‏1 أَ أَيْثْمَا إِنُو، خْسغْ أَذْ ثسّْنمْ، بلِّي ڒجْذُوذْ نّغْ ثُوغَا أَثنْ مَارَّا سَاذُو ؤُسيْنُو ؤُشَا مَارَّا شُوقّنْ ذِي ڒبْحَارْ، ^▪   ‏2 ؤُشَا مَارَّا تّْوَاسْغضْصنْ ذِي مُوسَا ذڭْ ؤُسيْنُو ؤُ ذِي ڒبْحَارْ، ^▪   ‏3 ؤُشَا مَارَّا شِّينْ مَاشَّا ثَارُوحشْثْ ذ إِشْثْ، ^▪   ‏4 ؤُشَا مَارَّا سْوِينْ ثِيسسِّيثْ ثَارُوهشْثْ ذ إِشْثْ، مِينْزِي نِيثْنِي سْوِينْ زڭْ وژْرُو ن أَرُّوحْ ونِّي ثُوغَا أَكِيذْسنْ، ؤُ أَژْرُو نِّي ثُوغَا-ث ذ لْمَاسِيحْ. ^▪   ‏5 مَاشَا أَربِّي ثُوغَا وَارْ يَارْضِي خْ وزْينْ أَمقّْرَانْ زَّايْسنْ، مِينْزِي أَقَا أَثنْ وْضَانْ ذِي ڒخْڒَا. ^▪  

‏6 مَانْ أَيَا إِمْسَارْ ذ لْمَاثَالْ إِ نشِّينْ، حِيمَا خنِّي وَارْ ذَايْنغْ إِتِّيڒِي مّژْرِي ذِي مِينْ إِعفّْننْ، أَمْ مَامّشْ ثُوغَا نِيثْنِي ذَايْسنْ مژْرِي. ^▪   ‏7 أجّْ أَنغْ وَارْ نْذِيكّْوِيڒْ شَا أَذْ نعْبذْ لْ-أَصْنَامْ، أَمشْنَاوْ شَا زَّايْسنْ، أَمْ مَامّشْ إِتّْوَارِي:

”ڒْڭنْسْ إِقِّيمْ حِيمَا أَذْ إِشّْ أَذْ إِسُّو

ؤُشَا كَّارنْ حِيمَا أَذْ إِرَارنْ.“ ^▪  

‏8 وَارْ إِعدّڒْ أَذْ نسّفْسَاذْ إِخفْ نّغْ أَمشْنَاوْ شَا زَّايْسنْ. أَقَا مُّوثنْ ذِينْ ثْڒَاثَا ؤُ-عِيشْرِينْ-أَڒفْ ذڭْ إِجّْ ن وَاسّْ. ^▪   ‏9 وَارْ إِعدّڒْ أَذْ نْقدْجبْ لْمَاسِيحْ أَمْ مَامّشْ ڭِّينْ شَا زَّايْسنْ ؤُشَا تّْوَاهلْكنْ س إِفِيغْرَانْ. ^▪  

‏10 وَارْ إِعدّڒْ عَاوذْ أَذْ نسْفِيخخْ ڒَامِي شَا زَّايْسنْ سْفِيخِيخنْ، ؤُشَا خنِّي تّْوَاهلّْكنْ زڭْ ؤُمْهلّكْ. ^▪  

‏11 مَارَّا مِينْ ذ أَسنْ إِمْسَارنْ، أَقَا ث ذ لْمَاثَالْ إِ نشِّينْ ؤُشَا ثُورَا ذ أَعْڒَامْ إِ نشِّينْ، مِينْزِي أَنڭَّارْ نْسنْ ن إِكُوذنْ ن ڒْوقْثْ أَقَا يُوسَا-د خَانغْ. ^▪  

‏12 س ؤُينِّي ونِّي ؤُمِي إِتّْغِيڒْ أَقَا إِبدّْ، إِوَا أَذْ إِحْضَا وَارْ إِوطِّي.

‏13 وَارْ خَاومْ إِتّكّْ ؤُجَارّبْ مْغِيرْ ونِّي إِ غَا يَاوْضنْ غَارْ إِوْذَانْ، مَاشَا أَربِّي ذَايسْ ڒَامَانْ. نتَّا وَارْ كنِّيوْ إِتّجِّي أَذْ ثتّْوَاجَارّْبمْ سنّجْ إِ مِينْ ثْزمَّارمْ، مَاشَا نتَّا إِتِّيشْ ؤُفُّوغْ أَكْ-ذ ؤُجَارّبْ نْومْ، حِيمَا أَذْ ثْزمَّارمْ أَذْ ثَارْپُومْ أَجَارّبْ. ^▪  

‏14 س ؤُينِّي، إِمْعِيزّنْ إِنُو، أَروْڒمْ زڭْ ؤُعْبَاذْ إِ لْ-أَصْنَامْ.

‏15 سَّاوَاڒغْ أَكِيذْومْ أَخْمِي سَّاوَاڒغْ أَكْ-ذ إِمِيغِيسنْ. حكْممْ س يِيخفْ نْومْ خْ مِينْ ذ أَومْ قَّارغْ.

‏16 ڒْكَاسْ ن ؤُقَاذِي ونِّي نتّْبَارَاكْ، مَا وَارْ إِدْجِي ذ ثَامُونْثْ أَكْ-ذ إِذَامّنْ ن لْمَاسِيحْ؟ أَغْرُومْ نِّي نْثَارژَّا، مَا وَارْ إِدْجِي ذ ثَامُونْثْ أَكْ-ذ أَرِّيمثْ ن لْمَاسِيحْ؟

‏17 أَمْ مَامّشْ إِدْجْ أَغْرُومْ ذ إِجّنْ، أَمُّو مَارَّا نشِّينْ ذ إِشْثْ ن أَرِّيمثْ، مِينْزِي مَارَّا نشِّينْ نطّفْ زڭْ إِجّْ ن وغْرُومْ. ^▪  

‏18 خْزَارمْ غَارْ إِسْرَائِيل عْلَاحْسَابْ أَرِّيمثْ! مَا إِنِّي إِتّتّنْ زِي ثْغَارْصَا وَارْ غَارْسنْ أَشْرَاشْ أَكْ-ذ ؤُعَالْطَارْ؟ ^▫  

‏19 مِينْ إِ غَا إِنِيغْ ذِي مَانْ أَيَا؟ مَا بلِّي مِينْ إِمّوْشنْ ذ ثَاغَارْصْثْ إِ لْ-أَصْنَامْ ذ شَا نِيغْ بلِّي لْ-أَصْنَامْ ذ شَا؟ لَّ. ^▪   ‏20 مِينْ وْشِينْ لْكُوفَّارْ ذ ثَاغَارْصْثْ، وهّْبنْ ت إِ شّْوَاطنْ، وَارْ إِدْجِي إِ أَربِّي. ؤُشَا نشّْ وَارْ خْسغْ أَذْ ثْشَارْشمْ أَكْ-ذ شّْوَاطنْ. ^▫  ▪   ‏21 وَارْ ثْزمَّارمْ أَذْ ثسْومْ ڒْكَاسْ ن سِيذِيثْنغْ ؤُڒَا ذ ڒْكَاسْ ن شّْوَاطنْ، ؤُشَا وَارْ ثْزمَّارمْ أَذْ ثْشَارْشمْ ثَاژوْضَا ن سِيذِيثْنغْ ؤُڒَا ذ ثَاژوْضَا ن شّْوَاطنْ. ^▫   ‏22 نِيغْ أَذْ نسّكَّارْ ثُوسْمِي ن سِيذِيثْنغْ؟ مَا نجْهذْ خَاسْ نشِّينْ؟

‏23 مَارَّا إِتّْحدْجڒْ أَيِي، مَاشَا مَارَّا وَارْ إِنفّعْ. مَارَّا إِتّْهدْجڒْ، مَاشَا مَارَّا وَارْ إِبنِّي. ^▪   ‏24 ؤُڒَا ذ إِجّْ وَارْ يَارزُّو شَا ثِيزِي نّسْ، مَاشَا أجّْ كُوڒْ إِجّْ أَذْ يَارْزُو عَاوذْ ثنِّي ن ؤُمْقَارّبْ نّسْ. ^▪  

‏25 مَارَّا مِينْ إِتّْمنْزَانْ ذِي سُّوقْ ن إِڭزَّارنْ، ثْزمَّارمْ أَذْ ث ثشّمْ بْڒَا أَسقْسِي ذِي طّْوعْ ن ثْنفْسشْثْ، ‏26 مِينْزِي إِ سِيذِي إِ ؤُمِي غَارْ ثدْجْ ثمُّورْثْ ذ ڒكْمَاڒثْ نّسْ. ^▪   ‏27 مَاڒَا شَا ن يِيجّنْ زڭْ إِنِّي وَارْ يُومِيننْ إِعَارْضِي كنِّيوْ ؤُ ثخْسمْ أَذْ ثْرَاحمْ، شّمْ زِي مَارَّا مِينْ ذ أَومْ إِ ذ غَا إِسَّارْسْ، وَارْ ثسّقْسِيمْ شَا خْ سِّيبّثْ ن ثْنفْسشْثْ. ^▫  ▪   ‏28 مَاشَا مَاڒَا حذْ إِنَّا أَومْ: ”ذڭَّا إِتّْوَاغَارْصْ إِ لْ-أَصْنَامْ!“، وَارْ زَّايسْ ثتّمْ ذِي طّْوعْ ن ونِّي ذ أَومْ إِعڒْمنْ ؤُڒَا ذِي طّْوعْ ن ثْنفْسشْثْ. ‏29 مَاڒَا نشّْ نِّيغْ ذِي طّْوعْ ن ’ثْنفْسشْثْ‘، وَارْ عْنِيغْ ثَانفْسشْثْ نْومْ، مَاشَا ثنِّي ن ونّغْنِي. مِينْزِي مَايمِّي إِ غَا ثتّْوَاحَاكمْ ثْڒلِّي إِنُو س ثْنفْسشْثْ ن ونّغْنِي؟ ‏30 مَاڒَا نشّْ شَارْشغْ س ؤُقَاذِي، مَايمِّي إِ غَا تّْوَاشقّْفغْ ذِي سِّيبّثْ مِيخفْ تّْقَاذِيغْ؟ ^▪  

‏31 خنِّي مَاڒَا ثتّتّمْ نِيغْ ثْسسّمْ، نِيغْ ثتّڭّمْ شَا ن ڒْحَاجّثْ نّغْنِي، ڭّمْ ت مَارَّا إِ ؤُعُودْجِي ن أَربِّي. ^▪   ‏32 وَارْ تِّيڒِيمْ ذ ثَاعنْكْرِيفْثْ ؤُڒَا إِ وُوذَاينْ ؤُڒَا إِ إِرَامِييّنْ ؤُڒَا إِ ثْمسْمُونْثْ ن أَربِّي، ^▪   ‏33 أَمشْنَاوْ نشّْ عَاوذْ أَرزُّوغْ أَذْ د-أَسغْ أَكْ-ذ مَارَّا ذِي كُوڒْشِي، وَارْ أَرزُّوغْ مِينْ إِدْجَانْ إِ ثِيزِي إِنُو، مَاشَا مِينْ إِدْجَانْ إِ ثِيزِي ن وَاطَّاسْ، حِيمَا أَذْ غَارْسنْ ثِيڒِي ثُوذَارْثْ. ^▪