1 “ⵎⴰⵍⴰ ⵃⴻⴷ ⵉⵙⵙⵇⴰⵔⵔⴻⴱ-ⴷⴷ ⵜⴰⵡⵀⵉⴱⵜ ⵏ ⵍⵖⵉⴵⴻⵜ ⵖⴰⵔ ⵙⵉⴷⵉ, ⴰⴷ ⵜⵉⵍⵉ ⵜⴻⵡⵀⵉⴱⵜ ⵏⵏⴻⵙ ⵏ ⵡⴰⵔⴻⵏ ⴰⵥⴷⴰⴷ ⵓⵛⴰ ⴰⴷ ⵅⴰⵙ ⵉⵙⴻⵢⵢⴻⴱ ⵥⵥⴻⵛⵜ ⵓⵛⴰ ⴰⴷ ⵅⴰⵙ ⵉⵙⵙⴰⵔⵙ ⵊⵊⴰⵡⵉ. ^■   2 ⴰⴷ ⵜⵜ ⵢⴰⵡⵉ ⵖⴰⵔ ⵉⵃⴻⵏⵊⵉⵔⴻⵏ ⵏ ⵀⴰⵔⵓⵏ, ⵉⴽⴻⵀⵀⴰⵏⴻⵏ, ⵓⵛⴰ ⴰⴷ ⵥⵥⴰⵢⴻⵙ ⵉⴽⵙⵉ ⵉⵊⵊ ⵏ ⵡⵓⵔⵓ ⵉⵛⵛⵓⵔ ⵥⴻⴳ ⵡⴰⵔⴻⵏ ⴰⵥⴷⴰⴷ ⵏⵏⵉ ⵓ ⵥⵉ ⵥⵥⴻⵛⵜ ⵏⵏⵉ ⴰⴽ-ⴷ ⵎⴰⵔⵔⴰ ⵊⵊⴰⵡⵉ, ⵓⵛⴰ ⴰⴽⴻⵀⵀⴰⵏ ⴰⴷ ⵉⵙⵙⴱⴻⵅⵅⴰⵔ ⴰⵢⴰ ⵅ ⵓⵄⴰⵍⵟⴰⵔ ⵉ ⵍⵉⴷⴰⵔⴻⵜ ⵉ ⵜⴻⵡⵀⵉⴱⵜ ⵏⵏⵉ, ⴷ ⵜⴰⵡⵀⵉⴱⵜ ⵏ ⵜⵎⴻⵙⵙⵉ, ⴷ ⵍⴻⴼⵡⴰⵃⴻⵜ ⵉⵜⵜⴼⵓⵃⴻⵏ ⵉ ⵙⵉⴷⵉ. ^■   3 ⵎⵉⵏ ⵉⵇⵇⵉⵎⴻⵏ ⵏ ⵜⴻⵡⵀⵉⴱⵜ ⵏ ⵍⵖⵉⴵⴻⵜ ⴰⴷ ⵢⵉⵍⵉ ⵉ ⵀⴰⵔⵓⵏ ⵓ ⵉ ⵉⵃⴻⵏⵊⵉⵔⴻⵏ ⵏⵏⴻⵙ. ⴰⵇⴰ ⴷ ⴰⵎⵇⴻⴷⴷⴰⵙ ⵇⴰⵄ ⵥⵉ ⵎⴰⵔⵔⴰ ⵜⵉⵡⵀⵉⴱⵉⵏ ⵏ ⵜⵎⴻⵙⵙⵉ ⵏ ⵙⵉⴷⵉ. ^■  

4 ⵎⴰⵍⴰ ⵜⴻⵙⵇⴰⵔⵔⴱⴻⴷ ⵜⴰⵡⵀⵉⴱⵜ ⵉ ⵉⴵⴰⵏ ⴷ ⵜⴰⵡⵀⵉⴱⵜ ⵏ ⵍⵖⵉⴵⴻⵜ ⴷⴰⵔⵃⴻⵏ ⵜⵜ ⴷⵉ ⵜⴻⴼⵇⵓⵏⵜ, ⵅⴻⵏⵏⵉ ⴰⴷ ⵜⵉⵍⵉ ⴷ ⵍⴻⵎⵙⴻⵎⵏⴰⵜ ⴱⵍⴰ ⴰⵏⵜⵓⵏ, ⵉⵅⴻⴵⴹⴻⵏ ⵙ ⵥⵥⴻⵛⵜ, ⵓⵍⴰ ⴷ ⵜⵉⵍⴼⴰⴼ ⴱⵍⴰ ⴰⵏⵜⵓⵏ ⵜⵜⵡⴰⴷⴻⵀⵏⴻⵏⵜ ⵙ ⵥⵥⴻⵛⵜ, ⵎⴰⵔⵔⴰ ⵥⴻⴳ ⵡⴰⵔⴻⵏ ⴰⵥⴷⴰⴷ.

5 ⵎⴰⵍⴰ ⵜⴰⵡⵀⵉⴱⵜ ⵏⵏⴻⴽ ⴷ ⵜⴰⵡⵀⵉⴱⵜ ⵏ ⵍⵖⵉⴵⴻⵜ ⴳⴳⵯⵉⵏ ⵜⵜ ⵅ ⵡⴻⵅⴷⵉⵎ, ⴰⴷ ⵜⵉⵍⵉ ⵏ ⵡⴰⵔⴻⵏ ⵏ ⴰⵥⴷⴰⴷ ⴱⵍⴰ ⴰⵏⵜⵓⵏ, ⵅⴻⴵⴹⴻⵏ ⵜⵜ ⵙ ⵥⵥⴻⵛⵜ. 6 ⴰⴷ ⵜⴻⵏ ⵜⴰⵔⵥⴻⴷ ⴷ ⵉⴼⴻⵜⵡⵉⵜⴻⵏ ⵓⵛⴰ ⴰⴷ ⵅⴰⵙ ⵜⵙⴻⵢⵢⴱⴻⴷ ⵥⵥⴻⵛⵜ. ⴰⵇⴰ-ⵜⵜ ⴷ ⵉⵛⵜ ⵏ ⵜⴻⵡⵀⵉⴱⵜ ⵏ ⵍⵖⵉⴵⴻⵜ.

7 ⵎⴰⵍⴰ ⵜⴰⵡⵀⵉⴱⵜ ⵏⵏⴻⴽ ⴷ ⵜⴰⵡⵀⵉⴱⵜ ⵏ ⵍⵖⵉⴵⴻⵜ ⴳⴳⵯⵉⵏ ⵜⵜ ⴷⵉ ⵟⵟⴰⵊⵊⵉⵏ, ⴰⴷ ⵜⵉⵍⵉ ⵜⴻⵡⵊⴻⴷ ⵙ ⵡⴰⵔⴻⵏ ⴰⵥⴷⴰⴷ ⴰⴽ-ⴷ ⵥⵥⴻⵛⵜ. 8 ⵜⴰⵡⵀⵉⴱⵜ ⵏ ⵍⵖⵉⴵⴻⵜ ⵉ ⵥⵥⴰⵢⵙⴻⵏ ⵉⵡⴻⵊⴷⴻⵏ, ⴰⴷ ⵜⵜ ⵜⴰⵡⵢⴻⴷ ⵖⴰⵔ ⵙⵉⴷⵉ. ⴱⵏⴰⴷⴻⵎ ⴰⴷ ⵥⵥⴰⵢⴻⵙ ⴷⴷ-ⵉⵇⴰⵔⵔⴻⴱ ⵖⴰⵔ ⵓⴽⴻⵀⵀⴰⵏ ⵓⵛⴰ ⵡⴰⵏⵉⵜⴰ ⴰⴷ ⵜⵜ ⵢⴰⵡⵉ ⵖⴰⵔ ⵓⵄⴰⵍⵟⴰⵔ. 9 ⴰⴷ ⵉⴽⵙⵉ ⵓⴽⴻⵀⵀⴰⵏ ⵥⵉ ⵜⴻⵡⵀⵉⴱⵜ ⵏ ⵍⵖⵉⴵⴻⵜ ⵉ ⵍⵉⴷⴰⵔⴻⵜ ⵓⵛⴰ ⴰⴷ ⵜⵜ ⵉⵙⵙⴱⴻⵅⵅⴰⵔ ⵅ ⵓⵄⴰⵍⵟⴰⵔ, ⴰⵇⴰ ⴷ ⵜⴰⵡⵀⵉⴱⵜ ⵏ ⵜⵎⴻⵙⵙⵉ, ⴷ ⵍⴻⴼⵡⴰⵃⴻⵜ ⵉⵜⵜⴼⵓⵃⴻⵏ ⵉ ⵙⵉⴷⵉ.

10 ⵎⵉⵏ ⵉⵇⵇⵉⵎⴻⵏ ⵏ ⵜⴻⵡⵀⵉⴱⵜ ⵏ ⵍⵖⵉⴵⴻⵜ ⴰⴷ ⵢⵉⵍⵉ ⵉ ⵀⴰⵔⵓⵏ ⵓ ⵉ ⵉⵃⴻⵏⵊⵉⵔⴻⵏ ⵏⵏⴻⵙ. ⴰⵇⴰ-ⵜ ⴷ ⴰⵎⵇⴻⴷⴷⴰⵙ ⵇⴰⵄ ⵥⵉ ⵜⴻⵡⵀⵉⴱⵉⵏ ⵏ ⵜⵎⴻⵙⵙⵉ ⵏ ⵙⵉⴷⵉ.

11 ⵓⵍⴰ ⴷ ⵉⵛⵜ ⵏ ⵜⴻⵡⵀⵉⴱⵜⵏ ⵍⵖⵉⴵⴻⵜ ⴰⴷ ⵥⵥⴰⵢⴻⵙ ⴷⴷ-ⵜⵇⴰⵔⵔⴱⴻⵎ ⵖⴰⵔ ⵙⵉⴷⵉ ⵡⴰⵔ ⵜᵉⵜⵜⵉⵍⵉ ⵜⴻⵡⵊⴻⴷ ⵙ ⵡⴻⵏⵜⵓⵏ, ⵎⴰⵖⴰⵔ ⵥⵉ ⵎⵉⵏ ⵎⴰ ⵏ ⵡⴻⵏⵜⵓⵏ ⴷ ⵥⵉ ⵎⵉⵏ ⵎⴰ ⵜⴰⵎⵎⴻⵏⵜ, ⵡⴰⵔ ⵥⵥⴰⵢⴻⵙ ⵜⴻⵙⵙⴱⴻⵅⵅⴰⵔⴰⵎ ⵛⴰ ⵓⵍⴰ ⴷ ⵉⵛⵜ ⵏ ⵜⴻⵡⵀⵉⴱⵜ ⵏ ⵜⵎⴻⵙⵙⵉ ⵉ ⵙⵉⴷⵉ.

12 ⴰⴷ ⴷⴷ-ⵜⴻⵙⵙⵇⴰⵔⵔⴱⴻⵎ ⵜⴰⵡⵀⵉⴱⵜ ⵏ ⵓⵙⵓⴼⴼⴻⵖ ⴰⵎⴻⵥⵡⴰⵔⵓ ⵏ ⵚⵚⴰⴱⴻⵜ ⵖⴰⵔ ⵙⵉⴷⵉ, ⵎⴰⵛⴰ ⵏⵉⵜⵏⵉ ⵡⴰⵔ ⵥⴻⵎⵎⴰⵔⴻⵏ ⴰⴷ ⵙⵙⴱⴻⵅⵅⴰⵔⴻⵏ ⵜⴰⵡⵀⵉⴱⵜ-ⴰ ⵅ ⵓⵄⴰⵍⵟⴰⵔ ⴰⵎ ⵍⴻⴼⵡⴰⵃⴻⵜ ⵉⵜⵜⴼⵓⵃⴻⵏ ⵉ ⵙⵉⴷⵉ. ^■  

13 ⴽⵓⵍ ⵜⴰⵡⵀⵉⴱⵜ ⵏ ⵜⴻⵡⵀⵉⴱⵜ ⵏ ⵍⵖⵉⴵⴻⵜ ⵏⵏⴻⴽ ⴰⴷ ⵜⵉⵍⵉ ⵜⵎⴻⴵⵃⴻⴷ ⵙ ⵜⵎⴻⴵⴰⵃⵟ. ⵜⴰⵎⴻⴵⴰⵃⵜ ⵏ ⵍⵄⴰⵀⴷ ⵏ ⴰⵔⴻⴱⴱⵉ ⵏⵏⴻⴽ ⵡⴰⵔ ⵜⵥⴻⵎⵎⴰⵔ ⴰⴷ ⵜⴻⵏⵇⴻⵙ ⵖⴰⵔ ⵜⴻⵡⵀⵉⴱⵜ ⵏ ⵍⵖⵉⴵⴻⵜ ⵏⵏⴻⴽ. ⴰⴷ ⵜⵇⴻⴷⴷⵎⴻⴷ ⵜⴰⵎⴻⴵⴰⵃⵜ ⵖⴰⵔ ⴽⵓⵍ ⵜⴰⵡⵀⵉⴱⵜ ⵏⵏⴻⴽ. ^■  

14 ⵎⴰⵍⴰ ⵜⵇⴰⵔⵔⴱⴻⴷ-ⴷⴷ ⵖⴰⵔ ⵙⵉⴷⵉ ⵙ ⵜⴻⵡⵀⵉⴱⵜ ⵏ ⵜⵎⴻⵏⵥⵓⵜ ⵏ ⵍⵖⵉⴵⴻⵜ, ⴰⴷ ⴷⴷ-ⵜⵇⴰⵔⵔⴱⴻⴷ ⵙ ⵜⴻⵡⵀⵉⴱⵜ ⵏ ⵍⵖⵉⴵⴻⵜ ⵥⵉ ⵜⵎⴻⵏⵥⵓⵜ ⵏⵏⴻⴽ ⵥⵉ ⵜⵉⴷⵔⵉⵏ ⵢⵉⵡⴹⴻⵏ, ⵜⵉⵏⵏⵉ ⵉⵜⵜⵡⴰⴼⴰⵔⴻⵏ ⵅ ⵜⵎⴻⵙⵙⵉ, ⵍⵃⴻⴱⴱ ⴰⵥⵉⵥⴰ ⵉⴱⴰⵔⵢⴻⵏ.

15 ⴰⴷ ⵅⴰⵙ ⵜⵙⴻⵢⵢⴱⴻⴷ ⵥⵥⴻⵛⵜ ⵓ ⴰⴷ ⵅⴰⵙ ⵜⴻⵙⵙⴰⵔⵙⴻⴷ ⵊⵊⴰⵡⵉ, ⴰⵇⴰ-ⵜ ⴷ ⵜⴰⵡⵀⵉⴱⵜ ⵏ ⵍⵖⵉⴵⴻⵜ.

16 ⵅⴻⵏⵏⵉ ⴰⴷ ⵉⵙⵙⴱⴻⵅⵅⴰⵔ ⵓⴽⴻⵀⵀⴰⵏ ⵉⵛⵜ ⵏ ⵍⵉⴷⴰⵔⴻⵜ ⵥⵉ ⵍⵃⴻⴱⴱ ⵉⴱⴰⵔⵢⴻⵏ ⵓ ⵥⵉ ⵥⵥⴻⵛⵜ ⵏⵏⴻⵙ ⴰⴽ-ⴷ ⵎⴰⵔⵔⴰ ⵊⵊⴰⵡⵉ ⵏⵏⴻⵙ. ⴰⵇⴰ-ⵜⵜ ⴷ ⵜⴰⵡⵀⵉⴱⵜ ⵏ ⵜⵎⴻⵙⵙⵉ ⵉ ⵙⵉⴷⵉ.”