27
1 War ttfeyyec zeg wass n tiwecca, maɣar war tessined ca min dd ɣa yawi wass. ■
2 Ejj ijj n ubarrani ad cek icenneɛ, war iǧi aqemmum nnek,
ijj n midden, war iǧi iyencicen nnek.
3 Aẓru idqeř, ijdi iwezzen ,
maca afugem n ubuhaři idqeř xasen s tnayen idsen.
4 Asɛar d uduqqez n weɣḍab aqa aten qesḥen,
maca man wen izemmaren ad iqqim ibedd ɣar tusmi?
5 Teḥřa ttarbiyyet s bṭayṭay x tayri innuffaren.
6 Iyezzimen n wenni cek ittexsen aqa d řeɛřamat n teṣdiqt,
maca isudimen n yinni cek icarrhen aqa d aṭṭas.
7 Wenni ijjiwnen iɛejjen x tamment n teɣraṣt,
maca i wenni iǧuẓen marra min yarezgen d amiẓid. □
8 Am ijj n wejḍiḍ iṭṭaw, iggʷed zi řɛucc nnes,
ammu i iǧa weryaz nni i ɣa iṭellɛen barra x wemcan nnes.
9 Zzect d řebxur ssfarraḥen uř,
ammu ɛawed tamseɛɛaft icnan n ijj n umeddukkeř zi ccwar n wuř.
10 War semmeḥ deg umeddukkeř nnek, uřa deg umeddukkeř n babac,
war ttidef ca ɣar taddart n umac deg wass n arẓiyyet nnek.
Iḥřa ijj n wajjar yudes x ijj n tewmat yiggʷej. ■
11 Iři d amiɣis, a mmi inu, u sfarḥ uř inu,
maḥend zemmareɣ ad arreɣ x wenni d ayi ɣa isseḥqaren.
12 Wenni ifettnen ittwařa řɣar uca issnuffara ixef nnes,
maca iḥafiyyen arennin gguren uca ittxeṣṣa ad ttwaɛaqaben. ■
13 Ksi arruḍ nnes, maɣar iddakkwař d aḍman i yijj n ubarrani,
ksi t d ddiyyet i yict n temɣart zi barra. ■
14 Wenni ittbarken ameddukkeř nnes zic ɣar tuffut s tmijja ijehden,
aqa man aya ad as ittwaḥseb d nneɛřet.
15 Amecnaw tuddimt war ittbeddin deg wass n wenẓar ijehden,
ammu i teǧa temɣart ittemcubbucen. ■
16 Wenni ittexsen ad as ibelleɛ,
aqa-t am wenni ittexsen ad iqala i usemmiḍ,
u afus nnes afusi ad iṭṭef zzect itteḥruǧuḍen.
17 Am wenni isseqḍaɛen uzzař s wuzzař,
ammu i isseqḍaɛ weryaz udem n wenni t yudsen.
18 Wenni iḥeṭṭan x ijj n wartu, ad icc řɣiǧet nnes,
wenni iḥeṭṭan bab nnes, ad ittwacenneɛ.
19 Am dd-ittban uɣembub deg uɣembub deg waman,
ammu dd-ittban wuř n bnadem x bnadem ɛawed.
20 Am řaxart d ushellek war ttyiwinen,
ammu uřa d tiṭṭawin n iwdan war ttiwḍent ad jjiwnent. ■
21 Aṭenjir n usefsi i nnuqart d ufarran i wureɣ,
ammu i iǧa uřa d aryaz am mammec t ttmeddaḥen.
22 Mařa teddzed abuhaři s wezduz di řmehraz jar řḥebb n imendi,
tubbuheřya nnes war xas tḥeyyid.
23 Ḥḍa maḥend ad tessned mammec dd-ittban wuǧi nnek,
wejjeh uř nnek ɣar tḥimriwin.
24 Maɣar řeksibet war tᵉttɣimi i řebda,
niɣ ma ad iqqim ttaj zi jjiř ař jjiř nneɣni?
25 Mařa iruḥ arrbiɛ uca iban-dd uɣemmuy aziza,
uca ittwaḥtec řebzar x idurar,
26 xenni ad iřin izmaren i warruḍ nnek,
u iɣayḍen d ttaman n tmesɣiwt i yijj n yeyyar. ■
27 uca ad ɣarek yiři min teḥwajed n uɣi n tɣayṭin i macca nnek,
ad yiři d macca i taddart nnek uřa d řeɛweč i tiyyawin nnek.