1 ⵓⵛⴰ ⵏⴻⵜⵜⴰ ⵉⵙⵙⵛⴻⵏ ⴰⵢⵉ ⵉⵊⵊ ⵏ ⵢⴻⵖⵥⴰⵔ ⵉⵥⴷⵉⴳ ⵏ ⵡⴰⵎⴰⵏ ⵉⴷⴷⴰⵔⴻⵏ, ⴷ ⴰⵎⴻⵥⴷⴰⴳ, ⵉⵚⴼⴰ ⴰⵎ ⵓⴽⵔⵉⵙⵜⴰⵍ, ⵉ ⴷⴷ-ⵉⵜⵜⴻⴼⴼⵖⴻⵏ ⵥⵉ ⵍⵄⴰⵔⵛ ⵏ ⴰⵔⴻⴱⴱⵉ ⵓ ⵏ ⵢⴻⵥⵎⴰⵔ. ^■   2 ⴷⵉ ⵍⵡⴻⵙⵜ ⵏ ⵡⴰⵥⵥⴰⵢ, ⵅ ⵜⵏⴰⵢⴻⵏ ⵏ ⵜⵎⵓⵡⵡⴰ ⵏ ⵢⴻⵖⵥⴰⵔ, ⵜⵓⵖⴰ ⵜⴰⵛⴻⵊⵊⴰⵔⵜ ⵏ ⵜⵓⴷⴰⵔⵜ ⵜⴻⵏⵏⵉ ⵜⴻⵙⵙⴻⵏⴹⴰⵢ ⵍⵖⵉⴵⴻⵜ ⵜⴻⵏⵄⴰⵛ ⵏ ⵜⵡⴰⵍⴰⵡⵉⵏ. ⴷⵉ ⵎⴽⵓⵍ ⴰⵢⵓⵔ ⵉⵡⵛⴰ ⵍⵖⵉⴵⴻⵜ ⵏⵏⴻⵙ ⴷ ⵜⵉⴼⵔⴰⵢ ⵏⵏⴻⵙ ⵉ ⵓⵙⴳⴻⵏⴼⵓ ⵏ ⵍⴻⴳⵏⵓⵙ. ^■   3 ⵡⴰⵔ ⴷⴰⵢⴻⵙ ⵜᵉⵜⵜⵉⵍⵉ ⵄⴰⴷ ⵏⵏⴻⵄⵍⴻⵜ. ⴰⴷ ⴷⴰⵢⴻⵙ ⵢⵉⵍⵉ ⵍⵄⴰⵔⵛ ⵏ ⴰⵔⴻⴱⴱⵉ ⵓ ⵏ ⵢⴻⵥⵎⴰⵔ ⵓⵛⴰ ⵉⵎⵙⴻⵅⵅⴰⵔⴻⵏ ⵏⵏⴻⵙ ⴰⴷ ⵅⴰⵙ ⵙⴻⵅⵅⴰⵔⴻⵏ. 4 ⵏⵉⵜⵏⵉ ⴰⴷ ⵥⴰⵔⴻⵏ ⵓⴷⴻⵎ ⵏⵏⴻⵙ, ⵉⵙⴻⵎ ⵏⵏⴻⵙ ⴰⴷ ⵢⵉⵍⵉ ⵅ ⵜⴻⵏⵢⴰⵔⵉⵏ ⵏⵙⴻⵏ. ^■   5 ⵡⴰⵔ ⴷⵉⵏ ⵜᵉⵜⵜⵉⵍⵉ ⵄⴰⴷ ⴵⵉⵍⴻⵜ ⵓⵛⴰ ⵏⵉⵜⵏⵉ ⵡⴰⵔ ⵜⵜⴻⵃⴷⵉⵊⴻⵏ ⵄⴰⴷ ⵟⵟⵢⴰ ⵏ ⵍⴻⴼⵏⴰⵔⴰⵜ ⵏⵉⵖ ⵏ ⵜⴼⴰⵡⵉⵏ ⵏⵉⵖ ⵏ ⵜⴼⴰⵡⵜ ⵏ ⵜⴼⵓⵛⵜ, ⵎⵉⵏⵥⵉ ⵙⵉⴷⵉ ⴰⵔⴻⴱⴱⵉ ⴰⴷ ⴰⵙⴻⵏ ⵉⴳⴳ ⵜⴰⴼⴰⵡⵜ ⵓⵛⴰ ⴰⴷ ⵢⵉⵍⵉ ⴷ ⴰⵊⴻⴵⵉⴷ ⵏⵙⴻⵏ ⵉ ⵍⴻⴱⴷⴰ ⵇⴰⵄ. ^■  

6 ⵅⴰⵙ ⵓⵛⴰ ⵉⵏⵏⴰ ⴰⵢⵉ:

“ⴰⵡⴰⵍⴻⵏ-ⴰ ⴷⴰⵢⵙⴻⵏ ⵍⴰⵎⴰⵏ ⴷ ⵜⵉⴷⴻⵜⵜ,

ⵓⵛⴰ ⵙⵉⴷⵉ, ⴰⵔⴻⴱⴱⵉ ⵏ ⴰⵔⵔⵓⵃ ⵏ ⵉⵏⴰⴱⵉⵢⵢⴻⵏ ⵉⵇⴻⴷⴷⵙⴻⵏ,

ⴰⵇⴰ ⵉⵙⵙⴻⴽⴽ ⵍⵎⴰⵍⴰⴽ ⵏⵏⴻⵙ

ⵃⵉⵎⴰ ⴰⴷ ⵉⵙⵙⵛⴻⵏ ⵉ ⵉⵎⵙⴻⵅⵅⴰⵔⴻⵏ ⵏⵏⴻⵙ

ⵎⵉⵏ ⵉ ⵖⴰ ⵢⵉⵍⵉⵏ ⴷⴻⵖⵢⴰ.” ^■  

7 “ⵅⵥⴰⵔ ⵏⴻⵛⵛ ⴰⴷ ⴷⴷ-ⴰⵙⴻⵖ ⴷⴻⵖⵢⴰ.

ⵙⵙⴻⵄⴷ ⵏ ⵡⴻⵏⵏⵉ ⵉⵜⵜⴻⵟⵟⴼⴻⵏ

ⴷⴻⴳ ⵡⴰⵡⴰⵍⴻⵏ ⵏ ⵏⵏⵓⴱⵓⵡⴰⵜ ⵏ ⵡⴻⴷⵍⵉⵙ-ⴰ.” ^■  

8 ⵏⴻⵛⵛ, ⵢⵓⵃⴰⵏⵏⴰ, ⴰⵇⴰ ⵥⵔⵉⵖ ⵓ ⵙⵍⵉⵖ ⵜⵉⵎⴻⵙⵍⴰⵢⵉⵏ-ⴰ. ⵓⵛⴰ ⵍⴰⵎⵉ ⵜⴻⵏⵜ ⵥⵔⵉⵖ ⵓ ⵙⵍⵉⵖ, ⵡⴹⵉⵖ ⵖⴰⵔ ⵉⴹⴰⵔⴻⵏ ⵏ ⵍⵎⴰⵍⴰⴽ ⵡⴻⵏⵏⵉ ⴷ ⴰⵢⵉ ⵉⵙⵙⴻⵛⵏⴻⵏ ⵜⵉⵎⴻⵙⵍⴰⵢⵉⵏ-ⴰ, ⵃⵉⵎⴰ ⴰⴷ ⴰⵙ ⵄⴻⴱⴷⴻⵖ. 9 ⵎⴰⵛⴰ ⵏⴻⵜⵜⴰ ⵉⵏⵏⴰ ⴰⵢⵉ:

“ⵃⴹⴰ, ⵡⴰⵔ ⵜⵜⴻⴳⴳ ⵎⴰⵏ ⴰⵢⴰ,

ⵎⴰⵖⴰⵔ ⵏⴻⵛⵛ ⴷ ⴰⵎⵙⴻⵅⵅⴰⵔ ⴷⵉ ⵟⵟⵡⴻⵄ ⵏⵏⴻⴽ

ⵓ ⴷⵉ ⵟⵟⵡⴻⵄ ⵏ ⴰⵢⵜⵎⴰⵛ, ⵉⵏⴰⴱⵉⵢⵢⴻⵏ,

ⵓⵍⴰ ⴷⵉ ⵟⵟⵡⴻⵄ ⵏ ⵢⵉⵏⵏⵉ ⵉⵜⵜⴻⵟⵟⴼⴻⵏ ⴷⴻⴳ ⵡⴰⵡⴰⵍⴻⵏ ⵏ ⵡⴻⴷⵍⵉⵙ-ⴰ.

ⵄⴻⴱⴷⴻⵜ ⴰⵔⴻⴱⴱⵉ!” ^■  

10 ⵅⴰⵙ ⵓⵛⴰ ⵉⵏⵏⴰ ⴰⵢⵉ:

“ⵡⴰⵔ ⵜⵜⴻⴳⴳ ⴰⵛⴻⵎⵎⵉⵄ ⵅ ⵡⴰⵡⴰⵍⴻⵏ ⵉ ⵉⵜⵜⵡⴰⵏⴰⴱⴱⴻⵏ ⴷⴻⴳ ⵡⴻⴷⵍⵉⵙ-ⴰ,

ⵎⵉⵏⵥⵉ ⵍⵡⴻⵇⵜ ⴰⵇⴰ ⵜⵉⵡⴻⴹ-ⴷ. ^■  

11 ⵡⴻⵏⵏⵉ ⵉⵜⵜⴻⴳⴳⴻⵏ ⵎⵉⵏ ⵡⴰⵔ ⵉⵙⴻⴳⴳⴷⴻⵏ,

ⴰⴷ ⵉⴳⴳ ⵎⵉⵏ ⵡⴰⵔ ⵉⵙⴻⴳⴳⴷⴻⵏ ⴽⵜⴰⵔ,

ⴰⵎⴻⵏⴳⵓⵙ ⴰⴷ ⵉⴷⵡⴻⵍ ⴷ ⴰⵎⴻⵏⴳⵓⵙ ⴽⵜⴰⵔ,

ⴰⵎⵙⴻⴳⴳⴰⴷ ⴰⴷ ⵉⴳⴳ ⵜⴰⵙⴻⴳⴷⴰ ⴽⵜⴰⵔ,

ⵓⵛⴰ ⴰⵎⵇⴻⴷⴷⴰⵙ ⴰⴷ ⵉⴷⵡⴻⵍ ⴷ ⴰⵎⵇⴻⴷⴷⴰⵙ ⴽⵜⴰⵔ.

12 “ⵅⵥⴰⵔ ⵏⴻⵛⵛ ⴰⴷ ⴷⴷ-ⴰⵙⴻⵖ ⴷⴻⵖⵢⴰ ⵓⵛⴰ ⵍⵎⵓⵏⴻⵜ ⵉⵏⵓ ⴰⴽⵉⴷⵉ,

ⵃⵉⵎⴰ ⴰⴷ ⵅⴻⴵⵚⴻⵖ ⴽⵓⵍ ⵉⵊⵊⴻⵏ ⴰⵏⴻⵛⵜ ⵏ ⵍⵅⴻⴷⵎⴻⵜ ⵏⵏⴻⵙ. ^■  

13 ⵏⴻⵛⵛ ⴷ ⴰⵍⵉⴼ ⴷ ⵜⴰⵡ,

ⴷ ⴰⵎⴻⵥⵡⴰⵔⵓ ⴷ ⴰⵏⴻⴳⴳⴰⵔⵓ,

ⴷ ⴱⴻⴷⴷⵓ ⴷ ⴰⴽⴻⵎⵎⴻⵍ.” ^■  

14 “ⵙⵙⴻⵄⴷ ⵏⵙⴻⵏ ⵉ ⵢⵉⵏⵏⵉ ⵉⵜⵜⴻⴳⴳⴻⵏ ⵜⵉⵡⴻⵚⵚⴰ ⵏⵏⴻⵙ.

ⴰⴷ ⵖⴰⵔⵙⴻⵏ ⵜⵉⵍⵉ ⵚⵚⵓⵍⵟⴰ ⵅ ⵜⵛⴻⵊⵊⴰⵔⵜ ⵏ ⵜⵓⴷⴰⵔⵜ

ⵓⵛⴰ ⴰⴷ ⴷⴷ-ⴰⴷⴼⴻⵏ ⵖⴰⵔ ⵜⴻⵏⴷⵉⵏⵜ ⵥⵉ ⵜⴻⵡⵡⵓⵔⴰ ⵏⵏⴻⵙ.

15 ⴱⴰⵔⵔⴰ ⵉⴵⴰⵏ ⵉⵏⵏⵉ ⵉⵜⵜⴻⴳⴳⴻⵏ ⴼⴼⴰⵔⵇ-ⵛⵖⴻⵍ ⴷ ⵢⴻⵏⵏⵉ ⵉⵏⴻⵇⵇⴻⵏ

ⴷ ⵢⴻⵏⵏⵉ ⵉⵄⴻⴱⴱⴷⴻⵏ ⵍ’ⴰⵚⵏⴰⵎ ⴷ ⵢⴻⵏⵏⵉ ⴷⴰⵢⵙⴻⵏ ⵍⴻⵅⵎⴻⵊ

ⴷ ⵢⴻⵏⵏⵉ ⵉⵜⵜⵙⴻⵃⵃⴰⵔⴻⵏ ⴷ ⵉⵎⵡⴰⵍⴰⵡⴻⵏ ⴷ ⴰⵢⵜ ⵏ ⴱⵓ-ⵉⵅⴰⵔⵔⵉⵇⴻⵏ.” ^■  

16 “ⵏⴻⵛⵛ, ⵢⴻⵛⵛⵓ, ⴰⵇⴰ ⵙⵙⴻⴽⴽⴻⵖ ⵍⵎⴰⵍⴰⴽ ⵉⵏⵓ

ⵎⴰⵃⴻⵏⴷ ⴰⴷ ⵅⴰⵡⴻⵎ ⵉⵛⵀⴻⴷ ⵎⴰⵏ ⴰⵢⴰ

ⵥⵥⴰⵜ ⵉ ⵜⵎⴻⵙⵎⵓⵏⵉⵏ.

ⴰⵇⴰ ⴷ ⵏⴻⵛⵛ, ⴰⵥⵡⴰⵔ ⴷ ⵣⵥⴰⵔⵉⵄⴻⵜ ⵏ ⴷⴰⵡⵓⴷ,

ⴷ ⴰⵎⵄⴰⵛⴰⵔ ⵏⵏⴻⵙ, ⴷ ⵉⵜⵔⵉ ⵏ ⵍⴻⴼⵊⴰⵔ ⵢⴰⵔⴻⵇⵇⴻⵏ.” ^■  

17 ⴰⵔⵔⵓⵃ ⴷ ⵜⴻⵙⵍⵉⵜ ⵇⵇⴰⵔⴻⵏ:

“ⴰⵙ-ⴷⴷ!”

ⴷ ⵡⴻⵏⵏⵉ ⵜⵜ ⵉⵙⵍⵉⵏ, ⵉⵇⵇⴰⵔ:

“ⴰⵙ-ⴷⴷ!”

“ⴷ ⵡⴻⵏⵏⵉ ⵉⴼⵓⴷⴻⵏ, ⴻⵊⵊ ⵉ-ⵜ ⴰⴷ ⴷⴷ-ⵢⴰⵙ,

ⵓⵛⴰ ⴰⴷ ⵉⵙⵓ ⴰⵎⴰⵏ ⵉⴷⴷⴰⵔⴻⵏ ⴱⴰⵟⴻⵍ.” ^■  

18 “ⵏⴻⵛⵛ ⵛⴻⵀⵀⴷⴻⵖ ⵉ ⵎⴰⵔⵔⴰ ⵉⵏⵏⵉ ⵉⵜⵜⴻⵙⵍⴰⵏ

ⵉ ⵡⴰⵡⴰⵍⴻⵏ ⵏ ⵏⵏⵓⴱⵓⵡⴰⵜ ⵏ ⵡⴻⴷⵍⵉⵙ-ⴰ:

ⵎⴰⵍⴰ ⴷⵉⵏ ⵃⴻⴷ ⵡⴻⵏⵏⵉ ⵅⴰⵙⴻⵏ ⵉ ⵖⴰ ⵢⴰⵔⵏⵉⵏ,

ⴰⵔⴻⴱⴱⵉ ⴰⴷ ⵅⴰⵙ ⵢⴰⵔⵏⵉ ⵊⵊⵔⴰⵢⴻⵃ,

ⵜⵉⵏⵏⵉ ⵉⵜⵜⵡⴰⵔⵉⵏ ⴷⴻⴳ ⵡⴻⴷⵍⵉⵙ-ⴰ.

19 ⵎⴰⵍⴰ ⵛⴰ ⵏ ⵉⵊⵊⴻⵏ ⵉⴽⴽⴻⵙ

ⵥⴻⴳ ⵡⴰⵡⴰⵍⴻⵏ ⵏ ⵡⴻⴷⵍⵉⵙ ⵏ ⵏⵏⵓⴱⵓⵡⴰⵜ-ⴰ,

ⴰⴷ ⴰⵙ ⵉⴽⴽⴻⵙ ⴰⵔⴻⴱⴱⵉ ⵜⴰⵙⵖⴰⵔⵜ ⵏⵏⴻⵙ

ⵥⵉ ⵜⵛⴻⵊⵊⴰⵔⵜ ⵏ ⵜⵓⴷⴰⵔⵜ ⵓ ⵥⵉ ⵜⴻⵏⴷⵉⵏⵜ ⵉⵇⴻⴷⴷⵙⴻⵏ,

ⵜⵉⵏⵏⵉ ⵢⵓⵔⴰⵏ ⴷⴻⴳ ⵡⴻⴷⵍⵉⵙ-ⴰ.” ^■  

20 ⵅⵎⵉ ⵏⴻⵜⵜⴰ ⵉⵛⵀⴻⴷ ⵅ ⵎⴰⵏ ⴰⵢⴰ, ⵉⵏⵏⴰ:

“ⵡⴰⵀ, ⵏⴻⵛⵛ ⴰⴷ ⴷⴷ-ⴰⵙⴻⵖ ⴷⴻⵖⵢⴰ!”

“ⴰⵙ-ⴷⴷ, ⴰ ⵙⵉⴷⵉ ⵢⴻⵛⵛⵓ!”

21 ⴰⵔⴹⴰ ⵏ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ ⴰⵇⴰ-ⵜ ⴰⴽ-ⴷ ⵎⴰⵔⵔⴰ ⵉⵎⵇⴻⴷⴷⴰⵙⴻⵏ ⵏⵏⴻⵙ. ⴰⵎⵉⵏ!

ⴰⵏⴻⴳⴳⴰⵔ ⵏ ⵍⵄⴰⵀⴷ ⵏ ⵊⴷⵉⴷ.

ⴰⵄⵓⴵⵉ ⵉ ⵢⵉⵙⴻⵎ ⵏ ⴰⵔⴻⴱⴱⵉ,

ⴱⴰⴱⴰⵜⵏⴻⵖ ⴷ ⵙⵉⴷⵉⵜⵏⴻⵖ ⴷ ⴰⵔⵔⵓⵃ ⵉⵇⴻⴷⴷⵙⴻⵏ.