1 ⵡⴻⵏⵏⵉ ⵜⵓⵖⴰ ⴷⵉⵏ ⵥⴻⴳ ⵓⵎⴻⵥⵡⴰⵔⵓ, ⵅ ⵡⴻⵏⵏⵉ ⵏⴻⵙⵍⴰ ⴷ ⵡⴻⵏⵏⵉ ⵏⴻⵥⵔⴰ ⵙ ⵜⵉⵟⵟⴰⵡⵉⵏ ⵏⵏⴻⵖ, ⴷ ⵡⴻⵏⵏⵉ ⵏⴻⵜⵡⴰⵍⴰ ⵓ ⵏⵃⴰⴷⴰ ⵙ ⵉⴼⴰⵙⵙⴻⵏ ⵏⵏⴻⵖ, ⴷ ⵡⴰⵏⵉⵜⴰ ⵉ ⴷ ⴰⵡⴻⵎ ⵏⴻⵜⵜⴱⴰⵔⵔⴻⵃ: ⵏⴻⵜⵜⴰ ⴷ ⴰⵡⴰⵍ ⵏ ⵜⵓⴷⴰⵔⵜ. ^■   2 ⴰⵇⴰ ⵜⵓⴷⴰⵔⵜ ⵜⴻⴹⵀⴰⵔ, ⵏⴻⵛⵛⵉⵏ ⵏⴻⵥⵔⴰ ⵉ-ⵜⵜ, ⵓⵛⴰ ⵏⵛⴻⵀⵀⴻⴷ ⵓ ⵏⴻⵜⵜⴱⴰⵔⵔⴻⵃ ⴰⵡⴻⵎ ⵜⵓⴷⴰⵔⵜ ⵉⵜⵜⴷⵓⵎⴰⵏ, ⵜⴻⵏⵏⵉ ⵜⵓⵖⴰ ⴰⴽ-ⴷ ⵜⴱⴰⴱⴰⵜ ⵓⵛⴰ ⵜᵉⵜⵜⵡⴰⵙⵙⴰⵔⴳⴻⴱ-ⴷⴷ ⵉ ⵏⴻⵛⵛⵉⵏ. 3 ⵎⵉⵏ ⵏⴻⵥⵔⴰ ⴷ ⵎⵉⵏ ⵏⴻⵙⵍⴰ, ⴰⴷ ⴰⵡⴻⵎ ⵜ-ⵉ-ⴷⴷ-ⵏⴻⵙⵙⵛⴻⵏ, ⵃⵉⵎⴰ ⵄⴰⵡⴻⴷ ⴽⴻⵏⵏⵉⵡ ⴰⴷ ⵜⵉⵍⵉⵎ ⴷⴻⴳ ⵓⵎⵓⵏⵉ ⴰⴽⵉⴷⵏⴻⵖ. ⵙ ⵜⵉⴷⴻⵜⵜ, ⴰⵎⵓⵏⵉ ⵏⵏⴻⵖ ⴰⴽ-ⴷ ⵜⴱⴰⴱⴰⵜ ⵓ ⴰⴽ-ⴷ ⵎⵎⵉⵙ ⵢⴻⵛⵛⵓ ⵍⵎⴰⵙⵉⵃ. 4 ⴰⵇⴰ ⵏⴻⵜⵜⴰⵔⵉ-ⴷⴷ ⵎⴰⵏ ⴰⵢⴰ ⵉ ⴽⴻⵏⵏⵉⵡ, ⵃⵉⵎⴰ ⵍⴻⴼⵔⴰⵃⴻⵜ ⵏⵏⴻⵖ ⴰⴷ ⵜⵉⵍⵉ ⵜⴻⴽⵎⴻⵍ.

5 ⴷ ⵡⴰ ⴷ ⵍⴻⵅⴱⴰⵔ ⴰⵚⴻⴱⵃⴰⵏ ⵉ ⵥⵥⴰⵢⴻⵙ ⵏⴻⵙⵍⴰ ⵓⵛⴰ ⴰⴷ ⴰⵡⴻⵎ ⴷⴷ-ⵏⴱⴰⵔⵔⴻⵃ: ⴰⵔⴻⴱⴱⵉ ⴷ ⵜⴰⴼⴰⵡⵜ, ⵏⴻⵜⵜⴰ ⵡⴰⵔ ⴷⴰⵢⴻⵙ ⴱⵓ ⵊⵊⵓⵔⵔⴻⵜ ⵏ ⵜⴰⴵⴻⵙⵜ. ^■   6 ⵎⴰⵍⴰ ⵏⴻⵇⵇⴰⵔ, ⴰⵇⴰ ⵖⴰⵔⵏⴻⵖ ⴰⵎⵓⵏⵉ ⴰⴽⵉⴷⴻⵙ, ⵓⵛⴰ ⵏⴻⴳⴳⵓⵔ ⴷⵉ ⵜⴰⴵⴻⵙⵜ, ⴰⵇⴰ ⵏⴻⵙⵙⵅⴰⵔⵔⵉⵇ, ⵡⴰⵔ ⵏⴻⴹⴼⴰⵔ ⵛⴰ ⵜⵉⴷⴻⵜⵜ. 7 ⵎⴰⵛⴰ ⵎⴰⵍⴰ ⵏⵓⵢⵓⵔ ⴷⵉ ⵜⴼⴰⵡⵜ, ⴰⵎ ⵏⴻⵜⵜⴰ ⴷⵉ ⵜⴼⴰⵡⵜ, ⵖⴰⵔⵏⴻⵖ ⴰⵎⵓⵏⵉ ⴰⴽ-ⴷ ⵡⴰⵢⴰⵡⵢⴰ, ⵓⵛⴰ ⵉⴷⴰⵎⵎⴻⵏ ⵏ ⵢⴻⵛⵛⵓ ⵍⵎⴰⵙⵉⵃ ⵎⵎⵉⵙ ⴰⴷ ⴰⵏⴻⵖ ⵙⵙⵉⵥⴻⴷⴳⴻⵏ ⵥⵉ ⵎⴰⵔⵔⴰ ⴷⴷⵏⵓⴱ ⵏⵏⴻⵖ. ^■  

8 ⵎⴰⵍⴰ ⵏⴻⵇⵇⴰⵔ, ⵡⴰⵔ ⵅⴰⵏⴻⵖ ⴱⵓ ⴷⴷⵏⵓⴱ, ⴰⵇⴰ ⵏⴻⵙⵙⵅⴰⵔⵔⵉⵇ ⵅ ⵢⵉⵅⴻⴼ ⵏⵏⴻⵖ ⵓⵛⴰ ⵜⵉⴷⴻⵜⵜ ⵡⴰⵔ ⴷⴰⵢⵏⴻⵖ ⵜⴻⴵⵉ. ^■   9 ⵎⴰⵛⴰ ⵎⴰⵍⴰ ⵏⴻⵏⵄⴻⵎ ⵙ ⴷⴷⵏⵓⴱ ⵏⵏⴻⵖ, ⴰⵇⴰ ⵏⴻⵜⵜⴰ ⴷ ⴰⵎⵜⵉⵇⵇⵉ ⴷ ⴰⵎⵙⴻⴳⴳⴰⴷ ⵃⵉⵎⴰ ⴰⴷ ⴰⵏⴻⵖ ⵉⵖⴼⴰⵔ ⴷⴷⵏⵓⴱ ⵏⵏⴻⵖ ⵓⵛⴰ ⴰⴷ ⴰⵏⴻⵖ ⵉⵙⵙⵉⵥⴷⴻⴳ ⵥⵉ ⵎⴰⵔⵔⴰ ⵎⵉⵏ ⵡⴰⵔ ⵉⵙⴻⴳⴳⴷⴻⵏ. ^■  

10 ⵎⴰⵍⴰ ⵏⴻⵇⵇⴰⵔ, ‘ⵏⴻⵛⵛⵉⵏ ⵡⴰⵔ ⴷⴰⵢⵏⴻⵖ ⴱⵓ ⴷⴷⵏⵓⴱ!’, ⵏⴻⵜⵜⴰⵔⵔⴰ ⵉ-ⵜ ⴷ ⴱⵓ-ⵉⵅⴰⵔⵔⵉⵇⴻⵏ ⵓⵛⴰ ⴰⵡⴰⵍ ⵏⵏⴻⵙ ⵡⴰⵔ ⵖⴰⵔⵏⴻⵖ ⵉⴵⵉ.