1 ⵓⵛⴰ ⵉⴹⵀⴰⵔ ⴰⵙ-ⴷⴷ ⵙⵉⴷⵉ ⵖⴰⵔ ⵜⵛⴻⵊⵊⵓⵔⴰ ⵏ ⵢⵉⴳⴳ ⵏ ⵎⴰⵎⵔⵉ ⵓⵎⵉ ⵜⵓⵖⴰ ⵢⴰⵔⴻⵢⵢⴻⵃ ⵖⴰⵔ ⵡⴰⴷⴰⴼ ⵏ ⵓⵇⵉⴹⵓⵏ ⵏⵏⴻⵙ ⴷⵉ ⵟⵟⵃⴰ ⵏ ⵓⵥⵉⵍ. 2 ⵉⵙⵙⴳⴻⵄⵄⴻⴷ ⵜⴰⵎⵓⵖⵍⵉ ⵏⵏⴻⵙ, ⵉⵥⵔⴰ, ⴰⵇⴰ ⴷⵉⵏ ⵜⵍⴰⵜⴰ ⵏ ⵢⴻⵔⵢⴰⵥⴻⵏ ⵇⵉⴱⴰⵞ ⵏⵏⴻⵙ. ⵓⵎⵉ ⵜⴻⵏ ⵉⵥⵔⴰ, ⵉⴽⴽⴰⵔ ⵉⵜⵜⴰⵥⵥⴻⵍ ⵖⴰⵔⵙⴻⵏ ⵥⵉ ⵡⴰⴷⴰⴼ ⵏ ⵓⵇⵉⴹⵓⵏ ⵓⵛⴰ ⵉⴱⴱⴻⵏⴷⴻⵇ ⵖⴰⵔ ⵜⴻⵎⵎⵓⵔⵜ, ^□  ■   3 ⵉⵏⵏⴰ: “ⴰ ⵙⵉⴷⵉ ⵉⵏⵓ, ⵎⴰⵍⴰ ⵍⴻⵅⵅⵓ ⵓⴼⵉⵖ ⴰⵔⴹⴰ ⴷⵉ ⵜⵉⵟⵟⴰⵡⵉⵏ ⵏⵏⴻⴽ, ⵜⵜⵥⴰⵡⴳⴻⵖ ⵛⴻⴽ, ⵡⴰⵔ ⵄⴻⴷⴷⵓ ⵅ ⵓⵎⵙⴻⵅⵅⴰⵔ ⵏⵏⴻⴽ. 4 ⵊⵊⴻⵎ ⵜⴻⵏ ⴰⴷ ⴷⴷ-ⴰⵡⵢⴻⵏ ⵛⵡⴰⵢⵜ ⵏ ⵡⴰⵎⴰⵏ ⵓⵛⴰ ⵙⵉⵔⴷⴻⵎ ⵉⴹⴰⵔⴻⵏ ⵏⵡⴻⵎ ⵓⵛⴰ ⵥⵥⵍⴻⵎ ⵛⵡⴰⵢⵜ ⵙⴰⴷⵓ ⵜⵛⴻⵊⵊⴰⵔⵜ-ⴰ. ^□   5 ⵓⵛⴰ ⴰⴷ ⴷⴷ-ⴰⵡⵢⴻⵖ ⴰⵍⴻⵇⵇⵓⵥ ⵏ ⵡⴻⵖⵔⵓⵎ ⵃⵉⵎⴰ ⴰⴷ ⵜⵜⵡⴰⵏⴻⵄⵛⴻⵏ ⵡⵓⵍⴰⵡⴻⵏ ⵏⵡⴻⵎ, ⵅⴻⵏⵏⵉ ⴰⴷ ⵜⴻⵄⴷⵓⵎ. ⴰⵇⴰ ⵅ ⵓⵢⴰ ⵉ ⴷⴷ-ⵜⴻⴽⴽⵉⵎ ⵥⵥⴰⵜ ⵉ ⵓⵎⵙⴻⵅⵅⴰⵔ ⵏⵡⴻⵎ!” ⵏⵉⵜⵏⵉ ⵏⵏⴰⵏ: “ⴻⴳⴳ ⴰⵎ ⵎⴰⵎⵎⴻⵛ ⵜⴻⵏⵏⵉⴷ.”

6 ⵉⵔⵓⵃ ⵉⴱⵔⴰⵀⵉⵎ ⴷⴻⵖⵢⴰ ⵖⴰⵔ ⵓⵇⵉⴹⵓⵏ ⵖⴰⵔ ⵙⴰⵔⴰ, ⵉⵏⵏⴰ: “ⴷⴻⵖⵢⴰⵜ, ⴽⵙⵉ ⵜⵍⴰⵜⴰ ⵏ ⵍⴻⵇⵢⴰⵙ ⵏ ⵡⴰⵔⴻⵏ ⴰⵥⴷⴰⴷ, ⴻⴳⴳⵡ ⵉ-ⵜⴻⵏ ⵓⵛⴰ ⴻⴳⴳ ⵥⵥⴰⵢⴻⵙ ⵜⵉⴼⴹⵉⵔⵉⵏ.” ^□   7 ⵢⵓⵥⵥⴻⵍ ⵉⴱⵔⴰⵀⵉⵎ ⵖⴰⵔ ⵉⴼⵓⵏⴰⵙⴻⵏ ⵓⵛⴰ ⵉⵟⵟⴻⴼ-ⴷⴷ ⵉⵊⵊ ⵏ ⵓⵎⴻⵥⵢⴰⵏ ⵏ ⵓⴼⵓⵏⴰⵙ ⵉⴳⵎⴰ ⴷ ⵍⴻⵎⵍⵉⵃ, ⵉⵡⵛⴰ ⵉ-ⵜ ⵉ ⵓⴱⵍⵉⵖ ⵓⵛⴰ ⵡⴰ ⵉⵇⴻⴵⴻⵇ ⵃⵉⵎⴰ ⴰⴷ ⵜ ⵉⵙⵙⴻⵡⵊⴻⴷ. 8 ⵏⴻⵜⵜⴰ ⵉⴽⵙⵉ ⵄⴰⵡⴻⴷ ⴷⴷⵀⴻⵏ, ⴷ ⵓⵖⵉ, ⴷ ⵓⴼⵓⵏⴰⵙ ⴷ ⴰⵎⴻⵥⵢⴰⵏ ⵡⴻⵏⵏⵉ ⵉⵙⵙⴻⵡⵊⴻⴷ, ⵓⵛⴰ ⵉⵙⵙⴰⵔⵙ ⵉ-ⵜ ⵥⵥⴰⵜⵙⴻⵏ, ⵓ ⵏⴻⵜⵜⴰ ⵜⵓⵖⴰ ⵉⴱⴻⴷⴷ ⵥⵥⴰⵜⵙⴻⵏ ⵙⴰⴷⵓ ⵜⵛⴻⵊⵊⴰⵔⵜ, ⵓⵛⴰ ⵛⵛⵉⵏ. 9 ⵅⴻⵏⵏⵉ ⵏⵏⴰⵏ ⴰⵙ: “ⵎⴰⵏⵉ ⵜⴻⴵⴰ ⵙⴰⵔⴰ ⵜⴰⵎⵖⴰⵔⵜ ⵏⵏⴻⴽ?” ⵢⴰⵔⵔⴰ-ⴷⴷ ⵅⴰⵙⴻⵏ: “ⴰⵇⴰ-ⵜⵜ ⴷⴰ ⴷⴻⴳ ⵓⵇⵉⴹⵓⵏ.”

10 ⵓⵛⴰ ⵏⴻⵜⵜⴰ ⵉⵏⵏⴰ: “ⴷ ⵜⵉⴷⴻⵜⵜ ⴰⴷ ⵖⴰⵔⴻⴽ ⴷⴷ-ⴷⴻⵡⵍⴻⵖ ⵖⴰⵔ ⵍⵡⴻⵇⵜ ⵏ ⵜⵓⴷⴰⵔⵜ ⵓ ⵅⵥⴰⵔ, ⴰⴷ ⵖⴰⵔⴻⵙ ⵢⵉⵍⵉ ⵓⵃⴻⵏⵊⵉⵔ ⵖⴰⵔ ⵙⴰⵔⴰ, ⵜⴰⵎⵖⴰⵔⵜ ⵏⵏⴻⴽ.” ⵓ ⵙⴰⵔⴰ ⵜⴻⵙⵍⴰ ⵖⴰⵔ ⵡⴰⴷⴰⴼ ⵏ ⵓⵇⵉⴹⵓⵏ ⵏⵏⵉ ⵉⴵⴰⵏ ⴰⵡⴰⵔⵏⵉ ⴰⵙ. ^■  

11 ⵉⴱⵔⴰⵀⵉⵎ ⴷ ⵙⴰⵔⴰ ⵜⵓⵖⴰ ⵡⵙⴰⵔⴻⵏ, ⵓⵢⵓⵔⴻⵏ ⴷⴻⴳ ⵡⵓⵙⵙⴰⵏ, ⵓⵛⴰ ⵙⴰⵔⴰ ⵜⵓⵖⴰ ⵜⴱⴻⴷⴷ ⴰⵙ ⵜⵓⴱⴱⴰⵔⵜ ⵏ ⵜⴻⵎⵖⴰⵔⵉⵏ. ^■  

12 ⵓⵛⴰ ⵜⴻⴹⵃⴻⵛ ⵙⴰⵔⴰ ⴷⴻⴳ ⵡⵓⵍ ⵏⵏⴻⵙ, ⵜⴻⵏⵏⴰ: “ⴰⵡⴰⵔⵏⵉ ⵜⴻⵡⵙⴰⵔ ⵉⵏⵓ, ⴰⴷ ⵖⴰⵔⵉ ⵢⵉⵍⵉ ⵍⵅⵉⵔ-ⴰ ⴷ ⵍⴻⵎⵍⵉⵃ ⵇⴰⵄ, ⴰⵎ ⵉⴵⴰ ⵙⵉⴷⵉ ⵉⵏⵓ ⵓⵍⴰ ⴷ ⵏⴻⵜⵜⴰ ⵉⵡⵙⴰⵔ?” ^■  

13 ⵉⵏⵏⴰ ⵙⵉⴷⵉ ⵉ ⵉⴱⵔⴰⵀⵉⵎ: “ⵎⴰⵖⴰⵔ ⵜⴻⴹⵃⴻⵛ ⵙⴰⵔⴰ, ⵜⴻⵏⵏⴰ: ‘ⵎⴰ ⵥⴻⵎⵎⴰⵔⴻⵖ ⴰⴷ ⴰⵔⵡⴻⵖ ⴰⵎ ⵡⵙⴰⵔⴻⵖ?’

14 ⵎⴰ ⴰⵇⴰ ⴷⵉⵏ ⵛⴰ ⵏ ⵍⵃⴰⵊⵊⴻⵜ ⵅ ⵙⵉⴷⵉ ⵜⴻⵡⵄⴰⵔ? ⴰⴷ ⵖⴰⵔⴻⴽ ⴷⴷ-ⵄⴻⵇⴱⴻⵖ ⴷⵉ ⵍⵡⴻⵇⵜ ⵉ ⵏⴻⴳⴳⴰ, ⵖⴰⵔ ⵍⵡⴻⵇⵜ ⵏ ⵜⵓⴷⴰⵔⵜ ⵓⵛⴰ ⴰⴷ ⵢⵉⵍⵉ ⵖⴰⵔ ⵙⴰⵔⴰ ⵎⵎⵉⵙ!” ^■  

15 ⵙⴰⵔⴰ ⵎⴰⵛⴰ ⵜⴻⵏⴽⴰⵔ, ⵜⴻⵏⵏⴰ: “ⵡⴰⵔ ⴹⴻⵃⵛⴻⵖ ⵛⴰ!”, ⵎⵉⵏⵥⵉ ⵜⵓⵖⴰ ⵜⴻⴳⴳⵯⴻⴷ. ⵏⴻⵜⵜⴰ ⵉⵏⵏⴰ ⴰⵙ: “ⵍⵍⴰ, ⴰⵇⴰ ⵛⴻⵎ ⵜⴹⴻⵃⵛⴻⴷ!”

16 ⵅⴻⵏⵏⵉ ⴽⴽⴰⵔⴻⵏ ⵉⵔⵢⴰⵥⴻⵏ ⵏⵏⵉ ⵙⵙⴻⵏⵏⵉ, ⵙⴻⵡⴹⴻⵏ ⵖⴰⵔ ⵙⴰⴷⵓⵎ ⵓⵛⴰ ⵉⵔⵓⵃ ⵉⴱⵔⴰⵀⵉⵎ ⴰⴽⵉⴷⵙⴻⵏ, ⵉⵙⵙⵇⴻⴱⴱⴻⴹ ⵉ-ⵜⴻⵏ.

17 ⵓⵛⴰ ⵉⵏⵏⴰ ⵙⵉⴷⵉ: “ⵎⴰ ⴰⴷ ⴼⴼⴰⵔⴻⵖ ⵏⴻⵛⵛ ⵅ ⵉⴱⵔⴰⵀⵉⵎ ⵎⵉⵏ ⴳⴳⵓⵔ ⴰⴷ ⴳⴳⴻⵖ? ^■  

18 ⴰⴷ ⵢⵉⵍⵉ ⵉⴱⵔⴰⵀⵉⵎ ⵥⴻⵄⵎⴰ ⴷ ⵉⵊⵊ ⵏ ⵍⴳⴻⵏⵙ ⵉⵎⵖⴰⵔ ⵓ ⵉⵊⵀⴻⴷ, ⴰⵇⴰ ⴰⴷ ⴷⴰⵢⴻⵙ ⵜⵜⵡⴰⴱⴰⵔⴽⴻⵏ ⵎⴰⵔⵔⴰ ⵍⴻⴳⵏⵓⵙ ⵏ ⴷⴷⵓⵏⴻⵛⵜ. ^■  

19 ⵎⵉⵏⵥⵉ ⵏⴻⵛⵛ ⵙⵙⵏⴻⵖ ⴱⴻⵍⵍⵉ ⴰⴷ ⵉⵙⵙⴻⵍⵎⴻⴷ ⵉⵃⴻⵏⵊⵉⵔⴻⵏ ⵏⵏⴻⵙ ⵓⵍⴰ ⴷ ⵜⴰⴷⴷⴰⵔⵜ ⵏⵏⴻⵙ ⴰⵡⴰⵔⵏⵉ ⴰⵙ, ⵎⴰⵃⴻⵏⴷ ⴰⴷ ⵀⴹⴰⵏ ⴰⴱⵔⵉⴷ ⵏ ⵙⵉⴷⵉ, ⴰⴷ ⴳⴳⴻⵏ ⵜⴰⵙⴻⴳⴷⴰ ⴷ ⵍⵃⴻⵇⵇ, ⵃⵉⵎⴰ ⵙⵉⴷⵉ ⴰⴷ ⴷⴷ-ⵢⴰⵡⵉ ⵉ ⵉⴱⵔⴰⵀⵉⵎ ⵎⵉⵏ ⵜⵓⵖⴰ ⵅⴰⵙ ⵉⵏⵏⴰ.” 20 ⵅⴻⵏⵏⵉ ⵉⵏⵏⴰ ⵙⵉⴷⵉ: “ⵜⵖⵓⵢⵢⵉⵜ ⵏ ⵙⴰⴷⵓⵎ ⴷ ⵄⴰⵎⵓⵔⵔⴰ ⵜⴻⵎⵖⴰⵔ ⴰⵟⵟⴰⵙ ⵓ ⴷⴷⵏⵓⴱ ⵏⵙⴻⵏ ⴷⴻⵇⵍⴻⵏ. 21 ⴰⴷ ⴷⴷ-ⵀⵡⵉⵖ, ⴰⴷ ⵥⴰⵔⴻⵖ ⵎⴰ ⴳⴳⵉⵏ ⵏⵉⵛⴰⵏ ⴰⵎ ⵜⵖⵓⵢⵢⵉⵜ ⵏⵙⴻⵏ ⵉ ⵖⴰⵔⵉ ⴷⴷ-ⵢⵓⵙⵉⵏ ⵏⵉⵖ ⵍⵍⴰ, ⴳⴳⵓⵔ ⴰⴷ ⵙⵙⵏⴻⵖ.” 22 ⵅⴻⵏⵏⵉ ⴷⴻⵡⵍⴻⵏ ⵉⵔⵢⴰⵥⴻⵏ ⵙⵙⴻⵏⵏⵉ ⵓⵛⴰ ⵟⵟⴼⴻⵏ ⴰⴱⵔⵉⴷ ⵖⴰⵔ ⵙⴰⴷⵓⵎ. ⵎⴰⵛⴰ ⵉⴱⵔⴰⵀⵉⵎ ⵜⵓⵖⴰ ⵉⵇⵇⵉⵎ ⵄⴰⴷ ⵉⴱⴻⴷⴷ ⵥⵥⴰⵜ ⵉ ⵡⵓⴷⴻⵎ ⵏ ⵙⵉⴷⵉ. 23 ⵉⵇⴰⵔⵔⴻⴱ-ⴷⴷ ⵉⴱⵔⴰⵀⵉⵎ, ⵉⵏⵏⴰ: “ⵎⴰ ⵙ ⵜⵉⴷⴻⵜⵜ ⴰⴷ ⵜⴰⵔⴻⴷⴵⴻⴷ ⵄⴰⵡⴻⴷ ⴰⵎⵙⴻⴳⴳⴻⴷ ⴰⴽ-ⴷ ⵓⵄⴻⴼⴼⴰⵏ? 24 ⴰⵇⴰ ⴷⵉⵏⵏⵉ ⴱⴰⵍⴰⴽ ⵅⴻⵎⵙⵉⵏ ⵏ ⵉⵎⵙⴻⴳⴳⴰⴷⴻⵏ ⴷⴰⵅⴻⵍ ⵉ ⵜⴻⵏⴷⵉⵏⵜ. ⵎⴰ ⵙ ⵜⵉⴷⴻⵜⵜ ⴰⴷ ⵜⴻⵏ ⵜⴰⵔⴻⴷⴵⴻⴷ, ⵓ ⵡⴰⵔ ⵜⵙⴻⵎⵎⵃⴻⴷ ⴷⴻⴳ ⵡⴻⵎⵛⴰⵏ ⵏⵏⵉ ⴷⵉ ⵟⵟⵡⴻⵄ ⵏ ⵅⴻⵎⵙⵉⵏ ⵏ ⵉⵎⵙⴻⴳⴳⴰⴷⴻⵏ ⵉ ⴷⴰⵢⴻⵙ ⵉⴵⴰⵏ? 25 ⵉⴳⴳⵯⴻⵊ ⵅⴰⴽ ⴰⴷ ⵜⴻⴳⴳⴻⴷ ⴰⵢⴰ, ⴰⴷ ⵜⴻⵏⵖⴻⴷ ⴰⵎⵙⴻⴳⴳⴻⴷ ⴰⴽ-ⴷ ⵓⵄⴻⴼⴼⴰⵏ ⵓⵛⴰ ⴰⴷ ⵢⵉⵍⵉ ⵓⵎⵙⴻⴳⴳⴻⴷ ⵎⴻⵃⵙⵓⴱ ⴰⵎⴻⵛⵏⴰⵡ ⴰⵄⴻⴼⴼⴰⵏ. ⵄⴻⵎⵎⴰⵔⵚ ⴰⴷ ⵢⵉⵍⵉ ⵎⴰⵏ ⴰⵢⴰ! ⴰⵇⴰ ⵍⵇⴰⴹⵉ ⵏ ⴷⴷⵓⵏⴻⵛⵜ ⵎⴰ ⵡⴰⵔ ⵉⵜⵜⴻⴳⴳ ⵙ ⵍⵃⴻⵇⵇ?” ^■   26 ⵍⴻⵅⴷⴻⵏⵏⵉ ⵉⵏⵏⴰ ⴰⵙ ⵙⵉⴷⵉ: “ⵎⴰⵍⴰ ⵓⴼⵉⵖ ⴷⵉ ⵙⴰⴷⵓⵎ ⵅⴻⵎⵙⵉⵏ ⵏ ⵉⵎⵙⴻⴳⴳⴰⴷⴻⵏ ⴷⴰⵅⴻⵍ ⵉ ⵜⴻⵏⴷⵉⵏⵜ, ⴰⴷ ⵙⴻⵎⵃⴻⵖ ⵉ ⵓⵎⵛⴰⵏ ⴷⵉ ⵟⵟⵡⴻⵄ ⵏⵙⴻⵏ.” 27 ⵉⴱⵔⴰⵀⵉⵎ ⵢⴰⵔⵔⴰ-ⴷⴷ, ⵉⵏⵏⴰ: “ⵅⵥⴰⵔ ⵍⴻⵅⵅⵓ, ⴱⴷⵉⵖ ⵥⴻⵄⵄⵎⴻⵖ ⴰⴷ ⵙⵙⵉⵡⵍⴻⵖ ⴰⴽ-ⴷ ⵙⵉⴷⵉ ⵉⵏⵓ, ⵡⴰⵅⵅⴰ ⵏⴻⵛⵛ ⴷ ⵛⴰⵍ ⴷ ⵢⵉⵖⵖⴻⴹ. 28 ⴰⴷ ⵜⴰⵖ ⵏⴻⵇⵙⴻⵏ ⵥⵉ ⵅⴻⵎⵙⵉⵏ ⵏ ⵉⵎⵙⴻⴳⴳⴰⴷⴻⵏ ⵅⴻⵎⵙⴰ, ⵎⴰ ⴰⴷ ⵜⴰⵔⴻⴷⴵⴻⴷ ⵅ ⵅⴻⵎⵙⴰ ⵏⵏⵉ ⵎⴰⵔⵔⴰ ⵜⴰⵏⴷⵉⵏⵜ?” ⵉⵏⵏⴰ: “ⵡⴰⵔ ⵜⵜ ⵜⵜⴰⵔⴻⴷⴵⴻⵖ ⵎⴰⵍⴰ ⵓⴼⵉⵖ ⴷⵉⵏ ⵅⴻⵎⵙⴰ ⵓ-ⵔⴻⴱⵄⵉⵏ.” 29 ⵢⴰⵔⵏⵉ ⴷⴻⴳ ⵡⴰⵡⴰⵍ ⴰⴽⵉⴷⴻⵙ, ⵉⵏⵏⴰ ⴰⵙ: “ⴰⴷ ⵜⴰⵖ ⴰⴷ ⵢⵉⵍⵉ ⴰⴷ ⵉⵜⵜⵡⴰⴼ ⴷⵉⵏ ⴰⵔⴻⴱⵄⵉⵏ!” ⵢⴰⵔⵔⴰ-ⴷⴷ ⵏⴻⵜⵜⴰ: “ⵡⴰⵔ ⵜⵜ ⵜⵜⴻⴳⴳⴻⵖ ⵛⴰ ⴷⵉ ⵟⵟⵡⴻⵄ ⵏ ⴰⵔⴻⴱⵄⵉⵏ ⵏⵏⵉ.” 30 ⵅⴰⵙ ⵓⵛⴰ ⵉⵏⵏⴰ: “ⵡⴰⵔ ⵜⵜⵅⴻⵢⵢⵉⵇ ⵍⴻⵅⵅⵓ ⵙⵉⴷⵉ ⵉⵏⵓ, ⵅⵎⵉ ⵉ ⵖⴰ ⵙⵙⵉⵡⵍⴻⵖ ⵄⴰⵡⴻⴷ. ⴰⴷ ⵜⴰⵖ ⴰⴷ ⵢⵉⵍⵉ ⴷⵉⵏ ⵜⵍⴰⵜⵉⵏ!” ⵢⴰⵔⵔⴰ-ⴷⴷ: “ⵡⴰⵔ ⵜⵜ ⵜⵜⴰⵔⴻⴷⴵⴻⵖ ⵎⴰⵍⴰ ⵓⴼⵉⵖ ⴷⵉⵏ ⵜⵍⴰⵜⵉⵏ.” 31 ⵉⵏⵏⴰ ⵄⴰⵡⴻⴷ: “ⵅⵥⴰⵔ ⵍⴻⵅⵅⵓ, ⴱⴷⵉⵖ ⵥⴻⵄⵎⴻⵖ ⴰⴷ ⵙⵙⵉⵡⵍⴻⵖ ⴰⴽ-ⴷ ⵙⵉⴷⵉ ⵉⵏⵓ. ⴰⴷ ⵜⴰⵖ ⴰⴷ ⵢⵉⵍⵉ ⴷⵉⵏ ⵎⵖⵉⵔ ⵄⵉⵛⵔⵉⵏ!” ⵢⴰⵔⵔⴰ-ⴷⴷ: “ⵡⴰⵔ ⵜⵜ ⵜⵜⴰⵔⴻⴷⴵⴻⵖ ⵛⴰ ⴷⵉ ⵟⵟⵡⴻⵄ ⵏ ⵄⵉⵛⵔⵉⵏ ⵏⵏⵉ.” 32 ⵅⴻⵏⵏⵉ ⵉⵏⵏⴰ: “ⵡⴰⵔ ⵜⵜⵅⴻⵢⵢⵉⵇ ⵍⴻⵅⵅⵓ ⵙⵉⴷⵉ ⵉⵏⵓ, ⵅⵎⵉ ⵉ ⵖⴰ ⵙⵙⵉⵡⵍⴻⵖ ⵄⴰⵡⴻⴷ. ⴰⴷ ⵜⴰⵖ ⴰⴷ ⵢⵉⵍⵉ ⴷⵉⵏ ⵎⵖⵉⵔ ⵄⴻⵛⵔⴰ!” ⵢⴰⵔⵔⴰ-ⴷⴷ: “ⵡⴰⵔ ⵜⵜ ⵜⵜⴰⵔⴻⴷⴵⴻⵖ ⴷⵉ ⵟⵟⵡⴻⵄ ⵏ ⵄⴻⵛⵔⴰ ⵏⵏⵉ.” 33 ⵅⴻⵏⵏⵉ ⵉⵔⵓⵃ ⵙⵉⴷⵉ ⴰⵡⴰⵔⵏⵉ ⵍⴰⵎⵉ ⵉⴽⴻⵎⵎⴻⵍ ⴰⵡⴰⵍ ⵏⵏⴻⵙ ⴰⴽ-ⴷ ⵉⴱⵔⴰⵀⵉⵎ ⵓⵛⴰ ⵉⴱⵔⴰⵀⵉⵎ ⵉⴷⵡⴻⵍ-ⴷⴷ ⵖⴰⵔ ⵡⴻⵎⵛⴰⵏ ⵏ ⵜⵥⴻⴷⴷⵉⵖⵜ ⵏⵏⴻⵙ.