1 ⵙ ⵓⵢⴻⵏⵏⵉ ⵏⴻⵛⵛ, ⴱⵓⵍⵓⵙ, ⴰⵇⴰ ⴰⵢⵉ ⴷ ⴰⵎⴻⵃⴱⵓⵙ ⵏ ⵢⴻⵛⵛⵓ ⵍⵎⴰⵙⵉⵃ, ⵉ ⴽⴻⵏⵏⵉⵡ ⵉⵏⵏⵉ ⵉⴵⴰⵏ ⵥⵉ ⵍⴻⴳⵏⵓⵙ, ^■   2 ⵎⴰⵍⴰ ⵥⴻⵄⵎⴰ ⴰⵇⴰ ⵜⴻⵙⵍⴰⵎ ⵅ ⵜⵙⴻⵅⵅⴰⵔⵜ ⵏ ⴰⵔⴹⴰ ⵏ ⴰⵔⴻⴱⴱⵉ ⵉ ⴷ ⴰⵢⵉ ⵉⵎⵎⴻⵡⵛⴻⵏ ⵊⴰⵔⴰⵡⴻⵎ, ^■   3 ⴱⴻⵍⵍⵉ ⵉⵜⵜⵡⴰⵙⵙⴰⵔⴳⴻⴱ ⴰⵢⵉ-ⴷⴷ ⵙⵙⵉⵔⵔ-ⴰ, ⴰⵎ ⵉⵥⵥⴰⵔⴻⵖ ⵓⵔⵉⵖ ⴰⵡⴻⵎ-ⴷⴷ ⵙ ⴷⵔⵓⵙ. ^■   4 ⵅⵎⵉ ⵉ ⵖⴰ ⵜⵖⴰⵔⴻⵎ ⵎⴰⵏ ⴰⵢⴰ, ⵜⵥⴻⵎⵎⴰⵔⴻⵎ ⴰⴷ ⵜⴼⴻⵀⵎⴻⵎ ⵍⴻⴼⵀⴰⵎⴻⵜ ⵉⵏⵓ ⵏ ⵙⵙⵉⵔⵔ ⵏ ⵍⵎⴰⵙⵉⵃ, 5 ⵡⴻⵏⵏⵉ ⵡⴰⵔ ⵉⵜⵜⵡⴰⵙⴰⵔⴳⴻⴱ ⵛⴰ ⴷⵉ ⵜⴰⵔⵡⴰ ⵏ ⴱⵏⴰⴷⴻⵎ ⴷⵉ ⵍⴻⵛⵢⵓⵔ ⵏ ⵥⵉⵛ, ⴰⵎ ⵎⴰⵎⵎⴻⵛ ⵉⵜⵜⵡⴰⵄⴰⵔⵔⴰ ⵅⴰⵙ ⵍⴻⵅⵅⵓ ⵙ ⴰⵔⵔⵓⵃ ⵉ ⵔⵔⵓⵙⵓⵍ ⵉⵎⵇⴻⴷⴷⴰⵙⴻⵏ ⵏⵏⴻⵙ ⵓ ⵉ ⵉⵏⴰⴱⵉⵢⵢⴻⵏ ⵏⵏⴻⵙ, ^□  ■   6 ⴰⵃⴻⵇⵇⴰ ⵉⵏⵏⵉ ⵥⵉ ⵍⴻⴳⵏⵓⵙ ⴰⴷ ⵉⵍⵉⵏ ⴷ ⵉⵡⵔⵉⵜⴻⵏ ⴰⴽⵉⴷⵙⴻⵏ, ⵓ ⵉⵖⴻⵥⴷⵉⵙⴻⵏ ⵏ ⴰⵔⵔⵉⵎⴻⵜ ⵏⵏⴻⵙ ⵓ ⵏ ⵍⵡⴰⵄⴷ ⵏⵏⵉ ⴷⴰⵢⴻⵙ ⵉⵎⵎⴻⵡⵛⴻⵏ ⵙ ⵍⴻⵅⴱⴰⵔ ⴰⵚⴻⴱⵃⴰⵏ, ^□   7 ⵉ ⵥⵉ ⴷⴻⵡⵍⴻⵖ ⴷ ⴰⵎⵙⴻⵅⵅⴰⵔ ⵄⵍⴰⵃⵙⴰⴱ ⵜⴰⵡⵀⵉⴱⵜ ⵏ ⴰⵔⴹⴰ ⵏ ⴰⵔⴻⴱⴱⵉ ⵉ ⴷ ⴰⵢⵉ ⵉⵎⵎⴻⵡⵛⴻⵏ ⵄⵍⴰⵃⵙⴰⴱ ⵊⵊⴻⵀⴷ ⵏⵏⴻⵙ ⵉ ⴷⴰⵢⵉ ⵉⵅⴻⴷⴷⵎⴻⵏ. ^■   8 ⴰⵇⴰ ⵉⵎⵎⴻⵡⵛ ⴰⵢⵉ ⴰⵔⴹⴰ ⴰⵢⴰ, ⵉ ⵏⴻⵛⵛ ⴷ ⴰⵎⵓⵇⵍⵉⵍ ⵇⴰⵄ ⵊⴰⵔ ⵎⴰⵔⵔⴰ ⵉⵎⵇⴻⴷⴷⴰⵙⴻⵏ, ⵃⵉⵎⴰ ⴰⴷ ⴱⴰⵔⵔⵃⴻⵖ ⵙ ⵍⴻⵅⴱⴰⵔ ⴰⵚⴻⴱⵃⴰⵏ, ⵉⵡⴰ ⴰⴳⵍⴰ ⵏ ⵍⵎⴰⵙⵉⵃ ⵉ ⵡⴰⵔ ⵏⵥⴻⵎⵎⴰⵔ ⴰⴷ ⵏⴻⴼⵀⴻⵎ, ^■   9 ⵓ ⵃⵉⵎⴰ ⴰⴷ ⵙⵙⵓⴼⴼⵖⴻⵖ ⵖⴰⵔ ⵜⴼⴰⵡⵜ ⵉ ⵎⴰⵔⵔⴰ ⵎⵉⵏ ⵉⵅⵙ ⴰⴷ ⵢⵉⵏⵉ ⵓⵡⴻⴽⴽⴻⵍ ⵏ ⵙⵙⵉⵔⵔ ⵉ ⵜⵓⵖⴰ ⵉⵏⵓⴼⴼⴰⵔⴻⵏ ⴷⴻⴳ ⵉⴽⵓⴷⴻⵏ ⵏ ⵥⵉⵛ ⴷⵉ ⴰⵔⴻⴱⴱⵉ, ⵡⴻⵏⵏⵉ ⵉ ⴷⴷ-ⵉⵅⴻⵍⵇⴻⵏ ⴽⵓⵍⵛⵉ, ^■  

10 ⵃⵉⵎⴰ ⵜⵉⵖⵉⵜ ⵏ ⴰⵔⴻⴱⴱⵉ ⴰⴽ-ⴷ ⵡⴰⵟⵟⴰⵙ ⵏ ⵉⵖⴻⵥⴷⵉⵙⴻⵏ ⵏⵏⴻⵙ ⴰⴷ ⵜⵉⵍⵉ ⵜᵉⵜⵜⵡⴰⵙⵏⴻⵏ ⵙ ⵜⵎⴻⵙⵎⵓⵏⵜ ⵖⴰⵔ ⵚⵚⵓⵍⴰⵟⴰⵜ ⴷ ⵍⵃⵓⴽⴽⴰⵎ ⴷⴻⴳ ⵓⵊⴻⵏⵏⴰ, ^■  

11 ⵎⵉⵏ ⵜⵓⵖⴰ ⵉⵙⵙⴻⵡⵊⴻⴷ ⵏⴻⵜⵜⴰ ⵇⴱⴻⵍ ⵥⵉ ⵍⴻⴱⴷⴰ ⵓⵛⴰ ⵉⴽⴻⵎⵎⴻⵍ ⵉ-ⵜ ⴷⵉ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ,

12 ⵡⴻⵏⵏⵉ ⴷⴰⵢⴻⵙ ⴰⵇⴰ ⵖⴰⵔⵏⴻⵖ ⵜⴰⵔⵢⴰⵙⵜ ⴷ ⵡⴰⴷⴰⴼ ⴰⴽ-ⴷ ⵜⵜⵉⵇⴻⵜ ⵙ ⵍ’ⵉⵎⴰⵏ ⵏⵏⴻⵙ. ^■  

13 ⵙ ⵓⵢⴻⵏⵏⵉ ⵜⵜⵥⴰⵡⴳⴻⵖ ⴽⴻⵏⵏⵉⵡ ⵎⴰⵃⴻⵏⴷ ⵡⴰⵔ ⵜⵜⵉⵃⵍⴻⵎ ⵛⴰ ⵙ ⵍⴻⵎⵃⴰⵢⴻⵎ ⵉⵏⵓ ⴷⵉ ⵟⵟⵡⴻⵄ ⵏⵡⴻⵎ. ⴰⵇⴰ ⵎⴰⵏ ⴰⵢⴰ ⵉ ⵓⵄⵓⴵⵉ ⵉ ⴽⴻⵏⵏⵉⵡ. ^■  

14 ⴰⴷ ⴰⴷⴰⵔⴻⵖ ⵙ ⵉⴼⴰⴷⴷⴻⵏ ⵉⵏⵓ ⵥⵥⴰⵜ ⵉ ⵜⴱⴰⴱⴰⵜ ⵏ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ

15 ⵉ ⵡⴻⵏⵏⵉ ⵓⵎⵉ ⵙⴻⵎⵎⴰⵏ ⴽⵓⵍ ⵉⵊⵊ ⵏ ⵜⴱⴰⴱⴰⵜ ⵉ ⵉⴵⴰⵏ ⴷⴻⴳ ⵉⵊⴻⵏⵡⴰⵏ ⴷ ⵜⴻⵎⵎⵓⵔⵜ,

16 ⵃⵉⵎⴰ ⴰⴷ ⴰⵡⴻⵎ ⵉⵡⵛ ⵄⵍⴰⵃⵙⴰⴱ ⴰⴳⵍⴰ ⵏ ⵓⵄⵓⴵⵉ ⵏⵏⴻⵙ ⵓ ⵃⵉⵎⴰ ⴰⴷ ⵜᵉⵜⵜⵡⴰⵙⵊⴻⵀⴷⴻⵎ ⵙ ⵊⵊⴻⵀⴷ ⵙ ⴰⵔⵔⵓⵃ ⵏⵏⴻⵙ ⴷⵉ ⴱⵏⴰⴷⴻⵎ ⵏ ⴷⴰⵅⴻⵍ, ^■  

17 ⵃⵉⵎⴰ ⵍⵎⴰⵙⵉⵃ ⴰⴷ ⵉⵥⴷⴻⵖ ⴷⴻⴳ ⵡⵓⵍⴰⵡⴻⵏ ⵏⵡⴻⵎ ⵙ ⵍ’ⵉⵎⴰⵏ ⵓ ⵙ ⵜⴰⵢⵔⵉ, ⵅ ⵎⵉⵏⵏⵉ ⵜⴻⵛⵛⴰⵜⴻⵎ ⵉⵥⴻⵡⵔⴰⵏ ⵓ ⴰⴷ ⵜⴻⵙⵎⴻⵜⵏⴻⵏ ⴷⵙⴰⵙ ⵏⵡⴻⵎ, ^■  

18 ⵃⵉⵎⴰ ⴰⴷ ⵜⵥⴻⵎⵎⴰⵔⴻⵎ ⴰⴷ ⵜⴼⴻⵀⵎⴻⵎ ⴰⴽ-ⴷ ⵎⴰⵔⵔⴰ ⵉⵎⵇⴻⴷⴷⴰⵙⴻⵏ ⵎⵉⵏ ⵜⴻⵄⵏⴰ ⵜⵉⵔⵓ ⴷ ⵜⵓⵥⵥⴻⴳⴳⴰⵔⵜ ⴷ ⵍⵓⵄⵍⴰ ⴷ ⵍⴰⴵⴰⵖ,

19 ⵓ ⴰⴷ ⵜⴻⵙⵙⵏⴻⵎ ⵄⴰⵡⴻⴷ ⵍⴻⵎⵖⴰⵔⴻⵜ ⵏ ⵜⵓⵙⵙⵏⴰ ⵏ ⵜⴰⵢⵔⵉ ⵏ ⵍⵎⴰⵙⵉⵃ, ⵓⵛⴰ ⴰⴷ ⵜⵉⵍⵉⵎ ⵜⵄⴻⵎⵎⴰⵔⴻⵎ ⵙ ⵎⴰⵔⵔⴰ ⴰⵄⴻⵎⵎⴰⵔ ⵏ ⴰⵔⴻⴱⴱⵉ.

20 ⵎⴰⵛⴰ ⵉ ⵏⴻⵜⵜⴰ ⵓⵎⵉ ⵖⴰⵔⴻⵙ ⵜⵉⵥⴻⵎⵎⴰⵔ ⵉⴼⴻⵢⵢⴹⴻⵏ ⵃⵉⵎⴰ ⴰⴷ ⵉⴳⴳ ⴷⵉ ⵟⵟⵡⴻⵄ ⵏⵏⴻⵖ ⵙⴻⵏⵏⴻⵊ ⵉ ⵎⵉⵏ ⵏⴻⵜⵜᵉⵜⵜⴰⵔ ⵏⵉⵖ ⵏⴻⵜⵜⵅⴰⵔⵔⴻⵚ, ⵄⵍⴰⵃⵙⴰⴱ ⵊⵊⴻⵀⴷ ⵏⵏⴻⵙ ⵉ ⵉⵅⴻⴷⴷⵎⴻⵏ ⴷⴰⵢⵏⴻⵖ, ^■   21 ⵉ ⵏⴻⵜⵜⴰ ⵉⴽⴽⴰⵔ ⴰⵙ-ⴷⴷ ⵓⵄⵓⴵⵉ ⴷⵉ ⵜⵎⴻⵙⵎⵓⵏⵜ ⵙ ⵢⴻⵛⵛⵓ ⵍⵎⴰⵙⵉⵃ, ⴷⵉ ⵎⴰⵔⵔⴰ ⵍⴻⵛⵢⵓⵔ ⵉ ⵍⴻⴱⴷⴰ ⵇⴰⵄ. ⴰⵎⵉⵏ. ^□