1 “... ⴷⴻⴳ ⵡⴰⵙⵙ ⵏⵏⵉ ⴰⴷ ⵛⴻⴱⴱⴰⵔⴻⵏⵜ ⵙⴻⴱⵄⴰ ⵏ ⵜⴻⵎⵖⴰⵔⵉⵏ ⴷⴻⴳ ⵉⵊⵊ ⵏ ⵡⴻⵔⵢⴰⵥ, ⴰⴷ ⵇⵇⴰⵔⴻⵏⵜ: ‘ⵏⴻⵛⵛⵉⵏ ⴰⴷ ⵏⴻⵛⵛ ⴰⵖⵔⵓⵎ ⵏⵏⴻⵖ ⵓ ⴰⴷ ⵏⴻⵙⵙⵢⴰⵔⴹ ⵉⵅⴻⴼ ⵏⵏⴻⵖ, ⴻⵊⵊ ⴰⵏⴻⵖ ⴰⴷ ⵏⴻⴽⵙⵉ ⵉⵙⴻⵎ ⵏⵏⴻⴽ ⵡⴰⵀⴰ, ⴽⵙⵉ ⵍⴻⴼⴹⵉⵃⴻⵜ ⵅⴰⵏⴻⵖ.’ ”

2 “ⴷⴻⴳ ⵡⴰⵙⵙ ⵏⵏⵉ ⴰⴷ ⵉⴷⵡⴻⵍ ⵓⵖⴻⴷⴷⵓ ⵏ ⵙⵉⴷⵉ ⴷ ⵜⴻⵍⵡⵉⵥⵜ ⵉⵛⴻⵡⵡⴰⵔⴻⵏ, ⵓ ⵍⵖⵉⴵⴻⵜ ⵏ ⵜⴻⵎⵎⵓⵔⵜ ⴷ ⵍⵄⴻⵥⵥ ⴷ ⵓⵛⴻⵡⵡⴰⵔ ⵉ ⵎⵉⵏ ⵉⵏⵏⴻⵊⵎⴻⵏ ⵏ ⵉⵙⵔⴰⵉⵍ. 3 ⵎⵉⵏ ⵉⵇⵇⵉⵎⴻⵏ ⵏ ⵚⵉⵀⵢⵓⵏ ⴷ ⵡⴻⵏⵏⵉ ⵉⵇⵇⵉⵎⴻⵏ ⴷⵉ ⵓⵔⵛⴰⵍⵉⵎ ⵄⴰⴷ, ⴰⴷ ⴰⵙⴻⵏ ⵉⵏⵉⵏ: ‘ⴷ ⴰⵎⵇⴻⴷⴷⴰⵙ!’, ⴽⵓⵍ ⵉⵊⵊ ⴷⵉ ⵓⵔⵛⴰⵍⵉⵎ ⵡⴻⵏⵏⵉ ⵉⵜⵜⵡⴰⵥⴻⵎⵎⴻⵎⴻⵏ ⵉ ⵜⵓⴷⴰⵔⵜ. 4 ⵅⵎⵉ ⵉ ⵖⴰ ⵉⵙⵙⵉⵔⴷ ⵙⵉⴷⵉ ⵍⴻⵅⵎⴻⵊ ⵏ ⵢⴻⵙⵙⵉⵙ ⵏ ⵚⵉⵀⵢⵓⵏ ⵓ ⴰⴷ ⵉⵙⵔⵉⵔ ⵥⵉ ⵍⵡⴻⵙⵜ ⵏ ⵓⵔⵛⴰⵍⵉⵎ ⵉⴷⴰⵎⵎⴻⵏ ⵙ ⴰⵔⵔⵓⵃ ⵏ ⵍⴻⵃⴽⴰⵎ ⵓ ⵙ ⴰⵔⵔⵓⵃ ⵏ ⵡⴻⵛⵎⴰⴹ, 5 ⵅⴻⵏⵏⵉ ⴰⴷ ⵉⴳⴳ ⵙⵉⴷⵉ ⴷⴻⴳ ⵓⵥⵉⵍ ⵉⵊⵊ ⵏ ⵓⵙⴻⵢⵎⵓ ⵅ ⵎⴰⵔⵔⴰ ⵜⴰⵥⴻⴷⴷⵉⵖⵜ ⵅ ⵡⴻⴷⵔⴰⵔ ⵏ ⵚⵉⵀⵢⵓⵏ ⵓ ⵅ ⵜⵎⴻⵙⵎⵓⵏⵉⵏ ⵏⵏⴻⵙ ⵓ ⵙ ⴵⵉⵍⴻⵜ ⴷⴷⴻⵅⵅⴰⵏ ⴷ ⵜⵉⵙⵙⵉⵇⵜ ⵏ ⵜⵎⴻⵙⵙⵉ ⵉⵜⵜⵛⴻⵄⵛⵉⵄⴻⵏ, ⵎⴰⵖⴰⵔ ⵜⵉⵡⴰ ⵎⴰⵔⵔⴰ ⵎⵉⵏ ⵉⵄⵓⴵⴻⵏ ⴰⴷ ⵜⵉⵍⵉ ⵜⵇⵉⴷⵓⵏⵜ ⵉ ⵓⴷⵓⵔⵔⵉ ⵏ ⵜⴻⵙⵍⵉⵜ. 6 ⴰⴷ ⵢⵉⵍⵉ ⵓⵄⵉⵛⵛⵓ ⵉ ⵜⵉⵍⵉ ⵙ ⵓⵥⵉⵍ ⵥⵉ ⵍⴻⵃⵎⵓ ⵓ ⵉ ⵡⴻⵎⵛⴰⵏ ⵏ ⵜⴰⵔⴻⵡⵍⴰ ⴷ ⵓⴷⵓⵔⵔⵉ ⵥⵉ ⵍⵃⴻⵎⵍⴻⵜ ⴷ ⵡⴻⵏⵥⴰⵔ.”