1 ⴰⵍⴰⵎⵉ ⵢⴰⵔⵥⴻⵎ ⵢⴻⵥⵎⴰⵔ ⴰⵛⴻⵎⵎⵉⵄ ⵡⵉⵙⵙ ⵙⴻⴱⵄⴰ, ⵜⵓⵖⴰ ⴰⵊⴻⵏⵏⴰ ⵢⴰⵔⵙⴰ ⵄⵍⴰⵃⴰⵍ ⴰⵥⵢⴻⵏ ⵏ ⵜⵙⴰⵄⵄⴻⵜ.

2 ⵓⵛⴰ ⵥⵔⵉⵖ ⵙⴻⴱⵄⴰ ⵏ ⵍⵎⴰⵍⴰⴽⴰⵜ ⵉⵏⵏⵉ ⵉⴱⴻⴷⴷⴻⵏ ⵥⵥⴰⵜ ⵉ ⴰⵔⴻⴱⴱⵉ ⵓⵛⴰ ⵉⵎⵎⴻⵡⵛ ⴰⵙⴻⵏ ⵙⴻⴱⵄⴰ ⵏ ⵡⴰⵛⵛⴰⵡⴻⵏ ⵏ ⵓⵢⵉⵛⵛ ⵏ ⵉⵛⴰⵔⵔⵉ.

3 ⴰⵇⴰ ⵉⵊⵊ ⵏ ⵍⵎⴰⵍⴰⴽ ⵏⵏⴻⵖⵏⵉ ⵢⵓⵙⴰ-ⴷⴷ, ⵢⵓⵢⵓⵔ ⴰⴷ ⵉⴱⴻⴷⴷ ⵖⴰⵔ ⵙⴻⵏⵏⴻⵊ ⵏ ⵓⵄⴰⵍⵟⴰⵔ ⵙ ⵉⵛⵜ ⵏ ⵜⴻⵇⴷⵓⵃⵜ ⵏ ⵡⵓⵔⴻⵖ ⵉ ⵍⴻⴱⵅⵓⵔ. ⵉⵎⵎⴻⵡⵛ ⴰⵙ ⵡⴰⵟⵟⴰⵙ ⵏ ⵍⴻⴱⵅⵓⵔ ⵃⵉⵎⴰ ⴰⴷ ⵜ ⵉⵡⴻⵀⵀⴻⴱ ⴰⴽ-ⴷ ⵜⵥⴰⴵⵉⵜⵉⵏ ⵏ ⵎⴰⵔⵔⴰ ⵉⵎⵇⴻⴷⴷⴰⵙⴻⵏ ⵅ ⵓⵄⴰⵍⵟⴰⵔ ⵏ ⵡⵓⵔⴻⵖ ⵇⵉⴱⴰⵞ ⵉ ⵍⵄⴰⵔⵛ. 4 ⵓⵛⴰ ⴷⴷⴻⵅⵅⴰⵏ ⵏ ⵍⴻⴱⵅⵓⵔ ⴰⴽ-ⴷ ⵜⵥⴰⴵⵉⵜⵉⵏ ⵏ ⵉⵎⵇⴻⴷⴷⴰⵙⴻⵏ ⵜⵓⵖⴰ ⵉⵜⵜⴳⴻⵄⵄⴰⴷ ⵥⴻⴳ ⵓⴼⵓⵙ ⵏ ⵍⵎⴰⵍⴰⴽ ⵖⴰⵔ ⵥⵥⴰⵜ ⵏ ⴰⵔⴻⴱⴱⵉ. ^■  

5 ⵍⵎⴰⵍⴰⴽ ⵉⴽⵙⵉ ⵜⴰⵇⴷⵓⵃⵜ ⵏ ⵍⴻⴱⵅⵓⵔ, ⵉⵛⵛⵓⵔ ⵉ-ⵜⵜ ⵙ ⵜⵎⴻⵙⵙⵉ ⵥⴻⴳ ⵓⵄⴰⵍⵟⴰⵔ ⵓⵛⴰ ⵉⵏⴹⴰⵔ ⵉ-ⵜ ⵖⴰⵔ ⵜⴻⵎⵎⵓⵔⵜ ⵓⵛⴰ ⵓⵙⵉⵏ-ⴷⴷ ⵡⴰⵊⵊⴰⵊⴻⵏ ⴷ ⵜⵎⵉⵊⵊⴰⵡⵉⵏ ⴷ ⵡⴰⵙⵙⴰⵎⴻⵏ ⴷ ⵉⵊⵊ ⵏ ⵡⴻⵏⵀⴻⵥⵥⵉ ⵏ ⵜⴻⵎⵎⵓⵔⵜ.

6 ⵓⵛⴰ ⵃⴻⵥⵥⵎⴻⵏ ⵙⴻⴱⵄⴰ ⵏ ⵍⵎⴰⵍⴰⴽⴰⵜ ⵉⵏⵏⵉ ⵖⴰⵔ ⵉⴵⴰ ⵙⴻⴱⵄⴰ ⵏ ⵡⴰⵛⵛⴰⵡⴻⵏ ⵏ ⵓⵢⵉⵛⵛ ⵏ ⵉⵛⴰⵔⵔⵉ ⵃⵉⵎⴰ ⴰⴷ ⴷⴰⵢⵙⴻⵏ ⵚⵓⴹⴻⵏ.

7 ⵓⵛⴰ ⵉⵚⵓⴹ ⵓⵎⴻⵥⵡⴰⵔⵓ ⴷⵉ ⵍⴱⵓⵇ ⵏⵏⴻⵙ, ⵓⵛⴰ ⵜⴻⵡⴹⴰ-ⴷⴷ ⵜⴻⴱⵔⵓⵔⵉ ⴷ ⵜⵎⴻⵙⵙⵉ ⵅⴻⴵⴹⴻⵏⵜ ⴰⴽ-ⴷ ⵡⴰⵎⴰⵏ, ⵜⵜⵡⴰⵎⴻⵏⴹⴰⵔⴻⵏⵜ ⵅ ⵜⴻⵎⵎⵓⵔⵜ, ⵓⵛⴰ ⵉⵛⵜ ⵏ ⵜⵜⵓⵍⵓⵜ ⵏ ⵜⴻⵎⵎⵓⵔⵜ ⴷ ⵉⵛⵜ ⵏ ⵜⵜⵓⵍⵓⵜ ⵏ ⵜⵛⴻⵊⵊⵓⵔⴰ ⵜᵉⵜⵜⵡⴰⵙⵙⵛⴻⵎⴹⴻⵏⵜ ⵓⵛⴰ ⵎⴰⵔⵔⴰ ⵍⴻⵃⵜⵉⵛ ⵏ ⵜⴻⵎⵎⵓⵔⵜ ⵜᵉⵜⵜⵡⴰⵙⵙⴻⵛⵎⴻⴹ.

8 ⵅⴻⵏⵏⵉ ⵉⵚⵓⴹ ⵡⴻⵏⵏⵉ ⴷ ⵡⵉⵙⵙ ⵜⵏⴰⵢⴻⵏ ⴷⵉ ⵍⴱⵓⵇ ⵏⵏⴻⵙ, ⵓⵛⴰ ⵛⴰ ⵏ ⵜⵎⴻⵙⵍⴰⵛⵜ ⴰⵎ ⵡⴻⴷⵔⴰⵔ ⴰⵎⴻⵇⵇⵔⴰⵏ ⵉⵛⴻⵎⵎⴹⴻⵏ, ⵉⵎⵎⴻⵏⴹⴰⵔ ⴷⵉ ⵍⴻⴱⵃⴰⵔ ⵓⵛⴰ ⵉⵛⵜ ⵏ ⵜⵜⵓⵍⵓⵜ ⵏ ⵍⴻⴱⵃⴰⵔ ⵉⴷⵡⴻⵍ ⴷ ⵉⴷⴰⵎⵎⴻⵏ, 9 ⵓ ⵉⵛⵜ ⵏ ⵜⵜⵓⵍⵓⵜ ⵏ ⵉⵎⵓⴷⴷⴰⵔⴻⵏ ⴷⵉ ⵍⴻⴱⵃⴰⵔ ⵉⵏⵏⵉ ⵖⴰⵔⵙⴻⵏ ⵍⴻⵄⵎⴰⵔ, ⵎⵎⵓⵜⴻⵏ, ⵓⵛⴰ ⵉⵛⵜ ⵏ ⵜⵜⵓⵍⵓⵜ ⵏ ⵉⵖⴰⵔⵔⵓⴱⴰ ⵜⴰⵔⴻⴷⴷⴻⴵ. ^□  

10 ⵅⴻⵏⵏⵉ ⵉⵚⵓⴹ ⵡⴻⵏⵏⵉ ⴷ ⵡⵉⵙⵙ ⵜⵍⴰⵜⴰ ⴷⵉ ⵍⴱⵓⵇ ⵏⵏⴻⵙ, ⵓⵛⴰ ⵉⵡⴹⴰ-ⴷⴷ ⵉⵊⵊ ⵏ ⵉⵜⵔⵉ ⴰⵎⴻⵇⵇⵔⴰⵏ ⵥⴻⴳ ⵓⵊⴻⵏⵏⴰ, ⵢⵓⵔⵖⴰ ⴰⵎ ⵡⴻⵚⴼⴻⴹ, ⵓ ⵉⵡⴹⴰ-ⴷⴷ ⵅ ⵉⵛⵜ ⵏ ⵜⵜⵓⵍⵓⵜ ⵏ ⵉⵖⴻⵥⵔⴰⵏ ⵓ ⵅ ⵜⴰⵍⴰⵡⵉⵏ ⵏ ⵡⴰⵎⴰⵏ.

11 ⵉⵜⵔⵉ ⴰⵢⴰ ⵇⵇⴰⵔⴻⵏ-ⴰⵙ ‘ⴰⴱⵙⵉⵏⵜ’, ⵉⵅⵙ ⴰⴷ ⵢⵉⵏⵉ ‘ⵛⵛⵉⵃ’. ⵓⵛⴰ ⵉⵛⵜ ⵏ ⵜⵜⵓⵍⵓⵜ ⵏ ⵡⴰⵎⴰⵏ ⵜⴻⴷⵡⴻⵍ ⵜⴰⵔⵥⴻⴳ ⴰⵎ ‘ⴰⴱⵙⵉⵏⵜⵓⵙ’, ⵓⵛⴰ ⵎⵎⵓⵜⴻⵏ ⴰⵟⵟⴰⵙ ⵏ ⵢⴻⵡⴷⴰⵏ ⵙ ⵡⴰⵎⴰⵏ ⵓⵎⵉ ⴷⴻⵡⵍⴻⵏ ⴷ ⵉⵎⴻⵔⵥⴰⴳⴻⵏ ⴰⵎⴻⵛⵏⴰⵡ ‘ⵛⵛⵉⵃ’. ^□  

12 ⵅⴻⵏⵏⵉ ⵉⵚⵓⴹ ⵡⴻⵏⵏⵉ ⴷ ⵡⵉⵙⵙ ⴰⵔⴻⴱⵄⴰ ⴷⵉ ⵍⴱⵓⵇ ⵏⵏⴻⵙ, ⵓⵛⴰ ⵜᵉⵜⵜⵡⴰⵟⵟⴻⴼ ⵉⵛⵜ ⵏ ⵜⵜⵓⵍⵓⵜ ⵏ ⵜⴼⵓⵛⵜ ⴷ ⵉⵛⵜ ⵏ ⵜⵜⵓⵍⵓⵜ ⵏ ⵜⵥⵉⵔⵉ ⴷ ⵉⵛⵜ ⵏ ⵜⵜⵓⵍⵓⵜ ⵏ ⵉⵜⵔⴰⵏ, ⴰⵍⴰⵎⵉ ⵜⴱⴱⴰⵔⵛⴻⵏ ⵉⵛⵜ ⵏ ⵜⵜⵓⵍⵓⵜ ⵥⵥⴰⵢⵙⴻⵏ, ⵡⴰⵔ ⵜᵉⵜⵜⵉⵍⵉ ⵄⴰⴷ ⵜⴼⴰⵡⵜ ⵉ ⵢⵉⵛⵜ ⵏ ⵜⵜⵓⵍⵓⵜ ⵏ ⵓⵥⵉⵍ ⵓⵛⴰ ⴰⵎⵎⵓ ⵓⵍⴰ ⴷⵉ ⴵⵉⵍⴻⵜ.

13 ⵓⵛⴰ ⵙⵍⵉⵖ ⵉⵊⵊ ⵏ ⵓⴳⵉⴷⴻⵔ ⵉⵟⵟⴰⵡ-ⴷⴷ ⴷⵉ ⵍⵡⴻⵙⵜ ⵏ ⵓⵊⴻⵏⵏⴰ, ⵉⵇⵇⴰⵔ: “ⵓⵛⵜ, ⵓⵛⵜ, ⵓⵛⵜ ⵅ ⵢⵉⵏⵏⵉ ⵉⵥⴻⴷⴷⵖⴻⵏ ⵅ ⵜⴻⵎⵎⵓⵔⵜ ⵅ ⵙⵙⵉⴱⴱⴻⵜ ⵏ ⵜⵎⵉⵊⵊⴰⵡⵉⵏ ⵉⵏⵏⴻⵖⵏⵉ ⵏ ⵡⴰⵛⵛⴰⵡⴻⵏ ⵏ ⵉⵛⴰⵔⵔⵉ ⵏ ⵜⵍⴰⵜⴰ ⵏ ⵍⵎⴰⵍⴰⴽⴰⵜ ⵉ ⵖⴰ ⵉⵚⵓⴹⴻⵏ ⵄⴰⴷ ⴷⴰⵢⵙⴻⵏ.