تّسْرِيحْ ن رَّاسُولْ
9
1 مَا وَارْ دْجِيغْ ذ أَحُورِّي؟ مَا وَارْ دْجِيغْ ذ رَّاسُولْ؟ مَا وَارْ ژْرِيغْ سِيذِيثْنغْ يشُّو لْمَاسِيحْ؟ مَا وَارْ ثدْجِيمْ كنِّيوْ ذ ڒْخذْمثْ إِنُو ذِي سِيذِي إِنُو؟ ▫ ▪ 2 مَاڒَا وَارْ دْجِيغْ ذ رَّاسُولْ إِ ونّغْنِي، إِ كنِّيوْ نِيشَانْ عْنِيغْ ث، وَاهْ كنِّيوْ ذ أَشمِّيعْ ن ڒْخذْمثْ إِنُو ن رَّاسُولْ. 3 نشّْ أَرِّيغْ خْ ينِّي خَافِي إِحكّْمنْ أَمُّو:
4 مَا وَارْ غَارْنغْ تّسْرِيحْ حِيمَا أَذْ نشّْ، أَذْ نْسُو؟ ▪ 5 مَا وَارْ غَارْنغْ تّسْرِيحْ أَذْ نَاوِي أَكِيذْنغْ إِشْثْ ن ثْوتْشْمَاثْ ذ ثَامْغَارْثْ أَمشْنَاوْ عَاوذْ رُّوسُولْ إِنّغْنِي ذ وَاوْمَاثنْ ن سِيذِيثْنغْ ذ كِيفَا؟ ▪ 6 نِيغْ وَاهَا بَارْنَابَا ذ نشّْ وَارْ غَارْنغْ بُو تّسْرِيحْ حِيمَا وَارْ نْخدّمْ؟ 7 مَانْ ونْ إِ غَا إِمّنْغنْ ذِي ڒْعسْكَارْ إِ غَا إِخدْجْصنْ ڒْمُونثْ نِّيثْ إِ يِيخفْ نّسْ؟ مَانْ ونْ إِ غَا إِژُّونْ ثَازَايَارْثْ، وَارْ إِتّتّْ شَا زِي ڒْغِيدْجثْ نّسْ؟ نِيغْ مَانْ ونْ إِ غَا يَاركّْوسنْ إِشْثْ ن ثْحِيمَارْثْ، وَارْ إِسسّْ شَا أَغِي ن ثْحِيمَارْثْ؟ ▪ 8 مَا قَّارغْ مَانْ أَيَا أَمْ بْنَاذمْ وَاهَا؟ خْزَارْ، ؤُڒَا ذ شَّارِيعَا ثقَّارْ أَيَا! 9 مِينْزِي ثُورَا ذِي شَّارِيعَا ن مُوسَا: ”وَارْ تّڭّْ ثَاشْمَانْثْ إِ ؤُينْذُوزْ إِسَّارْوَاثنْ.“ مَا أَربِّي إِحطَّا خْ إِينْذُوزنْ س ثِيذتّْ؟ ▪
10 نسّنْ أَقَا إِنَّا إِ-ث ذِي طّْوعْ نّغْ ؤُ مَانْ أَيَا ثُورَا ذِي طّْوعْ نّغْ، مِينْزِي ونِّي إِشَارّْزنْ، إِتّْخصَّا أَسْ أَذْ إِشَارْزْ س ؤُسِيثمْ ؤُ ونِّي إِسَّارْوَاثنْ س ؤُسِيثمْ أَذْ غَارسْ يِيڒِي صَّابثْ.
11 مَاڒَا نشِّينْ أَقَا نْزَارّعْ ذَايْومْ مِينْ إِدْجَانْ ن أَرُّوحْ، خنِّي مَا ذ أَطَّاسْ مَاڒَا نمْجَارْ زَّايْومْ زِي مِينْ إِدْجَانْ ن ثمُّورْثْ؟ ▪
12 مَاڒَا إِنّغْنِي غَارْسنْ تّسْرِيحْ-أَ خَاومْ مَاحنْذْ أَذْ شَارْشنْ ذِي مِينْ إِدْجَانْ نْومْ، مَايمِّي نشِّينْ كْثَارْ لَّا؟ مَاشَا نشِّينْ وَارْ نسّْخذِّيمْ شَا تّسْرِيحْ-أَ، مَاشَا نَارْپُو مَارَّا، حِيمَا وَارْ نتّڭّْ ؤُڒَا ذ إِشْثْ ن ثْعنْكْرِيفْثْ إِ ڒخْبَارْ أَصبْحَانْ ن لْمَاسِيحْ. ▪
13 مَا وَارْ ثسِّينمْ شَا بلِّي إِنِّي إِتّْسخَّارنْ ذِي زَّاوشْثْ إِقدّْسنْ، أَذْ تّتّنْ زِي مِينْ إِدْجَانْ إِ زَّاوشْثْ إِقدّْسنْ ؤُشَا إِنِّي ذِينْ إِتّْرَاجَانْ إِ ثْسخَّارْثْ ن ؤُعَالْطَارْ أَذْ طّْفنْ ثَاسْغَارْثْ نْسنْ زڭْ ؤُعَالْطَارْ؟ ▪
14 أَمُّو عَاوذْ يُومُورْ سِيذِيثْنغْ إِ ينِّي إِتّْبَارّْحنْ ڒخْبَارْ أَصبْحَانْ، بلِّي أَذْ دَّارنْ زِي ڒخْبَارْ أَصبْحَانْ. ▪
15 مَاشَا نشّْ وَارْ نُّومغْ مَاحنْذْ أَذْ سْثنْفْعغْ زِي مَارَّا أَيَا ؤُ نشّْ وَارْ ث ؤُرِيغْ شَا حِيمَا أَذْ إِتّْوَاڭّْ مَانْ أَيَا إِ نشّْ، مْڒِي ؤُفِيغْ أَذْ مّْثغْ نّشْ حْسنْ قْبڒْ مَا شَا ن إِجّنْ أَذْ إِسّبْضڒْ أَسمْغَارْ إِنُو.
16 خنِّي مَاڒَا نشّْ تّْبَارّْحغْ س ڒخْبَارْ أَصبْحَانْ، نشّْ وَارْ غَارِي شَا مِينْ ذِي إِ غَا سّمْغَارغْ، مِينْزِي إِتّْخصَّا أَيِي مَانْ أَيَا. أَيحَّاثْ خَافِي، مَاڒَا وَارْ تّْبَارّْحغْ شَا س ڒخْبَارْ أَصبْحَانْ!
17 س ؤُينِّي، مَاڒَا ڭِّيغْ ت س ڒْخَاضَارْ إِنُو، أَذْ غَارِي ثِيڒِي ڒْمُونثْ، مَاشَا مَاڒَا وَارْ ت تّڭِّيغْ س ڒْخَاضَارْ، أَقَا أَذْ إِقِّيمْ ؤُوكّڒْ ذڭْ ؤُفُوسْ إِنُو.
18 مَانْ ثنْ قَاعْ إِدْجَانْ ذ ڒْمُونثْ إِنُو؟ أَقَا-ت ذ ثَا: أَمْ تّْبَارّْحغْ س ڒخْبَارْ أَصبْحَانْ أَذْ سّحْضَارغْ ڒخْبَارْ أَصبْحَانْ ن لْمَاسِيحْ بَاطڒْ، وَارْ كْسِيغْ شَا تّسْرِيحْ إِنُو كُوڒْشِي ذِي ڒخْبَارْ أَصبْحَانْ.
19 نشّْ، ؤُمِي وَارْ سْثنْفِيعغْ شَا زِي مَارَّا مَانْ أَيَا، أَقَا أَرّغْ إِخفْ إِنُو ذ أَمْسخَّارْ ن مَارَّا حِيمَا أَذْ أَربْحغْ أَطَّاسْ ن إِوْذَانْ. 20 إِ وُوذَاينْ ذوْڒغْ أَمشْنَاوْ ؤُذَايْ حِيمَا أَذْ أَربْحغْ ؤُذَاينْ، إِ ينِّي إِدْجَانْ سَاذُو شَّارِيعَا ذوْڒغْ أَمشْنَاوْ ينِّي سَاذُو شَّارِيعَا حِيمَا أَذْ أَربْحغْ إِنِّي إِدْجَانْ سَاذُو شَّارِيعَا. ▪ 21 إِ ينِّي إِدْجَانْ بْڒَا شَّارِيعَا ذوْڒغْ أَمشْنَاوْ ونِّي بْڒَا شَّارِيعَا، - وَارْ دْجِيغْ بْڒَا شَّارِيعَا قِيبَاتْشْ إِ أَربِّي، مَاشَا س شَّارِيعَا ن لْمَاسِيحْ - ، حِيمَا أَذْ أَربْحغْ إِنِّي إِدْجَانْ بْڒَا شَّارِيعَا. ▪ 22 ثُوغَا أَيِي ضعْفغْ غَارْ ينِّي إِضعْفنْ، حِيمَا أَذْ أَربْحغْ إِنِّي إِضعْفنْ. أَقَا ذوْڒغْ ذ مَارَّا إِ مَارَّا، حِيمَا بعْذَا أَذْ وْشغْ ثُوذَارْثْ إِ مَارَّا. ▪ 23 مَانْ أَيَا تّڭّغْ ث حِيمَا أَذْ طّْفغْ ثَاسْغَارْثْ ذِي ڒخْبَارْ أَصبْحَانْ.
24 مَا وَارْ ثسِّينمْ شَا بلِّي إِنِّي إِتّڭّنْ ثْحَامَاثْ ن ثَازْڒَا ذِي ڒْمڒْعبْ، مَارَّا نِيشَانْ أَقَا تَّازّْڒنْ، مَاشَا إِجّنْ زَّايْسنْ إِ غَا يَاربْحنْ وَاهَا؟ خنِّي أَزّْڒمْ كنِّيوْ أَمُّو أَڒْ ذ غَا ثَاربْحمْ. ▪ 25 مَاشَا كُوڒْ أَرْيَازْ إِ إِتّڭّنْ إِشْثْ ن ثْحَامثْ، إِحكّمْ خْ يِيخفْ نّسْ ذِي مَارَّا. نِيثْنِي ؤُزّْڒنْ حِيمَا أَذْ أَربْحنْ إِشْثْ ن ثمْرِيسْثْ ثْفنَّا، مَاشَا نشِّينْ حِيمَا أَذْ نَارْبحْ إِشْثنْ وَارْ ثْفنِّي. ▪ 26 س ؤُينِّي نشّْ وَارْ تِّيزّْڒغْ شَا أَمنِّي وَاهَا، وَارْ تّْمنْغِيغْ أَمْ ونِّي إِشَّاثنْ ذِي ڒعْوِينْ، 27 مَاشَا تّْمَارَّاثغْ أَرِّيمثْ إِنُو، أَذْ أَسْ قثْمَارغْ، حِيمَا نشّْ وَارْ تّْوَاسُوفُّوغغْ شَا بَارَّا أَوَارْنِي ڒَامِي بَارّْحغْ إِنّغْنِي.