1 ⴰ ⵉⴳⴰⵍⴰⵟⵉⵢⵢⴻⵏ ⵉⴼⵖⵓⵍⴻⵏ, ⵡⵉ ⴽⴻⵏⵏⵉⵡ ⵉⵙⵙⵓⴼⴼⵖⴻⵏ ⵥⴻⴳ ⵡⴻⴱⵔⵉⴷ? ⴰⵇⴰ ⵍⵎⴰⵙⵉⵃ ⵜⵓⵖⴰ ⵉⵜⵜⵡⴰⵔⵛⴻⵎ ⵇⵉⴱⴰⵞ ⵉ ⵜⵉⵟⵟⴰⵡⵉⵏ ⵏⵡⴻⵎ ⴰⵎ ⵡⴻⵏⵏⵉ ⵉⵎⵎⵓⵜⴻⵏ ⵅ ⵚⵚⴰⵍⵉⴱ. ^■   2 ⴷⴻⴳⴳⴰ ⵡⴰⵀⴰ ⵅⵙⴻⵖ ⴰⴷ ⵜ ⵙⵙⵏⴻⵖ ⵥⵥⴰⵢⵡⴻⵎ: ⵎⴰ ⵜᵉⵟⵟⴼⴻⵎ ⴰⵔⵔⵓⵃ ⵙ ⵍⴻⵅⴷⴰⵢⴻⵎ ⵏ ⵛⵛⴰⵔⵉⵄⴰ ⵏⵉⵖ ⵓⵎⵉ ⵜᵉⵜⵜⴻⴳⴳⴻⵎ ⴰⵔⵔⴰⵢ ⵉ ⵍ’ⵉⵎⴰⵏ? 3 ⵎⴰ ⴰⵎⴻⵏⵏⵉ ⴷ ⵉⴼⵖⵓⵍⴻⵏ ⵉ ⵜⴻⴵⴰⵎ? ⵜⴻⴱⴷⴰⵎ ⵙ ⴰⵔⵔⵓⵃ, ⵎⴰ ⵍⴻⵅⵅⵓ ⴰⴷ ⵜⴽⴻⵎⵎⵍⴻⵎ ⵙ ⴷⴷⴰⵜ? 4 ⵎⴰ ⵜⴻⵥⵔⵉⵎ ⵜⴰⵎⴰⵔⴰ ⴰⵟⵟⴰⵙ ⵅ ⵡⴰⵍⵓ? ⵎⴰ ⵜⵓⵖⴰ ⵙ ⵜⵉⴷⴻⵜⵜ ⵅ ⵡⴰⵍⵓ? 5 ⵡⴻⵏⵏⵉ ⴷ ⴰⵡⴻⵎ ⵉⵡⵛⵉⵏ ⴰⵔⵔⵓⵃ ⵓⵛⴰ ⵉⵜⵜⴻⴳⴳ ⵍⵎⵓⵄⵊⵉⵥⴰⵜ ⵊⴰⵔ ⴰⵡⴻⵎ, ⵎⴰ ⵉⵜⵜⴻⴳⴳ ⵉ-ⵜⴻⵏⵜ ⵥⵉ ⵍⴻⵅⴷⴰⵢⴻⵎ ⵏ ⵛⵛⴰⵔⵉⵄⴰ ⵏⵉⵖ ⵓⵎⵉ ⵜᵉⵜⵜⴻⴳⴳⴻⵎ ⴰⵔⵔⴰⵢ ⵉ ⵍ’ⵉⵎⴰⵏ,

6 ⴰⵎ ⵎⴰⵎⵎⴻⵛ ⵜⵓⵖⴰ ⵉⴱⵔⴰⵀⵉⵎ ⵢⵓⵎⴻⵏ ⴷⵉ ⴰⵔⴻⴱⵉ ⵓⵛⴰ ⵅⴻⵏⵏⵉ ⵉⵜⵜⵡⴰⵃⵙⴻⴱ ⴰⵙ-ⴷⴷ ⵎⴰⵏ ⴰⵢⴰ ⴷ ⵜⴰⵙⴻⴳⴷⴰ. ^■   7 ⵙ ⵓⵢⴻⵏⵏⵉ ⵙⵙⵏⴻⵎ, ⴱⴻⵍⵍⵉ ⵉⵏⵏⵉ ⵉⴵⴰⵏ ⵏ ⵍ’ⵉⵎⴰⵏ, ⵏⵉⵜⵏⵉ ⴷ ⴰⵢⵜ ⵏ ⵉⴱⵔⴰⵀⵉⵎ. 8 ⵎⵉⵏⵥⵉ ⵉⵙⵙⴻⵏ ⴰⵔⴻⴱⴱⵉ ⵇⴱⴻⵍ ⴰⵇⴰ ⵍⴻⴳⵏⵓⵙ ⴰⴷ ⵜⵜⵡⴰⵙⴻⴳⴳⴷⴻⵏ ⵙ ⵍ’ⵉⵎⴰⵏ, ⵉⵥⵥⴰⵔ ⵉⴱⴻⵛⵛⴰⵔ ⵉ ⵉⴱⵔⴰⵀⵉⵎ ⵙ ⵍⴻⵅⴱⴰⵔ ⴰⵚⴻⴱⵃⴰⵏ, ⴰⵎ ⵎⴰⵎⵎⴻⵛ ⵇⵇⴰⵔⴻⵏⵜ ⵜⵉⵔⴰ ⵉⵇⴻⴷⴷⵙⴻⵏ: “ⴷⴰⵢⴻⴽ ⵉ ⵖⴰ ⵜⵜⵡⴰⴱⴰⵔⴽⴻⵏ ⵍⴻⴳⵏⵓⵙ ⵎⴰⵔⵔⴰ.” ^■   9 ⵙ ⵓⵢⴻⵏⵏⵉ ⵉⵏⵏⵉ ⵢⵓⵎⵏⴻⵏ ⴰⴷ ⵜⵜⵡⴰⴱⴰⵔⴽⴻⵏ ⴰⴽ-ⴷ ⵍⵎⵓⵎⴻⵏ ⵉⴱⵔⴰⵀⵉⵎ.

10 ⵎⴰⵔⵔⴰ ⵉⵏⵏⵉ ⵉⴷⴷⴰⵔⴻⵏ ⵙ ⵍⴻⵅⴷⴰⵢⴻⵎ ⵏ ⵛⵛⴰⵔⵉⵄⴰ, ⴰⵇⴰ ⵏⵉⵜⵏⵉ ⵙⴰⴷⵓ ⵏⵏⴻⵄⵍⴻⵜ, ⵎⵉⵏⵥⵉ ⵜⵓⵔⴰ: “ⴷ ⴰⵎⴻⵏⵄⵓⵍ ⴽⵓⵍ ⵉⵊⵊⴻⵏ ⵡⴻⵏⵏⵉ ⵡⴰⵔ ⵉⵇⵇⵉⵎⴻⵏ ⵉⵜⵜᵉⵟⵟⴻⴼ ⴷⵉ ⵎⴰⵔⵔⴰ ⵜⵉⵎⴻⵙⵍⴰⵢⵉⵏ ⵢⵓⵔⴰⵏ ⴷⴻⴳ ⵡⴻⴷⵍⵉⵙ ⵏ ⵛⵛⴰⵔⵉⵄⴰ ⵃⵉⵎⴰ ⴰⴷ ⵜⴻⵏⵜ ⵉⴳⴳ!” ^■  

11 ⴰⵇⴰ ⵉⵜⵜⴱⴰⵏ ⴱⴻⵍⵍⵉ ⵡⴰⵔ ⴷⵉⵏ ⵃⴻⴷ ⵉ ⵖⴰ ⵉⵜⵜⵡⴰⵙⴻⴳⴳⴷⴻⵏ ⵖⴰⵔ ⴰⵔⴻⴱⴱⵉ ⵙ ⵛⵛⴰⵔⵉⵄⴰ, ⵎⵉⵏⵥⵉ ⵜⵓⵔⴰ: “ⴰⵎⵙⴻⴳⴳⴰⴷ ⵙ ⵍ’ⵉⵎⴰⵏ ⴰⴷ ⵉⴷⴷⴰⵔ!” ^■  

12 ⵎⴰⵛⴰ ⵛⵛⴰⵔⵉⵄⴰ ⵡⴰⵔ ⵜⴽⴻⵎⵎⴻⵍ ⵛⴰ ⵙ ⵍ’ⵉⵎⴰⵏ, ⵎⴰⵛⴰ ⴱⵏⴰⴷⴻⵎ ⵡⴻⵏⵏⵉ ⵉⵜⵜⴻⴳⴳⴻⵏ ⵎⵉⵏ ⴷⴰⵢⴻⵙ ⵢⵓⵔⵉⵏ, ⴰⴷ ⵥⵥⴰⵢⴻⵙ ⵉⴷⴷⴰⵔ. ^■  

13 ⵍⵎⴰⵙⵉⵃ ⴰⵇⴰ ⵉⵅⴻⴵⴻⵚ ⵅⴰⵏⴻⵖ, ⵃⵉⵎⴰ ⴰⴷ ⴰⵏⴻⵖ ⵉⴼⴻⴽⴽ ⵥⵉ ⵏⵏⴻⵄⵍⴻⵜ ⵏⵏⵉ ⵉⴵⴰⵏ ⵅ ⵢⴻⵏⵏⵉ ⵙⴰⴷⵓ ⵛⵛⴰⵔⵉⵄⴰ ⴰⵎ ⴷ ⵉⴷⵡⴻⵍ ⵅⴰⵏⴻⵖ ⴷ ⴰⵎⴻⵏⵄⵓⵍ, ⵎⵉⵏⵥⵉ ⵜⵓⵔⴰ: “ⴷ ⴰⵎⴻⵏⵄⵓⵍ ⵎⴰⵏ ⵡⴻⵏ ⵎⴰ ⵢⵓⵢⵍⴻⵏ ⵅ ⵜⴻⵃⵏⴰⵛⵜ!” ^■  

14 ⵃⵉⵎⴰ ⴰⴷ ⵜⵉⵡⴻⴹ ⵍⴱⴰⵔⴰⴽⴰ ⵏ ⵉⴱⵔⴰⵀⵉⵎ ⵖⴰⵔ ⵍⴻⴳⵏⵓⵙ ⴷⵉ ⵢⴻⵛⵛⵓ ⵍⵎⴰⵙⵉⵃ ⵎⴰⵃⴻⵏⴷ ⵙ ⵍ’ⵉⵎⴰⵏ ⴰⴷ ⵏⴻⵟⵟⴻⴼ ⵍⵡⴰⵄⴷ ⵏ ⴰⵔⵔⵓⵃ.

15 ⴰ ⴰⵢⵜⵎⴰ, ⴰⴷ ⵙⵙⵉⵡⵍⴻⵖ ⴰⵎ ⵎⴰⵎⵎⴻⵛ ⵜⴰⵎⴻⵙⵍⴰⵛⵜ ⵜⴻⴵⴰ ⴷ ⵉⵛⵜ ⵏ ⵜⵎⴻⵙⵍⴰⵛⵜ ⵏ ⴱⵏⴰⴷⴻⵎ: ⵓⵍⴰ ⴷ ⵍⵄⴰⵀⴷ ⵉ ⵉⴵⴰⵏ ⵥⵉ ⴱⵏⴰⴷⴻⵎ, ⴰⵡⴰⵔⵏⵉ ⵍⴰⵎⵉ ⵉⵜⵜⵡⴰⵅⵜⴻⵎ, ⵡⴰⵔ ⵉⵥⴻⵎⵎⴰⵔ ⴱⵏⴰⴷⴻⵎ ⴰⴷ ⵜ ⵉⴱⴹⴻⵍ ⵏⵉⵖ ⴰⴷ ⵜ ⵉⴱⴻⴷⴷⴻⵍ. ^■  

16 ⴰⵇⴰ ⵍⵡⵓⵄⵓⴷ ⵜⵜⵡⴰⴳⴳⴻⵏ ⵉ ⵉⴱⵔⴰⵀⵉⵎ ⴷ ⵥⵥⴰⵔⵉⵄⴻⵜ ⵏⵏⴻⵙ. ⵏⴻⵜⵜⴰ ⵡⴰⵔ ⴷ ⴰⵙ ⵢⵉⵏⵉ ⵛⴰ: “ⵉ ⵉⵄⴻⵇⵇⴰⵢⴻⵏ ⵏ ⵥⵥⴰⵔⵉⵄⴻⵜ ⵏⵡⴻⵎ!”, ⴰⵎ ⵉ ⵡⴰⵟⵟⴰⵙ, ⵎⴰⵛⴰ: “ⵉ ⵓⵄⴻⵇⵇⴰ ⵏ ⵥⵥⴰⵔⵉⵄⴻⵜ ⵏⵏⴻⴽ!”, ⴰⵎ ⵉ ⵢⵉⵊⵊⴻⵏ, ⵡⴻⵏⵏⵉ ⴰⵇⴰ-ⵜ ⴷ ⵍⵎⴰⵙⵉⵃ. ^■  

17 ⵅⴻⵏⵏⵉ ⵇⵇⴰⵔⴻⵖ ⴰⵎⵎⵓ: ⵍⵄⴰⵀⴷ ⵡⴻⵏⵏⵉ ⵉⴳⴳⵉⵏ ⴰⵔⴻⴱⴱⵉ ⵥⵉⵛ ⴷⵉ ⵍⵎⴰⵙⵉⵃ, ⵡⴰⵔ ⵜ ⵜⴱⴻⵟⵟⵉⵍ ⵛⴰ ⵛⵛⴰⵔⵉⵄⴰ ⵜⴻⵏⵏⵉ ⵜⵓⵙⴰ-ⴷⴷ ⴰⵔⴱⴻⵄⵎⴻⵢⵢⴰ ⵓ-ⵜⵍⴰⵜⵉⵏ ⵏ ⵉⵙⴻⴳⴳⵯⵓⵙⴰ ⴰⵡⴰⵔⵏⵉ ⵎⴰⵏ ⴰⵢⴰ ⵃⵉⵎⴰ ⴰⴷ ⵜⴻⴳⴳ ⵍⵡⴰⵄⴷ ⵉⵅⵡⴰⵏ. ^■  

18 ⵎⵉⵏⵥⵉ ⵎⴰⵍⴰ ⵍⵡⴰⵔⵜ ⵉⴵⴰ ⵙ ⵛⵛⴰⵔⵉⵄⴰ, ⴰⵇⴰ ⵡⴰⵔ ⵉⴵⵉ ⵄⴰⴷ ⵙ ⵍⵡⴰⵄⴷ. ⵎⴰⵛⴰ ⴰⵔⴻⴱⴱⵉ ⴰⵇⴰ ⵉⵡⵛⴰ ⵉ-ⵜ ⵉ ⵉⴱⵔⴰⵀⵉⵎ ⵙ ⵍⵡⴰⵄⴷ. ^■  

19 ⵅⴻⵏⵏⵉ ⵉ ⵓⵎⵉ ⵜⵏⴻⴼⴼⴻⵄ ⵛⵛⴰⵔⵉⵄⴰ? ⴰⵇⴰ ⵜᵉⵜⵜⵡⴰⵎⵎⴰⵔⵏⵉ ⵖⴰⵔ ⵍⵡⴰⵄⴷ ⵅ ⵙⵙⵉⴱⴱⴻⵜ ⵏ ⴷⴷⵏⵓⴱ ⴰⵍⴰⵎⵉ ⴷⴷ-ⵜⵓⵙⴰ ⵣⵥⴰⵔⵉⵄⴻⵜ ⵜⴻⵏⵏⵉ ⵓⵎⵉ ⵉⵜⵜⵡⴰⴳⴳ ⵍⵡⴰⵄⴷ. ⵓ ⵙ ⵍⵎⴰⵍⴰⴽⴰⵜ ⵜⴻⵎⵎⴻⵡⵛ ⵛⵛⴰⵔⵉⵄⴰ ⴷⴻⴳ ⵓⴼⵓⵙ ⵏ ⵉⵊⵊ ⵏ ⵍⵡⴰⵚⵉⵜ. ^■   20 ⵍⵡⴰⵚⵉⵜ ⵡⴰⵔ ⴷⵉⵏ ⵉⴵⵉ ⵉ ⵉⵊⵊⴻⵏ, ⵎⴰⵛⴰ ⴰⵔⴻⴱⴱⵉ ⴷ ⵉⵊⵊⴻⵏ.

21 ⵎⴰ ⵅⴻⵏⵏⵉ ⵛⵛⴰⵔⵉⵄⴰ ⴹⵉⴷⴷ ⵉ ⵍⵡⴰⵄⴷ ⵏ ⴰⵔⴻⴱⴱⵉ? ⵄⴻⵎⵎⴰⵔⵚ! ⵎⵉⵏⵥⵉ ⵎⴰⵍⴰ ⵜⵓⵖⴰ ⵜⴻⵎⵎⴻⵡⵛ ⵉⵛⵜ ⵏ ⵛⵛⴰⵔⵉⵄⴰ ⵜⵥⴻⵎⵎⴰⵔ ⴰⴷ ⵜⴻⵙⵙⴻⴷⴷⴰⵔ, ⴷ ⵜⵉⴷⴻⵜⵜ ⵜⵓⵖⴰ ⵜⴰⵙⴻⴳⴷⴰ ⵙ ⵛⵛⴰⵔⵉⵄⴰ. 22 ⵎⴰⵛⴰ ⴰⴷⵍⵉⵙ ⵏ ⵛⵛⴰⵔⵉⵄⴰ ⵉⴱⴻⵍⵍⴻⵄ ⵅ ⵎⴰⵔⵔⴰ ⴷⵉ ⴷⴷⵏⵓⴱ, ⵃⵉⵎⴰ ⵍⵡⴰⵄⴷ ⴰⴷ ⵉⵎⵎⴻⵡⵛ ⵙ ⵍ’ⵉⵎⴰⵏ ⴷⵉ ⵢⴻⵛⵛⵓ ⵍⵎⴰⵙⵉⵃ ⵉ ⵢⴻⵏⵏⵉ ⵢⵓⵎⵏⴻⵏ. ^■  

23 ⵎⴰⵛⴰ ⵇⴱⴻⵍ ⵎⴰ ⵉ ⴷⴷ ⵖⴰ ⵢⴰⵙ ⵍ’ⵉⵎⴰⵏ, ⵜⵓⵖⴰ ⴰⵏⴻⵖ ⵏⴻⵎⵎⴻⵃⴹⴰ ⴷⵉ ⵛⵛⴰⵔⵉⵄⴰ ⵓⵛⴰ ⵉⵜⵜⵡⴰⴱⴻⵍⵍⴻⵄ ⵅⴰⵏⴻⵖ ⵥⵥⴰⵢⴻⵙ ⴰⵍⴰⵎⵉ ⴷⴷ-ⵢⵓⵙⴰ ⵍ’ⵉⵎⴰⵏ ⵡⴻⵏⵏⵉ ⵜⵓⵖⴰ ⵉ ⵖⴰ ⵉⴹⵀⴰⵔⴻⵏ. 24 ⵙ ⵓⵢⴻⵏⵏⵉ ⵜⵓⵖⴰ ⵛⵛⴰⵔⵉⵄⴰ ⴰⵎ ⵡⴻⵏⵏⵉ ⴷ ⴰⵏⴻⵖ ⵉⵜⵜⴰⵔⴻⴱⴱⴰⵏ ⴰⵍ ⵍⵎⴰⵙⵉⵃ, ⵃⵉⵎⴰ ⴰⴷ ⵏⴻⵜⵜⵡⴰⵙⴻⴳⴳⴻⴷ ⵙ ⵍ’ⵉⵎⴰⵏ. ^■   25 ⵎⴰⵛⴰ ⵍⴻⵅⵅⵓ, ⵓⵎⵉ ⴷⴷ-ⵢⵓⵙⴰ ⵍ’ⵉⵎⴰⵏ, ⴰⵇⴰ ⵡⴰⵔ ⵏⴻⵇⵇⵉⵎ ⵄⴰⴷ ⵙⴰⴷⵓ ⵡⴻⵏⵏⵉ ⵉⵜⵜⴰⵔⴻⴱⴱⴰⵏ.

26 ⵎⵉⵏⵥⵉ ⵎⴰⵔⵔⴰ ⴽⴻⵏⵏⵉⵡ ⴷ ⴰⵢⵜ ⵏ ⴰⵔⴻⴱⴱⵉ ⵙ ⵍ’ⵉⵎⴰⵏ ⴷⵉ ⵢⴻⵛⵛⵓ ⵍⵎⴰⵙⵉⵃ. ^■   27 ⵎⵉⵏⵥⵉ ⵎⴰⵔⵔⴰ ⵉⵏⵏⵉ ⵉⵜⵜⵡⴰⵙⵖⴻⴹⵚⴻⵏ ⴷⵉ ⵍⵎⴰⵙⵉⵃ, ⴰⵇⴰ ⴰⵔⴹⴻⵏ ⵍⵎⴰⵙⵉⵃ. ^■   28 ⵅⴻⵏⵏⵉ ⵡⴰⵔ ⴷⵉⵏ ⵄⴰⴷ ⵓⴷⴰⵢ ⵏⵉⵖ ⴰⵔⴰⵎⵉⵢ, ⵡⴰⵔ ⴷⵉⵏ ⵄⴰⴷ ⵉⵙⵎⴻⵖ ⵏⵉⵖ ⴰⵃⵓⵔⵔⵉ, ⵡⴰⵔ ⴷⵉⵏ ⵄⴰⴷ ⴰⵔⵢⴰⵥ ⵏⵉⵖ ⵜⴰⵎⵖⴰⵔⵜ, ⵎⵉⵏⵥⵉ ⵎⴰⵔⵔⴰ ⴽⴻⵏⵏⵉⵡ ⴷ ⵉⵊⵊⴻⵏ ⵉ ⵜⴻⴵⴰⵎ ⴷⵉ ⵢⴻⵛⵛⵓ ⵍⵎⴰⵙⵉⵃ. ^■   29 ⵎⴰⵍⴰ ⴽⴻⵏⵏⵉⵡ ⵜⴻⴵⴰⵎ ⵏ ⵍⵎⴰⵙⵉⵃ, ⴰⵇⴰ ⴽⴻⵏⵏⵉⵡ ⴷ ⵥⵥⴰⵔⵉⵄⴻⵜ ⵏ ⵉⴱⵔⴰⵀⵉⵎ ⵓⵛⴰ ⵄⵍⴰⵃⵙⴰⴱ ⵍⵡⴰⵄⴷ ⴷ ⵉⵡⵔⵉⵜⴻⵏ. ^■