‏1 ثَارْوَا ن لَاوِي ثُوغَا أَثنْ ذ جَارْشُونْ، قَاهَاثْ ذ مَارَارِي.

‏2 إِنَا ذ إِسْمَاونْ ن ثَارْوَا ن جَارْشُونْ: لِيبْنِي ذ شِيمْعِي.

‏3 ثَارْوَا ن قَاهَاثْ ثُوغَا أَثنْ ذ عَامْرَامْ ذ يِيصْحَارْ ذ حَابْرُونْ ذ عُوزِّييِيلْ.

‏4 ثَارْوَا ن مَارَارِي ثُوغَا أَثنْ ذ مَاحْلِي ذ مُوشِي. ثِينَا ذ ڒَادْجَاثْ ن إِلَاوِييّنْ، عْلَاحْسَابْ إِبَابَاثنْ نْسنْ.

‏5 ن جَارْشُونْ: مِّيسْ لِيبْنِي، مِّيسْ نّسْ يَاحَاثْ، مِّيسْ نّسْ زِيمَّا، ‏6 مِّيسْ نّسْ يُووَاخْ، مِّيسْ نّسْ عِيدُّو، مِّيسْ نّسْ زَارَاحْ، مِّيسْ نّسْ يَاثْرَايْ.

‏7 ثَارْوَا ن قَاحَاثْ: مِّيسْ عَامِّينَاذَابْ، مِّيسْ نّسْ قُورَاحْ، مِّيسْ نّسْ أَسِّيرْ، ‏8 مِّيسْ نّسْ إِلْقَانَا، مِّيسْ نّسْ أَبِييَاسَافْ، مِّيسْ نّسْ أَسِّيرْ، ‏9 مِّيسْ نّسْ ثَاحَاثْ، مِّيسْ نّسْ ؤُرِييِيلْ، مِّيسْ نّسْ عُوزِّييَا، مِّيسْ نّسْ شَاوُولْ.

‏10 ثَارْوَا ن إِلْقَانَا ثُوغَا أَثنْ ذ عَامَاسَايْ ذ أَخِيمُوثْ.

‏11 إِلْقَانَا: مِّيسْ ثُوغَا-ث إِلْقَانَا، مِّيسْ نّسْ صُوفَايْ، مِّيسْ نّسْ نَاحَاثْ،

‏12 مِّيسْ نّسْ إِلِييَابْ، مِّيسْ نّسْ يَارُوحَامْ، مِّيسْ نّسْ إِلْقَانَا.

‏13 ثَارْوَا ن شَامْوِيلْ ثُوغَا أَثنْ ذ يُووِيلْ، أَمنْزُو نّسْ، ؤُ ونِّي ذ وِيسّْ ثْنَاينْ ؤُ أَبِييَا.

‏14 ثَارْوَا ن مَارَارِي: مَاحْلِي، مِّيسْ نّسْ لِيبْنِي، مِّيسْ نّسْ شِيمْعِي، مِّيسْ نّسْ عُوزَّا،

‏15 مِّيسْ نّسْ شِيمْعَا، مِّيسْ نّسْ حَاجِييَا ؤُ مِّيسْ نّسْ عَاسَايَا.

‏16 إِنَا ذ إِنِّي إِڭَّا ذَاوُوذْ حِيمَا أَذْ إِڒِينْ خْ ؤُغنّجْ ن يِيزْڒَانْ ذِي ثَادَّارْثْ ن سِيذِي، أَوَارْنِي ڒَامِي ثُوغَا ثَارْسَا تَّاپُوثْ.

‏17 نِيثْنِي ثُوغَا تّْسخَّارنْ زَّاثْ إِ ثْزذِّيغْثْ، أَقِيضُونْ ن ؤُمْسَاڭَارْ، س إِزْڒَانْ، أَڒْ إِبْنَا سُولِيمَانْ ثَادَّارْثْ ن سِيذِي ذِي ؤُرْشَالِيمْ. نِيثْنِي بدّنْ ذِي ثْسخَّارْثْ نْسنْ عْلَاحْسَابْ لْفَارِيضَا نْسنْ.

‏18 إِنَا ذ إِنِّي إِ ذِينْ إِبدّنْ أَكْ-ذ إِحنْجِيرنْ نْسنْ:

زڭْ إِحنْجِيرنْ ن إِقَاحَاثِييّنْ: هَايْمَانْ، أَمذْيَازْ، مِّيسْ ن يُووِيلْ، مِّيسْ ن شَامْوِيلْ،

‏19 مِّيسْ ن إِلْقَانَا، مِّيسْ ن يَارُوحَامْ، مِّيسْ ن إِلِييِيلْ، مِّيسْ ن ثُووَاحْ، ‏20 مِّيسْ ن صُوفْ، مِّيسْ ن إِلْقَانَا، مِّيسْ ن مَاحَاثْ، مِّيسْ ن عَامَاسَايْ، ‏21 مِّيسْ ن إِلْقَانَا، مِّيسْ ن يُووِيلْ، مِّيسْ ن عَازَارْيَا، مِّيسْ ن صَافَانْيَا، ^▫   ‏22 مِّيسْ ن ثَاحَاثْ، مِّيسْ ن أَسِّيرْ، مِّيسْ ن أَبِييَاسَافْ، مِّيسْ ن قُورَاحْ، ‏23 مِّيسْ ن يِيصْهَارْ، مِّيسْ ن قَاهَاثْ، مِّيسْ ن لَاوِي، مِّيسْ ن إِسْرَائِيل.

‏24 ؤُمَاسْ أَسَافْ ثُوغَا إِتّْبدَّا غَارْ ؤُفُوسِي نّسْ. ثُوغَا أَسَافْ ذ مِّيسْ ن بَارَاخْيَا، مِّيسْ ن شِيمْعِي، ‏25 مِّيسْ ن مِيخَايِيلْ، مِّيسْ ن بَاعَاسِييَا، مِّيسْ ن مَالْكِييَا، ‏26 مِّيسْ ن إِثْنِي، مِّيسْ ن زَارَاحْ، مِّيسْ ن عَاذَايَا، ‏27 مِّيسْ ن إِثَانْ، مِّيسْ ن زِيمَّا، مِّيسْ ن شِيمْعِي، ‏28 مِّيسْ ن يَاحَاثْ، مِّيسْ ن جَارْشُومْ، مِّيسْ ن لَاوِي.

‏29 أَيْثْمَاثْسنْ، ثَارْوَا ن مَارَارِي، بدّنْ غَارْ ؤُزڒْمَاضْ: إِثَانْ، مِّيسْ ن قِيشِي، مِّيسْ ن عَابْذِي، مِّيسْ ن مَالُّوخْ، ‏30 مِّيسْ ن حَاشَابْيَا، مِّيسْ ن أَمَاصْيَا، مِّيسْ ن حِيلْقِييَا، ‏31 مِّيسْ ن أَمْصِي، مِّيسْ ن بَانِي، مِّيسْ ن شَامَارْ، ‏32 مِّيسْ ن مَاحْلِي، مِّيسْ ن مُوشِي، مِّيسْ ن مَارَارِي، مِّيسْ ن لَاوِي.

‏33 أَيْثْمَاثْسنْ، إِلَاوِييّنْ، ثُوغَا تّْوَاڭّنْ إِ قَاعْ ثْسخَّارْثْ ذِي ثْزذِّيغْثْ ن ثَادَّارْثْ ن أَربِّي.

‏34 مَاشَا هَارُونْ ذ إِحنْجِيرنْ نّسْ، إِنِّي إِسّْبخَّارنْ ثِيغَارْصَا خْ ؤُعَالْطَارْ ن وشْمَاضْ ؤُ خْ ؤُعَالْطَارْ ن ڒبْخُورْ، أَقَا أَثنْ حِيمَا أَذْ بدّنْ أَكْ-ذ قَاعْ ڒْخذْمثْ ذڭْ وقْذَاسْ ن ؤُقدَّاسْ ؤُ حِيمَا أَذْ سّصْڒحنْ خْ إِسْرَائِيل أَمْ مَامّشْ مَارَّا مِينْ ثُوغَا يُومُورْ مُوسَا، أَمْسخَّارْ ن أَربِّي.

‏35 إِنَا ذ ثَارْوَا ن هَارُونْ:

مِّيسْ أَلِيعَازَارْ، مِّيسْ نّسْ فِينَاحَاسْ، مِّيسْ نّسْ أَبِيشُوعَا، ‏36 مِّيسْ نّسْ بُوقِّي، مِّيسْ نّسْ عُوزِّي، مِّيسْ نّسْ زَارَاحْيَا، ‏37 مِّيسْ نّسْ مَارَايُوثْ، مِّيسْ نّسْ أَمَارْيَا، مِّيسْ نّسْ أَخِيطُوبْ، ‏38 مِّيسْ نّسْ صَاذُوقْ، مِّيسْ نّسْ أَخِيمَاعَاصْ.

‏39 إِنَا ذ إِمُوشَانْ مَانِي زذْغنْ نِيثْنِي، عْلَاحْسَابْ لْپُورْجَاثْ نْسنْ خْ ثمُّورْثْ نْسنْ، إِ إِحنْجِيرنْ ن هَارُونْ، إِ ڒَادْجْ ن إِقَاهَاثِييّنْ، مِينْزِي ثُوغَا-ت ثقْذُوحْثْ إِ نِيثْنِي.

‏40 وْشِينْ أَسنْ حَابْرُونْ ذِي ثمُّورْثْ ن يَاهُوذَا أَكْ-ذ دّْمَانِي ن ثَاروْسَا نّسْ إِ ذ أَسْ د-إِنّْضنْ. ‏41 إِيَّارْ ن ثنْذِينْثْ ذ ذْشُورَاثْ نّسْ وْشِينْ ث إِ كَالِيبْ، مِّيسْ ن يَافُونِّي.

‏42 إِ إِحنْجِيرنْ ن هَارُونْ وْشِينْ أَسنْ ثِيندَّامْ ن ثَاروْڒَا حَابْرُونْ ذ لِيبْنَا أَكْ-ذ دّْمَانِي ن ثَاروْسَا نّسْ، يَاتِّيرْ ذ إِشْثَامُوعْ أَكْ-ذ دّْمَانِي ن ثَاروْسَا نّسْ، ‏43 حِيلَايْنْ أَكْ-ذ دّْمَانِي ن ثَاروْسَا نّسْ ذ ذَابِيرْ أَكْ-ذ دّْمَانِي ن ثَاروْسَا نّسْ ‏44 ذ عَاشَانْ أَكْ-ذ دّْمَانِي ن ثَاروْسَا نّسْ ذ بَايْثْ-شَامْسْ أَكْ-ذ دّْمَانِي ن ثَاروْسَا نّسْ.

‏45 زِي ثقْبِيتْشْ ن بِينْيَامِينْ كْسِينْ نِيثْنِي جَابْعَا أَكْ-ذ دّْمَانِي ن ثَاروْسَا نّسْ ذ عَالِّيمَاثْ أَكْ-ذ دّْمَانِي ن ثَاروْسَا نّسْ ذ عَانَاثُوثْ أَكْ-ذ دّْمَانِي ن ثَاروْسَا نّسْ. مَارَّا ثِيندَّامْ نْسنْ ثُوغَا أَثنْ ذ ثْڒطَّاشْ ن ثْندَّامْ أَكْ-ذ ڒَادْجَاثْ نْسنْ.

‏46 إِ إِحنْجِيرنْ ن قَاهَاثْ إِ إِقِّيمنْ زِي ڒَادْجْ ن ثقْبِيتْشْ، تّْوَاعيّْننْثْ س ثْقدُّوحْثْ عشْرَا ن ثْندَّامْ زڭْ وزْينْ ن ثقْبِيتْشْ ن وزْينْ ن مَانَاسَّا.

‏47 إِ إِحنْجِيرنْ ن جَارْشُونْ تّْوَاعيّْننْثْ عْلَاحْصَابْ ڒَادْجَاثْ نْسنْ زِي ثقْبِيتْشْ ن إِسَّاكَارْ ؤُ زِي ثقْبِيتْشْ ن أَشِيرْ ؤُ زِي ثقْبِيتْشْ ن نَافْثَالِي ؤُ زِي ثقْبِيتْشْ ن مَانَاسَّا ذِي بَاشَانْ ثْڒطَّاشْ ن ثْندَّامْ.

‏48 إِ إِحنْجِيرنْ ن مَارَارِي عْلَاهْسَابْ ڒَادْجَاثْ نْسنْ تّْوَاعيّْننْثْ س ثْقدُّوحْثْ ثنْعَاشْ ن ثْندَّامْ زِي ثقْبِيتْشْ ن رُوبِينْ ؤُ زِي ثقْبِيتْشْ ن جَاذْ ؤُ زِي ثقْبِيتْشْ ن زَاپُولُونْ.

‏49 أَيْثْ ن إِسْرَائِيل وْشِينْ إِ إِلَاوِييّنْ ثِيندَّامْ-أَ أَكْ-ذ دّْمَانِي نْسنْثْ ن ثَاروْسَا. ‏50 س ثْقدُّوحْثْ وْشِينْ نِيثْنِي ثِيندَّامْ-أَ إِ إِتّْوَاڒَاغَانْ س يِيسمْ نْسنْثْ زِي ثقْبِيتْشْ ن إِحنْجِيرنْ ن يَاهُوذَا ؤُ زِي ثقْبِيتْشْ ن إِحنْجِيرنْ ن شِيمْعُونْ ؤُ زِي ثقْبِيتْشْ ن إِحنْجِيرنْ بِينْيَامِينْ.

‏51 إِنِّي إِقِّيمنْ زِي ڒَادْجَاثْ ن إِحنْجِيرنْ ن قَاهَاثْ طّْفنْ ثِيندَّامْ زِي ثقْبِيتْشْ ن إِفْرَايِيمْ ذِي ثمُّورْثْ نْسنْ. ‏52 مِينْزِي وْشِينْ أَسنْ زِي ثْندَّامْ ن ثَاروْڒَا شَاكِيمْ أَكْ-ذ دّْمَانِي ن ثَاروْسَا نّسْ خْ إِذُورَارْ ن إِفْرَايِيمْ، ذ جَازَارْ أَكْ-ذ دّْمَانِي ن ثَاروْسَا نّسْ ‏53 ذ يَاقْمَاعَامْ أَكْ-ذ دّْمَانِي ن ثَاروْسَا نّسْ ذ بَايْثْ-حُورُونْ أَكْ-ذ دّْمَانِي ن ثَاروْسَا نّسْ ‏54 ذ أَيَالُونْ أَكْ-ذ دّْمَانِي ن ثَاروْسَا نّسْ ذ جَاثْ-رِيمُّونْ أَكْ-ذ دّْمَانِي ن ثَاروْسَا نّسْ.

‏55 زڭْ وزْينْ ن ثقْبِيتْشْ ن مَانَاسَّا كْسِينْ نِيثْنِي أَنِيرْ أَكْ-ذ دّْمَانِي ن ثَاروْسَا نّسْ ذ بِيلْعَامْ أَكْ-ذ دّْمَانِي ن ثَاروْسَا نّسْ إِ مِينْ إِقِّيمنْ زِي ڒَادْجْ ن إِحنْجِيرنْ ن قَاهَاثْ.

‏56 أَيْثْ ن جَارْشُومْ كْسِينْ زِي ڒَادْجْ ن وزْينْ ن ثقْبِيتْشْ ن مَانَاسَّا: جُولَانْ ذِي بَاشَانْ أَكْ-ذ دّْمَانِي ن ثَاروْسَا نّسْ ذ أَشْثَارُوثْ أَكْ-ذ دّْمَانِي ن ثَاروْسَا نّسْ.

‏57 ؤُ زِي ثقْبِيتْشْ ن إِسَّاكَارْ كْسِينْ نِيثْنِي قَاذَاشْ أَكْ-ذ دّْمَانِي ن ثَاروْسَا نّسْ، ذُوبْرَا أَكْ-ذ دّْمَانِي ن ثَاروْسَا نّسْ، ‏58 رَامُوثْ أَكْ-ذ دّْمَانِي ن ثَاروْسَا نّسْ ؤُ عَانِيمْ أَكْ-ذ دّْمَانِي ن ثَاروْسَا نّسْ.

‏59 زِي ثقْبِيتْشْ ن أَشِيرْ كْسِينْ نِيثْنِي مَاشَالْ أَكْ-ذ دّْمَانِي ن ثَاروْسَا نّسْ ذ عَابْذُونْ أَكْ-ذ دّْمَانِي ن ثَاروْسَا نّسْ، ‏60 ذ حُوقُوقْ أَكْ-ذ دّْمَانِي ن ثَاروْسَا نّسْ ذ رَاحُوبْ أَكْ-ذ دّْمَانِي ن ثَاروْسَا نّسْ.

‏61 زِي ثقْبِيتْشْ ن نَافْثَالِي كْسِينْ نِيثْنِي قَاذَاشْ ذِي لْجَالِيلْ أَكْ-ذ دّْمَانِي ن ثَاروْسَا نّسْ ذ حَامُّونْ أَكْ-ذ دّْمَانِي ن ثَاروْسَا نّسْ ذ قِيرْيَاثَايِيمْ أَكْ-ذ دّْمَانِي ن ثَاروْسَا نّسْ.

‏62 إِنِّي إِقِّيمنْ ن إِحنْجِيرنْ ن مَارَارِي كْسِينْ زِي ثقْبِيتْشْ ن زَاپُولُونْ رِيمُّونُو أَكْ-ذ دّْمَانِي ن ثَاروْسَا نّسْ، ذ ثَاپُورْ أَكْ-ذ دّْمَانِي ن ثَاروْسَا نّسْ

‏63 ؤُ خْ ؤُجمَّاضْ ن لْ'ؤُرْذُونْ غَارْ أَرِيحَا، شَّارْقْ ن لْ'ؤُرْذُونْ، كْسِينْ نِيثْنِي زِي ثقْبِيتْشْ ن رُوبِينْ بَاصَارْ ذِي ڒخْڒَا أَكْ-ذ دّْمَانِي ن ثَاروْسَا نّسْ ذ يَاهْصَا أَكْ-ذ دّْمَانِي ن ثَاروْسَا نّسْ ‏64 ذ قَاذِيمُوثْ أَكْ-ذ دّْمَانِي ن ثَاروْسَا نّسْ ذ مَايْفَاعَا أَكْ-ذ دّْمَانِي ن ثَاروْسَا نّسْ

‏65 ؤُ زِي ثقْبِيتْشْ ن جَاذْ كْسِينْ نِيثْنِي رَامُوثْ ذِي جِيلْعَاذْ أَكْ-ذ دّْمَانِي ن ثَاروْسَا نّسْ ذ مَاحَانَايِيمْ أَكْ-ذ دّْمَانِي ن ثَاروْسَا نّسْ ‏66 ذ حَاشْپُونْ أَكْ-ذ دّْمَانِي ن ثَاروْسَا نّسْ ذ يَاعْزِيرْ أَكْ-ذ دّْمَانِي ن ثَاروْسَا نّسْ.