1 ⴰ ⴰⵢⵜⴱⴰⴱ, ⵡⵛⴻⵎ ⵉⵎⵙⴻⵅⵅⴰⵔⴻⵏ ⵏⵡⴻⵎ ⵎⵉⵏ ⵉⴵⴰⵏ ⵉⵙⴻⴳⴳⴷⴻⵏ, ⵓ ⵙⵏⴻⵎ, ⴱⴻⵍⵍⵉ ⵄⴰⵡⴻⴷ ⴽⴻⵏⵏⵉⵡ ⵖⴰⵔⵡⴻⵎ ⴱⴰⴱ ⴷⴻⴳ ⵉⵊⴻⵏⵡⴰⵏ. ^■  

2 ⵚⴱⴰⵔⴻⵎ ⴷⵉ ⵜⵥⴰⴵⵉⵜ ⵎⴰⵃⴻⵏⴷ ⴰⴷ ⵜⴻⵃⴹⴰⵎ ⴷⴰⵢⴻⵙ, ⵓ ⵡⵛⴻⵎ ⴰⵇⴰⴷⵉ ⵉ ⴰⵔⴻⴱⴱⵉ. ^■   3 ⵥⴰⴵⴻⵎ ⵄⴰⵡⴻⴷ ⵉ ⵏⴻⵛⵛⵉⵏ, ⵃⵉⵎⴰ ⴰⵔⴻⴱⴱⵉ ⴰⴷ ⴰⵏⴻⵖ ⵢⴰⵔⵥⴻⵎ ⵜⴰⵡⵡⴰⵔⵜ ⵏ ⵡⴰⵡⴰⵍ, ⵃⵉⵎⴰ ⴰⴷ ⵏⴻⵙⵙⵉⵡⴻⵍ ⵅ ⵙⵙⵉⵔⵔ ⵏ ⵍⵎⴰⵙⵉⵃ, ⵡⴻⵏⵏⵉ ⵓⵎⵉ ⴵⵉⵖ ⵄⴰⵡⴻⴷ ⴷ ⴰⵎⴻⵃⴱⵓⵙ ⴷⵉ ⵙⵏⴰⵙⴻⵍ, ^■   4 ⵃⵉⵎⴰ ⴰⴷ ⵜ ⵙⵙⴰⵔⴻⴳⴱⴻⵖ ⴰⵎ ⵎⴰⵎⵎⴻⵛ ⵉ ⵅⴰⴼⵉ ⵉⵛⵓⵡⵡⴰⵔ ⴰⴷ ⵥⵥⴰⵢⴻⵙ ⵙⵙⵉⵡⵍⴻⵖ.

5 ⵓⵢⵓⵔⴻⵎ ⴷⵉ ⵜⵉⵖⵉⵜ ⴰⴽ-ⴷ ⵢⴻⵏⵏⵉ ⵏ ⴱⴰⵔⵔⴰ, ⴰⵔⴻⴱⵃⴻⵎ ⵍⵡⴻⵇⵜ ⵉ ⵢⴻⴵⴰⵏ. ^■   6 ⴰⴷ ⵢⵉⵍⵉ ⵡⴰⵡⴰⵍ ⵏⵡⴻⵎ ⵍⴻⴱⴷⴰ ⵙ ⵍⵅⴰⴹⴰⵔ, ⵎⴻⴵⵃⴻⵎ ⵜ ⵙ ⵜⵎⴻⴵⴰⵃⵜ, ⵃⵉⵎⴰ ⴰⴷ ⵜⴻⵙⵙⵏⴻⵎ ⵎⵉⵏ ⵥⵉ ⵖⴰ ⵜⴰⵔⵔⴻⵎ ⵅ ⴽⵓⵍ ⵉⵊⵊⴻⵏ. ^■  

7 ⵜⵉⵛⵉⴽⵓⵙ, ⵓⵎⴰ ⵉⵄⵉⵥⵥⴻⵏ ⴷ ⵓⵎⵙⴻⵅⵅⴰⵔ ⴰⵎⵜⵉⵇⵇⵉ ⴷ ⵓⵎⵙⴻⵅⵅⴰⵔ ⴰⴽⵉⴷⵉ ⴷⵉ ⵙⵉⴷⵉ ⴰⴷ ⴽⴻⵏⵏⵉⵡ ⵉⵙⵙⴰⵔⴳⴻⴱ ⵅ ⵓⵎⴻⴷⴷⵓⵔ ⵉⵏⵓ. ^■   8 ⵙⵙⴻⴽⴽⴻⵖ ⵜ ⵖⴰⵔⵡⴻⵎ, ⵃⵉⵎⴰ ⴰⴷ ⵉⵙⵙⴻⵏ ⵎⴰⵎⵎⴻⵛ ⵜⴻⴵⴰⵎ ⵓ ⵃⵉⵎⴰ ⴰⴷ ⴷⴰⵢⵡⴻⵎ ⵉⴳⴳ ⵓⵍ, 9 ⵊⵎⵉⵄ ⴰⴽ-ⴷ ⵓⵏⵉⵙⵉⵎⵓⵙ, ⵓⵎⴰⵜⵏⴻⵖ ⴰⵎⵜⵉⵇⵇⵉ ⵉⵄⵉⵥⵥⴻⵏ, ⵡⴻⵏⵏⵉ ⵉⴵⴰⵏ ⴷ ⵉⵊⵊⴻⵏ ⵥⵥⴰⵢⵡⴻⵎ. ⵏⵉⵜⵏⵉ ⴰⴷ ⴽⴻⵏⵏⵉⵡ ⵙⵙⴰⵔⴻⴳⴱⴻⵏ ⵎⴰⵎⵎⴻⵛ ⵏⴻⴵⴰ ⵏⴻⵛⵛⵉⵏ. ^■  

10 ⴰⵔⵉⵙⵜⴰⵔⵅⵓⵙ ⵡⴻⵏⵏⵉ ⴷⵉ ⵍⴻⵃⴱⴻⵙ ⴰⴽⵉⴷⵉ, ⵉⵙⵙⴰⴽⴽⵯⴰⴹ ⴰⵡⴻⵎ-ⴷⴷ ⵙⵍⴰⵎ ⵙ ⵍⴻⵀⵏⴰ, ⴰⵎ ⵎⴰⵎⵎⴻⵛ ⵅⴰⵡⴻⵎ ⵉⵙⴻⴵⴻⵎ ⵓⵍⴰ ⴷ ⵎⴰⵔⴽⵓⵙ, ⴰⵢⵢⴰⵡ ⵏ ⴱⴰⵔⵏⴰⴱⴰ ⵡⴻⵏⵏⵉ ⵅ ⵜⴻⴽⵙⵉⵎ ⴽⴻⵏⵏⵉⵡ ⵜⵉⵡⴻⵚⵚⴰ - ⵎⴰⵍⴰ ⵢⵓⵙⴰ-ⴷⴷ ⵖⴰⵔⵡⴻⵎ, ⵇⴻⴱⵍⴻⵎ ⵜ -, ^■  

11 ⴷ ⵢⴻⵛⵛⵓ, ⵓⵎⵉ ⴷ ⴰⵙ ⵇⵇⴰⵔⴻⵏ ⵢⵓⵙⵜⵓⵙ. ⵏⵉⵜⵏⵉ ⴵⴰⵏ ⵥⴻⴳ ⵡⴻⵅⵜⴰⵏ. ⵏⵉⵜⵏⵉ ⵡⴻⵃⵃⴻⴷⵙⴻⵏ ⵄⴰⵡⵏⴻⵏ ⴰⵢⵉ ⴷⵉ ⵜⵎⴻⵙⵍⴰⵛⵜ ⵏ ⵜⴳⴻⵍⴷⵉⵜ ⵏ ⴰⵔⴻⴱⴱⵉ ⵓⵛⴰ ⴳⴳⵉⵏ ⴷⴰⵢⵉ ⵓⵍ.

12 ⵉⵜⵜⵙⴻⴵⴰⵎ-ⴷⴷ ⵅⴰⵡⴻⵎ ⵉⴱⴰⴼⵔⴰⵙ, ⵡⴻⵏⵏⵉ ⴷ ⵉⵊⵊⴻⵏ ⵥⵥⴰⵢⵡⴻⵎ, ⵙ ⵍⴻⵀⵏⴰ. ⴰⵇⴰ-ⵜ ⴷ ⴰⵎⵙⴻⵅⵅⴰⵔ ⵏ ⵍⵎⴰⵙⵉⵃ, ⵉⵜⵜⴻⴷⵄⴰ ⴰⵡⴻⵎ ⵍⴻⴱⴷⴰ ⴷⵉ ⵜⵥⴰⴵⵉⵜ ⵏⵏⴻⵙ ⵙ ⵊⵊⴻⵀⴷ, ⵃⵉⵎⴰ ⴰⴷ ⵜⴱⴻⴷⴷⴻⵎ ⵏⵉⵛⴰⵏ, ⴰⴷ ⵜⵉⵍⵉⵎ ⵜⴽⴻⵎⵎⵍⴻⵏ ⴷⵉ ⵎⴰⵔⵔⴰ ⵎⵉⵏ ⵉⵅⵙ ⴰⵔⴻⴱⴱⵉ. ^■  

13 ⵎⵉⵏⵥⵉ ⵛⴻⵀⵀⴷⴻⵖ ⵅⴰⵙ, ⴰⵇⴰ ⵏⴻⵜⵜⴰ ⴰⵟⵟⴰⵙ ⵉ ⵅⴰⵡⴻⵎ ⵉⴽⵙⵉ ⵓⵍⴰ ⵅ ⵢⴻⵏⵏⵉ ⴷⵉ ⵍⴰⵢⵓⴷⵉⴽⵉⵢⴰ ⴷ ⵢⴻⵏⵏⵉ ⴷⵉ ⵀⵉⵔⴰⴱⵓⵍⵉⵙ.

14 ⵍⵓⴽⴰ, ⴰⴹⴱⵉⴱ ⵉⵄⵉⵥⵥⴻⵏ, ⴷ ⴷⵉⵎⴰⵙ ⵜⵜⵙⴻⴵⴰⵎⴻⵏ-ⴷⴷ ⵅⴰⵡⴻⵎ ⵙ ⵍⴻⵀⵏⴰ. ^■  

15 ⵙⴻⴵⵎⴻⵎ ⵅ ⵡⴰⵡⵎⴰⵜⴻⵏ ⵉⵏⵏⵉ ⵉⴵⴰⵏ ⴷⵉ ⵍⴰⵢⵓⴷⵉⴽⵉⵢⴰ ⵙ ⵍⴻⵀⵏⴰ, ⵅ ⵏⵉⵎⴼⴰⵙ ⵓ ⵅ ⵜⵎⴻⵙⵎⵓⵏⵜ ⴷⵉ ⵜⴰⴷⴷⴰⵔⵜ ⵏⵏⴻⵙ.

16 ⵅⵎⵉ ⵉ ⵖⴰ ⵜᵉⵜⵜⵡⴰⵙⵖⴰⵔ ⵜⴻⴱⵔⴰⵜ-ⴰ ⵊⴰⵔ ⴰⵡⴻⵎ, ⵅⴻⵏⵏⵉ ⵃⴹⴰⵎ ⴰⴷ ⵜᵉⵜⵜⵡⴰⵙⵖⴰⵔ ⵄⴰⵡⴻⴷ ⴷⵉ ⵜⵎⴻⵙⵎⵓⵏⵜ ⵏ ⵉⵍⴰⵢⵓⴷⵉⴽⵉⵢⵢⴻⵏ ⵓⵛⴰ ⴰⴷ ⵜⵖⴰⵔⴻⵎ ⴽⴻⵏⵏⵉⵡ ⵄⴰⵡⴻⴷ ⵜⴻⵏⵏⵉ ⵥⵉ ⵍⴰⵢⵓⴷⵉⴽⵉⵢⴰ.

17 ⵉⵏⵉ ⵉ ⴰⵔⵅⵉⴱⴱⵓⵙ: “ⵃⴹⴰ ⴰⴷ ⵜⴽⴻⵎⵎⵍⴻⴷ ⵍⵅⴻⴷⵎⴻⵜ ⵏ ⵜⵙⴻⵅⵅⴰⵔⵜ ⵉ ⵜⴻⴽⵙⵉⴷ ⵥⵉ ⵙⵉⴷⵉⵜⵏⴻⵖ!”

18 ⵙⵍⴰⵎ ⵓⵔⵉⵖ ⵜ ⵙ ⵓⴼⵓⵙ ⵉⵏⵓ, ⵥⵉ ⴱⵓⵍⵓⵙ. ⵄⴻⵇⵍⴻⵎ ⵅ ⵙⵏⴰⵙⴻⵍ ⵉⵏⵓ. ⴰⴷ ⴽⵉⵡⴻⵎ ⵢⵉⵍⵉ ⴰⵔⴹⴰ. ⴰⵎⵉⵏ. ^■