1 ⵅⴻⵏⵏⵉ ⵉⴳⴻⵄⵄⴻⴷ ⵎⵓⵙⴰ ⵥⵉ ⵍⴻⵡⴹⴰⵜ ⵏ ⵎⵓ’ⴰⴱ ⵖⴰⵔ ⵡⴻⴷⵔⴰⵔ ⵏ ⵏⴰⴱⵓ, ⵖⴰⵔ ⵜⵇⵉⵛⵛⴻⵜ ⵏ ⴼⵉⵙⵊⴰ ⵏⵏⵉ ⵉⴵⴰⵏ ⵏⵉⵛⴰⵏ ⵥⵥⴰⵜ ⵏ ⵡⵓⴷⴻⵎ ⵏ ⴰⵔⵉⵃⴰ ⵓⵛⴰ ⵉⵙⵙⵛⴻⵏ ⴰⵙ ⵙⵉⴷⵉ ⵎⴰⵔⵔⴰ ⵜⴰⵎⵎⵓⵔⵜ, ⵥⵉ ⵊⵉⵍⵄⴰⴷ ⴰⵍ ⴷⴰⵏ, ^■   2 ⵎⴰⵔⵔⴰ ⵏⴰⴼⵜⴰⵍⵉ ⴷ ⵜⴻⵎⵎⵓⵔⵜ ⵏ ⵉⴼⵔⴰⵢⵉⵎ ⴷ ⵎⴰⵏⴰⵙⵙⴰ ⴷ ⵎⴰⵔⵔⴰ ⵜⴰⵎⵎⵓⵔⵜ ⵏ ⵢⴰⵀⵓⴷⴰ ⵖⴰⵔⴻⵙ ⴰⵍ ⵍⴻⴱⵃⴰⵔ ⴷ ⵎⵉⵏ ⴷⵉⵏ ⴰⵡⴰⵔⵏⵉ ⴰⵙ. 3 ⴷ ⵜⴻⵎⵎⵓⵔⵜ ⵏ ⵍⵊⴰⵏⵓⴱ ⴷ ⵓⴷⴻⵡⵡⴰⵔ ⵏ ⵍⴻⵡⴹⴰ ⵏ ⴰⵔⵉⵃⴰ, ⵜⴰⵏⴷⵉⵏⵜ ⵏ ⵜⵛⴻⵊⵊⵓⵔⴰ ⵏ ⵜⵉⵏⵉ ⴰⵍ ⵚⵓⵖⴰⵔ. 4 ⵓⵛⴰ ⵉⵏⵏⴰ ⴰⵙ ⵙⵉⴷⵉ: “ⵜⴰ ⴷ ⵜⴰⵎⵎⵓⵔⵜ ⵏⵏⵉ ⵅ ⵊⵊⵓⴵⴻⵖ ⵉ ⵉⴱⵔⴰⵀⵉⵎ, ⵉ ⵉⵙⵃⴰⵇ ⴷ ⵢⴰⵄⵇⵓⴱ, ⵏⵏⵉⵖ: ‘ⵉ ⵥⵥⴰⵔⵉⵄⴻⵜ ⵏⵏⴻⴽ, ⴰⴷ ⵜⵜ ⵡⵛⴻⵖ!” ⵊⵊⵉⵖ ⵛⴻⴽ ⴰⴷ ⵜⵜ ⵜⵥⴰⵔⴻⴷ ⵙ ⵜⵉⵟⵟⴰⵡⵉⵏ ⵏⵏⴻⴽ, ⵎⴰⵛⴰ ⵡⴰⵔ ⵜⵥⴻⴽⴽⵯⵉⴷ ⵛⴰ ⴷⵉⵀⴰ.” ^■  

5 ⴰⵎⵎⵓ ⵉⵎⵎⵓⵜ ⴷⵉⵏⵏⵉ ⵎⵓⵙⴰ, ⴰⵎⵙⴻⵅⵅⴰⵔ ⵏ ⵙⵉⴷⵉ, ⴷⵉ ⵜⴻⵎⵎⵓⵔⵜ ⵏ ⵎⵓ’ⴰⴱ, ⴰⵎ ⵎⴰⵎⵎⴻⵛ ⴰⵡⴰⵍ ⵉ ⴷⴷ-ⵉⴼⴼⵖⴻⵏ ⵥⴻⴳ ⵓⵇⴻⵎⵎⵓⵎ ⵏ ⵙⵉⴷⵉ. 6 ⵓⵛⴰ ⵏⴻⵜⵜⴰ ⵉⵏⴹⴻⵍ ⵉ-ⵜ ⴷⵉ ⵜⴻⵖⵥⵓⵔⵜ ⴷⵉ ⵜⴻⵎⵎⵓⵔⵜ ⵏ ⵎⵓ’ⴰⴱ ⵇⵉⴱⴰⵞ ⵉ ⴱⴰⵢⵜ-ⴼⴰⵖⵓⵔ ⵓⵛⴰ ⵓⵍⴰ ⴷ ⵉⵊⵊ ⵎⴰ ⵉⵙⵙⴻⵏ ⴰⵎⵛⴰⵏ ⵏ ⵡⴻⵏⴹⴻⵍ ⵏⵏⴻⵙ ⴰⵍ ⴰⵙⵙ-ⴰ. 7 ⵜⵓⵖⴰ ⵎⵓⵙⴰ ⵖⴰⵔⴻⵙ ⵎⵢⴰ ⵓ-ⵄⵉⵛⵔⵉⵏ ⵏ ⵉⵙⴻⴳⴳⵯⵓⵙⴰ ⵓⵎⵉ ⵉⵎⵎⵓⵜ. ⵜⵉⵟⵟ ⵏⵏⴻⵙ ⵡⴰⵔ ⵜⴻⵖⵔⵉ ⵛⴰ, ⵡⴰⵔ ⴷ ⴰⵙ ⵉⵔⵓⵃ ⵍⴻⵎⵄⴻⵥⵥ. 8 ⵙⵖⵓⵢⵢⴻⵏ ⴰⵢⵜ ⵏ ⵉⵙⵔⴰⵉⵍ ⵅ ⵎⵓⵙⴰ ⴷⵉ ⵍⴻⵡⴹⴰⵜ ⵏ ⵎⵓ’ⴰⴱ ⵜⵍⴰⵜⵉⵏ ⵏ ⵡⵓⵙⵙⴰⵏ ⵓⵛⴰ ⴰⵎⵎⵓ ⵉ ⵜⵜⵡⴰⴽⴻⵎⵎⵍⴻⵏ ⵓⵙⵙⴰⵏ ⵏ ⵉⵖⵓⵢⵢⴰⵏ ⴷ ⵡⴻⵛⴹⴰⵏ ⵏ ⵎⵓⵙⴰ.

9 ⵢⴰⵛⵓⵡⴰ, ⵎⵎⵉⵙ ⵏ ⵏⵓⵏ, ⵜⵓⵖⴰ ⵉⵛⵛⵓⵔ ⵙ ⴱⵓⵃⴱⴻⵍ ⵏ ⵜⵉⵖⵉⵜ, ⵎⵉⵏⵥⵉ ⵎⵓⵙⴰ ⵜⵓⵖⴰ ⵉⵙⵙⴰⵔⵙ ⵅⴰⵙ ⵉⴼⴰⵙⵙⴻⵏ ⵏⵏⴻⵙ ⵓ ⴰⵢⵜ ⵏ ⵉⵙⵔⴰⵉⵍ ⵙⵍⵉⵏ ⵖⴰⵔⴻⵙ ⵓⵛⴰ ⴳⴳⵉⵏ ⴰⵎ ⵎⴰⵎⵎⴻⵛ ⵜ ⵢⵓⵎⵓⵔ ⵙⵉⴷⵉ ⵉ ⵎⵓⵙⴰ. ^■  

10 ⵄⴻⵎⵎⴰⵔⵚ ⵄⴰⴷ ⵡⴰⵔ ⴷⴷ-ⵉⴽⴽⴰⵔ ⴰⵏⴰⴱⵉ ⴷⵉ ⵉⵙⵔⴰⵉⵍ ⴰⵎⴻⵛⵏⴰⵡ ⵎⵓⵙⴰ, ⵡⴻⵏⵏⵉ ⵉ ⵜⵓⵖⴰ ⵉⵙⵙⵏⴻⵏ ⵙⵉⴷⵉ ⵓⴷⴻⵎ ⵖⴰⵔ ⵡⵓⴷⴻⵎ,

11 ⵙ ⵎⴰⵔⵔⴰ ⵍⴻⵄⵍⴰⵎⴰⵜ ⵏⵏⵉ ⵥⵉ ⵜ ⵉⵙⵙⴻⴽⴽ ⵙⵉⴷⵉ ⵃⵉⵎⴰ ⴰⴷ ⵜⴻⵏⵜ ⵉⴳⴳ ⴷⵉ ⵜⴻⵎⵎⵓⵔⵜ ⵏ ⵎⵉⵚⵔⴰ, ⵥⵥⴰⵜ ⵉ ⴼⵉⵔⵄⵓⵏ ⴷ ⵎⴰⵔⵔⴰ ⵉⵎⵙⴻⵅⵅⴰⵔⴻⵏ ⵏⵏⴻⵙ ⴷ ⵎⴰⵔⵔⴰ ⵜⴰⵎⵎⵓⵔⵜ ⵏⵏⴻⵙ,

12 ⵓ ⵙ ⵎⴰⵔⵔⴰ ⴰⴼⵓⵙ ⵏⵏⵉ ⵉⵊⴻⵀⴷⴻⵏ ⵓ ⵙ ⵎⴰⵔⵔⴰ ⵜⵉⵎⴻⴳⴳⴰ ⵉⵎⵖⴰⵔⴻⵏ ⵉⵙⵙⴰⴳⴳⵯⴰⴷⴻⵏ, ⵜⵉⵏⵏⵉ ⵉⴳⴳⴰ ⵎⵓⵙⴰ ⵥⵥⴰⵜ ⵉ ⵜⵉⵟⵟⴰⵡⵉⵏ ⵏ ⵎⴰⵔⵔⴰ ⵉⵙⵔⴰⵉⵍ.