ⴰⴷⵍⵉⵙ ⵉⵇⴻⴷⴷⵙⴻⵏ ⵙ ⵜⵔⵉⴼⵉⵜ ( ⴰⵉⵜ )
© www.tarifit.info - CC SA-BY 2.0
contact@tarifit.info
ⵜⴰⵎⴻⵣⵡⴰⵔⵓⵜ
ⵉ ⵡⴻⵏⵏⵉ ⵉ ⵖⴰ ⵉⵖⴰⵔⴻⵏ ...
ⴷⴻⴳ ⵡⴻⴷⵍⵉⵙ ⵉⵇⴻⴷⴷⵙⴻⵏ ⵙ ⵜⵔⵉⴼⵉⵜ ⴰⴷ ⵜⴰⴼⴻⵎ ⵍⴰ ⵎⵉⵏ ⵜⵓⴼⵉⵎ ⴷⵉ ⵍⵄⴰⵀⴷ ⴰⵇⴷⵉⵎ (ⴷⴰⵢⴻⵙ ⵜⵜⴰⵡⵔⴰⵜ, ⵣⵥⴰⴱⵓⵔ ⴷ ⵉⵏⴰⴱⵉⵢⵢⴻⵏ) ⵓⵍⴰ ⵎⵉⵏ ⵜⵓⴼⵉⵎ ⴷⵉ ⵍⵄⴰⵀⴷ ⵏ ⵊⴷⵉⴷ (ⵍⴻⵅⴱⴰⵔ ⴰⵚⴻⴱⵃⴰⵏ ⵏⵉⵖ ⵍ'ⵉⵏⵊⵉⵍ). ⵎⴰⵏ ⴰⵢⴰ ⵉⵅⵙ ⴰⴷ ⵢⵉⵏⵉ ⴰⵇⴰ ⴰⴷⵍⵉⵙ ⵉⵇⴻⴷⴷⵙⴻⵏ ⵙ ⵜⵔⵉⴼⵉⵜ ⴷⴰⵢⴻⵙ ⵎⴰⵔⵔⴰ ⵉⴷⵍⵉⵙⴻⵏ ⵉ ⴷ ⴰⵏⴻⵖ ⵉⵎⵎⴻⵡⵛⴻⵏ ⵥⵉ ⴰⵔⴻⴱⴱⵉ, ⵥⴻⴳ ⵡⴻⴷⵍⵉⵙ ⴰⵎⴻⵥⵡⴰⵔⵓ ⵓⵎⵉ ⵇⵇⴰⵔⴻⵏ 'ⴰⵎⴻⵥⵡⴰⵔⵓ' (ⴳⴻⵏⴻⵙⵉⵙ, ⴳéⵏèⵙⴻ, ⴳéⵏⴻⵙⵉⵙ) ⴰⵍ ⴰⴷⵍⵉⵙ ⴰⵏⴻⴳⴳⴰⵔⵓ ⵓⵎⵉ ⵇⵇⴰⵔⴻⵏ 'ⴰⵙⴰⵔⴳⴻⴱ' (ⴰⴱⵓⵛⴰⵍⵉⴱⵙⵉⵙ, ⴰⴱⵓⵛⴰⵍⵢⴱⵙ, ⵔⴻ$ⴻⵍⴰⵜⵉⵓⵏ, ⵓⴼⴼⴻⵏⴱⴰⵔⵓⵏⴳ, ⵓⴱⴻⵏⴱⴰⵔⵉⵏⴳ), 66 ⵏ ⵉⴷⵍⵉⵙⴻⵏ: ⵍⵄⴰⵀⴷ ⴰⵇⴷⵉⵎ ⴷⴰⵢⴻⵙ 39 ⵏ ⵉⴷⵍⵉⵙⴻⵏ, ⵍⵄⴰⵀⴷ ⵏ ⵊⴷⵉⴷ ⴷⴰⵢⴻⵙ 27 ⵏ ⵉⴷⵍⵉⵙⴻⵏ.
ⵍ'ⵉⵏⵊⵉⵍ ⵙ ⵓⴼⵓⵙ ⵏ ⵎⴰⵜⵜⴰ ⵉⴼⴼⴻⵖ-ⴷⴷ ⵄⴰⴷ ⴷⴻⴳ ⵓⵙⴻⴳⴳⵯⴰⵙ 1887 ⵓ ⵍ'ⵉⵏⵊⵉⵍ ⵙ ⵓⴼⵓⵙ ⵏ ⵢⵓⵃⴰⵏⵏⴰ ⵉⴼⴼⴻⵖ-ⴷⴷ ⴷⴻⴳ ⵓⵙⴻⴳⴳⵯⴰⵙ ⵏ 1890. ⴷⴻⴳ ⵓⵙⴻⴳⴳⵯⴰⵙ 2009 ⵉⴼⴼⴻⵖ-ⴷⴷ ⵍⵄⴰⵀⴷ ⵏ ⵊⴷⵉⴷ (ⵙ ⵍⵃⵓⵔⵓⴼ ⵏ ⵜⵍⴰⵜⵉⵏⵉⵜ ⴷ ⵜⵉⴼⵉⵏⴰⵖ ⴷ ⵍⵃⵓⵔⵓⴼ ⵏ ⵜⴻⵄⵔⴰⴱⵜ).
ⵍⵄⴰⵀⴷ ⵏ ⵊⴷⵉⴷ ⴷ ⵉⵊⵊ ⵏ ⵡⴰⵡⴰⵍ ⵏⵏⴻⵖⵏⵉ ⵉ ⵍⴻⵅⴱⴰⵔ ⴰⵚⴻⴱⵃⴰⵏ (ⵍ'ⵉⵏⵊⵉⵍ). ⵍⵄⴰⵀⴷ ⵏ ⵊⴷⵉⴷ ⴷⴰⵢⴻⵙ 4 ⵏ ⵉⴷⵍⵉⵙⴻⵏ, ⴷⴰⵢⵙⴻⵏ ⵍⴻⵅⴱⴰⵔ ⴰⵚⴻⴱⵃⴰⵏ: ⵉⵊⵊ ⵏ ⵡⴻⴷⵍⵉⵙ ⵢⵓⵔⴰⵏ ⵙ ⵓⴼⵓⵙ ⵏ ⵎⴰⵜⵜⴰ, ⵉⵊⵊⴻⵏ ⵙ ⵓⴼⵓⵙ ⵏ ⵎⴰⵔⴽⵓⵙ, ⵉⵊⵊⴻⵏ ⵙ ⵓⴼⵓⵙ ⵏ ⵍⵓⴽⴰ ⵓ ⵡⴻⵏⵏⵉ ⴰⵏⴻⴳⴳⴰⵔⵓ ⵙ ⵓⴼⵓⵙ ⵏ ⵢⵓⵃⴰⵏⵏⴰ. ⴰⵡⴰⵔⵏⵉ ⴰⵙⴻⵏ ⴰⵇⴰ ⴷⵉⵏ ⴰⴷⵍⵉⵙ ⵏ ⵍⴻⵅⴷⴰⵢⴻⵎ ⵏ ⵔⵔⵓⵙⵓⵍ ⴷ ⵜⴻⴱⵔⴰⵜⵉⵏ ⵏ ⵔⵔⴰⵙⵓⵍ ⴱⵓⵍⵓⵙ ⵉ ⵜⵎⴻⵙⵎⵓⵏⵉⵏ (ⵍⴽⴰⵏⴰⵢⵉⵙ) ⵓ ⵉ ⵛⴰ ⵏ ⵉⵎⵙⴻⵅⵅⴰⵔⴻⵏ ⵏ ⵍⵎⴰⵙⵉⵃ ⵉⵏⵏⵉ ⵜⵓⵖⴰ ⴽⵉⴷⴻⵙ ⵉⵅⴻⴷⴷⵎⴻⵏ ⵉ ⵓⴱⴰⵔⵔⴻⵃ ⵏ ⵍ'ⵉⵏⵊⵉⵍ ⵊⴰⵔ ⵍⴻⴳⵏⵓⵙ. ⴰⵡⴰⵔⵏⵉ ⵉ ⵜⴻⴱⵔⴰⵜⵉⵏ ⵏ ⴱⵓⵍⵓⵙ ⴰⵇⴰ ⴷⵉⵏ ⵜⴰⴱⵔⴰⵜ ⵏ ⵢⴰⵄⵇⵓⴱ, ⴷ ⵜⵏⴰⵢⴻⵏ ⵏ ⵜⴻⴱⵔⴰⵜⵉⵏ ⵏ ⴱⵓⵟⵔⵓⵙ ⴷ ⵜⵍⴰⵜⴰ ⵏ ⵜⴻⴱⵔⴰⵜⵉⵏ ⵏ ⵢⵓⵃⴰⵏⵏⴰ ⴷ ⵉⵛⵜ ⵏ ⵜⴻⴱⵔⴰⵜ ⵏ ⵢⴰⵀⵓⴷⴰ. ⴰⴷⵍⵉⵙ ⴰⵏⴻⴳⴳⴰⵔ ⵏ ⵍⵄⴰⵀⴷ ⵏ ⵊⴷⵉⴷ ⴷ ⴰⴷⵍⵉⵙ ⵇⵇⴰⵔⴻⵏ ⴰⵙ 'ⴰⵙⴰⵔⴳⴻⴱ', ⵎⵉⵏⵥⵉ ⴷⴰⵢⴻⵙ ⵉⵙⵙⴰⵔⴳⴻⴱ ⵍⵎⴰⵙⵉⵃ ⵙ ⵓⴼⵓⵙ ⵏ ⵉⵊⵊ ⵏ ⵍⵎⴰⵍⴰⴽ ⵉ ⵔⵔⵓⵙⵓⵍ ⵢⵓⵃⴰⵏⵏⴰ ⵎⴰⵎⵎⴻⵛ ⴷⴷ ⵉ ⵖⴰ ⵉⴹⵀⴰⵔ ⵖⴰⵔ ⵓⵏⴻⴳⴳⴰⵔ ⵏ ⴷⴷⵓⵏⵉⵜ ⵓ ⵎⴰⵎⵎⴻⵛ ⵉ ⵖⴰ ⵉⵖⴻⵍⵍⴻⴱ ⵅ ⵎⴰⵔⵔⴰ ⵉⵏⵏⵉ ⵡⴰⵔ ⴷⴰⵢⴻⵙ ⵓⵎⵉⵏⴻⵏ ⵓ ⵎⴰⵎⵎⴻⵛ ⵉ ⵖⴰ ⵢⴻⴳⴳ ⵎⴰⵃⴻⵏⴷ ⴰⴷ ⵉⵙⵙⴻⵎⵜⴻⵏ ⵜⴰⴳⴻⵍⴷⴰ ⵏⵏⴻⵙ ⵉ ⵉⵊⵊ ⵏ ⵍⵇⴻⴷⴷ ⵏ ⵡⴰⵍⴻⴼ ⵏ ⵉⵙⴻⴳⴳⵯⵓⵙⴰ. ⴰⵡⴰⵔⵏⵉ ⵎⴰⵏ ⴰⵢⴰ ⴰⴷ ⵢⵉⵍⵉ ⵓⵊⴻⵏⵏⴰ ⴷ ⵜⴻⵎⵎⵓⵔⵜ ⵏ ⵊⴷⵉⴷ ⵉ ⵍⴻⴱⴷⴰ ⵜⴰⵏⴷⵉⵏⵜ ⵏ ⵓⵔⵛⴰⵍⵉⵎ ⵉ ⴷⴷ-ⵉⵀⵡⴰⵏ ⵥⴻⴳ ⵓⵊⴻⵏⵏⴰ ⴰⵎⴻⵛⵏⴰⵡ ⵜⴰⵙⵍⵉⵜ ⵉⵥⴻⵀⵀⵊⴻⵏ ⵉ ⵡⴻⵙⵍⵉ, ⵓⵛⴰ ⴰⵄⵓⴵⵉ ⵏ ⴰⵔⴻⴱⴱⵉ ⴰⴷ ⴷⴰⵢⴻⵙ ⵢⴰⵔⴻⵖ ⵓⵛⴰ ⵉⵥⵎⴰⵔ (ⵉⵅⵙ ⴰⴷ ⵢⵉⵏⵉ ⵍⵎⴰⵙⵉⵃ ⵉ ⵉⵜⵜⵡⴰⵚⴻⵍⵍⴱⴻⵏ ⵅ ⵜⴻⵎⵎⵓⵔⵜ-ⴰ ⴷⵉ ⵍⵡⴻⵇⵜ ⵏ ⵉⵔⵓⵎⴰⵏⵉⵢⵢⴻⵏ) ⴰⴷ ⵢⵉⵍⵉ ⴷ ⵍⴻⴼⵏⴰⵔ ⵏⵏⴻⵙ.
ⴰⴷⵍⵉⵙ ⵉⵇⴻⴷⴷⵙⴻⵏ ⵇⵇⴰⵔⴻⵏ ⴰⵙ ⵄⴰⵡⴻⴷ: ⵜⵉⵔⴰ ⵉⵇⴻⴷⴷⵙⴻⵏ. ⵍⴻⵅⵅⵓ ⴰⵇⴰ ⵉⴼⴼⴻⵖ-ⴷⴷ ⴰⴷⵍⵉⵙ ⵉⵇⴻⴷⴷⵙⴻⵏ ⴰⵎ ⵉⴽⵎⴻⵍ: ⵍⵄⴰⵀⴷ ⴰⵇⴷⵉⵎ ⴷ ⵍⵄⴰⵀⴷ ⵏ ⵊⴷⵉⴷ, ⵎⴰⵛⴰ ⵏⵉⵜⴻⵏⵜⵉ ⵙ ⵜⵏⴰⵢⴻⵏ ⴷ ⴰⴷⵍⵉⵙ ⴷ ⵉⵊⵊⴻⵏ.
ⴰⴷ ⵜⴰⴼⴻⴷ ⴰⴷⵍⵉⵙ ⵉⵇⴻⴷⴷⵙⴻⵏ (ⵍⴻⵛⵜⴰⴱ ⵉⵇⴻⴷⴷⵙⴻⵏ) ⴷⵉ ⴼⵓⵔⵎⴰ ⵏ ⵉⵊⵊ ⵏ APP ⵉ ⴰⵏⴷⵔⵓⵉⴷ ⵓ ⴷⵉ ⴼⵓⵔⵎⴰ ⵏ ⵉⵊⵊ ⵏ PWA (Pressive Web App) ) ⵉ MacOS, iOS, Android, Linux d Windows. ⵅⵥⴰⵔ: www.tarifit.info
ⴰⵟⵟⴰⵙ ⵏ ⵉⵡⴷⴰⵏ ⵡⴰⵔ ⵥⴻⵎⵎⴰⵔⴻⵏ ⴰⴷ ⵖⴰⵔⴻⵏ ⴷⴻⵖⵢⴰ ⵜⴰⵔⵉⴼⵉⵜ, ⵎⴰⵛⴰ ⵥⴻⵎⵎⴰⵔⴻⵏ ⴰⴷ ⵙⵍⴻⵏ ⵉ ⵡⴰⵡⴰⵍ ⵏ ⴰⵔⴻⴱⴱⵉ. ⴰⵇⴰ ⵏⴻⴱⴷⴰ ⴰⴷ ⵏⴰⵔⵏⵉ ⵓⴷⵉⵢⵓ, 'audio', ⴰⴽ-ⴷ ⴽⵓⵍ 'ⵓⴱⴷⴰⵜⴻ'. ⵖⴰⵔ ⵓⵎⴻⵥⵡⴰⵔⵓ ⴰⴷ ⵜⴰⴼⴻⵎ ⵍ'ⵉⵏⵊⵉⵍ ⵏ ⵎⴰⵜⵜⴰ ⴷ ⵎⴰⵔⴽⵓⵙ.
ⵉ ⵡⴻⵏⵏⵉ ⵓⵎⵉ ⵉⵜⵜⴻⵄⵊⵉⴱ ⵜⵖⵓⵔⵉ ⵅ ⵜⴻⵡⵔⵉⵇⵜ, ⴰⵇⴰ ⵏⴻⴳⴳⴰ ⵎⴰⵔⵔⴰ ⵉⴷⵍⵉⵙⴻⵏ ⵏ ⵡⴻⴷⵍⵉⵙ ⵉⵇⴻⴷⴷⵙⴻⵏ ⵙ ⵍⵃⵓⵔⵓⴼ ⵏ ⵜⵍⴰⵜⵉⵏⵉⵜ ⴷ ⵜⵉⴼⵉⵏⴰⵖ ⴷⵉ ⴼⵓⵔⵎⴰ PDF ⴷⴰⵏⵉⵜⴰ ⵃⵉⵎⴰ ⵉⵥⴻⵎⵎⴰⵔ ⴽⵓⵍ ⵉⵊⵊⴻⵏ ⴰⴷ ⵜⴻⵏ ⵉⵙⵙⵓⴼⴼⴻⵖ ⵉ ⵟⵟⴻⴱⵄ. ⵅⵥⴰⵔ:
www.tarifit.info/adlis-iqeddsen.html
ⵎⴰⵍⴰ ⵜⴻⵅⵙⴻⴷ ⴰⴷ ⵜⴻⵏ ⵜⵖⴰⵔⴻⴷ 'ⵓⵏ-ⵍⵉⵏⴻ' ⴷⵉ ⴼⵓⵔⵎⴰ HTML, ⴰⵔⵥⵓ ⴷⴰⵏⵉⵜⴰ:
www.tarifit.info/seř---ɣar-online.html
ⴰⴷ ⵛⴻⴽ / ⵛⴻⵎ ⵉⴱⴰⵔⴻⴽ ⴰⵔⴻⴱⴱⵉ ⴷⴻⴳ ⵢⵉⵙⴻⵎ ⵏ ⵢⴻⵛⵛⵓ ⵍⵎⴰⵙⵉⵃ, ⵍⵎⵓⴱⴰⵔⴻⴽ!