1 ⵏⴻⵜⵜⴰ ⵉⴳⴳⴰ ⵓⵍⴰ ⴷ ⴰⵄⴰⵍⵟⴰⵔ ⵏ ⵏⵏⵃⴰⵙ. ⵜⵓⵥⵥⴻⴳⴳⴰⵔⵜ ⵏⵏⴻⵙ ⵜⵓⵖⴰ-ⵜⵜ ⵄⵉⵛⵔⵉⵏ ⵏ ⵉⵖⴰⴵⴻⵏ ⵓ ⵍⵓⵄⵍⴰ ⵏⵏⴻⵙ ⵄⵉⵛⵔⵉⵏ ⵏ ⵉⵖⴰⴵⴻⵏ. 2 ⵅⴻⵏⵏⵉ ⵉⴳⴳⴰ ⵏⴻⵜⵜⴰ ⵜⴰⵔⵉⵎⴰⵏⵜ ⵉⴼⴻⵙⵢⴻⵏ. ⵜⵓⵖⴰ ⵍⴻⵄⴱⴰⵔ ⵏⵏⴻⵙ ⵄⴻⵛⵔⴰ ⵏ ⵉⵖⴰⴵⴻⵏ ⵥⵉ ⵟⵟⴰⵔⴼ ⴰⵍ ⵟⵟⴰⵔⴼ ⵏⵏⴻⵖⵏⵉ ⵓ ⵜⵓⵖⴰ-ⵜⵜ ⴷ ⵜⴰⵇⵓⵔⴰⵛⵜ. ⵜⵉⴷⴷⵉ ⵏⵏⴻⵙ ⵜⵓⵖⴰ-ⵜⵜ ⵅⴻⵎⵙⴰ ⵏ ⵉⵖⴰⴵⴻⵏ ⵓ ⵉⵛⵜ ⵏ ⵓⴼⵉⵍⵓ ⵏ ⵍⴻⵄⴱⴰⵔ ⵏ ⵜⵍⴰⵜⵉⵏ ⵏ ⵉⵖⴰⴵⴻⵏ ⵉⵏⵏⴻⴹ ⴰⵙ-ⴷⴷ. ^□   3 ⵙⴰⴷⵓ ⵏⵏⴻⵙ ⴱⴻⴷⴷⴻⵏⵜ ⵍⴻⵅⵢⴰⵍⴰⵜ ⵏ ⵉⴼⵓⵏⴰⵙⴻⵏ, ⴰⵇⴰ ⵏⵏⴹⴻⵏ ⴰⵙ-ⴷⴷ. ⵏⵏⵓⵡⴰⵔⴰⵜ ⵉ ⵡⴰⵔ ⴷⴷ-ⴼⴼⵉⵖⴻⵏⵜ ⵄⴰⴷ ⵜⵓⵖⴰ ⵉ ⴷ ⴰⵙ ⴷⴷ-ⵉⵏⵏⴹⴻⵏ ⵇⴰⵄ, ⵄⴻⵛⵔⴰ ⴷⵉ ⴽⵓⵍ ⵉⵊⵊ ⵏ ⵓⵖⵉⵍ, ⵜⵓⵖⴰ ⵇⵇⵏⴻⵏⵜ ⴰⴽ-ⴷ ⵡⴰⵢⴰⵡⵢⴰ ⴰⵎ ⵇⵓⵡⵡⴰⵔⴻⵏⵜ ⵉ ⵜⵔⵉⵎⴰⵏⵜ ⴷⵉ ⵜⵏⴰⵢⴻⵏ ⵏ ⵉⵙⴻⴷⴷⵉⵢⵢⴻⵏ. ⵉⴼⵓⵏⴰⵙⴻⵏ ⵜⵜⵡⴰⴼⴻⵙⵢⴻⵏ ⴷ ⵉⵊⵊⴻⵏ ⴰⴽ-ⴷ ⵜⵔⵉⵎⴰⵏⵜ. 4 ⵜⴰⵔⵉⵎⴰⵏⵜ ⵜⴱⴻⴷⴷ ⵅ ⵜⴻⵏⵄⴰⵛ ⵏ ⵉⴼⵓⵏⴰⵙⴻⵏ. ⵜⵍⴰⵜⴰ ⵥⵥⴰⵢⵙⴻⵏ ⴰⵔⵔⵉⵏ ⵓⴷⴻⵎ ⵏⵙⴻⵏ ⵖⴰⵔ ⵛⵛⴰⵎⴰⵍ, ⵜⵍⴰⵜⴰ ⵥⵥⴰⵢⵙⴻⵏ ⴰⵔⵔⵉⵏ ⵓⴷⴻⵎ ⵏⵙⴻⵏ ⵖⴰⵔ ⵍⵖⴰⵔⴱ, ⵜⵍⴰⵜⴰ ⵥⵥⴰⵢⵙⴻⵏ ⴰⵔⵔⵉⵏ ⵓⴷⴻⵎ ⵏⵙⴻⵏ ⵖⴰⵔ ⵍⵊⴰⵏⵓⴱ ⵓ ⵜⵍⴰⵜⴰ ⵥⵥⴰⵢⵙⴻⵏ ⴰⵔⵔⵉⵏ ⵓⴷⴻⵎ ⵏⵙⴻⵏ ⵖⴰⵔ ⵛⵛⴰⵔⵇ. ⵜⴰⵔⵉⵎⴰⵏⵜ ⵜⴰⵔⵙⴰ ⵅⴰⵙⴻⵏ ⵓ ⵎⴰⵔⵔⴰ ⵥⵥⵄⴻⵏⵇⵓⵇⴰⵜ ⵏⵙⴻⵏ ⴷⴻⵡⵍⴻⵏⵜ ⵖⴰⵔ ⴷⴰⵅⴻⵍ. 5 ⵜⵓⵖⴰ ⵜⴰⵔⵉⵎⴰⵏⵜ ⵜⴻⴳⴷⴰⵔ ⵜⵉⵔⵓ ⵏ ⵓⴼⵓⵙ ⵓ ⵜⵎⴰ ⵏⵏⴻⵙ ⴰⵎ ⵍⵅⴻⴷⵎⴻⵜ ⵉⵥⴻⵡⵡⵇⴻⵏ ⵏ ⵜⵎⴰ ⵏ ⵉⵊⵊ ⵏ ⵓⴼⴻⵏⵊⴰⵍ, ⴰⵎⴻⵛⵏⴰⵡ ⵜⴰⵏⴻⵡⵡⴰⵛⵜ ⵏ ⵉⵛⵜ ⵏ ⵜⵍⵉⵍⵍⴻⵛⵜ. ⵜⴻⴽⵙⵉ ⵜⵡⴰⵡⵉⵜ ⵏⵏⴻⵙ ⵜⴻⵍⵜ-ⴰⵍⴰⴼ ⵏ ⵉⴱⴰⵜⵓⵜⴻⵏ. ^□   6 ⵄⴰⵡⴻⴷ ⵉⴳⴳⴰ ⵏⴻⵜⵜⴰ ⵄⴻⵛⵔⴰ ⵏ ⵜⴱⴰⵏⵢⵓⵜⵉⵏ ⵓⵛⴰ ⵥⵥⴰⵢⵙⴻⵏ ⵉⴳⴳⴰ ⵅⴻⵎⵙⴰ ⵅ ⵢⴻⴼⴼⵓⵙ ⵓ ⵅⴻⵎⵙⴰ ⵅ ⵓⵥⴻⵍⵎⴰⴹ ⵃⵉⵎⴰ ⴰⴷ ⴷⴰⵢⵙⴻⵏⵜ ⵙⵙⵉⵔⴷⴻⵏ. ⵎⵉⵏ ⵉⵜⵜⵡⴰⵙⵡⴻⵊⴷⴻⵏ ⵉ ⵜⵖⴰⵔⵚⵜ ⵏ ⵡⴻⵛⵎⴰⴹ ⵙⵙⵉⵔⴷⴻⵏ ⵜⵜ ⴷⴰⵢⵙⴻⵏⵜ, ⵎⴰⵛⴰ ⵜⴰⵔⵉⵎⴰⵏⵜ ⵜⵓⵖⴰ-ⵜⵜ ⵏ ⵉⴽⴻⵀⵀⴰⵏⴻⵏ ⵎⴰⵃⴻⵏⴷ ⴰⴷ ⴷⴰⵢⴻⵙ ⵙⵙⵉⵔⴷⴻⵏ ⵉⵅⴻⴼ ⵏⵙⴻⵏ. 7 ⵏⴻⵜⵜⴰ ⵉⴳⴳⴰ ⵄⴻⵛⵔⴰ ⵏ ⵍⴻⵇⵏⴰⴷⴻⵍ ⵏ ⵡⵓⵔⴻⵖ ⵄⵍⴰⵃⵙⴰⴱ ⵍⴼⴰⵔⵉⴹⴰ ⵓ ⵏⴻⵜⵜⴰ ⵉⵙⵙⴱⴻⴷⴷ ⵉ-ⵜⴻⵏ ⴷⵉ ⵣⵥⴰⵡⴻⵛⵜ ⵜⴰⵎⴻⵇⵇⵔⴰⵏⵜ, ⵅⴻⵎⵙⴰ ⵅ ⵢⴻⴼⴼⵓⵙ ⵓ ⵅⴻⵎⵙⴰ ⵅ ⵓⵥⴻⵍⵎⴰⴹ. 8 ⵏⴻⵜⵜⴰ ⵉⴳⴳⴰ ⵄⴻⵛⵔⴰ ⵏ ⵜⵥⴻⵡⴹⵉⵡⵉⵏ ⵓⵛⴰ ⵉⴳⴳⴰ ⵉ-ⵜⴻⵏⵜ ⴷⵉ ⵣⵥⴰⵡⴻⵛⵜ ⵜⴰⵎⴻⵇⵇⵔⴰⵏⵜ, ⵅⴻⵎⵙⴰ ⵅ ⵢⴻⴼⴼⵓⵙ ⵓ ⵅⴻⵎⵙⴰ ⵅ ⵓⵥⴻⵍⵎⴰⴹ. ⵉⴳⴳⴰ ⵓⵍⴰ ⴷ ⵎⵢⴰ ⵏ ⵟⵟⴰⵡⵢⴰⵜ ⵉ ⵓⵔⵓⵛⵛⵉ ⵏ ⵡⵓⵔⴻⵖ. 9 ⵏⴻⵜⵜⴰ ⵉⴳⴳⴰ ⵍⴻⵎⵔⴰⵃ ⵉ ⵉⴽⴻⵀⵀⴰⵏⴻⵏ ⴷ ⵡⴰⵥⵥⴰⵢ ⴰⵎⴻⵇⵇⵔⴰⵏ ⴰⴽ-ⴷ ⵜⴻⵡⵡⵓⵔⴰ ⵉ ⵡⴰⵥⵥⴰⵢ ⵓⵛⴰ ⵉⵍⴻⵃⵃⴻⴼ ⵜⵉⵡⵡⵓⵔⴰ ⵏⵙⴻⵏ ⵙ ⵏⵏⵃⴰⵙ.

10 ⵜⴰⵔⵉⵎⴰⵏⵜ ⵉⴳⴳⴰ ⵉ-ⵜⵜ ⵅ ⵓⵖⴻⵥⴷⵉⵙ ⴰⴼⵓⵙⵉ ⵖⴰⵔ ⵥⵥⴰⵜ, ⵖⴰⵔ ⵓⵖⴻⵥⴷⵉⵙ ⵏ ⵛⵛⴰⵔⵇ, ⵊⵊⵉⵀⴻⵜ ⵏ ⵍⵊⴰⵏⵓⴱ.

11 ⵃⵓⵔⴰⵎ ⵉⴳⴳⴰ ⵓⵍⴰ ⴷ ⵜⵉⵢⴷⵓⵔⵉⵏ ⴷ ⵉⵖⴻⵏⵊⴰⵊⴻⵏ ⴷ ⵟⵟⴰⵡⵢⴰⵜ ⵉ ⵓⵔⵓⵛⵛⵉ. ⴰⵎⵎⵓ ⵉ ⵉⴽⴻⵎⵎⴻⵍ ⵃⵓⵔⴰⵎ ⵛⵖⴻⵍ ⵏ ⵍⵅⴻⴷⵎⴻⵜ ⵉ ⵉⴳⴳⴰ ⵉ ⵓⵊⴻⴵⵉⴷ ⵙⵓⵍⵉⵎⴰⵏ ⵉ ⵜⴰⴷⴷⴰⵔⵜ ⵏ ⴰⵔⴻⴱⴱⵉ.

12 ⵉⴳⴳⴰ ⵜⵏⴰⵢⴻⵏ ⵏ ⵉⴱⵉⵍⴰⵔⴻⵏ ⴷ ⵉⵇⵓⵔⴰⵔⴻⵏ ⴷ ⵜⵜⵉⵊⴰⵏ ⵉ ⵉⴵⴰⵏ ⵅ ⵓⵥⴻⴵⵉⴼ ⵏ ⵜⵏⴰⵢⴻⵏ ⵏ ⵉⴱⵉⵍⴰⵔⴻⵏ ⴷ ⵜⵏⴰⵢⴻⵏ ⵏ ⵜⵔⴰⵛⵛⵉⵡⵉⵏ ⵃⵉⵎⴰ ⴰⴷ ⵥⵥⴰⵢⵙⴻⵏⵜ ⴷⵍⴻⵏ ⵜⵏⴰⵢⴻⵏ ⵏ ⵉⵇⵓⵔⴰⵔⴻⵏ ⵏ ⵜⵜⵉⵊⴰⵏ ⵉ ⵉⴵⴰⵏ ⵅ ⵓⵥⴻⴵⵉⴼ ⵏ ⵉⴱⵉⵍⴰⵔⴻⵏ,

13 ⵓⵍⴰ ⴷ ⴰⵔⴻⴱⵄⴰ-ⵎⵢⴰ ⵏ ⵉⵔⴻⵎⵎⴰⵎⴻⵏ ⵉ ⵜⵏⴰⵢⴻⵏ ⵏ ⵜⵔⴰⵛⵛⵉⵡⵉⵏ: ⵜⵏⴰⵢⴻⵏ ⵏ ⵉⵙⴻⴷⴷⵉⵢⵢⴻⵏ ⵉ ⴽⵓⵍ ⵜⵔⴰⵛⵛⴰ ⵃⵉⵎⴰ ⴰⴷ ⵥⵥⴰⵢⵙⴻⵏ ⴷⵍⴻⵏ ⵜⵏⴰⵢⴻⵏ ⵏ ⵉⵇⵓⵔⴰⵔⴻⵏ ⵏ ⵜⵜⵉⵊⴰⵏ ⵏⵏⵉ ⵉⴵⴰⵏ ⵜⵉⵡⴰ ⵙⴻⵏⵏⴻⵊ ⵅ ⵡⵓⴷⴻⵎ ⵏ ⵉⴱⵉⵍⴰⵔⴻⵏ.

14 ⵉⴳⴳⴰ ⵓⵍⴰ ⴷ ⵜⵉⴽⴰⵔⵔⵓⵜⵉⵏ ⵓ ⵅ ⵜⴽⴰⵔⵔⵓⵜⵉⵏ ⵉⴳⴳⴰ ⵜⵉⴱⴰⵏⵢⵓⵜⵉⵏ ⵉ ⵓⵙⵉⵔⴷ.

15 ⵉⴳⴳⴰ ⵓⵍⴰ ⴷ ⵜⴰⵔⵉⵎⴰⵏⵜ ⴷ ⵉⵛⵜⴻⵏ, ⵓⵍⴰ ⴷ ⵜⴻⵏⵄⴰⵛ ⵏ ⵉⴼⵓⵏⴰⵙⴻⵏ ⵙⴰⴷⵓ ⵏⵏⴻⵙ.

16 ⵉⴳⴳⴰ ⵃⵓⵔⴰⵎ ⴰⴱⵉ ⵓⵍⴰ ⴷ ⵜⴻⵢⴷⵓⵔⵉⵏ ⴷ ⵉⵖⴻⵏⵊⴰⵊⴻⵏ ⴷ ⴼⵓⵔⵛⴰⵢⴰⵜ ⴷ ⵎⴰⵔⵔⴰ ⵍⴻⵇⵛⵓⵄ ⵏⵏⴻⵙ, ⵉ ⵓⵊⴻⴵⵉⴷ ⵙⵓⵍⵉⵎⴰⵏ, ⵉ ⵜⴰⴷⴷⴰⵔⵜ ⵏ ⵙⵉⴷⵉ, ⵥⵉ ⵏⵏⵃⴰⵙ ⵉⵛⴻⵍⵍⴻⵍⴻⵏ.

17 ⴰⵊⴻⴵⵉⴷ ⵉⴽⴻⴱⴱ ⵉ-ⵜⴻⵏ ⴷⴻⴳ ⵓⴷⴻⵡⵡⴰⵔ ⵏ ⵍ'ⵓⵔⴷⵓⵏ ⴷⵉ ⵜⵍⴰⵅⵜ ⵉⴳⴷⴰⵔⴻⵏ ⵊⴰⵔ ⵙⵓⴽⴽⵓⵜ ⴷ ⵚⴰⵔⴰⴷⴰ.

18 ⵙⵓⵍⵉⵎⴰⵏ ⵉⴳⴳⴰ ⵎⴰⵔⵔⴰ ⵍⴻⵇⵛⵓⵄ-ⴰ ⵅ ⵓⴱⴰⵔⵔⵓ ⴰⵎⴻⵇⵇⵔⴰⵏ, ⴰⵍⴰⵎⵉ ⵡⴰⵔ ⴱⴻⵇⵇⵛⴻⵏ ⵛⴰ ⵄⴰⴷ ⴷⵉ ⵍⴻⵡⵥⴻⵏ ⵏ ⵏⵏⵃⴰⵙ.

19 ⵙⵓⵍⵉⵎⴰⵏ ⵉⴳⴳⴰ ⵎⴰⵔⵔⴰ ⵍⴻⵇⵛⵓⵄ ⵉ ⵜⴰⴷⴷⴰⵔⵜ ⵏ ⴰⵔⴻⴱⴱⵉ: ⴰⵄⴰⵍⵟⴰⵔ ⵏ ⵡⵓⵔⴻⵖ ⴷ ⵜⵥⴻⵡⴹⵉⵡⵉⵏ ⵎⵉⵏ ⵅⴻⴼ ⵉⵜⵜⵡⴰⵎⵎⴰⵔⵙ ⵡⴻⵖⵔⵓⵎ ⵏ ⵡⴻⵙⵛⴰⵏ 20 ⴷ ⵍⴻⵇⵏⴰⴷⴻⵍ ⴰⴽ-ⴷ ⵍⴻⴼⵏⴰⵔⴰⵜ ⵏⵙⴻⵏ ⵥⴻⴳ ⵡⵓⵔⴻⵖ ⵉⵥⴻⴷⴳⴻⵏ, ⵉⵏⵏⵉ ⵉ ⵖⴰ ⵉⵜⵜⵡⴰⵙⴰⵔⵖⴻⵏ ⵄⵍⴰⵃⵙⴰⴱ ⵍⴼⴰⵔⵉⴹⴰ ⵥⵥⴰⵜ ⵉ ⵡⴻⵅⵅⴰⵎ ⵏ ⴷⴰⵅⴻⵍ ⵏ ⵣⵥⴰⵡⴻⵛⵜ, 21 ⵏⵏⵓⵡⵡⴰⵔ ⴷ ⵍⴻⴼⵏⴰⵔⴰⵜ ⴷ ⵜⵊⴻⵇⵇⴰⴹⵉⵏ ⵏ ⵜⴻⴼⵜⵉⵞ, ⵎⴰⵔⵔⴰ ⵥⴻⴳ ⵡⵓⵔⴻⵖ. ⵜⵓⵖⴰ-ⵜ ⴷ ⵡⵓⵔⴻⵖ ⵇⴰⵄ. 22 ⵓⵍⴰ ⴷ ⵜⵉⵊⴻⵇⵇⴰⴹⵉⵏ ⴷ ⵟⵟⴰⵡⵢⴰⵜ ⵉ ⵓⵔⵓⵛⵛⵉ ⴷ ⵜⵖⴻⵏⵊⴰⵢⵉⵏ ⴷ ⵜⵇⴻⴷⴷⵓⵃⵉⵏ ⵏ ⵊⵊⴰⵡⵉ ⵜⵓⵖⴰ ⴰⵜⴻⵏⵜ ⵥⴻⴳ ⵡⵓⵔⴻⵖ ⵉⵥⴻⴷⴳⴻⵏ. ⴰⴷⴰⴼ ⵏ ⵜⴰⴷⴷⴰⵔⵜ, ⵜⵉⵡⵡⵓⵔⴰ ⵏ ⴷⴰⵅⴻⵍ ⵥⵥⴰⵜ ⵉ ⵡⴻⵇⴷⴰⵙ ⵏ ⵓⵇⴻⴷⴷⴰⵙ ⴷ ⵜⴻⵡⵡⵓⵔⴰ ⵏ ⵜⴰⴷⴷⴰⵔⵜ ⵏ ⵣⵥⴰⵡⴻⵛⵜ ⵜⴰⵎⴻⵇⵇⵔⴰⵏⵜ, ⵜⵓⵖⴰ ⴰⵜⴻⵏⵜ ⵥⴻⴳ ⵡⵓⵔⴻⵖ.