‏1 إِحنْجِيرنْ ن إِسَّاكَارْ ثُوغَا أَثنْ ذ ثُولَاعْ ذ فُووَّا ذ يَاشُوبْ ذ شِيمْرُونْ، أَربْعَا ن إِحنْجِيرنْ.

‏2 إِحنْجِيرنْ ن ثُولَاعْ ثُوغَا أَثنْ ذ عُوزِّي ذ رَافَايَا ذ يَارِييِيلْ ذ يَاحْمَايْ ذ يِيبْشَامْ ذ شِيمُووِيلْ، إِزدْجِيفنْ ن ڒَادْجَاثْ ن ثُولَاعْ، أَيْثْ ن بُو-ثغْرُوضْثْ إِمحْضنْ، نِيثْنِي تّْوَازمّمنْ عْلَاحْسَابْ أَخْڒَاقْ نْسنْ. ذڭْ وُوسَّانْ ن ذَاوُوذْ ثُوغَا ڒْقدّْ نْسنْ ثْنَاينْ ؤُ-عِيشْرِينْ-أَڒفْ ؤُ-ستَّا-مْيَا ن يرْيَازنْ.

‏3 إِحنْجِيرنْ ن عُوزِّي، مْغِيرْ يَازْرَاحْيَا ؤُ إِحنْجِيرنْ ن يَازْرَاحْيَا ثُوغَا أَثنْ ذ مِيخَايِيلْ ذ عُوبَاذْيَا ذ يُووِيلْ ذ يَاشِييَا، نِيثْنِي مَارَّا ثُوغَا أَثنْ خمْسَا ن إِزدْجِيفنْ. ‏4 ثُوغَا خَاسنْ ڒُومُورْ خْ ثرْبِيعِينْ ن ڒْعسْكَارْ، ؤُ نِيثْنِي ثُوغَا تّْوَاستّْفنْ عْلَاحْسَابْ أَخْڒَاقْ نْسنْ ؤُ عْلَاحْسَابْ ثَادَّارْثْ ن إِبَابَاثنْ نْسنْ. أَقَا-ثنْ ذِي ستَّا ؤُ-ثْڒَاثِينْ-أَڒفْ ن يرْيَازنْ، مَاغَارْ نِيثْنِي ثُوغَا غَارْسنْ أَطَّاسْ ن ثمْغَارِينْ ذ إِحنْجِيرنْ. ^▫   ‏5 ؤُشَا خنِّي أَيْثْمَاثْسنْ زِي مَارَّا ڒَادْجَاثْ ن إِسَّاكَارْ، سبْعَا ؤُ-ثْمَانْيِينْ-أَڒفْ ن أَيْثْ ن بُو-ثغْرُوضْثْ إِمحْضنْ، إِنِّي إِتّْوَازمّمنْ مَارَّا ذِي لِيسْثَاثْ ن جَّاذِيرَا.

‏6 إِحنْجِيرنْ ن بِينْيَامِينْ ثُوغَا أَثنْ ذ بِيلَاعْ ذ بَاكَارْ ذ يَاذِيعَايِيلْ، ثْڒَاثَا ن إِحنْجِيرنْ.

‏7 إِحنْجِيرنْ ن بِيلَاعْ ثُوغَا أَثنْ ذ إِصْپُونْ ذ عُوزِّي ذ عُوزِّييِيلْ ذ يَارِيمُوثْ ذ عَايْرِي، خمْسَا ن إِزدْجِيفنْ ن ڒَادْجَاثْ، أَيْثْ ن بُو-ثغْرُوضْثْ إِمحْضنْ. تّْوَازمّمنْ زَّايْسنْ ثْنَاينْ ؤُ-عِيشْرِينْ-أَڒفْ ؤُ-أَربْعَا ؤُ-ثْڒَاثِينْ ن يرْيَازنْ ذِي لِيسْثَاثْ ن جَّاذِيرَا.

‏8 إِحنْجِيرنْ ن بَاكَارْ ثُوغَا أَثنْ ذ زَامِيرَا ذ يُوعَاشْ ذ إِلِيعَازَارْ ذ إِلْيُوعِينِي ذ عُومْرِي ذ يَارِيمُوثْ ذ أَبِييَا ذ عَانَاثُوثْ ذ عَالَامَاثْ. نِيثْنِي مَارَّا ثُوغَا أَثنْ ذ إِحنْجِيرنْ ن بَاكَارْ. ‏9 تّْوَازمّمنْ زَّايْسنْ عِيشْرِينْ-أَڒفْ ؤُ-مِيثَايْنْ ن أَيْثْ ن بُو-ثغْرُوضْثْ إِمحْضنْ ذِي لِيسْثَاثْ ن جَّاذِيرَا، عْلَاحْسَابْ أَخْڒَاقْ نْسنْ ؤُ نِيثْنِي تّْوَاستّْفنْ عْلَاحْسَابْ إِزدْجِيفنْ ن ڒَادْجَاثْ نْسنْ.

‏10 إِحنْجِيرنْ ن يَاذِيعِيلْ، مْغِيرْ بِيلْهَانْ. ؤُ إِحنْجِيرنْ ن بِيلْهَانْ ثُوغَا أَثنْ ذ يَاعِيشْ ذ بِينْيَامِينْ ذ إِهُوذْ ذ كَانْعَانَا ذ زَايْثَانْ ذ ثَارْشِيشْ ذ أَخِيشَاحَارْ.

‏11 نِيثْنِي مَارَّا ثُوغَا أَثنْ ذ إِحنْجِيرنْ ن يَاذِيعِيلْ. سْبعْطَاشْ-أَڒفْ ؤُ-مِيثَايْنْ ن أَيْثْ ن بُو-ثغْرُوضْثْ إِمحْضنْ، تّْوَاستّْفنْ عْلَاحْسَابْ إِزدْجِيفنْ ن ڒَادْجَاثْ نْسنْ، فّْغنْ أَكْ-ذ ڒْعسْكَارْ غَارْ ؤُمنْغِي.

‏12 شُوفِّيمْ ذ هُوفِّيمْ ثُوغَا أَثنْ ذ إِحنْجِيرنْ ن عِيرْ، هُوشِيمْ، إِحنْجِيرنْ ن أَحِيرْ.

‏13 إِحنْجِيرنْ ن نَافْثَالِي ثُوغَا أَثنْ ذ جَاحْصِييِيلْ ذ جُونِي ذ يَاصَارْ ذ شَالُّومْ، إِحنْجِيرنْ ن بِيلْهَا.

‏14 إِحنْجِيرنْ ن مَانَاسَّا: أَشْرِييِيلْ، ونِّي د-ثُورُووْ نتَّاثْ. ثَايَّا نّسْ، إِشْثْ ن ثمْغَارْثْ ثَارَامِيثْ، ثُورُووْ-د مَاخِيرْ، بَابَاسْ ن جِيلْعَاذْ. ^▫  

‏15 مَاخِيرْ إِكْسِي إِشْثْ ن ثمْغَارْثْ إِ حُوفِّيمْ ذ شُوفِّيمْ. إِسمْ ن ؤُتْشْمَاسْ ثُوغَا-ت ذ مَاعْكَا. إِسمْ ن ونِّي وِيسّْ ثْنَاينْ ثُوغَا-ث ذ صَالُوفْحَاذْ. صَالُوفْحَاذْ غَارسْ يسِّيسْ وَاهَا.

‏16 مَاعْكَا، ثَامْغَارْثْ ن مَاخِيرْ، ثُورُووْ-د إِجّْ ن مِّيسْ ؤُشَا ثڭَّا أَسْ فَارَاشْ ؤُ ؤُمَاسْ قَّارنْ أَسْ شَارَاشْ ؤُ إِحنْجِيرنْ نّسْ ثُوغَا أَثنْ ذ ؤُلَامْ ذ رَاقَامْ.

‏17 إِحنْجِيرنْ ن ؤُلَامْ: مْغِيرْ بَاذَانْ. إِنَا ذ إِحنْجِيرنْ ن جِيلْعَاذْ، مِّيسْ ن مَاخِيرْ، مِّيسْ ن مَانَاسَّا.

‏18 خْ ؤُتْشْمَاسْ هَامُولَاكَاثْ، نتَّاثْ ثُورُووْ-د إِشْهُوذْ ذ أَبِيعَازَارْ ذ مَاحْلَا.

‏19 إِحنْجِيرنْ ن شَامِيذَاعْ ثُوغَا أَثنْ ذ إِخْيَانْ، شَاكِيمْ ذ لَاقْحِي ذ أَنِيعَامْ.

‏20 إِحنْجِيرنْ ن إِفْرَايِيمْ، مْغِيرْ شُوثَالَاحْ ذ مِّيسْ نّسْ بَارَاذْ ذ مِّيسْ ثَاحَاثْ ذ مِّيسْ إِلْعَاذَا ذ مِّيسْ نّسْ ثَاحَاثْ ‏21 ذ مِّيسْ نّسْ زَابَاذْ ذ مِّيسْ نّسْ شُوثَالَاحْ ؤُ خنِّي عَازَارْ ذ إِلْعَاذْ. إِرْيَازنْ ن جَاثْ، إِنِّي د-إِتّْوَاخڒْقنْ ذِي ثمُّورْثْ، نْغِينْ ثنْ، مِينْزِي نِيثْنِي ثُوغَا هْوَانْ، حِيمَا أَذْ كّْسنْ ڒْمَاڒْ نْسنْ.

‏22 إِفْرَايِيمْ، بَابَاثْسنْ، إِشْضنْ أَطَّاسْ ن وُوسَّانْ ؤُشَا أَيْثْمَاسْ ؤُسِينْ-د حِيمَا أَذْ ث عزَّانْ. ‏23 خنِّي يُوذفْ نتَّا خْ ثمْغَارْثْ نّسْ ؤُشَا ثكْسِي دّيْسثْ ؤُشَا ثُورُووْ-د إِجّْ ن ؤُحنْجِيرْ. نتَّا إِڭَّا أَسْ بَارِيعَا، مِينْزِي ذڭْ وُوسَّانْ نِّي ثُوغَا ذ أَرْژِييّثْ ذِي ثَادَّارْثْ نّسْ.

‏24 يدْجِيسْ ثُوغَا شِيرَا. نتَّاثْ ثسّْبدّْ بَايْثْ-حُورُونْ ن وَادَّايْ ذ بَايْثْ-حُورُونْ ن نّجْ ذ ؤُزِّينْ-شِيرَا.

‏25 رَافَاعْ ثُوغَا ذ مِّيسْ ؤُڒَا ذ رَاشَافْ ؤُشَا مِّيسْ نّسْ ثَالَاحْ ذ مِّيسْ نّسْ ثَاحَانْ، ‏26 مِّيسْ نّسْ لَاعْذَانْ، مِّيسْ نّسْ عَامِّيهُوذْ، مِّيسْ نّسْ إِلِيشَامَاعْ، ‏27 مِّيسْ نّسْ نُونْ ذ مِّيسْ نّسْ يَاشُووَا. ^▫  

‏28 أَڭْڒَا نْسنْ ذ ومْشَانْ مَانِي زدّْغنْ ثُوغَا بَايْثْ-إِلْ أَكْ-ذ ثْندَّامْ إِ غَارسْ د-إِقّْننْ ذ نَاعْرَانْ غَارْ شَّارْقْ ؤُ جَازَارْ غَارْ ڒْغَارْبْ أَكْ-ذ ثْندَّامْ إِ غَارسْ د-إِقّْننْ ؤُڒَا ذ شَاكِيمْ أَكْ-ذ ثْندَّامْ إِ غَارسْ د-إِقّْننْ أَڒْ غَازَّا أَكْ-ذ ثْندَّامْ إِ غَارسْ د-إِقّْننْ. ‏29 ثُوغَا بَايْثْ-شَانْ أَكْ-ذ ثْندَّامْ إِ غَارسْ د-إِقّْننْ، ثَاعْنَاكْ أَكْ-ذ ثْندَّامْ إِ غَارسْ د-إِقّْننْ، مَاجِيدُّو أَكْ-ذ ثْندَّامْ إِ غَارسْ د-إِقّْننْ ؤُ ذُورْ أَكْ-ذ ثْندَّامْ إِ غَارسْ د-إِقّْننْ ذڭْ إِفَاسّنْ ن أَيْثْ ن مَانَاسَّا. أَيْثْ ن يُوسُوفْ، مِّيسْ ن إِسْرَائِيل، زذْغنْ ذَايْسنْثْ.

‏30 إِحنْجِيرنْ ن أَشِيرْ ثُوغَا أَثنْ ذ يِيمْنَا ذ يِيشْوَا ذ يِيشْوِي ذ بَارِيعَا ذ سَارَاحْ ثنِّي ذ ؤُتْشْمَاثْسنْ.

‏31 إِحنْجِيرنْ ن بَارِيعَا ثُوغَا أَثنْ ذ حَابِيرْ ذ مَالْكِييِيلْ. نتَّا ذ بَابَا ن بِيرْزَاوَاثْ.

‏32 حَابِيرْ إِجَّا-د يَافْلِيطْ ذ شُومِيرْ ذ حُوثَامْ ذ ؤُتْشْمَاثْسنْ شُوعَا. ‏33 إِحنْجِيرنْ ن يَافْلِيطْ ثُوغَا أَثنْ ذ فَاسَاكْ ذ بِيمْهَالْ ذ عَاشْوَاثْ. إِنَا ثُوغَا أَثنْ ذ إِحنْجِيرنْ ن يَافْلِيطْ.

‏34 إِحنْجِيرنْ ن شَامَارْ ثُوغَا أَثنْ ذ أَخِي ذ رُوهْجَا، يَاهُوبَّا ذ أَرَامْ.

‏35 إِحنْجِيرنْ ن ؤُمَاسْ هِيلَامْ ثُوغَا أَثنْ ذ صُوفَاحْ ذ يِيمْنَاحْ ذ شَالَاشْ ذ عَامَالْ.

‏36 إِحنْجِيرنْ ن صُوفَاحْ ثُوغَا أَثنْ ذ سُووَاحْ ذ حَارَانْفَارْ ذ شُوعَالْ ذ بِيرِي ذ يَامْرَا، ‏37 بَاصَارْ ذ هُوذْ ذ شَامَّا ذ شِيلْشَا ذ يِيثْرَانْ ذ بَائِيرَا.

‏38 ثَارْوَا ن يِيثْرَامْ ثُوغَا أَثنْ ذ يَافُونِّي ذ فِيشْفَا ذ أَرَا.

‏39 إِحنْجِيرنْ ن عُولَّا ثُوغَا أَثنْ ذ أَرَاحْ ذ حَانِييِيلْ ذ رِيصْيَا.

‏40 مَارَّا إِنَا ثُوغَا أَثنْ ذ إِحنْجِيرنْ ن أَشِيرْ، إِزدْجِيفنْ ن ڒَادْجَاثْ، أَيْثْ ن بُو-ثغْرُوضْثْ إِفَارْزنْ إِمحْضنْ، إِزدْجِيفنْ ن إِمقّْرَاننْ. نِيثْنِي تّْوَازمّمنْ ذِي لِيسْثَاثْ ن جَّاذِيرَا ن ڒْعسْكَارْ إِ ؤُمنْغِي. ثُوغَا ڒْقدّْ نْسنْ ستَّا ؤُ-عِيشْرِينْ-أَڒفْ ن يرْيَازنْ.