‏1 إِنَا ذ إِكهَّاننْ ذ إِلَاوِييّنْ إِنِّي د-إِڭعّْذنْ أَكْ-ذ زَارُوبَابِّيلْ، مِّيسْ ن شَاعَالْثِييِيلْ، ذ يشُوعَا: سَارَايَا، إِرْمِييَا، عِيزْرَا، ‏2 أَمَارْيَا، مَالُّوخْ، حَاطُّوشْ، ‏3 شَاكَانْيَا، رَاحُومْ، مَارِيمُوثْ، ‏4 عِيدُّو، جِينِّيثُويْ، أَبِييَا، ‏5 مِييَامِينْ، مَاعَاذْيَا، بِيلْجَا، ‏6 شْمَاعْيَا، يُويَارِيبْ، يَاذَاعْيَا، ‏7 سَالُّو، عَامُوقْ، حِيلْقِييَا ذ يَاذْعَايَا. إِنَا ذ إِزدْجِيفنْ إِمقّْرَاننْ ن إِكهَّاننْ ذڭْ وُوسَّانْ ن يشُوعَا.

‏8 ؤُشَا إِلَاوِييّنْ ذ إِنَا: يشُوعَا، بِينُّويْ، قَاذْمِييِيلْ، شَارَابْيَا، يَاهُوذَا ذ مَاتَّانْيَا، ونِّي إِدْجَانْ خْ إِزْڒَانْ ن ؤُقَاذِي، نتَّا ذ أَيْثْمَاسْ. ‏9 بَاقْپُوقْيَا ذ عُونِّي ذ أَيْثْمَاثْسنْ بدّنْ أَرنْذَاذْ نْسنْ تّْرَاجَانْ إِ نُّوبثْ نْسنْ.

‏10 يشُوعَا إِجَّا-د يُويَاقِيمْ ؤُ يُويَاقِيمْ إِجَّا-د إِلْيَاشِيبْ، ؤُ إِلْيَاشِيبْ إِجَّا-د يُويَاذَاعْ،

‏11 ؤُ يُويَاذَاعْ إِجَّا-د يُونَاثَانْ ذ يُونَاثَانْ إِجَّا-د يَادُّوعْ.

‏12 ذڭْ وُوسَّانْ ن يُويَاقِيمْ ثُوغَا إِكهَّاننْ-أَ ذ إِزدْجِيفنْ جَارْ إِبَابَاثنْ ن ڒَادْجَاثْ: مَارَايَا إِ سَارَايَا، حَانَانْيَا إِ إِرْمِييَا،

‏13 مَاشُولَّامْ إِ عِيزْرَا يُوحَانَانْ إِ أَمَارْيَا،

‏14 يُونَاثَانْ إِ مَالِيكُو، يُوسُوفْ إِ شَابِينْيَا،

‏15 عَاذْنَا إِ حَارِيمْ، حِيلْقَايْ إِ مَارَايُوثْ،

‏16 زَاكَارِييَّا إِ عِيدُّو، مَاشُولَّامْ إِ جِينِّيثُونْ،

‏17 زِيكْرِي إِ أَبِييَا، فِيلْطَايْ إِ مِينْيَامِينْ ذ مُوعَاذْيَا،

‏18 شَامُّوعَا إِ بِيلْجَا، يَاهُونَاثَانْ إِ شْمَاعْيَا،

‏19 ذ مَاتَّانَايْ إِ يُويَارِيبْ، عُوزِّي إِ يَاذَاعْيَا، ‏20 قَالَّايْ إِ سَالَّايْ، عَابِيرْ إِ عَامُوقْ، ‏21 حَاشَابْيَا إِ حِيلْقِييَا، نَاثَانَايِيلْ إِ يَاذَاعْيَا.

‏22 ذڭْ وُوسَّانْ ن إِلْيَاسِيبْ، يُويَاذَاعْ ذ يُوحَانَانْ ذ يَادُّوعْ، تّْوَازمّمنْ إِزدْجِيفنْ جَارْ إِبَابَاثنْ ن إِلَاوِييّنْ ؤُڒَا ذ إِكهَّاننْ أَڒْ ثَاڭلْذَا ن ذَارِييُوسْ، أَفَارْسِي. ‏23 تّْوَازمّمنْ أَيْثْ ن لَاوِي، إِزدْجِيفنْ جَارْ إِبَابَاثنْ ن ڒَادْجَاثْ، ذڭْ وذْلِيسْ ن إِمزْرُوينْ أَڒْ ؤُسَّانْ ن يُوحَانَانْ، مِّيسْ ن إِلْيَاشِيبْ. ^▪  

‏24 إِزدْجِيفنْ ن إِلَاوِييّنْ ثُوغَا حَاشَابْيَا، شَارَابْيَا ذ يشُوعَا، مِّيسْ ن قَاذْمِييِيلْ، ؤُ أَيْثْمَاثْسنْ بدّنْ أَجمَّاضِينْ نْسنْ حِيمَا أَذْ سّمْغَارنْ ؤُ أَذْ قَاذَانْ، أَمْ مَامّشْ ثُوغَا ثدْجْ ثوْصيّثْ ن ذَاوُوذْ، أَرْيَازْ ن أَربِّي، إِجّْ ثُوغَا إِتّْرَاجَا نُّوبثْ نّسْ أَرنْذَاذْ ن ونّغْنِي ونِّي إِتّْرَاجَانْ نُّوبثْ نّسْ. ‏25 ثُوغَا مَاتَّانْيَا ذ بَاقْپُوقْيَا ذ عُوبَاذْيَا، مَاشُولَّامْ ذ طَالْمُومْ ذ عَاقُّوبْ إِعسَّاسنْ ن ثوَّارْثْ إِنِّي إِعسّنْ خْ إِخَّامنْ ن ڒخْزنْ ن ثوُّورَا ن ثنْذِينْثْ. ^▫   ‏26 إِنَا ثُوغَا أَثنْ ذڭْ وُوسَّانْ ن يُويَاقِيمْ، مِّيسْ ن يشُوعَا، مِّيسْ ن يُوصَاذَاقْ، ؤُڒَا ذڭْ وُوسَّانْ ن نَاحَامْيَا، لْوَالِي، ؤُ ن ؤُكهَّانْ عِيزْرَا، أَمْسڒْمذْ ن إِذْلِيسنْ.

‏27 غَارْ ؤُذشّنْ ن ڒْحِيضْ ن ؤُرْشَالِيمْ أَرْزُونْ نِيثْنِي خْ إِلَاوِييّنْ ذِي مَارَّا إِمُوشَانْ نْسنْ مَاحنْذْ أَذْ ثنْ أَوْينْ غَارْ ؤُرْشَالِيمْ حِيمَا نِيثْنِي أَذْ سّْقفْڒنْ أَذشّنْ، أَذْ ڭّنْ ڒفْرَاحثْ س ؤُقَاذِي ؤُ س يزْڒَانْ، س ثدْجُونِينْ ن وُوزَّاڒْ، س لْهَارْبَاثْ ذ ڒْڭَامْبْرِييَاثْ. ‏28 نِيثْنِي سّْمُوننْ خْ أَيْثْ ن إِمذْيَازنْ زڭْ ؤُذوَّارْ ن ؤُرْشَالِيمْ ؤُ زِي ذْشُورَاثْ ن ؤُنُوطُوفَاثِي ‏29 ؤُ زِي بَايْثْ-جِيلْجَالْ ؤُڒَا زڭْ إِيَّارنْ ن جِيبَا ذ عَازْمَاوِيثْ، مِينْزِي إِمذْيَازنْ بْنَانْ إِ يِيخفْ نْسنْ ذْشُورَاثْ إِ د-إِنّْضنْ إِ ؤُرْشَالِيمْ. ‏30 سِّيزذْڭنْ إِكهَّاننْ ذ إِلَاوِييّنْ إِخفْ نْسنْ ؤُشَا أَوَارْنِي إِ ؤُيَا سِّيزذْڭنْ نِيثْنِي ؤُڒَا ذ ڒْڭنْسْ ذ ثوُّورَا ذ ڒْحِيضْ.

‏31 خنِّي ڭِّيغْ إِزدْجِيفنْ ن يَاهُوذَا أَذْ نْينْ خْ ڒْحِيضْ ؤُ سّْبدّغْ ثْنَاينْ ن ثرْبِيعِينْ ن ؤُغنّجْ إِ ؤُقَاذِي ذ كُولَاثْ. ثُويُورْ إِشْثْ ن ثرْبِيعْثْ غَارْ يفُّوسْ سنّجْ خْ ڒْحِيضْ غَارْ ثوَّارْثْ ن ڒغْبَارْ ‏32 ؤُشَا يَاردّفْ إِ-ت هُوشَاعْيَا س يِيجّْ ن وزْينْ ن ڒْحُوكَّامْ ن يَاهُوذَا، ‏33 ذ عَازَارْيَا، عِيزْرَا ذ مَاشُولَّامْ، ‏34 يَاهُوذَا ذ بِينْيَامِينْ ذ شْمَاعْيَا ذ إِرْمِييَا ‏35 ؤُ زڭْ أَيْثْ ن إِكهَّاننْ إِنِّي غَارْسنْ ڒْغَايْطَاثْ: زَاكَارِييَّا، مِّيسْ ن يُونَاثَانْ، مِّيسْ ن شْمَاعْيَا، مِّيسْ ن مَاتَّانْيَا، مِّيسْ ن مِيخَايَا، مِّيسْ ن زَاكُّورْ، مِّيسْ ن أَسَافْ، ‏36 ذ أَيْثْمَاسْ شْمَاعْيَا ذ عَازَارْيِيلْ، مِيلَالَايْ، جِيلَالَايْ، مَاعَايْ، نَاثَانَايِيلْ ذ يَاهُوذَا، حَانَانِي أَكْ-دُّوزَانْ ن ڒْمُوسِيقَا ن ذَاوُوذْ، أَرْيَازْ ن أَربِّي، ؤُشَا زَّاثْ إِ وُوذمْ نْسنْ ثُوغَا إِڭُّورْ عِيزْرَا، أَمْسڒْمذْ ن إِذْلِيسنْ. ‏37 غَارْ ثوَّارْثْ ن ثَاڒَا ؤُشَا خنِّي نِيشَانْ قِيبَاتْشْ نْسنْ نْينْ دّْرُوجَّاثْ ن ثنْذِينْثْ ن ذَاوُوذْ مَانِي د-إِڭعّذْ ڒْحِيضْ سنّجْ إِ ثَادَّارْثْ ن ذَاوُوذْ أَڒْ ثَاوَّارْثْ ن وَامَانْ، غَارْ شَّارْقْ.

‏38 ثَارْبِيعْثْ ن ؤُقَاذِي وِيسّْ ثْنَاينْ ثُويُورْ غَارْ جِّيهثْ نّغْنِيثْ ؤُشَا نشّْ أَردّْفغْ ت أَكْ-ذ وزْينْ نّغْنِي ن ڒْڭنْسْ، نكَّا خْ ڒْحِيضْ سنّجْ إِ لْپُورْجْ ن ثفْقُونْثْ أَڒْ ڒْحِيضْ أَمِيرِيوْ ‏39 ؤُشَا خنِّي نكَّا خْ ثوَّارْثْ ن إِفْرَايِيمْ ؤُ خْ ثوَّارْثْ ثَاقْذِيمْثْ ؤُ خْ ثوَّارْثْ ن إِسڒْمَانْ ذ لْپُورْجْ ن حَانَانِييِيلْ ذ لْپُورْجْ ن مْيَا غَارسْ أَڒْ ثَاوَّارْثْ ن وُودْجِي ؤُشَا نِيثْنِي قِّيمنْ بدّنْ غَارْ ثوَّارْثْ ن ڒحْبسْ.

‏40 خنِّي بدّنْثْ ثْنَاينْ ن ثرْبِيعِينْ ن ؤُقَاذِي ذِي ثَادَّارْثْ ن أَربِّي، ؤُڒَا ذ نشّْ أَكْ-ذ وزْينْ ن إِمْضبَّارنْ أَكِيذِي. ‏41 ؤُڒَا ذ إِكهَّاننْ أَلْيَاقِيمْ، مَاعْسِييَا، مِينْيَامِينْ، مِيخَايَا، إِلْيُوعِينَايْ، زَاكَارِييَّا، حَانَانْيَا، أَكْ-ذ ڒْغَايْطَاثْ ‏42 ؤُشَا خنِّي مَاعْسِييَا ذ شْمَاعْيَا ذ أَلِيعَازَارْ ذ عُوزِّي ذ يُوحَانَانْ ذ مَالْكِييَا ذ عِيلَامْ ذ عَازَارْ. ذ إِمذْيَازنْ ڭِّينْ أَذْ تّْوَاسْڒنْ ؤُ ثُوغَا يِيزْرَاحَا ذ أَمحْضَايْ.

‏43 ذڭْ وَاسّْ نِّي وهّْبنْ ثِيغَارْصَا ذ ثِيمقّْرَانِينْ. مَارَّا فَارْحنْ، مَاغَارْ أَربِّي إِڭَّا أَسنْ إِشْثْ ن ڒفْرَاحثْ ذ ثَامقّْرَانْثْ. فَارْحنْ ؤُڒَا ذ ثِيمْغَارِينْ ذ إِحنْجِيرنْ إِمژْيَاننْ أَڒَامِي ڒفْرَاحثْ ن ؤُرْشَالِيمْ ثُوغَا تّسْڒَانْ أَسْ زِي ڒَاڭّْوَاجْ.

‏44 ذڭْ وُوسَّانْ نِّي ڭِّينْ إِرْيَازنْ أَذْ إِڒِينْ خْ إِخَّامنْ إِ إِدْجَانْ إِ ثْخُوبَايْ، إِ ثوْهِيبِينْ ن ؤُسْڭعّذْ، إِ ؤُسُوفُّوغْ ثَامزْوَارُوثْ ن صَّابثْ ؤُ إِ ڒعْشُورْ حِيمَا أَذْ ذَايْسنْثْ يَارْونْ ثِيسقَّارْ إِ د-إِكَّارنْ إِ إِكهَّاننْ ذ إِلَاوِييّنْ زڭْ إِيَّارنْ ن ثْندَّامْ عْلَاحْسَابْ شَّارِيعَا، مَاغَارْ فَارْحنْ أَيْثْ ن يَاهُوذَا زڭْ إِكهَّاننْ ذ إِلَاوِييّنْ نِّي إِ ذِينْ إِبدّنْ ^▫   ‏45 ؤُ حْضَانْ خْ ثْسخَّارْثْ ن أَربِّي نْسنْ ؤُ خْ ثْسخَّارْثْ ن ؤُسِيزْذڭْ، جْمِيعْ أَكْ-ذ إِمذْيَازنْ ذ إِعسَّاسنْ ن ثوُّورَا، عْلَاحْسَابْ ثَاوْصيّثْ ن ذَاوُوذْ ذ مِّيسْ سُولِيمَانْ. ^▪   ‏46 مَاغَارْ زِيشْ، ذڭْ وُوسَّانْ ن ذَاوُوذْ، ثُوغَا أَسَافْ ذ أَزدْجِيفْ ن إِمذْيَازنْ، إِ إِزْڒَانْ ن ؤُصبّحْ ؤُڒَا إِ ؤُقَاذِي إِ أَربِّي. ‏47 س ؤُيَا إِوْشَا مَارَّا إِسْرَائِيل ذِي مَارَّا ؤُسَّانْ ن زَارُوبَّابِيلْ ؤُ ذڭْ وُوسَّانْ ن نَاحَامْيَا ثِيسقَّارْ ن إِمذْيَازنْ ذ إِعسَّاسنْ ن ثوُّورَا، كُوڒْ ثَاسْغَارْثْ ن إِجّْ ن وَاسّْ ذڭْ وَاسّْ نّسْ، ؤُشَا سّْقدّْسنْ ت إِ إِلَاوِييّنْ ؤُشَا إِلَاوِييّنْ سّْقدّْسنْ ت إِ أَيْثْ ن هَارُونْ.