1 ⴷⵉ ⵍⵡⴻⵇⵜ ⵏⵏⵉ ⴷ ⵉⵊⵊⴻⵏ ⵉⵏⵏⴰ ⴰⵢⵉ ⵙⵉⴷⵉ: ‘ⵏⵇⴻⵛ ⵜⵏⴰⵢⴻⵏ ⵏ ⵜⴻⵍⵡⵉⵃⵉⵏ ⵏ ⵡⴻⵥⵔⵓ ⴰⵎⴻⵛⵏⴰⵡ ⵜⵉⵏⵏⵉ ⵜⵉⵎⴻⵥⵡⵓⵔⴰ ⵓⵛⴰ ⴳⴻⵄⵄⴻⴷ-ⴷⴷ ⵖⴰⵔⵉ ⵖⴰⵔ ⵡⴻⴷⵔⴰⵔ ⵓⵛⴰ ⴻⴳⴳ ⵉ ⵛⴻⴽ ⵉⵛⵜ ⵏ ⵜⵜⴰⴱⵓⵜ ⵏ ⵓⴽⴻⵛⵛⵓⴹ. ^■   2 ⴰⴷ ⴰⵔⵉⵖ ⴷⵉ ⵜⴻⵍⵡⵉⵃⵉⵏ ⴰⵡⴰⵍⴻⵏ ⵏⵏⵉ ⵜⵓⵖⴰ ⴷⵉ ⵜⴻⵍⵡⵉⵃⵉⵏ ⵜⵉⵎⴻⵥⵡⵓⵔⴰ ⵏⵏⵉ ⵜⴰⵔⵥⵉⴷ ⵓⵛⴰ ⴰⴷ ⵜⴻⵏⵜ ⵜⴻⵙⵙⴰⵔⵙⴻⴷ ⴷⵉ ⵜⵜⴰⴱⵓⵜ. 3 ⵏⴻⵛⵛ ⴳⴳⵉⵖ ⵉⵛⵜ ⵏ ⵜⵜⴰⴱⵓⵜ ⵏ ⵓⴽⴻⵛⵛⵓⴹ ⵏ ⵓⴽⴰⵙⵉⵢⴰ ⵓⵛⴰ ⵏⴻⵇⵛⴻⵖ ⵜⵏⴰⵢⴻⵏ ⵏ ⵜⴻⵍⵡⵉⵃⵉⵏ ⵏ ⵡⴻⵥⵔⵓ ⴰⵎⴻⵛⵏⴰⵡ ⵜⵉⵎⴻⵥⵡⵓⵔⴰ. ⴳⴰⵄⵄⴷⴻⵖ ⵖⴰⵔ ⵡⴻⴷⵔⴰⵔ ⵙ ⵜⵏⴰⵢⴻⵏ ⵏ ⵜⴻⵍⵡⵉⵃⵉⵏ ⴷⴻⴳ ⵓⴼⵓⵙ ⵉⵏⵓ. 4 ⵢⵓⵔⴰ ⵅ ⵜⴻⵍⵡⵉⵃⵉⵏ, ⴰⵏⴻⵛⵜ ⵏ ⵜⵉⵔⴰ ⵜⴰⵎⴻⵥⵡⴰⵔⵓⵜ, ⵄⴻⵛⵔⴰ ⴰⵡⴰⵍⴻⵏ ⵏⵏⵉ ⵜⵓⵖⴰ ⵉⵙⵙⵉⵡⴻⵍ ⵙⵉⴷⵉ ⴷⴻⴳ ⵡⴰⵙⵙ ⵏ ⵡⴻⴳⵔⴰⵡ ⵏ ⵍⴳⴻⵏⵙ ⵅ ⵡⴻⴷⵔⴰⵔ ⵥⵉ ⵍⵡⴻⵙⵜ ⵏ ⵜⵎⴻⵙⵙⵉ ⵓⵛⴰ ⵉⵡⵛⴰ ⵉ-ⵜⴻⵏⵜ ⴰⵢⵉ-ⴷⴷ ⵙⵉⴷⵉ. 5 ⴷⴻⵡⵍⴻⵖ-ⴷⴷ ⵓ ⵀⵡⵉⵖ-ⴷⴷ ⵥⴻⴳ ⵡⴻⴷⵔⴰⵔ ⵓⵛⴰ ⵙⵙⴰⵔⵙⴻⵖ ⵜⵉⵍⵡⵉⵃⵉⵏ ⴷⵉ ⵜⵜⴰⴱⵓⵜ ⵏⵏⵉ ⴳⴳⵉⵖ ⵓⵛⴰ ⴷⵉⵀⴰ ⵉ ⴵⴰⵏⵜ ⵄⴰⴷ, ⴰⵎ ⵎⴰⵎⵎⴻⵛ ⴷ ⴰⵢⵉ ⵢⵓⵎⵓⵔ ⵙⵉⴷⵉ.

6 ⴼⴻⵙⵢⴻⵏ ⴰⵢⵜ ⵏ ⵉⵙⵔⴰⵉⵍ ⵉⵇⵉⴹⴰⵏ ⵏⵙⴻⵏ ⵥⵉ ⴰⴱⴰⵔ-ⴱⴰⵏⵉ-ⵢⴰⵄⵇⴰⵏ, ⴼⴼⵖⴻⵏ ⵖⴰⵔ ⵎⵓⵙⵉⵔⴰ. ⴷⵉⵏⵏⵉ ⵉⵎⵎⵓⵜ ⵀⴰⵔⵓⵏ ⵓⵛⴰ ⵉⵜⵜⵡⴰⵏⴹⴻⵍ ⴷⵉⵏ. ⵎⵎⵉⵙ ⴰⵍⵉⵄⴰⵥⴰⵔ ⵉⴷⵡⴻⵍ ⴷ ⴰⴽⴻⵀⵀⴰⵏ ⴷⴻⴳ ⵡⴻⵎⵛⴰⵏ ⵏⵏⴻⵙ. ^■   7 ⵙⵙⴻⵏⵏⵉ ⵎⵎⵓⵟⵟⵉⵢⴻⵏ ⵖⴰⵔ ⵊⵓⴷⵊⵓⴷ ⵓ ⵥⵉ ⵊⵓⴷⵊⵓⴷ ⵖⴰⵔ ⵢⵓⵟⴱⴰⵜⴰ, ⵜⴰⵎⵎⵓⵔⵜ ⵏ ⵜⵖⴻⵥⵔⴰⵜⵉⵏ ⵏ ⵡⴰⵎⴰⵏ. ^■   8 ⴷⵉ ⵍⵡⴻⵇⵜ ⵏⵏⵉ ⴷ ⵉⵊⵊⴻⵏ ⵉⵃⵓⵥⵥ ⵙⵉⴷⵉ ⵜⴰⵇⴱⵉⵞ ⵏ ⵍⴰⵡⵉ ⵃⵉⵎⴰ ⴰⴷ ⴰⵔⴱⵓⵏ ⵜⵜⴰⴱⵓⵜ ⵏ ⵍⵄⴰⵀⴷ ⵏ ⵙⵉⴷⵉ ⵎⴰⵃⴻⵏⴷ ⴰⴷ ⴱⴻⴷⴷⴻⵏ ⵥⵥⴰⵜ ⵉ ⵡⵓⴷⴻⵎ ⵏ ⵙⵉⴷⵉ, ⴰⴷ ⴰⵙ ⵙⴻⵅⵅⴰⵔⴻⵏ ⵓ ⴰⴷ ⴱⴰⵔⴽⴻⵏ ⴷⴻⴳ ⵢⵉⵙⴻⵎ ⵏⵏⴻⵙ, ⴰⵍ ⴰⵙⵙ-ⴰ. 9 ⵙ ⵓⵢⴻⵏⵏⵉ ⵍⴰⵡⵉ ⵡⴰⵔ ⵖⴰⵔⴻⵙ ⵜⵓⵖⵉ ⵍⴰ ⴷ ⵛⴰ ⵍⴰ ⴷ ⵍⵡⴰⵔⵜ ⴰⴽ-ⴷ ⴰⵢⵜⵎⴰⵙ. ⵙⵉⴷⵉ ⴷ ⵍⵡⴰⵔⵜ ⵏⵏⴻⵙ, ⴰⵎ ⵎⴰⵎⵎⴻⵛ ⴷ ⴰⵙ ⵉⵏⵏⴰ ⵙⵉⴷⵉ, ⴰⵔⴻⴱⴱⵉ ⵏⵏⴻⴽ. ^■  

10 ⵓⵛⴰ ⵏⴻⵛⵛ ⵇⵇⵉⵎⴻⵖ ⵅ ⵡⴻⴷⵔⴰⵔ, ⴰⵎⴻⵛⵏⴰⵡ ⵓⵙⵙⴰⵏ ⵉⵎⴻⵥⵡⵓⵔⴰ, ⴰⵔⴻⴱⵄⵉⵏ ⵏ ⵓⵙⵙⴰⵏ ⴷ ⴰⵔⴻⴱⵄⵉⵏ ⵏ ⴵⵉⵢⴰⵍⵉ ⵓⵛⴰ ⵉⵙⵍⴰ ⴰⵢⵉ ⵙⵉⴷⵉ ⵄⴰⵡⴻⴷ ⵜⵡⴰⵍⴰ ⴰⵢⴰ, ⴰⵇⴰ ⵙⵉⴷⵉ ⵜⵓⵖⴰ ⵡⴰⵔ ⵉⵅⵙ ⴰⴷ ⴽⴻⵏⵏⵉⵡ ⵉⵙⵙⴻⵅⵚⴰⵔ. ^■  

11 ⵉⵏⵏⴰ ⴰⵢⵉ ⵙⵉⴷⵉ: ‘ⴽⴽⴰⵔ, ⵓⵢⵓⵔ ⴷⴻⴳ ⵡⴻⴱⵔⵉⴷ ⵥⵥⴰⵜ ⵉ ⵡⵓⴷⴻⵎ ⵏ ⵍⴳⴻⵏⵙ, ⵃⵉⵎⴰ ⴰⴷ ⴰⴷⴼⴻⵏ ⵜⴰⵎⵎⵓⵔⵜ, ⵏⵏⵉ ⵊⵊⵓⴵⴻⵖ ⴰⴷ ⴰⵙⴻⵏ ⵜⵜ-ⵉ-ⴷⴷ-ⵡⵛⴻⵖ, ⴰⴷ ⵜⵜ ⴽⵙⵉⵏ ⴷ ⵍⵡⴰⵔⵜ.’

12 ⵍⴻⵅⵅⵓ ⵅⴻⵏⵏⵉ, ⴰ ⵉⵙⵔⴰⵉⵍ, ⵎⵉⵏ ⵥⵥⴰⵢⴻⴽ ⵉⵜⵜⴰⵔ ⵙⵉⴷⵉ, ⴰⵔⴻⴱⴱⵉ ⵏⵏⴻⴽ, ⵎⵖⵉⵔ ⴰⴷ ⵜⴻⴳⴳⵯⴻⴷⴻⴷ ⵙⵉⴷⵉ, ⴰⵔⴻⴱⴱⵉ ⵏⵏⴻⴽ, ⴰⴷ ⵜⵓⵢⵓⵔⴻⴷ ⴷⴻⴳ ⵉⴱⵔⵉⴷⴻⵏ ⵏⵏⴻⵙ ⵓ ⴰⴷ ⵜ ⵜⴻⵅⵙⴻⴷ ⵓⵛⴰ ⴰⴷ ⵜⵙⴻⵅⵅⴰⵔⴻⴷ ⵉ ⵙⵉⴷⵉ, ⴰⵔⴻⴱⴱⵉ ⵏⵏⴻⴽ ⵙ ⵎⴰⵔⵔⴰ ⵓⵍ ⵏⵏⴻⴽ ⵓ ⵙ ⵎⴰⵔⵔⴰ ⵍⴻⵄⵎⴰⵔ ⵏⵏⴻⴽ, ^■  

13 ⵓⵛⴰ ⴰⴷ ⵜⴻⵃⴹⵉⴷ ⵍⵓⵎⵓⵔⴰⵜ ⵏ ⵙⵉⴷⵉ ⴷ ⵜⵡⴻⵚⵚⴰ ⵏⵏⵉ ⵏⴻⵛⵛ ⵅⴰⴽ ⵛⴰⵔⴹⴻⵖ ⴰⵙⵙ-ⴰ ⵉ ⵜⵉⵥⵉ ⵏⵏⴻⴽ.

14 ⵅⵥⴰⵔ, ⴰⵊⴻⵏⵏⴰ ⴷ ⵓⵊⴻⵏⵏⴰ ⵏ ⵉⵊⴻⵏⵡⴰⵏ ⴷ ⵎⴰⵔⵔⴰ ⵎⵉⵏ ⴷⴰⵢⴻⵙ ⵉ ⵙⵉⴷⵉ, ⴰⵔⴻⴱⴱⵉ ⵏⵏⴻⴽ ⵉ ⵉⴵⴰⵏ. ^■  

15 ⵙⵉⴷⵉ ⵉⵇⵇⴻⵏ ⵉⵅⴻⴼ ⵏⵏⴻⵙ ⵡⴰⵀⴰ ⵉ ⵉⴱⴰⴱⴰⵜⴻⵏ ⵏⵏⴻⴽ ⵃⵉⵎⴰ ⴰⴷ ⵜⴻⵏ ⵉⵅⵙ ⵓ ⵏⴻⵜⵜⴰ ⵉⵅⴹⴰⵔ ⵥⵥⴰⵔⵉⵄⴻⵜ ⵏⵙⴻⵏ ⴰⵡⴰⵔⵏⵉ ⴰⵙⴻⵏ, ⴰⵇⴰ ⴷ ⴽⴻⵏⵏⵉⵡ, ⵥⵉ ⵎⴰⵔⵔⴰ ⵍⴻⴳⵏⵓⵙ, ⴰⵎ ⵜⴻⴵⴰ ⴰⵙⵙ-ⴰ.

16 ⵅⴻⵜⵏⴻⵎ ⵅⴻⵏⵏⵉ ⵉ ⵍⴻⵄⴷⴰⵍⵢⴻⵜ ⵏ ⵡⵓⵍ ⵏⵡⴻⵎ, ⵡⴰⵔ ⵙⵇⴻⵙⵙⵉⵃⴻⵎ ⵛⴰ ⵄⴰⴷ ⴽⵜⴰⵔ ⵓⵍⴰⵡⴻⵏ ⵏⵡⴻⵎ, ^■  

17 ⵎⵉⵏⵥⵉ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ, ⴷ ⴰⵔⴻⴱⴱⵉ ⵅ ⵎⴰⵔⵔⴰ ⵉⵔⴻⴱⴱⵉⵜⴻⵏ ⴷ ⵙⵉⴷⵉ ⵅ ⵎⴰⵔⵔⴰ ⵉⵙⵉⴷⵉⵜⴻⵏ, ⵉⵊⵊ ⵏ ⴰⵔⴻⴱⴱⵉ ⵉⵎⵖⴰⵔ ⴷ ⵓⵊⴻⴱⴱⴰⵔ ⴷ ⵓⵎⴻⴳⴳⵯⴻⴷ, ⵏⵏⵉ ⵡⴰⵔ ⵉⵜⵜⴻⴳⴳⴻⵏ ⵍⴼⴰⵔⵥ ⴷⴻⴳ ⵉⵡⴷⴰⵏ ⵏⵉⵖ ⵉⴽⴻⵙⵙⵉ ⵛⵛⴰⵔⴹ, ^■  

18 ⵡⴻⵏⵏⵉ ⵉⵜⵜⴻⴳⴳⴻⵏ ⵜⴰⵙⴻⴳⴷⴰ ⵉ ⵓⵢⵓⵊⵉⵍ ⴷ ⵜⴰⵊⵊⴰⵞ, ⵡⴻⵏⵏⵉ ⵉⵜⵜⴻⵅⵙⴻⵏ ⴰⴱⴰⵔⵔⴰⵏⵉ ⵓ ⵉⵡⵛⴰ ⴰⵙ ⴰⵖⵔⵓⵎ ⴷ ⴰⵔⵔⵓⴹ.

19 ⵉⵜⵜⵅⴻⵚⵚⴰ ⴰⴷ ⵜⴻⵅⵙⴻⵎ ⴰⴱⴰⵔⵔⴰⵏⵉ, ⵎⵉⵏⵥⵉ ⵜⵓⵖⴰ ⴽⴻⵏⵏⵉⵡ ⴷ ⵉⴱⴰⵔⵔⴰⵏⵉⵢⵢⴻⵏ ⴷⵉ ⵜⴻⵎⵎⵓⵔⵜ ⵏ ⵎⵉⵚⵔⴰ. 20 ⴰⴷ ⵜⴻⴳⴳⵯⴻⴷⴻⴷ ⵙⵉⴷⵉ, ⴰⵔⴻⴱⴱⵉ ⵏⵏⴻⴽ, ⴰⴷ ⴰⵙ ⵜⵙⴻⵅⵅⴰⵔⴻⴷ ⵓⵛⴰ ⴰⴷ ⴰⵙ ⵜⵍⴻⵚⵇⴻⴷ ⵓ ⵙ ⵢⵉⵙⴻⵎ ⵏⵏⴻⵙ ⴰⴷ ⵜⴻⵊⵊⴰⴵⴻⴷ. ^■   21 ⴰⵇⴰ ⵏⴻⵜⵜⴰ ⴷ ⴰⵙⴻⴱⴱⴰⵃ ⵏⵏⴻⴽ, ⵓⵛⴰ ⵏⴻⵜⵜⴰ ⴷ ⴰⵔⴻⴱⴱⵉ ⵏⵏⴻⴽ, ⵡⴻⵏⵏⵉ ⵖⴰⵔⴻⴽ ⵉⴳⴳⵉⵏ ⵍⵅⴻⴷⵎⴻⵜ-ⴰ ⴷ ⵜⴰⵎⴻⵇⵇⵔⴰⵏⵜ ⵓⵍⴰ ⴷ ⵎⴰⵔⵔⴰ ⵜⵉⵎⴻⵙⵍⴰⵢⵉⵏ-ⴰ ⵉⵙⵙⴰⴳⴳⵯⴰⴷⴻⵏ ⵜⵉⵏⵏⵉ ⵥⵔⵉⵏⵜ ⵜⵉⵟⵟⴰⵡⵉⵏ ⵏⵏⴻⴽ. 22 ⵉⴱⴰⴱⴰⵜⴻⵏ ⵏⵡⴻⵎ ⵀⵡⴰⵏ-ⴷⴷ ⵙ ⵙⴻⴱⵄⵉⵏ ⵏ ⵍⴻⵄⵎⵓⵔ ⵖⴰⵔ ⵎⵉⵚⵔⴰ ⵓⵛⴰ ⵍⴻⵅⵅⵓ ⵉⴳⴳⴰ ⵉ-ⵛ ⵙⵉⴷⵉ, ⴰⵔⴻⴱⴱⵉ ⵏⵏⴻⴽ, ⴰⵟⵟⴰⵙ ⴰⵎⴻⵛⵏⴰⵡ ⵉⵜⵔⴰⵏ ⵏ ⵓⵊⴻⵏⵏⴰ ⵉ ⵉⴽⵜⴰⵔⴻⵏ.” ^■