‏1 ثُوغَا أَجدْجِيذْ سُولِيمَانْ ذ أَجدْجِيذْ خْ مَارَّا إِسْرَائِيل.

‏2 إِنَا ثُوغَا ذ ڒْحُوكَّامْ نّسْ إِمقّْرَاننْ:

عَازَارْيَا، مِّيسْ ن صَاذُوقْ، ثُوغَا-ث ذ أَمْشَاوَارْ ذ أَمزْوَارُو.

‏3 إِلِيحُورَافْ ذ أَخِييَا، إِحنْجِيرنْ ن شِيشَا، ثُوغَا أَثنْ ذ إِمَارِيرنْ.

يَاحُوشَافَاطْ، مِّيسْ ن أَخِيلُوذْ، ثُوغَا-ث ذ أَمَارِيرْ أَمزْوَارُو. ^▫  

‏4 بَانَايَا، مِّيسْ ن يَاهُويَاذَاعْ، ثُوغَا-ث خْ ڒْعسْكَارْ.

صَاذُوقْ ذ أَبْيَاثَارْ ثُوغَا أَثنْ ذ إِكهَّاننْ.

‏5 عَازَارْيَا، مِّيسْ ن نَاثَانْ، ثُوغَا-ث خْ ڒْوُولَاثْ.

زَاپُوذْ، مِّيسْ ن نَاثَانْ، ثُوغَا-ث ذ أَوْكِيڒْ ذ أَمدُّوكّڒْ ن ؤُجدْجِيذْ.

‏6 أَخِيشَارْ ثُوغَا-ث خْ ثْزذِّيغْثْ ن ؤُجدْجِيذْ.

أَذُونِيرَامْ، مِّيسْ ن أَبْذَا ثُوغَا-ث خْ لْجِيزْيَا. ^▪  

‏7 سُولِيمَانْ غَارسْ ثنْعَاشْ ن ڒْوُولَاثْ خْ مَارَّا إِسْرَائِيل، إِنِّي إِبدّنْ خْ ڒعْوتْشْ ن ؤُجدْجِيذْ ذ ثَادَّارْثْ نّسْ. أَذْ إِكْسِي كُوڒْ إِجّْ إِجّْ ن ؤُيُورْ ذڭْ ؤُسڭّْوَاسْ. ‏8 إِنَا ذ إِسْمَاونْ نْسنْ:

مِّيسْ ن حُورْ خْ إِذُورَارْ ن إِفْرَايِيمْ.

‏9 مِّيسْ ن ذَاقَارْ ذِي مَاقَاسْ ؤُ ذِي شَاعَالُوبِّيمْ ؤُ بَايْثْ-شَامْسْ ذ إِلُونْ-بَايْثْ-حَانَانْ.

‏10 مِّيسْ ن حَاسَاذْ ذِي أَرُوپُوثْ. نتَّا ثُوغَا غَارسْ سُوكُو ذ مَارَّا ثَامُّورْثْ ن حَافِيرْ.

‏11 مِّيسْ ن أَبِينَاذَابْ غَارسْ مَارَّا ثِيوْرِيرِينْ ن ذُورْ. ثَافَاثْ، يدْجِيسْ ن سُولِيمَانْ، ثُوغَا-ت غَارسْ ذ ثَامْغَارْثْ.

‏12 بَاعْنَا، مِّيسْ ن أَخِيلُوذْ، غَارسْ ثَاعْنَاكْ، مَاجِيدُّو ذ مَارَّا بَايْثْ-شَانْ إِ إِدْجَانْ غَارْ صُورْثَانْ، سْوَادَّايْ ن يَازْرَاعِيلْ، زِي بَايْثْ-شَانْ غَارسْ أَڒْ أَبَالْ-مَاحُولَا، غَارسْ أَڒْ ؤُغزْذِيسْ نّغْنِي ن يُوقْمَاعَامْ.

‏13 مِّيسْ ن جَابَارْ ثُوغَا ذِي رَامُوثْ-جِيلْعَاذْ. نتَّا غَارسْ ذْشُورَاثْ ن يَا‘إِرْ، مِّيسْ ن مَانَاسَّا، ثِينِّي إِدْجَانْ ذِي جِيلْعَاذْ. ثُوغَا غَارسْ ؤُڒَا ذ جِّيهثْ ن أَرْجُوبْ، ثنِّي ذِي بَاشَانْ، ستِّينْ ن ثِيندَّامْ مْغَارنْثْ س ڒْحِيضْ ؤُ س زّكْرُونْ ن نّْحَاسْ.

‏14 أَخِينَاذَابْ، مِّيسْ ن عِيدُّو، غَارسْ مَاحَانَايِيمْ.

‏15 أَخِيمَاعَازْ ثُوغَا-ث ذِي نَافْثَالِي. نتَّا يِيوِي ؤُڒَا بَاسِيمَاثْ، يدْجِيسْ ن سُولِيمَانْ، ذ ثَامْغَارْثْ نّسْ.

‏16 بَاعْنَا، مِّيسْ ن هُوشَا إِ، ثُوغَا-ث ذِي أَشِيرْ ؤُ ذِي بَاعَالُوثْ.

‏17 يَاهُوشَافَاطْ، مِّيسْ ن فَارُوحْ، ثُوغَا-ث ذِي إِسَّاكَارْ.

‏18 شِيمْعِي، مِّيسْ ن إِيْلَا، ثُوغَا-ث ذِي بِينْيَامِينْ.

‏19 جَابَارْ، مِّيسْ ن ؤُرِي، ثُوغَا-ث ذِي ثمُّورْثْ ن جِيلْعَاذْ، ثَامُّورْثْ ن سِيحُونْ، أَجدْجِيذْ ن إِمُورِييّنْ، ؤُ ن عُوجْ، أَجدْجِيذْ ن بَاشَانْ. نتَّا ثُوغَا ذ أَينِّي ن لْوَالِي ذِي ثمُّورْثْ نِّي.

‏20 ثُوغَا ڒْڭنْسْ ن يَاهُوذَا ذ إِسْرَائِيل س وَاطَّاسْ أَمْ إِجْذِي غَارْ ثْمَا ن ڒبْحَارْ، أَمُّو أَطَّاسْ. نِيثْنِي شِّينْ، سْوِينْ ؤُ فَارْحنْ.