1 Izři n ugeɛɛed.

Necc ssgeɛɛdeɣ tiṭṭawin inu ɣar idurar,

manis dd ɣa tas twiza inu?

2 Twiza inu zi SIDI,

wenni iggin ijenwan d temmurt.

3 Netta war ittejji aḍar nnec ad ifarɣ,

wenni cek iḥeṭṭan war ittnudum.

4 Xzar, wenni iḥeṭṭan Israil

war ittnudum u war itteṭṭeṣ.

5 SIDI d ameḥḍay nnec,

SIDI d tiři nnec ɣar ufus afusi nnec.

6 Deg wass tafuct war cek teccit ca,

uřa d taziri s ǧiřet.

7 SIDI ad cek iḥḍa zi marra řɣar,

Netta ad iḥḍa řeɛmar nnec. ^□  

8 SIDI ad iḥḍa uffuɣ nnec d wadaf nnec,

zi řexxu ař i řebda.