1 ⵓⵎⵉ ⵎⴰⵔⵔⴰ ⵉⵊⴻⴵⵉⴷⴻⵏ, ⵉⵏⵏⵉ ⵢⴻⴵⴰⵏ ⵅ ⵓⵊⴻⵎⵎⴰⴹ ⵏ ⵍ'ⵓⵔⴷⵓⵏ, ⵅ ⵜⴻⵎⵎⵓⵔⵜ ⵏ ⵉⴷⵓⵔⴰⵔ, ⴷⵉ ⵜⴻⵎⵎⵓⵔⵜ ⵉⵡⴰⵟⴰⵏ ⵓ ⵖⴰⵔ ⵎⴰⵔⵔⴰ ⵜⵎⴰ ⵏ ⵍⴻⴱⵃⴰⵔ ⴰⵎⴻⵇⵇⵔⴰⵏ ⴰⵍ ⵇⵉⴱⴰⵞ ⵉ ⵉⴷⵓⵔⴰⵔ ⵏ ⵍⵓⴱⵏⴰⵏ: ⵉⵃⵉⵜⵜⵉⵢⵢⴻⵏ ⴷ ⵉⵎⵓⵔⵉⵢⵢⴻⵏ ⴷ ⵉⴽⴻⵏⵄⴰⵏⵉⵢⵢⴻⵏ ⴷ ⵉⴼⴰⵔⵉⵥⵉⵢⵢⴻⵏ ⴷ ⵉⵃⵉⵡⵉⵢⵢⴻⵏ ⴷ ⵉⵢⴰⴱⵓⵙⵉⵢⵢⴻⵏ ⵙⵍⵉⵏ ⵅ ⵎⴰⵏ ⴰⵢⴰ, ⵉⵎⵙⴰⵔ ^□   2 ⴰⵇⴰ ⵏⵉⵜⵏⵉ ⵎⵓⵏⴻⵏ ⵅ ⵉⵊⵊ ⵏ ⴰⵔⵔⴰⵢ ⵃⵉⵎⴰ ⴰⴷ ⵎⵎⴻⵏⵖⴻⵏ ⴰⴽ-ⴷ ⵢⴰⵛⵓⵡⴰ ⵓ ⴰⴽ-ⴷ ⵉⵙⵔⴰⵉⵍ. 3 ⵓⵎⵉ ⵉⵎⴻⵥⴷⴰⵖ ⵏ ⵊⵉⴱⵄⵓⵏ ⵙⵍⵉⵏ ⵎⵉⵏ ⵜⵓⵖⴰ ⵉⴳⴳⴰ ⵢⴰⵛⵓⵡⴰ ⴰⴽ-ⴷ ⴰⵔⵉⵃⴰ ⴷ ⵄⴰⵢ, 4 ⴳⴳⵉⵏ ⵜ ⵙ ⵜⴻⵃⵔⴰⵢⵎⴻⵛⵜ. ⵏⵉⵜⵏⵉ ⵓⵢⵓⵔⴻⵏ ⴷⴻⴳ ⵡⴻⴱⵔⵉⴷ ⵓⵛⴰ ⴳⴳⵉⵏ ⵉⵅⴻⴼ ⵏⵙⴻⵏ ⴷ ⵉⵎⵙⴻⴽⴽⴰⵏ. ⵉⵡⵢⴻⵏ ⵜⵉⵅⵓⵏⵛⴰⵢ ⵜⵉⴱⵓⵍⴰⵢ ⵅ ⵉⵖⵢⴰⵍ ⵏⵙⴻⵏ, ⵜⵉⵅⵓⵏⵛⴰⵢ ⵏ ⵢⵉⵍⴻⵎ ⵜⵉⴱⵓⵍⴰⵢ ⵉⵜⵜⵡⴰⵛⴰⵔⵔⴳⴻⵏ ⵓ ⵜⵡⴰⵅⴻⵢⵢⴹⴻⵏⵜ ⵄⴰⵡⴻⴷ ⵉ ⴱⵉⵏⵓ. 5 ⵇⵇⵏⴻⵏ ⵄⴰⵡⴻⴷ ⵜⵉⵙⵉⵍⴰ ⴷ ⵍⴱⴰⵔⵉ, ⵉⵜⵜⵡⴰⴹⴰⵔⵔⴼⴻⵏ ⵅ ⵉⴹⴰⵔⴻⵏ ⵏⵙⴻⵏ ⵓ ⵢⴰⵔⴹⴻⵏ ⴰⵔⵔⵓⴹ ⴰⴱⵓⵍⴰⵢ, ⵓ ⵎⴰⵔⵔⴰ ⴰⵖⵔⵓⵎ ⵏ ⵍⴻⵄⵡⴻⵞ ⵏⵙⴻⵏ ⵜⵓⵖⴰ ⵢⵓⵥⴻⵖ ⵉⵜⵜⴼⵔⵓⵔⵓⵢ.

6 ⵓⵢⵓⵔⴻⵏ ⴰⵎⵎⵓ ⵖⴰⵔ ⵢⴰⵛⵓⵡⴰ ⴷⵉ ⵍⵎⴰⵔⴳⴻⵃ ⵏ ⵍⵄⴻⵙⴽⴰⵔ ⵏ ⵊⵉⵍⵊⴰⵍ, ⵏⵏⴰⵏ ⴰⵙ ⵉ ⵏⴻⵜⵜⴰ ⵓ ⵉ ⴰⵢⵜ ⵏ ⵉⵙⵔⴰⵉⵍ: “ⵏⴻⵛⵛⵉⵏ ⵏⵓⵙⴰ-ⴷⴷ ⵥⴻⴳ ⵉⵛⵜ ⵏ ⵜⴻⵎⵎⵓⵔⵜ ⵜⵉⴳⴳⵯⴻⵊ. ⵍⴻⵅⵅⵓ ⵅⴻⵏⵏⵉ, ⴳⴳⴻⵎ ⵉⵊⵊ ⵏ ⵍⵄⴰⵀⴷ ⴰⴽⵉⴷⵏⴻⵖ.” 7 ⴰⵔⵔⵉⵏ-ⴷⴷ ⵉⵔⵢⴰⵥⴻⵏ ⵏ ⵉⵙⵔⴰⵉⵍ ⵅ ⵉⵃⵉⵡⵉⵢⵢⴻⵏ: “ⴰⴷ ⵜⴰⵖ ⴽⴻⵏⵏⵉⵡ ⵜⵥⴻⴷⴷⵖⴻⵎ ⵊⴰⵔ ⴰⵏⴻⵖ. ⵎⴰⵎⵎⴻⵛ ⵏⵥⴻⵎⵎⴰⵔ ⴰⴷ ⴽⵉⴷⵡⴻⵎ ⵏⴻⴳⴳ ⵉⵊⵊ ⵏ ⵍⵄⴰⵀⴷ?” 8 ⵏⵉⵜⵏⵉ ⵎⴰⵛⴰ ⵏⵏⴰⵏ ⵉ ⵢⴰⵛⵓⵡⴰ: “ⵏⴻⵛⵛⵉⵏ ⴷ ⵉⵎⵙⴻⵅⵅⴰⵔⴻⵏ ⵏⵏⴻⴽ.” ⵅⴻⵏⵏⵉ ⵉⵏⵏⴰ ⴰⵙⴻⵏ ⵢⴰⵛⵓⵡⴰ: “ⵎⵉⵏ ⵜⴻⵄⵏⴰⵎ ⴽⴻⵏⵏⵉⵡ ⴷ ⵎⴰⵏⵉⵙ ⵉ ⴷⴷ-ⵜⵓⵙⵉⵎ?” 9 ⵏⵉⵜⵏⵉ ⴰⵔⵔⵉⵏ-ⴷⴷ ⵅⴰⵙ: “ⵉⵎⵙⴻⵅⵅⴰⵔⴻⵏ ⵏⵏⴻⴽ ⵓⵙⵉⵏ-ⴷⴷ ⵥⴻⴳ ⵉⵛⵜ ⵏ ⵜⴻⵎⵎⵓⵔⵜ ⵜⵉⴳⴳⵯⴻⵊ ⴰⵟⵟⴰⵙ ⴷⵉ ⵟⵟⵡⴻⵄ ⵏ ⵢⵉⵙⴻⵎ ⵏ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ. ⵎⵉⵏⵥⵉ ⵏⴻⵛⵛⵉⵏ ⵏⴻⵙⵍⴰ ⵅⴰⵙ ⵍⴻⵅⴱⴰⵔ ⵓ ⵅ ⵎⴰⵔⵔⴰ ⵎⵉⵏ ⵉⴳⴳⴰ ⴷⵉ ⵎⵉⵚⵔⴰ,

10 ⴷ ⵎⴰⵔⵔⴰ ⵎⵉⵏ ⵉⴳⴳⴰ ⵏⴻⵜⵜⴰ ⴰⴽ-ⴷ ⵉⵊⴻⴵⵉⴷⴻⵏ ⵏ ⴰⵢⵜ ⵏ ⵉⵎⵓⵔⵉⵢⵢⴻⵏ ⵉⵏⵏⵉ ⵢⴻⴵⴰⵏ ⴰⵖⵉⵔⵉⵏ ⵉ ⵍ'ⵓⵔⴷⵓⵏ, ⵙⵉⵃⵓⵏ, ⴰⵊⴻⴵⵉⴷ ⵏ ⵃⴰⵛⴱⵓⵏ, ⴷ ⵄⵓⵊ, ⴰⵊⴻⴵⵉⴷ ⵏ ⴱⴰⵛⴰⵏ ⵏⵏⵉ ⵜⵓⵖⴰ ⵉⵥⴻⴷⴷⴻⵖ ⴷⵉ ⴰⵛⵜⴰⵔⵓⵜ. ^■  

11 ⵓⵛⴰ ⵙⵙⵉⵡⵍⴻⵏ ⴰⴽⵉⴷⵏⴻⵖ ⵉⵎⵖⴰⵔⴻⵏ ⵏⵏⴻⵖ ⴷ ⵎⴰⵔⵔⴰ ⵉⵎⴻⵥⴷⴰⵖ ⵏ ⵜⴻⵎⵎⵓⵔⵜ, ⵏⵏⴰⵏ: ‘ⵟⵟⴼⴻⵎ ⵍⴻⵄⵡⴻⵞ ⴷⴻⴳ ⵓⴼⵓⵙ ⵏⵡⴻⵎ ⵉ ⵡⴻⴱⵔⵉⴷ, ⵓⵢⵓⵔⴻⵎ ⵉ ⵓⵎⵙⴰⴳⴰⵔ ⴰⴽⵉⴷⵙⴻⵏ ⵓⵛⴰ ⴰⴷ ⴰⵙⴻⵏ ⵜⵉⵏⵉⵎ: ⵏⴻⵛⵛⵉⵏ ⴷ ⵉⵎⵙⴻⵅⵅⴰⵔⴻⵏ ⵏⵡⴻⵎ.’ ⵅⴻⵏⵏⵉ ⵍⴻⵅⵅⵓ, ⴳⴳⴻⵎ ⴰⴽⵉⴷⵏⴻⵖ ⵉⵊⵊ ⵏ ⵍⵄⴰⵀⴷ.

12 ⴰⵖⵔⵓⵎ-ⴰ ⵏⵏⴻⵖ ⴷⴰ ⵜⵓⵖⴰ ⵄⴰⴷ ⵉⵃⵎⴰ ⵓⵎⵉ ⵜ-ⵉ-ⴷⴷ ⴰⴽⵉⴷⵏⴻⵖ ⵏⴻⴽⵙⵉ ⵥⵉ ⵜⵓⴷⵔⵉⵏ ⵏⵏⴻⵖ ⴷ ⵍⴻⵄⵡⴻⵞ ⴷⴻⴳ ⵡⴰⵙⵙ ⴰⵍⴰⵎⵉ ⵖⴰⵔⵡⴻⵎ-ⴷⴷ-ⵏⴻⵟⵟⴻⴼ ⴰⴱⵔⵉⴷ. ⵍⴻⵅⵅⵓ ⴰⵇⴰ-ⵜ ⵢⵓⵥⴻⵖ ⵉⴷⵡⴻⵍ ⵉⵜⵜⴼⵔⵓⵔⵓⵢ.

13 ⵓⵍⴰ ⴷ ⵜⵉⵅⵓⵏⵛⴰⵢ ⵏ ⵢⵉⵍⴻⵎ ⵏ ⴱⵉⵏⵓ ⵏⵏⵉ ⵉ ⵏⴻⵛⵛⵓⵔ, ⵜⵓⵖⴰ ⴰⵜⴻⵏⵜ ⵏ ⵊⴷⵉⴷ, ⵎⴰⵛⴰ ⵅⵥⴰⵔⴻⵎ, ⵍⴻⵅⵅⵓ ⴼⴻⴵⵇⴻⵏⵜ. ⴰⵇⴰ ⴷ ⴰⵔⵔⵓⴹ ⵏⵏⴻⵖ ⴷ ⵜⵙⵉⵍⴰ ⵏⵏⴻⵖ ⵃⴼⴰⵏⵜ ⵙ ⵡⴻⴱⵔⵉⴷ ⵉ ⵉⴳⴳⵯⴻⵊⴻⵏ ⵙ ⵡⴰⵟⵟⴰⵙ.”

14 ⵅⴻⵏⵏⵉ ⴽⵙⵉⵏ ⵉⵔⵢⴰⵥⴻⵏ ⵏ ⵉⵙⵔⴰⵉⵍ ⵥⵉ ⵍⴻⵄⵡⴻⵞ. ⵡⴰⵔ ⴽⵙⵉⵏ ⵛⵛⵡⴰⵔ ⵥⴻⴳ ⵓⵇⴻⵎⵎⵓⵎ ⵏ ⵙⵉⴷⵉ.

15 ⵉⴳⴳⴰ ⵢⴰⵛⵓⵡⴰ ⴰⴽⵉⴷⵙⴻⵏ ⵍⴻⵀⵏⴰ ⵓ ⵉⴳⴳⴰ ⴰⴽⵉⴷⵙⴻⵏ ⵄⴰⵡⴻⴷ ⵉⵊⵊ ⵏ ⵍⵄⴰⵀⴷ, ⴰⴷ ⵜⴻⵏ ⵢⴻⵊⵊ ⴰⴷ ⴷⴷⴰⵔⴻⵏ ⵓⵛⴰ ⵓⵍⴰ ⴷ ⵉⵎⴻⵇⵇⵔⴰⵏⴻⵏ ⵏ ⵜⵎⴻⵙⵎⵓⵏⵜ ⵊⵊⵓⴵⴻⵏ ⴰⵙⴻⵏ.

16 ⴰⵡⴰⵔⵏⵉ ⵉ ⵜⵍⴰⵜⴰ ⵏ ⵡⵓⵙⵙⴰⵏ ⴰⵡⴰⵔⵏⵉ ⵓⵎⵉ ⵜⵓⵖⴰ ⵉ ⴷ ⴰⵙⴻⵏ ⵡⵛⵉⵏ ⵍⵄⴰⵀⴷ, ⵙⵍⴰⵏ ⵏⵉⵜⵏⵉ ⴱⴻⵍⵍⵉ ⴰⵇⴰ ⴷ ⵉⵎⵇⴰⵔⵔⴱⴻⵏ ⵏⵏⴻⵙ, ⵓ ⴰⵇⴰ ⵥⴻⴷⴷⵖⴻⵏ ⴷⵉ ⵍⵡⴻⵙⵜ ⵏⵙⴻⵏ.

17 ⵎⵉⵏⵥⵉ ⴰⵢⵜ ⵏ ⵉⵙⵔⴰⵉⵍ ⴽⴽⵙⴻⵏ ⵉⵇⵉⴹⴰⵏ ⵏⵙⴻⵏ ⵓⵛⴰ ⵉⵡⴹⴻⵏ ⵖⴰⵔ ⵜⵏⴻⴷⴷⴰⵎ ⵏⵙⴻⵏ ⴷⴻⴳ ⵡⴰⵙⵙ ⵡⵉⵙⵙ ⵜⵍⴰⵜⴰ. ⵜⵓⵖⴰ ⵜⵉⵏⴻⴷⴷⴰⵎ ⵏⵙⴻⵏ ⵊⵉⴱⵄⵓⵏ ⴷ ⴽⴰⴼⵉⵔⴰ ⴷ ⴱⴰ’ⵉⵔⵓⵜ ⴷ ⵇⴰⵔⵢⴰⵜ-ⵢⴰⵄⴰⵔⵉⵎ.

18 ⴰⵢⵜ ⵏ ⵉⵙⵔⴰⵉⵍ ⵡⴰⵔ ⵜⴻⵏ ⵡⵜⵉⵏ ⵛⴰ, ⵎⵉⵏⵥⵉ ⵉⵥⴻⴵⵉⴼⴻⵏ ⵏ ⵜⵎⴻⵙⵎⵓⵏⵜ ⵜⵓⵖⴰ ⵊⵊⵓⴵⴻⵏ ⴰⵙⴻⵏ ⴰⵢⴰ ⵖⴰⵔ ⵙⵉⴷⵉ, ⴰⵔⴻⴱⴱⵉ ⵏ ⵉⵙⵔⴰⵉⵍ. ⵙ ⵓⵢⴻⵏⵏⵉ ⵉ ⵜⴻⵇⵇⵉⵎ ⵎⴰⵔⵔⴰ ⵜⵎⴻⵙⵎⵓⵏⵜ ⵜⵎⵓⵖⵎⵓⵖ ⵅ ⵉⵎⴻⵇⵇⵔⴰⵏⴻⵏ.

19 ⵅⴻⵏⵏⵉ ⵏⵏⴰⵏ ⵎⴰⵔⵔⴰ ⵉⵎⴻⵇⵇⵔⴰⵏⴻⵏ ⵏ ⵜⵎⴻⵙⵎⵓⵏⵜ: “ⵏⴻⵛⵛⵉⵏ ⵏⴻⵊⵊⵓⴵ ⴰⵙⴻⵏ ⴰⵢⴰ ⵖⴰⵔ ⵙⵉⴷⵉ, ⴰⵔⴻⴱⴱⵉ ⵏ ⵉⵙⵔⴰⵉⵍ. ⵙ ⵓⵢⴻⵏⵏⵉ ⵍⴻⵅⵅⵓ ⵡⴰⵔ ⵏⵥⴻⵎⵎⴰⵔ ⴰⴷ ⵜⴻⵏ ⵏⵃⴰⴹⴰ. 20 ⵉⵜⵜⵅⴻⵚⵚⴰ ⴰⴷ ⵏⴽⴻⵎⵎⴻⵍ ⵜⵊⴰⴵⵉⵜ-ⴰ ⵓ ⴰⴷ ⵜⴻⵏ ⵏⴻⵊⵊ ⴰⴷ ⴷⴷⴰⵔⴻⵏ, ⵎⴰⵃⴻⵏⴷ ⵡⴰⵔ ⵅⴰⵏⴻⵖ ⴷⴷ-ⵉⵡⴻⵟⵟⵉ ⵓⴷⵓⵇⵇⴻⵥ ⵏ ⵡⴻⵖⴹⴰⴱ ⴷⵉ ⵙⵙⵉⴱⴱⴻⵜ ⵏ ⵜⵊⴰⴵⵉⵜ ⵏⵏⵉ ⴷ ⴰⵙⴻⵏ ⵏⴻⴳⴳⴰ. 21 ⵉⵎⴻⵇⵇⵔⴰⵏⴻⵏ ⵏⵏⴰⵏ ⴰⵙⴻⵏ: “ⴰⴷ ⵇⵇⵉⵎⴻⵏ ⴷⴷⴰⵔⴻⵏ ⵓⵛⴰ ⴰⴷ ⴷⴻⵡⵍⴻⵏ ⴷ ⵉⵏⴻⵥⴷⴰⵎⴻⵏ ⴷ ⵉⵏⵓⵢⴰⵎ ⵉ ⵎⴰⵔⵔⴰ ⵜⴰⵎⴻⵙⵎⵓⵏⵜ ⴰⵎ ⵎⴰⵎⵎⴻⵛ ⵉ ⴷ ⴰⵙⴻⵏ ⵜ ⵏⵏⴰⵏ ⵉⵥⴻⴵⵉⴼⴻⵏ.”

22 ⵉⵍⴰⵖⴰ ⵉ-ⵜⴻⵏ ⵢⴰⵛⵓⵡⴰ, ⵉⵏⵏⴰ: “ⵎⴰⵢⴻⵎⵎⵉ ⵅⴰⵏⴻⵖ ⵜⵛⴻⵎⵜⴻⵎ, ⵜⴻⵏⵏⴰⵎ: ‘ⵏⴻⵛⵛⵉⵏ ⵏⵥⴻⴷⴷⴻⵖ ⵖⴰⵔ ⵍⴰⴳⴳⵯⴰⵊ ⵙ ⵡⴰⵟⵟⴰⵙ ⵅⴰⵡⴻⵎ!’, ⵡⴰⵅⵅⴰ ⴽⴻⵏⵏⵉⵡ ⵜⵥⴻⴷⴷⵖⴻⵎ ⴷⵉ ⵍⵡⴻⵙⵜ ⵏ ⵜⴻⵎⵎⵓⵔⵜ ⵏⵏⴻⵖ? 23 ⵍⴻⵅⵅⵓ ⵅⴻⵏⵏⵉ, ⴽⴻⵏⵏⵉⵡ ⵜᵉⵜⵜⵡⴰⵏⴻⵄⵍⴻⵎ. ⵡⴰⵔ ⵥⵥⴰⵢⵡⴻⵎ ⵉⵜⵜⵡⴰⴽⴽⴻⵙ ⴰⴷ ⵜⵉⵍⵉⵎ ⴷ ⵉⵎⵙⴻⵅⵅⴰⵔⴻⵏ, ⵉⵏⴻⵥⴷⴰⵎⴻⵏ ⴷ ⵉⵏⵓⵢⴰⵎ ⵉ ⵜⴰⴷⴷⴰⵔⵜ ⵏ ⴰⵔⴻⴱⴱⵉ ⵉⵏⵓ.” ^□   24 ⵏⵉⵜⵏⵉ ⴰⵔⵔⵉⵏ ⵅ ⵢⴰⵛⵓⵡⴰ, ⵏⵏⴰⵏ: “ⵉ ⵉⵎⵙⴻⵅⵅⴰⵔⴻⵏ ⵏⵏⴻⴽ ⵉⵜⵜⵡⴰⵏⵏⴰ ⵏⵉⵛⴰⵏ ⴱⴻⵍⵍⵉ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ, ⵢⵓⵎⵓⵔ ⴰⵎⵙⴻⵅⵅⴰⵔ ⵏⵏⴻⵙ ⵎⵓⵙⴰ, ⴰⵇⴰ ⵏⴻⵜⵜⴰ ⴰⴷ ⴰⵡⴻⵎ ⵉⵡⵛⴰ ⵎⴰⵔⵔⴰ ⵜⴰⵎⵎⵓⵔⵜ ⵓⵛⴰ ⴰⴷ ⵉⵀⴻⵍⵍⴻⴽ ⵎⴰⵔⵔⴰ ⵉⵎⴻⵥⴷⴰⵖ ⵏ ⵜⴻⵎⵎⵓⵔⵜ ⵥⵥⴰⵜ ⵉ ⵜⵉⵟⵟⴰⵡⵉⵏ ⵏⵡⴻⵎ. ⵙ ⵓⵢⴰ ⵜⵓⵖⴰ ⵏⴻⴳⴳⵯⴻⴷ ⴰⵟⵟⴰⵙ ⵅ ⵜⵓⴷⴰⵔⵜ ⵏⵏⴻⵖ ⵥⵥⴰⵜ ⵉ ⵡⵓⴷⴻⵎ ⵏⵡⴻⵎ. ⵙ ⵓⵢⴻⵏⵏⵉ ⵉ ⵏⴻⴳⴳⴰ ⵏⴻⵛⵛⵉⵏ ⴰⵢⴰ. ^□  ■   25 ⵍⴻⵅⵅⵓ ⵅⴻⵏⵏⵉ, ⵅⵥⴰⵔ, ⴰⵇⴰ ⴰⵏⴻⵖ ⴷⴻⴳ ⵓⴼⵓⵙ ⵏⵏⴻⴽ. ⴻⴳⴳ ⴰⴽⵉⴷⵏⴻⵖ ⵎⵉⵏ ⵜᵉⵜⵜⵡⴰⵍⵉⴷ ⵎⵍⵉⵃ ⴷ ⵎⵉⵏ ⵉⴵⴰⵏ ⵏⵉⵛⴰⵏ ⴷⵉ ⵜⵉⵟⵟⴰⵡⵉⵏ ⵏⵏⴻⴽ ⵃⵉⵎⴰ ⴰⴷ ⵥⵥⴰⵢⵏⴻⵖ ⵜⴻⴳⴳⴻⴷ.” 26 ⴰⵎⵎⵓ ⵉ ⵥⵥⴰⵢⵙⴻⵏ ⵉⴳⴳⴰ ⵓⵛⴰ ⵏⴻⵜⵜⴰ ⵉⵙⵙⴻⵏⵊⴻⵎ ⵉ-ⵜⴻⵏ ⵥⴻⴳ ⵓⴼⵓⵙ ⵏ ⴰⵢⵜ ⵏ ⵉⵙⵔⴰⵉⵍ, ⴰⵍⴰⵎⵉ ⵏⵉⵜⵏⵉ ⵡⴰⵔ ⵜⴻⵏ ⵏⵖⵉⵏ ⵛⴰ. 27 ⴷⴻⴳ ⵡⴰⵙⵙ ⵏⵏⵉ ⵙⵉⵎⴰⵏⵜ ⵏⵏⴻⵙ ⵉⴳⴳⴰ ⵉ-ⵜⴻⵏ ⵢⴰⵛⵓⵡⴰ ⴷ ⵉⵏⴻⵥⴷⴰⵎⴻⵏ ⴷ ⵉⵏⵓⵢⴰⵎ ⵉ ⵜⵎⴻⵙⵎⵓⵏⵜ ⵓ ⵉ ⵓⵄⴰⵍⵟⴰⵔ ⵏ ⵙⵉⴷⵉ, ⴰⵍ ⴰⵙⵙ-ⴰ, ⴷⴻⴳ ⵡⴻⵎⵛⴰⵏ ⵏⵏⵉ ⵉ ⵖⴰ ⵉⵅⴹⴰⵔ ⵏⴻⵜⵜⴰ.