1 Izři n ugeɛɛed.

Inni ittecřen x SIDI,

aqa aten am wedrar n Ṣihyun,

wenni war ittenhezzin,

maca ittɣima i řebda.   

2 Am mammec idurar

quwwaren i Urcalim,

ammu iquwwar SIDI i řgens nnes,

zi řexxu ař řebda.

3 Maɣar azeǧaḍ n řɣar

war ittɣimi ittareyyeḥ

x temmurt n imseggaden,

ḥima imseggaden

war sswiẓẓiḍen ifassen nsen ɣar řɣar.

4 Iři ad yegg SIDI tacuni

deg iṣebḥanen,

deg inni iseggden s wuř, ^□  

5 maca inni i ɣa iḥeyyden zeg webrid

ɣar ibriden ifarɣen,

ad ten issiggʷej SIDI jmiɛ

ak-d yinni itteggen řɣecc.

Ad din yiři řehna x Israil.