‏1 ؤُشَا إِكْسِي إِبْرَاهِيمْ ثَامْغَارْثْ نّغْنِي، قَّارنْ أَسْ قَاثُورَا. ^▫   ‏2 نتَّا ثُورُووْ أَسْ-د زِيمْرَانْ، يَاقْشَانْ، مِيذْيَانْ، يِيشْبَاقْ ذ شُوحَا. ^▪   ‏3 يُوقْشَانْ إِجَّا-د شَابَا ذ ذَاذَانْ. ؤُشَا أَرَّاونْ ن ذَاذَانْ ثُوغَا أَثنْ ذ إِشُّورِييّنْ ذ إِلِيثُوشِييّنْ ذ إِلِييُومِييّنْ. ‏4 إِحنْجِيرنْ ن مِيذْيَانْ ثُوغَا أَثنْ ذ عِييْفَا، عِيفَارْ، حَانُوخْ، أَبِيذَاعْ ذ أَلْذَاعَا. مَارَّا إِنَا ثُوغَا أَثنْ ذ إِحنْجِيرنْ ن قَاطُورَا. ‏5 إِبْرَاهِيمْ إِوْشَا مَارَّا مِينْ غَارسْ إِ إِسْحَاقْ. ^▪   ‏6 مَاشَا إِ إِحنْجِيرنْ ن ثِييَّا إِ ثُوغَا غَارْ إِبْرَاهِيمْ، إِوْشَا أَسنْ إِبْرَاهِيمْ أَرِّيغَالُوثْ ؤُشَا، أَمْ ث ثُوغَا عَاذْ إِدَّارْ، إِسّكّْ إِ-ثنْ سّنِّي غَارْ شَّارْقْ، غَارْ ثمُّورْثْ ن شَّارْقْ، إِسِّيڭّْوجْ إِ-ثنْ خْ إِسْحَاقْ مِّيسْ. ‏7 إِبْرَاهِيمْ ثُوغَا إِدَّارْ مْيَا ؤُ-خمْسَا ؤُ-سبْعِينْ ن إِسڭّْوُوسَا، وَا ذ ڒْمِيجَاڒْ ن ثُوذَارْثْ نّسْ. ‏8 إِضْڒقْ إِبْرَاهِيمْ إِ بُوحْبڒْ نّسْ ؤُشَا إِمُّوثْ ذِي شِّيبْ إِسڭّذْ، ثوْسَارْ ذِي ثْيَاوَانْثْ. ؤُشَا إِتّْوَاسّْمُونْ ذڭْ ونْضڒْ أَكْ-ذ ڒجْذُوذْ نّسْ. ^▪   ‏9 إِسْحَاقْ ذ إِسْمَاعِيلْ، إِحنْجِيرنْ نّسْ، نضْڒنْ ث ذڭْ إِفْرِي ن مَاكْفِيلَا ذڭْ إِيَّارْ ن عِيفْرُونْ، مِّيسْ ن صُوحَارْ، أَحِيتِّي، إِيَّارْ إِ إِدْجَانْ قِيبَاتْشْ إِ مَامْرِي.

‏10 إِتّْوَانْضڒْ إِبْرَاهِيمْ ذ ثمْغَارْثْ نّسْ سَارَا ذڭْ إِيَّارْ نِّي إِسْغَا إِبْرَاهِيمْ زڭْ إِحنْجِيرنْ ن حِيثْ.

‏11 ؤُشَا إِمْسَارْ، أَوَارْنِي إِ ڒْموْثْ ن إِبْرَاهِيمْ، أَربِّي إِبَاركْ مِّيسْ إِسْحَاقْ. ؤُشَا إِزْذغْ إِسْحَاقْ زَّاثْ إِ وَانُو ن ’لَاحَايْ-رُوئِي‘. ^▫  

‏12 إِنَا ذ إِمزْرُوينْ ن يِينِّي د-إِتّْوَاخڒْقنْ زِي إِسْمَاعِيلْ، مِّيسْ ن إِبْرَاهِيمْ، إِنِّي د-ثجَّا هَاجَارْ، ثَايَّا ن سَارَا زِي مِيصْرَا، إِ إِبْرَاهِيمْ.

‏13 ذ يِينَا ذ إِسْمَاونْ ن إِحنْجِيرنْ ن إِسْمَاعِيلْ، س إِسْمَاونْ نْسنْ عْلَاحْسَابْ أَخْڒَاقْ نْسنْ. أَمنْزُو ن إِسْمَاعِيلْ ثُوغَا-ث ذ نَابَايُوثْ، خنِّي قِيذَارْ، أَذْبِييِيلْ، مِيبْسَامْ، ^▪  

‏14 مِيسْمَا، ذُومَا، مَاسَّا،

‏15 حَاذَاذْ، ثَايْمَا، يَاطُورْ، نَافِيشْ ذ قِيذْمَا.

‏16 ذ يِينَا ذ إِحنْجِيرنْ ن إِسْمَاعِيلْ س إِسْمَاونْ نْسنْ، س ثْندَّامْ نْسنْ إِفَارْينْ ذ ثْقسْفِينْ نْسنْ: ثنْعَاشْ ن أَرُّويَاسْ س ثْقبَّاڒْ نْسنْ.

‏17 ثُوغَا إِدَّارْ إِسْمَاعِيلْ مْيَا ؤُ-سبْعَا ؤُ-ثْڒَاثِينْ ن إِسڭّْوُوسَا. خنِّي إِضْڒقْ إِسْمَاعِيلْ إِ بُوحْبڒْ نّسْ، إِمُّوثْ ؤُشَا إِتّْوَاسْمُونْ أَكْ-ذ ڒجْذُوذْ نّسْ.

‏18 نِيثْنِي زذْغنْ زِي حَاوِيلَا غَارْ شُورْ، ونِّي إِدْجَانْ أَرنْذَاذْ ن مِيصْرَا، أَمْ ثطّْفذْ أَبْرِيذْ غَارْ أَشُّورْ. نتَّا إِزْذغْ أَرنْذَاذْ ن مَارَّا أَيْثْمَاسْ.

‏19 إِنَا ذ إِمزْرُوينْ ن يِينِّي د-إِتّْوَاخڒْقنْ زِي إِسْحَاقْ، مِّيسْ ن إِبْرَاهِيمْ. إِبْرَاهِيمْ إِجَّا-د إِسْحَاقْ. ‏20 ثُوغَا غَارْ إِسْحَاقْ أَربْعِينْ ن إِسڭّْوُوسَا ؤُمِي يِيوِي رِيفْقَا ذ ثَامْغَارْثْ. نتَّاثْ ذ يدْجِيسْ ن بِيثُووِيلْ، أَرَامِييُو زِي فَادَّانْ-أَرَامْ، ؤُتْشْمَاسْ ن لَابَانْ، أَرَامِييُو. ‏21 إِحشّمْ إِسْحَاقْ سِيذِي ذِي طّْوعْ ن ثمْغَارْثْ نّسْ، ثنِّي ثُوغَا وَارْ إِتِّيرْونْ شَا، ؤُشَا إِسْثَاجبْ أَسْ سِيذِي س ثْژَادْجِيثْ نّسْ يُودْجْغنْ، أَڒَامِي ثكْسِي ثمْغَارْثْ نّسْ، رِيفْقَا، دّيْسثْ. ^▪   ‏22 ؤُشَا مّْذهْسنْ إِحنْجِيرنْ ذڭْ ؤُعذِّيسْ نّسْ. خنِّي ثنَّا: ”مَانَاوْيَا عَاوذْ، مَايمِّي ذ أَيِي إِتّمْسَارْ مَانَاوْيَا؟“، ؤُشَا ثْرُوحْ أَذْ ثسّقْسَا سِيذِي. ‏23 إِنَّا أَسْ سِيذِي: ”أَقَا ذِينْ ثْنَاينْ ن ڒڭْنُوسْ ذِي دّيْسثْ نّمْ ؤُ ثْنَاينْ ن شُّوعُوبْ أَذْ مّْسبْضَانْ زِي ذْوَاخڒْ نّمْ. إِجّْ ن شَّاعْبْ أَذْ يِيڒِي إِجْهذْ خْ شَّاعْبْ نّغْنِي ؤُ ونِّي ذ أَمنْزُو أَذْ إِخْذمْ خْ ؤُأَمَاژُوژْ.“ ^▪   ‏24 أَڒَامِي د-إِوْضنْ وُوسَّانْ نّسْ أَذْ ثَارُو، خْزَارْ، أَقَا ذَا ذڭْ ؤُعذِّيسْ نّسْ أَشْنِيونْ. ‏25 إِفّغْ-د ؤُمزْوَارْ. ثُوغَا-ث ذ أَزڭّْوَاغْ، إِشعَّارْ قَاعْ أَمشْنَاوْ إِشْثْ ن ثْهِيضُورْثْ. س ؤُينِّي ڭِّينْ أَسْ عِيسُو. ^▫   ‏26 أَوَارْنِي أَسْ إِفّغْ-د ؤُمَاسْ. إِطّفْ أَفُوسْ نّسْ ذڭْ ؤُنِيرْزْ ن عِيسُو. س ؤُيَا ث سمَّانْ يَاعْقُوبْ. ثُوغَا غَارْ إِسْحَاقْ ستِّينْ ن إِسڭّْوُوسَا غَارْ وخْڒَاقْ نْسنْ. ^▪  

‏27 ڒَامِي ڭْمَانْ إِحنْجِيرنْ، إِذْوڒْ عِيسُو ذ إِجّْ ن ورْيَازْ إِسّنْ أَنيْمَارْ، إِجّْ ن ورْيَازْ ن بَارَّا، مَاشَا يَاعْقُوبْ إِذْوڒْ ذ إِجّْ ن ورْيَازْ يَارْسَا، ونِّي إِزدّْغنْ ذڭْ إِقِيضَانْ. ^▫   ‏28 إِسْحَاقْ ثُوغَا إِتّخْسْ عِيسُو، مِينْزِي إِعْجبْ أَسْ أَذْ يشّْ أَيْسُومْ ن ڒْمَاڒْ ن ڒخْڒَا، ؤُ رِيفْقَا ثُوغَا ثتّخْسْ يَاعْقُوبْ. ‏29 ؤُشَا إِسّڭْوْ يَاعْقُوبْ إِجّْ ن مَاشَّا ؤُشَا خنِّي إِعْقبْ-د عِيسُو زِي ڒخْڒَا، ثُوغَا يُوحڒْ. ‏30 إِنَّا عِيسُو إِ يَاعْقُوبْ: ”تّْزَاوْڭغْ شكْ أَذْ أَيِي ثوْشذْ أَذْ شّغْ زڭْ ؤُزڭّْوَاغْ، أَزڭّْوَاغْ نِّي ذِيهَا، مَاغَارْ أَقَا فْنِيغْ س ؤُفَاذِي.“ س ؤُيَا قَّارنْ أَسْ ’إِذُومْ‘. ^▫   ‏31 ڒخْذنِّي إِنَّا يَاعْقُوبْ: ”زنْزْ أَيِي أَسّْ-أَ ڒْحقّْ نّكْ ن ؤُمنْزُو.“ ‏32 إِنَّا عِيسُو: ”خْزَارْ، أَقَا نشّْ ڭُّورْ أَذْ مّثغْ، مِينْ غَا ڭّغْ س ڒْحقّْ ن ؤُمنْزُو؟“ ^▪   ‏33 خنِّي إِنَّا يَاعْقُوبْ: ”جَادْجْ أَيِي ڒخُّو!“ ؤُشَا إِجِّيدْجْ أَسْ، إِزّنْزْ إِ يَاعْقُوبْ ڒْحقّْ ن ؤُمنْزُو نّسْ. ‏34 خَاسْ ؤُشَا إِوْشَا يَاعْقُوبْ إِ عِيسُو أَغْرُومْ ذ ؤُمشْڒِي ن ڒعْذسْ، ؤُ عِيسُو إِشَّا، إِسْوَا، إِكَّارْ، إِرُوحْ. أَمُّو إِسّحْقَارْ عِيسُو ڒْحقّْ ن ؤُمنْزُو نّسْ.