‏1 إِزْڒِي ن ؤُڭعّذْ.

زِي ڒَادْجَاغْ ڒَاغِيغْ-د خَاكْ، أَ سِيذِي!

‏2 أَ سِيذِي إِنُو، سڒْ إِ ثْمِيجَّا إِنُو،

أجّْ إِمزُّوغنْ نّشْ أَذْ فثْننْ

خْ ثْمِيجَّا ن ثُوثْرَا إِنُو!

‏3 أَ سِيذِي، مَاڒَا ثحْضِيضْ

ڒْْمُوعْصِييَّاثْ مْلِيحْ،

أَ سِيذِي إِنُو، مَانْ ونْ إِزمَّارنْ

أَذْ إِقِّيمْ إِبدّْ. ^▪  

‏4 مَاشَا غَاركْ أَسَامحْ،

مَاحنْذْ أَذْ زَّايكْ ڭّْوذنْ. ^▪  

‏5 نشّْ سِيثِيمغْ ذِي سِيذِي،

ڒعْمَارْ إِنُو إِشُّورْ س ؤُسِيثمْ،

تّْرَاجِيغْ أَوَاڒْ نّسْ، ^▪  

‏6 ڒعْمَارْ إِنُو إِتّْرَاجَا سِيذِي إِنُو،

أَطَّاسْ زڭْ إِعسَّاسنْ تّْرَاجَانْ

غَارْ ؤُثفُّو. ^▪  

‏7 أجّْ إِسْرَائِيل أَذْ إِرَاجَا سِيذِي،

مَاغَارْ ثَامخْسِيوْثْ إِشوَّارنْ

أَقَا-ت غَارْ سِيذِي،

غَارسْ أَفكِّي إِشطّْ.

‏8 نتَّا أَذْ إِسّنْجمْ إِسْرَائِيل

زِي مَارَّا ڒْمُوعْصِييَّاثْ نّسْ.