1 ⵉⵎⴻⵥⴷⴰⵖ ⵏ ⵓⵔⵛⴰⵍⵉⵎ ⴳⴳⵉⵏ ⴰⵃⴰⵥⵢⴰ, ⵎⵎⵉⵙ ⴰⵎⴰⵥⵓⵥ, ⴷ ⴰⵊⴻⴵⵉⴷ ⴷⴻⴳ ⵡⴻⵎⵛⴰⵏ ⵏⵏⴻⵙ, ⵎⴰⵖⴰⵔ ⵎⴰⵔⵔⴰ ⴰⵢⵜⵎⴰⵙ ⵉⵎⴻⵇⵇⵔⴰⵏⴻⵏ ⵜⵓⵖⴰ ⵜⵜⵡⴰⵏⵖⴻⵏ ⵥⴻⴳ ⵉⵛⵜ ⵏ ⴱⴰⵏⴷⵉⵢⵢⴰ ⵉ ⵜⵓⵖⴰ ⴷⴷ-ⵜⵓⴷⴻⴼ ⴰⴽ-ⴷ ⵡⴻⵄⵔⴰⴱⴻⵏ ⵖⴰⵔ ⵍⵎⴰⵔⴳⴻⱨ ⵏ ⵍⵄⴻⵙⴽⴰⵔ. ⴰⵎⵎⵓ ⵉ ⵉⴷⵡⴻⵍ ⴰⵃⴰⵥⵢⴰ, ⵎⵎⵉⵙ ⵏ ⵢⴰⵀⵓⵔⴰⵎ, ⴷ ⴰⵊⴻⴵⵉⴷ ⵏ ⵢⴰⵀⵓⴷⴰ. 2 ⴰⵅⴰⵥⵢⴰ ⵜⵓⵖⴰ ⵖⴰⵔⴻⵙ ⵜⵏⴰⵢⴻⵏ ⵓ-ⵔⴻⴱⵄⵉⵏ ⵏ ⵉⵙⴻⴳⴳⵯⵓⵙⴰ, ⵓⵎⵉ ⵉⴷⵡⴻⵍ ⴷ ⴰⵊⴻⴵⵉⴷ. ⵏⴻⵜⵜⴰ ⵉⵃⴽⴻⵎ ⵉⵊⵊ ⵏ ⵓⵙⴻⴳⴳⵯⴰⵙ ⴷⵉ ⵓⵔⵛⴰⵍⵉⵎ. ⵢⴻⵎⵎⴰⵙ ⵇⵇⴰⵔⴻⵏ ⴰⵙ ⵄⴰⵜⴰⵍⵢⴰ, ⵢⴻⴵⵉⵙ ⵏ ⵄⵓⵎⵔⵉ. 3 ⵏⴻⵜⵜⴰ ⵢⵓⵢⵓⵔ ⴷⴻⴳ ⵉⴱⵔⵉⴷⴻⵏ ⵏ ⵜⴰⴷⴷⴰⵔⵜ ⵏ ⴰⵅⴰⴱ, ⵎⴰⵖⴰⵔ ⵢⴻⵎⵎⴰⵙ ⴷ ⵜⴰⵎⵛⴰⵡⴰⵔⵜ ⵏⵏⴻⵙ ⴷⵉ ⵎⴰⵔⵔⴰ ⵜⵓⵄⴻⴼⴼⵏⴰ ⵉ ⵉⴳⴳⴰ. 4 ⵏⴻⵜⵜⴰ ⵉⴳⴳⴰ ⵎⵉⵏ ⵉⴵⴰⵏ ⴷ ⴰⵄⴻⴼⴼⴰⵏ ⴷⵉ ⵜⵉⵟⵟⴰⵡⵉⵏ ⵏ ⵙⵉⴷⵉ, ⴰⵎⴻⵛⵏⴰⵡ ⵜⴰⴷⴷⴰⵔⵜ ⵏ ⴰⵅⴰⴱ, ⵎⴰⵖⴰⵔ ⴰⵡⴰⵔⵏⵉ ⵉ ⵍⵎⴻⵡⵜ ⵏ ⴱⴰⴱⴰⵙ ⵜⵓⵖⴰ ⵉⵏⵏⵉ ⵏ ⵜⴰⴷⴷⴰⵔⵜ ⵏ ⴰⵅⴰⴱ ⴷ ⵉⵎⵛⴰⵡⴰⵔⴻⵏ ⵏⵏⴻⵙ ⴰⵍⴰⵎⵉ ⵉⴽⴽⴰ ⵅ ⵓⵥⴻⴵⵉⴼ.

5 ⵏⴻⵜⵜⴰ ⵉⴹⴼⴰⵔ ⵛⵛⵡⴰⵔ ⵏⵙⴻⵏ ⵓⵛⴰ ⵉⴼⴼⴻⵖ ⴰⴽ-ⴷ ⵢⵓⵔⴰⵎ, ⵎⵎⵉⵙ ⵏ ⴰⵅⴰⴱ, ⴰⵊⴻⴵⵉⴷ ⵏ ⵉⵙⵔⴰⵉⵍ, ⵉ ⵓⵎⴻⵏⵖⵉ ⴰⴽ-ⴷ ⵃⴰⵥⴰⵢⵉⵍ, ⴰⵊⴻⴵⵉⴷ ⵏ ⴰⵔⴰⵎ, ⵖⴰⵔ ⵔⴰⵎⵓⵜ ⴷⵉ ⵊⵉⵍⵄⴰⴷ ⵓⵛⴰ ⵉⵔⴰⵎⵉⵢⵢⴻⵏ ⵖⴻⵍⴱⴻⵏ ⵅ ⵢⵓⵔⴰⵎ. 6 ⵅⴻⵏⵏⵉ ⵢⴰⵔⴻⴳⴳⵯⴻⵃ ⵎⴰⵃⴻⵏⴷ ⴰⴷ ⵢⴰⵔⵥⵓ ⴷⵉ ⵢⴰⵥⵔⴰⵄⵉⵍ ⴰⴳⴻⵏⴼⵓ ⵥⴻⴳ ⵉⵢⴻⵥⵥⵉⵎⴻⵏ ⵏⵏⵉ ⵉ ⴷ ⴰⵙ ⵜⵓⵖⴰ ⴳⴳⵉⵏ ⴰⵢⵜ ⵏ ⴰⵔⴰⵎ ⵓⵎⵉ ⵉⵎⵏⴻⵖ ⴷⵉ ⵔⴰⵎⵓⵜ ⴰⴽ-ⴷ ⵓⵊⴻⴵⵉⴷ ⵏⵙⴻⵏ, ⵃⴰⵥⴰⵢⵉⵍ, ⴰⵊⴻⴵⵉⴷ ⵏ ⴰⵔⴰⵎ. ⵉⵀⵡⴰ-ⴷⴷ ⵄⴰⵥⴰⵔⵢⴰ, ⵎⵎⵉⵙ ⵏ ⵢⵓⵔⴰⵎ, ⴰⵊⴻⴵⵉⴷ ⵏ ⵢⴰⵀⵓⴷⴰ, ⵖⴰⵔ ⴷⵉⵏ, ⵃⵉⵎⴰ ⴰⴷ ⵉⵙⵙⵉⵊⵊ ⵅ ⵢⵓⵔⴰⵎ, ⵎⵎⵉⵙ ⵏ ⴰⵅⴰⴱ, ⴷⵉ ⵢⴰⵥⵔⴰⵄⵉⵍ, ⵓⵎⵉ ⵜⵓⵖⴰ ⵉⵀⵍⴻⵛ. 7 ⴰⵔⴻⴷⴷⴻⴵ ⵏ ⴰⵃⴰⵥⵢⴰ ⵜⵓⵖⴰ ⵥⵉ ⴰⵔⴻⴱⴱⵉ ⵓⵎⵉ ⴷⴷ-ⵢⵓⵙⴰ ⵖⴰⵔ ⵢⵓⵔⴰⵎ. ⵓⵎⵉ ⴷⴷ-ⵢⵉⵡⴻⴹ ⴷⵉⵏ, ⵉⴼⴼⴻⵖ ⴰⴽ-ⴷ ⵢⵓⵔⴰⵎ ⵅ ⵢⴰⵀⵓ, ⵎⵎⵉⵙ ⵏ ⵏⵉⵎⵛⵉ, ⵡⴻⵏⵏⵉ ⵉ ⵜⵓⵖⴰ ⵉⴷⵀⴻⵏ ⵙⵉⴷⵉ ⵎⴰⵃⴻⵏⴷ ⴰⴷ ⵉⵇⴹⴰ ⵅ ⵜⴰⴷⴷⴰⵔⵜ ⵏ ⴰⵅⴰⴱ. 8 ⵓⵎⵉ ⵉⵇⴹⴰ ⵢⴰⵀⵓ ⵅ ⵍⵃⵓⴽⵎ ⵏ ⵜⴰⴷⴷⴰⵔⵜ ⵏ ⴰⵅⴰⴱ, ⵉⵎⵙⴰⵔ, ⴰⵇⴰ ⵢⵓⴼⴰ ⵍⵃⵓⴽⴽⴰⵎ ⵏ ⵢⴰⵀⵓⴷⴰ ⴷ ⵉⵃⴻⵏⵊⵉⵔⴻⵏ ⵏ ⴰⵢⵜⵎⴰⵙ ⵏ ⴰⵃⴰⵥⵢⴰ, ⵉⵏⵏⵉ ⵉ ⵜⵓⵖⴰ ⵉⵜⵜⵙⴻⵅⵅⴰⵔⴻⵏ ⵉ ⴰⵃⴰⵥⵢⴰ, ⵓⵛⴰ ⵉⵏⵖⴰ ⵉ-ⵜⴻⵏ. 9 ⵅⴻⵏⵏⵉ ⵢⴰⵔⵥⵓ ⵅ ⴰⵃⴰⵥⵢⴰ. ⵏⵉⵜⵏⵉ ⵟⵟⴼⴻⵏ ⵜ ⴰⵎ ⵜⵓⵖⴰ ⵉⵏⵏⵓⴼⴼⴰⵔ ⴷⵉ ⵙⴰⵎⴰⵔⵢⴰ ⵓⵛⴰ ⵉⵡⵢⴻⵏ ⵜ ⵖⴰⵔ ⵢⴰⵀⵓ. ⵏⵖⵉⵏ ⵜ ⵓ ⵏⴻⴹⵍⴻⵏ ⵜ, ⵎⵉⵏⵥⵉ ⵏⵏⴰⵏ: “ⵏⴻⵜⵜⴰ ⴷ ⵎⵎⵉⵙ ⵏ ⵢⴰⵀⵓⵛⴰⴼⴰⵟ, ⵡⴻⵏⵏⵉ ⵢⴰⵔⴻⵥⵥⵓⵏ ⵅ ⵙⵉⴷⵉ ⵙ ⵎⴰⵔⵔⴰ ⵓⵍ ⵏⵏⴻⵙ.” ⴰⵎⵎⵓ ⵡⴰⵔ ⵉⵇⵇⵉⵎ ⵉ ⵜⴰⴷⴷⴰⵔⵜ ⵏ ⴰⵃⴰⵥⵢⴰ ⵓⵍⴰ ⴷ ⵉⵊⵊ ⵏ ⵡⴻⵏⵏⵉ ⴷⵉ ⵉⴵⴰ ⵊⵊⴻⵀⴷ ⵃⵉⵎⴰ ⴰⴷ ⵉⵃⴽⴻⵎ ⴰⵎ ⵓⵊⴻⴵⵉⴷ.

10 ⵓⵎⵉ ⵄⴰⵜⴰⵍⵢⴰ, ⵢⴻⵎⵎⴰⵙ ⵏ ⴰⵃⴰⵥⵢⴰ ⵜⴻⵥⵔⴰ, ⴰⵇⴰ ⵎⵎⵉⵙ ⵉⵎⵎⵓⵜ, ⵜⴻⴽⴽⴰⵔ, ⵜᵉⵜⴻⵃⵃⴰ ⵎⴰⵔⵔⴰ ⵜⴰⵔⵡⴰ ⵏ ⵓⵊⴻⴵⵉⴷ ⵏ ⵜⴰⴷⴷⴰⵔⵜ ⵏ ⵢⴰⵀⵓⴷⴰ. ^□  

11 ⵎⴰⵛⴰ ⵢⴰⵀⵓⵛⴰⴱⵄⴰⵜ, ⵢⴻⴵⵉⵙ ⵏ ⵓⵊⴻⴵⵉⴷ, ⵜⴻⴽⵙⵉ ⵢⵓⵡⴰⵛ, ⵎⵎⵉⵙ ⵏ ⴰⵃⴰⵥⵢⴰ, ⵓⵛⴰ ⵜⴻⵅⴹⴻⴼ ⵉ-ⵜ ⵥⵉ ⵊⴰⵔ ⵉⵀⴻⵏⵊⵉⵔⴻⵏ ⵏ ⵓⵊⴻⴵⵉⴷ ⵏⵏⵉ ⵉⵜⵜⵡⴰⵏⵖⴻⵏ ⵓⵛⴰ ⵜⴻⵙⵙⵉⴷⴻⴼ ⵉ-ⵜ ⴰⴽ-ⴷ ⵜⴻⵏⵏⵉ ⵜ ⵉⵙⵙⵓⴹⵓⴹⴻⵏ ⴷⴻⴳ ⵉⵊⵊ ⵏ ⵡⴻⵅⵅⴰⵎ ⵏ ⵢⵉⴹⴻⵚ. ⴰⵎⵎⵓ ⵉ ⵜⴻⴳⴳⴰ ⵢⴰⵀⵓⵛⴰⴱⵄⴰⵜ, ⵢⴻⴵⵉⵙ ⵏ ⵓⵊⴻⴵⵉⴷ ⵢⴰⵀⵓⵔⴰⵎ, ⵜⴰⵎⵖⴰⵔⵜ ⵏ ⵓⴽⴻⵀⵀⴰⵏ ⵢⴰⵀⵓⵢⴰⴷⴰⵄ — ⵎⴰⵖⴰⵔ ⵏⴻⵜⵜⴰⵜ ⴷ ⵓⵞⵎⴰⵙ ⵏ ⴰⵃⴰⵥⵢⴰ — ⵜⴻⵙⵙⵏⵓⴼⴼⴰⵔ ⵉ-ⵜ ⵉ ⵄⴰⵜⴰⵍⵢⴰ ⵓ ⵜⴰⵏⵉⵜⴰ ⵡⴰⵔ ⵜ ⵜⴻⵏⵖⵉ ⵛⴰ.

12 ⵙⴻⵜⵜⴰ ⵏ ⵉⵙⴻⴳⴳⵯⵓⵙⴰ ⵉⵇⵇⵉⵎ ⵉⵏⵏⵓⴼⴼⴰⵔ ⵖⴰⵔⵙⴻⵏ ⴷⵉ ⵜⴰⴷⴷⴰⵔⵜ ⵏ ⴰⵔⴻⴱⴱⵉ ⵓ ⵜⵓⵖⴰ ⵄⴰⵜⴰⵍⵢⴰ ⵜⵃⴻⴽⴽⴻⵎ ⵅ ⵜⴻⵎⵎⵓⵔⵜ.