1 ⵜⵉⵔⴱⵉⵄⵉⵏ ⵏ ⵉⵃⴻⵏⵊⵉⵔⴻⵏ ⵏ ⵀⴰⵔⵓⵏ. ⵜⴰⵔⵡⴰ ⵏ ⵀⴰⵔⵓⵏ ⵜⵓⵖⴰ ⴰⵜⴻⵏ ⴷ ⵏⴰⴷⴰⴱ, ⴰⴱⵉⵀⵓ, ⴰⵍⵉⵄⴰⵥⴰⵔ ⴷ ⵉⵜⴰⵎⴰⵔ. 2 ⵏⴰⴷⴰⴱ ⴷ ⴰⴱⵉⵀⵓ ⵎⵎⵓⵜⴻⵏ ⵥⵥⴰⵜ ⵉ ⵡⵓⴷⴻⵎ ⵏ ⴱⴰⴱⴰⵜⵙⴻⵏ. ⵡⴰⵔ ⵖⴰⵔⵙⴻⵏ ⴱⵓ ⵉⵃⴻⵏⵊⵉⵔⴻⵏ. ⴰⵍⵉⵄⴰⵥⴰⵔ ⴷ ⵉⵜⴰⵎⴰⵔ ⵜⵓⵖⴰ ⵜⵜⵙⴻⵅⵅⴰⵔⴻⵏ ⴰⵎ ⵉⴽⴻⵀⵀⴰⵏⴻⵏ.

3 ⵊⵎⵉⵄ ⴰⴽ-ⴷ ⵚⴰⴷⵓⵇ ⵥⴻⴳ ⵉⵃⴻⵏⵊⵉⵔⴻⵏ ⵏ ⴰⵍⵉⵄⴰⵥⴰⵔ ⵓ ⴰⴽ-ⴷ ⴰⵅⵉⵎⴰⵍⵉⴽ ⵥⴻⴳ ⵉⵃⴻⵏⵊⵉⵔⴻⵏ ⵏ ⵉⵜⴰⵎⴰⵔ ⵉⴱⴹⴰ ⵉ-ⵜⴻⵏ ⴷⴰⵡⵓⴷ ⵄⵍⴰⵃⵙⴰⴱ ⵜⴰⵡⴻⵇⵇⴰⴼⵜ ⵏⵙⴻⵏ ⵉ ⵜⵙⴻⵅⵅⴰⵔⵜ ⵏⵙⴻⵏ. 4 ⵓⴼⵉⵏ ⴰⵇⴰ ⵖⴰⵔ ⵉⵃⴻⵏⵊⵉⵔⴻⵏ ⵏ ⴰⵍⵉⵄⴰⵥⴰⵔ ⴰⵟⵟⴰⵙ ⵏ ⵉⵥⴻⴵⵉⴼⴻⵏ ⵅ ⵉⵥⴻⴵⵉⴼⴻⵏ ⵏ ⵢⴻⵔⵢⴰⵥⴻⵏ ⵏⵏⵉ ⵉⴵⴰⵏ ⵖⴰⵔ ⵉⵃⴻⵏⵊⵉⵔⴻⵏ ⵏ ⵉⵜⴰⵎⴰⵔ. ⴱⴹⴰⵏ ⵜⴻⵏ ⴰⵎⴻⵏⵏⵉ: ⵊⴰⵔ ⵉⵃⴻⵏⵊⵉⵔⴻⵏ ⵏ ⵉⵍⵉⵄⴰⵥⴰⵔ ⵜⵓⵖⴰ ⴷⵉⵏ ⵙⴻⵟⵟⴰⵛ ⵏ ⵉⵥⴻⴵⵉⴼⴻⵏ ⵏ ⵍⴰⴵⴰⵜ ⵓ ⵊⴰⵔ ⵉⵃⴻⵏⵊⵉⵔⴻⵏ ⵏ ⵉⵜⴰⵎⴰⵔ ⵜⵎⴻⵏⵢⴰ ⵏ ⵉⵥⴻⴵⵉⴼⴻⵏ ⵏ ⵍⴰⴵⴰⵜ. 5 ⵏⵉⵜⵏⵉ ⴱⴹⴰⵏ ⵜⴻⵏ ⵙ ⵜⵇⴻⴷⴷⵓⵃⵜ, ⴰⵎ ⵢⵉⵏⴰ ⵏⵉⵖ ⴰⵎ ⵢⵉⵏⴰ, ⵎⴰⵖⴰⵔ ⵉⵎⴻⵇⵇⵔⴰⵏⴻⵏ ⵏ ⵣⵥⴰⵡⴻⵛⵜ ⵉⵇⴻⴷⴷⵙⴻⵏ, ⵉⵎⴻⵇⵇⵔⴰⵏⴻⵏ ⵏ ⴰⵔⴻⴱⴱⵉ, ⵜⵓⵖⴰ ⴰⵜⴻⵏ ⵥⴻⴳ ⵉⵃⴻⵏⵊⵉⵔⴻⵏ ⵏ ⴰⵍⵉⵄⴰⵥⴰⵔ ⵓ ⵥⴻⴳ ⵉⵃⴻⵏⵊⵉⵔⴻⵏ ⵏ ⵉⵜⴰⵎⴰⵔ.

6 ⵛⵎⴰⵢⴰ, ⵎⵎⵉⵙ ⵏ ⵏⴰⵜⴰⵏⵢⵉⵍ, ⵡⴻⵏⵏⵉ ⵜⵓⵖⴰ ⴷ ⴰⵎⴰⵔⵉⵔ ⵥⵉ ⵜⴻⵇⴱⵉⵞ ⵏ ⵍⴰⵡⵉ, ⵉⵥⴻⵎⵎⴻⵏ ⵉ-ⵜⴻⵏ ⵥⵥⴰⵜ ⵉ ⵡⵓⴷⴻⵎ ⵏ ⵓⵊⴻⴵⵉⴷ ⴷ ⵉⵎⴻⵇⵇⵔⴰⵏⴻⵏ ⴷ ⵓⴽⴻⵀⵀⴰⵏ ⵚⴰⴷⵓⵇ ⴷ ⴰⵅⵉⵎⴰⵍⵉⴽ, ⵎⵎⵉⵙ ⵏ ⴰⴱⵢⴰⵜⴰⵔ, ⵓ ⵥⵥⴰⵜ ⵉ ⵡⵓⴷⴻⵎ ⵏ ⵉⵥⴻⴵⵉⴼⴻⵏ ⵏ ⵍⴰⴵⴰⵜ ⵊⴰⵔ ⵉⴽⴻⵀⵀⴰⵏⴻⵏ ⵓ ⵊⴰⵔ ⵉⵍⴰⵡⵉⵢⵢⴻⵏ. ⴳⴳⵉⵏ ⵜⴰⵇⴻⴷⴷⵓⵃⵜ ⵉ ⵉⵊⵊ ⵏ ⵍⴰⴵ ⵏ ⴰⵍⵉⵄⴰⵥⴰⵔ, ⵅⴻⵏⵏⵉ ⵉ ⵉⵊⵊ ⵏ ⵍⴰⴵ ⵏ ⵉⵜⴰⵎⴰⵔ.

7 ⵜⴰⵇⴻⴷⴷⵓⵃⵜ ⵜⴰⵎⴻⵥⵡⴰⵔⵓⵜ ⵜⴻⴽⴽⴰⵔ ⴰⵙ-ⴷⴷ ⵉ ⵢⴰⵀⵓⵢⴰⵔⵉⴱ, ⵡⵉⵙⵙ ⵜⵏⴰⵢⴻⵏ ⵉ ⵢⴰⴷⴰⵄⵢⴰ,

8 ⵡⵉⵙⵙ ⵜⵍⴰⵜⴰ ⵉ ⵃⴰⵔⵉⵎ, ⵡⵉⵙⵙ ⴰⵔⴻⴱⵄⴰ ⵉ ⵙⴰⵄⵓⵔⵉⵎ,

9 ⵡⵉⵙⵙ ⵅⴻⵎⵙⴰ ⵉ ⵎⴰⵍⴽⵉⵢⴰ, ⵡⵉⵙⵙ ⵙⴻⵜⵜⴰ ⵉ ⵎⵉⵢⴰⵎⵉⵏ,

10 ⵡⵉⵙⵙ ⵙⴻⴱⵄⴰ ⵉ ⵀⴰⵇⵇⵓⵚ, ⵡⵉⵙⵙ ⵜⵎⴻⵏⵢⴰ ⵉ ⴰⴱⵉⵢⴰ,

11 ⵡⵉⵙⵙ ⵜⴻⵙⵄⴰ ⵉ ⵢⴻⵛⵓⵄⴰ , ⵡⵉⵙⵙ ⵄⴻⵛⵔⴰ ⵉ ⵛⴰⴽⴰⵏⵢⴰ,

12 ⵡⵉⵙⵙ ⵃⵉⵜⵜⴰⵛ ⵉ ⵉⵍⵢⴰⵛⵉⴱ, ⵡⵉⵙⵙ ⵜⴻⵏⵄⴰⵛ ⵉ ⵢⴰⵇⵉⵎ,

13 ⵡⵉⵙⵙ ⵜⵍⴻⵟⵟⴰⵛ ⵉ ⵃⵓⴼⴼⴰ, ⵡⵉⵙⵙ ⴰⵔⴱⴻⵄⵟⴰⵛ ⵉ ⵢⴰⵛⴰⴱⴰⴷ,

14 ⵡⵉⵙⵙ ⵅⴻⵎⵎⴻⵙⵟⴰⵛ ⵉ ⴱⵉⵍⵊⴰ, ⵡⵉⵙⵙ ⵙⴻⵟⵟⴰⵛ ⵉ ⵉⵎⵎⵉⵔ,

15 ⵡⵉⵙⵙ ⵙⴱⴻⵄⵟⴰⵛ ⵉ ⵃⵉⵥⵉⵔ, ⵡⵉⵙⵙ ⵜⵎⴻⵏⵟⴰⵛ ⵉ ⵃⴰⴼⵚⵉⵚ,

16 ⵡⵉⵙⵙ ⵜⵙⴻⵄⵟⴰⵛ ⵉ ⴼⴰⵇⴰⵃⵢⴰ, ⵡⵉⵙⵙ ⵄⵉⵛⵔⵉⵏ ⵉ ⵢⴰⵃⴰⵥⵇⵉⵢⵉⵍ,

17 ⵡⵉⵙⵙ ⵡⴰⵃⵉⵜ ⵓ-ⵄⵉⵛⵔⵉⵏ ⵉ ⵢⴰⵅⵉⵏ, ⵡⵉⵙⵙ ⵜⵏⴰⵢⴻⵏ ⵓ-ⵄⵉⵛⵔⵉⵏ ⵉ ⵊⴰⵎⵓⵍ,

18 ⵡⵉⵙⵙ ⵜⵍⴰⵜⴰ ⵓ-ⵄⵉⵛⵔⵉⵏ ⵉ ⴷⴰⵍⴰⵢⴰ, ⵡⵉⵙⵙ ⴰⵔⴻⴱⵄⴰ ⵓ-ⵄⵉⵛⵔⵉⵏ ⵉ ⵎⴰⵄⴰⵥⵢⴰ.

19 ⵉⵏⴰ ⵜⵓⵖⴰ ⵅⴰⵙⴻⵏ ⵜⴰⵡⴻⵇⵇⴰⴼⵜ ⵎⴰⵃⴻⵏⴷ ⴰⴷ ⴰⴷⴼⴻⵏ ⵖⴰⵔ ⵜⴰⴷⴷⴰⵔⵜ ⵏ ⵙⵉⴷⵉ ⵄⵍⴰⵃⵙⴰⴱ ⴰⵙⴻⵜⵜⴻⴼ ⵏ ⵜⵙⴻⵅⵅⴰⵔⵜ ⵏⵙⴻⵏ ⴰⵎ ⵎⴰⵎⵎⴻⵛ ⵍⴼⴰⵔⵉⴹⴰ ⵉ ⴷⴷ-ⵢⵓⵙⵉⵏ ⵙ ⵓⴼⵓⵙ ⵏ ⴱⴰⴱⴰⵜⵙⴻⵏ ⵀⴰⵔⵓⵏ ⴰⵎ ⵎⴰⵎⵎⴻⵛ ⵉ ⴷ ⴰⵙ ⵢⵓⵎⵓⵔ ⵙⵉⴷⵉ, ⴰⵔⴻⴱⴱⵉ ⵏ ⵉⵙⵔⴰⵉⵍ.

20 ⵣⵉ ⵊⵊⵉⵀⴻⵜ ⵏ ⵓⵙⴻⵜⵜⴻⴼ ⵏ ⵎⵉⵏ ⵉⵇⵇⵉⵎⴻⵏ ⵏ ⵉⵃⴻⵏⵊⵉⵔⴻⵏ ⵏ ⵍⴰⵡⵉ:

ⵛⵓⴱⴰⵢⵉⵍ ⵜⵓⵖⴰ ⴷ ⴰⵥⴻⴵⵉⴼ ⵉ ⵉⵃⴻⵏⵊⵉⵔⴻⵏ ⵏ ⵄⴰⵎⵔⴰⵎ,

ⵢⴰⵃⴰⴷⵢⴰ ⵜⵓⵖⴰ ⴷ ⴰⵥⴻⴵⵉⴼ ⵉ ⵉⵃⴻⵏⵊⵉⵔⴻⵏ ⵏ ⵛⵓⴱⴰⵢⵉⵍ.

21 ⵅ ⵔⴰⵃⴰⴱⵢⴰ: ⵅ ⵉⵃⴻⵏⵊⵉⵔⴻⵏ ⵏ ⵔⴰⵃⴰⴱⵢⴰ ⵜⵓⵖⴰ ⵢⴰⵛⵉⵢⴰ ⴷ ⴰⵥⴻⴵⵉⴼ.

22 ⵅ ⵜⴰⵔⵡⴰ ⵏ ⵢⵉⵚⵀⴰⵔ ⵜⵓⵖⴰ ⵛⴰⵍⵓⵎⵉⵜ ⴷ ⴰⵥⴻⴵⵉⴼ.

ⵅ ⵉⵃⴻⵏⵊⵉⵔⴻⵏ ⵏ ⵛⴰⵍⵓⵎⵉⵜ ⵜⵓⵖⴰ ⵢⴰⵀⴰⵜ ⴷ ⴰⵥⴻⴵⵉⴼ.

23 ⵓ ⵅ ⵉⵃⴻⵏⵊⵉⵔⴻⵏ ⵏ ⵃⵉⴱⵔⵓⵏ ⵜⵓⵖⴰ ⵢⴰⵔⵉⵢⴰ ⴷ ⴰⵥⴻⴵⵉⴼ, ⴰⵎⴰⵔⵢⴰ ⵜⵓⵖⴰ-ⵜ ⴷ ⵡⵉⵙⵙ ⵜⵏⴰⵢⴻⵏ, ⵢⴰⵃⵥⵉⵢⵉⵍ ⴷ ⵡⵉⵙⵙ ⵜⵍⴰⵜⴰ, ⵢⴰⵇⵎⴰⵄⴰⵎ ⵡⵉⵙⵙ ⴰⵔⴻⴱⵄⴰ.

24 ⵅ ⵉⵃⴻⵏⵊⵉⵔⴻⵏ ⵏ ⵄⵓⵥⵥⵉⵢⵉⵍ ⵜⵓⵖⴰ ⵎⵉⵅⴰ ⴷ ⴰⵥⴻⴵⵉⴼ.

ⵅ ⵉⵃⴻⵏⵊⵉⵔⴻⵏ ⵏ ⵎⵉⵅⴰ ⵜⵓⵖⴰ ⵛⴰⵎⵉⵔ ⴷ ⴰⵥⴻⴵⵉⴼ.

25 ⵓⵎⴰⵙ ⵏ ⵎⵉⵅⴰ ⵜⵓⵖⴰ ⴷ ⵢⴰⵛⵛⵉⵢⴰ. ⵅ ⵉⵃⴻⵏⵊⵉⵔⴻⵏ ⵏ ⵢⴰⵛⵉⵢⴰ ⵜⵓⵖⴰ ⵣⴰⴽⴰⵔⵉⵢⵢⴰ ⴷ ⴰⵥⴻⴵⵉⴼ.

26 ⵉⵃⴻⵏⵊⵉⵔⴻⵏ ⵏ ⵎⴰⵔⴰⵔⵉ ⵜⵓⵖⴰ ⴰⵜⴻⵏ ⴷ ⵎⴰⵃⵍⵉ ⴷ ⵎⵓⵛⵉ. ⵅ ⵉⵃⴻⵏⵊⵉⵔⴻⵏ ⵏ ⵢⴰⵄⴰⵥⵢⴰ ⵜⵓⵖⴰ ⴱⴰⵏⵓ ⴷ ⴰⵥⴻⴵⵉⴼ.

27 ⵉⵃⴻⵏⵊⵉⵔⴻⵏ ⵏ ⵎⴰⵔⴰⵔⵉ ⵏ ⵎⵎⵉⵙ ⵢⴰⵄⴰⵥⵢⴰ ⵜⵓⵖⴰ ⴰⵜⴻⵏ ⴷ ⴱⴰⵏⵓ ⴷ ⵛⵓⵀⴰⵎ ⴷ ⵣⴰⴽⴽⵓⵔ ⴷ ⵄⵉⴱⵔⵉ.

28 ⵏ ⵎⴰⵃⵍⵉ ⵜⵓⵖⴰ ⴰⵍⵉⵄⴰⵥⴰⵔ ⴷ ⵎⵎⵉⵙ. ⵡⴰⵏⵉⵜⴰ ⵜⵓⵖⴰ ⵡⴰⵔ ⵖⴰⵔⴻⵙ ⴱⵓ ⵉⵃⴻⵏⵊⵉⵔⴻⵏ.

29 ⵅ ⵇⵉⵙ: ⵉⵃⴻⵏⵊⵉⵔⴻⵏ ⵏ ⵇⵉⵙ: ⵎⵖⵉⵔ ⵢⴰⵔⵃⴰⵎⵢⵉⵍ.

30 ⵉⵃⴻⵏⵊⵉⵔⴻⵏ ⵏ ⵎⵓⵛⵉ ⵜⵓⵖⴰ ⴰⵜⴻⵏ ⴷ ⵎⴰⵃⵍⵉ, ⵄⴰⴷⵉⵔ ⴷ ⵢⴰⵔⵉⵎⵓⵜ.

ⵉⵏⴰ ⵜⵓⵖⴰ ⴰⵜⴻⵏ ⴷ ⵉⵃⴻⵏⵊⵉⵔⴻⵏ ⵏ ⵍⴰⵡⵉ, ⵜⵜⵡⴰⵙⴻⵜⵜⴼⴻⵏ ⵄⵍⴰⵃⵙⴰⴱ ⵍⴰⴵⴰⵜ ⵏⵙⴻⵏ.

31 ⵓⵍⴰ ⴷ ⵏⵉⵜⵏⵉ ⵏⴹⴰⵔⴻⵏ ⵜⵉⵇⴻⴷⴷⵓⵃⵉⵏ ⴰⵎⴻⵛⵏⴰⵡ ⴰⵢⵜⵎⴰⵜⵙⴻⵏ, ⵉⵃⴻⵏⵊⵉⵔⴻⵏ ⵏ ⵀⴰⵔⵓⵏ, ⵥⵥⴰⵜ ⵉ ⵡⵓⴷⴻⵎ ⵏ ⵓⵊⴻⴵⵉⴷ ⴷⴰⵡⵓⴷ ⴷ ⵚⴰⴷⵓⵇ ⴷ ⴰⵅⵉⵎⴰⵍⵉⴽ ⴷ ⵉⵥⴻⴵⵉⴼⴻⵏ ⵊⴰⵔ ⵉⴱⴰⴱⴰⵜⴻⵏ ⵏ ⵍⴰⴵⴰⵜ ⵏ ⵉⴽⴻⵀⵀⴰⵏⴻⵏ ⵓ ⵊⴰⵔ ⵉⵍⴰⵡⵉⵢⵢⴻⵏ, ⴰⵎ ⵉⴱⴰⴱⴰⵜⴻⵏ ⵏⵏⵉ ⵉⴵⴰⵏ ⴷ ⴰⵥⴻⴵⵉⴼ ⴰⵎ ⵓⵎⴰⵜⵙⴻⵏ ⴷ ⴰⵎⴻⵥⵢⴰⵏ ⵇⴰⵄ.