⵉⵀⵢⵓⵏ ⵓ ⵅ ⵜⴻⵡⵔⵉⵔⵜ ⵏⵏⴻⵙ. ^□   5 ⴰⵎⴻⵛⵏⴰⵡ ⵉⵊⴹⴰⴹ ⵉⵜⵜⴼⴰⵔⴼⵉⵔⴻⵏ ⵙⴻⵏⵏⴻⵊ ⵉ ⵍⵄⵓⵛⵛ ⵏⵙⴻⵏ, ⴰⵎⵎⵓ ⵉ ⵖⴰ ⵉⵙⵙⴻⵍⵇⴰ ⵙⵉⴷⵉ ⵏ ⵍⵄⴻⵙⴽⴰⵔⴰⵜ ⵅ ⵓⵔⵛⴰⵍⵉⵎ. ⴰⴷ ⵜⵜ ⵉⵙⵙⴰⵔ, ⴰⴷ ⵜⵜ ⵉⵙⵙⴻⵏⵊⴻⵎ, ⴰⴷ ⵅⴰⵙ ⵢⴻⴽⴽ ⵓⵛⴰ ⴰⴷ ⵜⵜ ⵉⵙⵙⴻⵏⵊⴻⵎ. ^■  

6 ⴷⴻⵡⵍⴻⵎ-ⴷⴷ ⵖⴰⵔ ⵡⴻⵏⵏⵉ ⵅ ⵃⴻⵢⵢⴷⴻⵏ ⴰⵢⵜ ⵏ ⵉⵙⵔⴰⵉⵍ ⵙ ⵡⴰⵟⵟⴰⵙ. 7 ⴷⴻⴳ ⵡⴰⵙⵙ ⵏⵏⵉ ⴰⴷ ⵉⵎⵎⴻⵏⴹⴰⵔ ⴽⵓⵍ ⵉⵊⵊ ⵍ’ⴰⵚⵏⴰⵎ ⵏⵏⴻⵙ ⵏ ⵏⵏⵓⵇⴰⵔⵜ ⴷ ⵍ’ⴰⵚⵏⴰⵎ ⵏⵏⴻⵙ ⵏ ⵡⵓⵔⴻⵖ, ⵉⵏⵏⵉ ⵢⴻⴳⴳⵉⵏ ⵉⴼⴰⵙⵙⴻⵏ ⵏⵡⴻⵎ ⵉ ⵢⵉⵅⴻⴼ ⵏⵡⴻⵎ, ⵉ ⴷⴷⴻⵏⴱ. ^■   8 ⴰⵛⵛⵓⵔ ⴰⴷ ⵉⵡⴹⴰ ⵙ ⵙⵙⵉⴼ, ⵡⴰⵔ ⵉⴵⵉ ⵙⵙⵉⴼ ⵏ ⵉⵊⵊ ⵏ ⵡⴻⵔⵢⴰⵥ, ⵓⵛⴰ ⴰⴷ ⵜ ⵢⴻⵛⵛ ⵙⵙⵉⴼ, ⵡⴰⵔ ⵉⴵⵉ ⵏ ⵉⵊⵊ ⵏ ⴱⵏⴰⴷⴻⵎ. ⴰⴷ ⵢⴰⵔⵡⴻⵍ ⴰⵛⵛⵓⵔ ⵥⵥⴰⵜ ⵉ ⵙⵙⵉⴼ ⵓⵛⴰ ⵉⵃⵓⴷⵔⵉⵢⵢⴻⵏ ⵏⵏⴻⵙ ⴰⴷ ⴷⴻⵡⵍⴻⵏ ⵖⴰⵔ ⵜⴻⵙⵎⵓⵖⵉ. 9 ⵜⴰⵚⴹⴰⵔⵜ ⵏⵏⴻⵙ ⴰⴷ ⵜⴻⴳⴳⵯⴻⵊ ⵙ ⵜⵉⴳⴳⵯⵓⴷⵉ, ⵓⵛⴰ ⵍⵃⵓⴽⴽⴰⵎ ⵏⵏⴻⵙ ⴰⴷ ⴰⵔⴻⵡⵍⴻⵏ ⵥⵉ ⵜⵄⴻⴵⴰⵏⵜ!’, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ, ⵡⴻⵏⵏⵉ ⵖⴰⵔ ⵉ ⵜⴻⴵⴰ ⵜⵎⴻⵙⵙⵉ ⴷⵉ ⵚⵉⵀⵢⵓⵏ ⵓⵍⴰ ⴷ ⵜⴰⴼⵇⵓⵏⵜ ⴷⵉ ⵓⵔⵛⴰⵍⵉⵎ.” ^■