‏1 ”... ذڭْ وَاسّْ نِّي أَذْ شبَّارنْثْ سبْعَا ن ثمْغَارِينْ ذڭْ إِجّْ ن ورْيَازْ، أَذْ قَّارنْثْ: ’نشِّينْ أَذْ نشّْ أَغْرُومْ نّغْ ؤُ أَذْ نسّْيَارْضْ إِخفْ نّغْ، أجّْ أَنغْ أَذْ نكْسِي إِسمْ نّكْ وَاهَا، كْسِي ڒفْضِيحثْ خَانغْ.‘ “

‏2 ”ذڭْ وَاسّْ نِّي أَذْ إِذْوڒْ ؤُغدُّو ن سِيذِي ذ ثلْوِيزْثْ إِشوَّارنْ، ؤُ ڒْغِيدْجثْ ن ثمُّورْثْ ذ ڒْعزّْ ذ ؤُشوَّارْ إِ مِينْ إِنّجْمنْ ن إِسْرَائِيل. ‏3 مِينْ إِقِّيمنْ ن صِيهْيُونْ ذ ونِّي إِقِّيمنْ ذِي ؤُرْشَالِيمْ عَاذْ، أَذْ أَسنْ إِنِينْ: ’ذ أَمْقدَّاسْ!‘، كُوڒْ إِجّْ ذِي ؤُرْشَالِيمْ ونِّي إِتّْوَازمّمنْ إِ ثُوذَارْثْ. ‏4 خْمِي إِ غَا إِسِّيرْذْ سِيذِي ڒخْمجْ ن يسِّيسْ ن صِيهْيُونْ ؤُ أَذْ إِسْرِيرْ زِي ڒْوسْثْ ن ؤُرْشَالِيمْ إِذَامّنْ س أَرُّوحْ ن ڒحْكَامْ ؤُ س أَرُّوحْ ن وشْمَاضْ، ‏5 خنِّي أَذْ إِڭّْ سِيذِي ذڭْ ؤُزِيڒْ إِجّْ ن ؤُسيْمُو خْ مَارَّا ثَازذِّيغْثْ خْ وذْرَارْ ن صِيهْيُونْ ؤُ خْ ثْمسْمُونِينْ نّسْ ؤُ س دْجِيڒثْ دّخَّانْ ذ ثِيسِّيقْثْ ن ثْمسِّي إِتّْشعْشِيعنْ، مَاغَارْ ثِيوَا مَارَّا مِينْ إِعُودْجنْ أَذْ ثِيڒِي ثْقِيذُونْثْ إِ ؤُذُورِّي ن ثسْڒِيثْ. ‏6 أَذْ يِيڒِي ؤُعِيشُّو إِ ثِيڒِي س ؤُزِيڒْ زِي ڒحْمُو ؤُ إِ ومْشَانْ ن ثَاروْڒَا ذ ؤُذُورِّي زِي ڒْحمْڒثْ ذ ونْژَارْ.“