1 “ⴰⵇⴰ ⵙⵙⵉⵡⵍⴻⵖ ⴰⴽⵉⴷⵡⴻⵎ ⴰⵢⴰ ⵃⵉⵎⴰ ⵡⴰⵔ ⵜⴻⵏⴷⵔⵉⴼⴻⵎ. 2 ⴰⴷ ⴽⴻⵏⵏⵉⵡ ⵙⵙⵓⴼⴼⵖⴻⵏ ⵥⵉ ⵜⴻⵎⵥⵉⴷⴰⵡⵉⵏ ⵏⵙⴻⵏ. ⵉⵡⴰ, ⵜⴰⵙⴰⵄⵄⴻⵜ ⴰⴷ ⴷⴷ-ⵜⴰⵙ ⵓⵎⵉ ⴽⵓⵍ ⵉⵊⵊⴻⵏ ⵡⴻⵏⵏⵉ ⴽⴻⵏⵏⵉⵡ ⵉ ⵖⴰ ⵉⵏⵖⴻⵏ ⴰⴷ ⴰⵙ ⵉⵜⵜⵖⵉⵍ ⴰⵇⴰ ⵉⵡⵛⴰ ⵉⵛⵜ ⵏ ⵜⴻⵡⵀⵉⴱⵜ ⵉ ⴰⵔⴻⴱⴱⵉ. ^■   3 ⴰⴷ ⵥⵥⴰⵢⵡⴻⵎ ⴳⴳⴻⵏ ⵎⴰⵏ ⴰⵢⴰ, ⵎⵉⵏⵥⵉ ⵏⵉⵜⵏⵉ ⵡⴰⵔ ⵙⵙⵉⵏⴻⵏ ⴱⴰⴱⴰ ⵓⵍⴰ ⴷ ⵏⴻⵛⵛ. ^■   4 ⵎⴰⵛⴰ ⴰⵇⴰ ⵏⵏⵉⵖ ⴰⵡⴻⵎ ⵎⴰⵏ ⴰⵢⴰ ⵃⵉⵎⴰ, ⵅⵎⵉ ⵉ ⴷⴷ ⵖⴰ ⵜⴰⵙ ⵜⵙⴰⵄⵄⴻⵜ, ⵅⴻⵏⵏⵉ ⴰⴷ ⵜⵄⴻⵇⵍⴻⵎ ⵅ ⵎⴰⵏ ⴰⵢⴰ. ⵏⴻⵛⵛ ⵡⴰⵔ ⴷⴰⵢⵡⴻⵎ ⵏⵏⵉⵖ ⵛⴰ ⵎⴰⵏ ⴰⵢⴰ ⵇⴱⴻⵍ, ⵎⵉⵏⵥⵉ ⵏⴻⵛⵛ ⵜⵓⵖⴰ ⴰⵢⵉ ⴰⴽⵉⴷⵡⴻⵎ.” ^■  

5 “ⵎⴰⵛⴰ ⵍⴻⵅⵅⵓ ⴰⴷ ⵔⴰⵃⴻⵖ ⵖⴰⵔ ⵡⴻⵏⵏⵉ ⴷ ⴰⵢⵉ ⴷⴷ-ⵉⵙⵙⴻⴽⴽⴻⵏ, ⵓⵛⴰ ⵓⵍⴰ ⴷ ⵉⵊⵊ ⵥⵥⴰⵢⵡⴻⵎ ⵡⴰⵔ ⴷ ⴰⵢⵉ ⵉⵙⵙⴻⵇⵙⵉ: ‘ⵎⴰⵏⵉ ⵉ ⵖⴰ ⵜⵔⴰⵃⴻⴷ?’ 6 ⵎⴰⵖⴰⵔ ⵎⵉⵏⵥⵉ ⵏⵏⵉⵖ ⴰⵡⴻⵎ ⵎⴰⵏ ⴰⵢⴰ, ⴰⵇⴰ ⵛⵛⵓⵔⴻⵏ ⵡⵓⵍⴰⵡⴻⵏ ⵏⵡⴻⵎ ⵙ ⵡⴻⵛⴹⴰⵏ. 7 ⵎⴰⵛⴰ ⵏⴻⵛⵛ ⴰⴷ ⴰⵡⴻⵎ ⵉⵏⵉⵖ ⵜⵉⴷⴻⵜⵜ: ⵃⵙⴻⵏ ⴰⵡⴻⵎ ⴰⴷ ⵔⴰⵃⴻⵖ, ⵎⴰⵖⴰⵔ ⵎⴰⵍⴰ ⵡⴰⵔ ⵔⵓⵃⴻⵖ ⵛⴰ, ⵡⴰⵔ ⵖⴰⵔⵡⴻⵎ ⴷⴷ-ⵉⵜⵜⵉⵙ ⵓⵎⴻⴼⴷⵉ. ⵎⴰⵍⴰ ⵔⵓⵃⴻⵖ, ⴰⴷ ⴰⵡⴻⵎ ⵜ-ⵉ-ⴷⴷ-ⵙⵙⴻⴽⴽⴻⵖ. ^■   8 ⵍⴰⵎⵉ ⴷⴷ-ⵢⵓⵙⴰ ⵡⴰⵏⵉⵜⴰ, ⴰⴷ ⵉⵙⵙⴻⵇⵏⴻⵄ ⴷⴷⵓⵏⴻⵛⵜ ⵅ ⴷⴷⵏⵓⴱ ⵅ ⵜⵙⴻⴳⴷⴰ ⵓ ⵅ ⵍⵃⵓⴽⵎ. 9 ⵅ ⴷⴷⵏⵓⴱ ⵎⵉⵏⵥⵉ ⵏⵉⵜⵏⵉ ⵡⴰⵔ ⵥⵥⴰⵢⵉ ⵓⵎⵉⵏⴻⵏ,

10 ⵅ ⵜⵙⴻⴳⴷⴰ, ⵎⵉⵏⵥⵉ ⵏⴻⵛⵛ ⴰⴷ ⵔⴰⵃⴻⵖ ⵖⴰⵔ ⴱⴰⴱⴰ ⵓⵛⴰ ⵡⴰⵔ ⴷ ⴰⵢⵉ ⵜⵥⴰⵔⵔⴻⵎ ⵄⴰⴷ,

11 ⵓⵛⴰ ⵅ ⵍⵃⵓⴽⵎ, ⵎⵉⵏⵥⵉ ⴰⵎⴻⵇⵇⵔⴰⵏ ⵏ ⴷⴷⵓⵏⴻⵛⵜ-ⴰ ⴰⵇⴰ ⵉⵜⵜⵡⴰⵃⴰⵙⴻⴱ. ^■  

12 ⵖⴰⵔⵉ ⴰⵟⵟⴰⵙ ⵎⵉⵏ ⴷⴰⵢⵡⴻⵎ ⵉ ⵖⴰ ⵉⵏⵉⵖ, ⵎⴰⵛⴰ ⵍⴻⵅⵅⵓ ⵡⴰⵔ ⵜⵥⴻⵎⵎⴰⵔⴻⵎ ⴰⴷ ⵜ ⵜⴻⴽⵙⵉⵎ.

13 ⵎⴰⵛⴰ ⵍⴰⵎⵉ ⴷⴷ-ⵢⵓⵙⴰ ⴰⵔⵔⵓⵃ ⵏ ⵜⵉⴷⴻⵜⵜ, ⴰⴷ ⴽⴻⵏⵏⵉⵡ ⵉⵏⴷⴻⵀ ⴷⵉ ⵎⴰⵔⵔⴰ ⵜⵉⴷⴻⵜⵜ, ⵎⵉⵏⵥⵉ ⵏⴻⵜⵜⴰ ⵡⴰⵔ ⵉⵙⵙⵉⵡⵉⵍ ⵛⴰ ⵥⴻⴳ ⵉⵅⴻⴼ ⵏⵏⴻⵙ, ⵎⴰⵛⴰ ⵎⴰⵔⵔⴰ ⵎⵉⵏ ⵖⴰ ⵉⵙⵍⴰ, ⴰⴷ ⵥⵥⴰⵢⴻⵙ ⵉⵙⵙⵉⵡⴻⵍ ⵓⵛⴰ ⴰⴷ ⴰⵡⴻⵎ ⵉⵙⵙⵛⴻⵏ ⵜⵉⵎⴻⵙⵍⴰⵢⵉⵏ ⵉ ⴷⴷ ⵖⴰ ⵢⴰⵙⴻⵏ. ^■  

14 ⵏⴻⵜⵜⴰ ⴰⴷ ⴰⵢⵉ ⵉⵙⵙⵄⵓⴵ, ⵎⵉⵏⵥⵉ ⴰⴷ ⵉⴽⵙⵉ ⵥⵉ ⵎⵉⵏ ⵖⴰⵔⵉ ⵓⵛⴰ ⴰⴷ ⴽⴻⵏⵏⵉⵡ ⵉⵙⵙⴰⵔⴳⴻⴱ ⵥⵥⴰⵢⴻⵙ.

15 ⵎⴰⵔⵔⴰ ⵎⵉⵏ ⵉⴵⴰⵏ ⵖⴰⵔ ⴱⴰⴱⴰ, ⴰⵇⴰ-ⵜ ⵉⵏⵓ. ⵙ ⵓⵢⴻⵏⵏⵉ ⵏⵏⵉⵖ, ⴱⴻⵍⵍⵉ ⵏⴻⵜⵜⴰ ⴰⴷ ⵉⴽⵙⵉ ⵥⵉ ⵎⵉⵏ ⵖⴰⵔⵉ ⵓⵛⴰ ⴰⴷ ⴽⴻⵏⵏⵉⵡ ⵜⵜ ⵉⵙⵙⴰⵔⴳⴻⴱ.” ^■  

16 “ⵡⴰⵔ ⵉⵜⵜⵖⵉⵎⵉ ⵛⴰ ⵓⵛⴰ ⵡⴰⵔ ⴷ ⴰⵢⵉ ⵜⵥⴰⵔⵔⴻⵎ ⵄⴰⴷ, ⵓ ⵅⴻⵏⵏⵉ ⵄⴰⵡⴻⴷ ⵡⴰⵔ ⵉⵜⵜⵖⵉⵎⵉ ⵛⴰ ⵓⵛⴰ ⴰⴷ ⴰⵢⵉ ⵜⵥⴰⵔⴻⵎ, ⵎⵉⵏⵥⵉ ⵏⴻⵛⵛ ⴰⴷ ⵔⴰⵃⴻⵖ ⵖⴰⵔ ⵜⴱⴰⴱⴰⵜ.” ^■  

17 ⵛⴰ ⵥⴻⴳ ⵉⵎⴻⵃⴹⴰⵔⴻⵏ ⵏⵏⴻⵙ ⵏⵏⴰⵏ ⵊⴰⵔ ⴰⵙⴻⵏ: “ⵎⴰⵏⴰⵡⵢⴰ ⵎⵉⵏ ⵉ ⴷ ⴰⵏⴻⵖ ⵉⵏⵏⴰ: ‘ⵡⴰⵔ ⵉⵜⵜⵖⵉⵎⵉ ⵛⴰ ⵓⵛⴰ ⵡⴰⵔ ⴷ ⴰⵢⵉ ⵜⵥⴰⵔⵔⴻⵎ ⵄⴰⴷ, ⵓ ⵅⴻⵏⵏⵉ ⵄⴰⵡⴻⴷ ⵡⴰⵔ ⵉⵜⵜⵖⵉⵎⵉ ⵛⴰ ⵓⵛⴰ ⴰⴷ ⴰⵢⵉ ⵜⵥⴰⵔⴻⵎ ⵄⴰⵡⴻⴷ!’, ⵓ: ‘ⵏⴻⵛⵛ ⴰⴷ ⵔⴰⵃⴻⵖ ⵖⴰⵔ ⵜⴱⴰⴱⴰⵜ!’?”

18 ⵏⵉⵜⵏⵉ ⵏⵏⴰⵏ: “ⵎⴰⵏⴰⵡⵢⴰ ⵎⵉⵏ ⵉⵇⵇⴰⵔ: ‘ⵡⴰⵔ ⵉⵜⵜⵖⵉⵎⵉ ⵛⴰ!’? ⵡⴰⵔ ⵏⴻⵙⵙⵉⵏ ⵛⴰ ⵎⵉⵏ ⵉⵅⵙ ⴰⴷ ⵢⵉⵏⵉ.”

19 ⵉⵙⵙⴻⵏ ⵢⴻⵛⵛⵓ ⵎⵉⵏ ⵅⵙⴻⵏ ⴰⴷ ⵜ ⵙⵙⴻⵇⵙⴰⵏ, ⵉⵏⵏⴰ ⴰⵙⴻⵏ: “ⵎⴰ ⵜⴻⵎⵎⵙⴻⵇⵙⴰⵎ ⵎⵉⵏⵥⵉ ⵏⵏⵉⵖ: ‘ⵡⴰⵔ ⵉⵜⵜⵖⵉⵎⵉ ⵛⴰ ⵓⵛⴰ ⵡⴰⵔ ⴷ ⴰⵢⵉ ⵜⵥⴰⵔⵔⴻⵎ ⵄⴰⴷ ⵓ ⵅⴻⵏⵏⵉ ⵄⴰⵡⴻⴷ ⵡⴰⵔ ⵉⵜⵜⵖⵉⵎⵉ ⵛⴰ ⵓⵛⴰ ⴰⴷ ⴰⵢⵉ ⵜⵥⴰⵔⴻⵎ ⵄⴰⵡⴻⴷ!’?”

20 “ⵙ ⵜⵉⴷⴻⵜⵜ, ⵙ ⵜⵉⴷⴻⵜⵜ, ⵏⴻⵛⵛ ⴰⴷ ⴰⵡⴻⵎ ⵉⵏⵉⵖ: ⴽⴻⵏⵏⵉⵡ ⴰⴷ ⵜⵔⵓⵎ, ⴰⴷ ⵜⴻⵙⵖⵓⵢⵢⴻⵎ, ⵎⴰⵛⴰ ⴷⴷⵓⵏⴻⵛⵜ ⴰⴷ ⵜⴼⴰⵔⵃ. ⴽⴻⵏⵏⵉⵡ ⴰⴷ ⵜⵛⴻⴹⵏⴻⵎ, ⵎⴰⵛⴰ ⴰⵛⴹⴰⵏ ⵏⵡⴻⵎ ⴰⴷ ⵉⴷⵡⴻⵍ ⴷ ⵍⴻⴼⵔⴰⵃⴻⵜ. 21 ⵜⴰⵎⵖⴰⵔⵜ, ⵅⵎⵉ ⵉ ⵖⴰ ⵜⴰⵔⵓⵡ, ⴰⴷ ⴷⴰⵢⴻⵙ ⵢⵉⵍⵉ ⵍⴻⵃⵔⵉⵇ ⵎⵉⵏⵥⵉ ⵜⴰⵙⴰⵄⵄⴻⵜ ⵏⵏⴻⵙ ⴰⵇⴰ ⵜⵉⵡⴻⴹ-ⴷⴷ. ⵎⴰⵛⴰ ⵅⵎⵉ ⴷⴷ ⵖⴰ ⵜⴰⵔⵓⵡ ⵎⵎⵉⵙ, ⵡⴰⵔ ⵜⴼⴻⴽⴽⴰⵔ ⵛⴰ ⵄⴰⴷ ⴷⵉ ⵍⴻⵃⵔⵉⵇ ⵏⵏⴻⵙ ⵙ ⵍⴻⴼⵔⴰⵃⴻⵜ ⵎⵉⵏⵥⵉ ⵜⴰⵔⵏⵉ-ⴷⴷ ⵉⵊⵊ ⵏ ⴱⵏⴰⴷⴻⵎ ⵖⴰⵔ ⴷⴷⵓⵏⴻⵛⵜ. ^■   22 ⵓⵍⴰ ⴷ ⴽⴻⵏⵏⵉⵡ ⴰⵇⴰ ⴷⴰⵢⵡⴻⵎ ⴰⵛⴹⴰⵏ ⵍⴻⵅⵅⵓ, ⵎⴰⵛⴰ ⴰⴷ ⴽⴻⵏⵏⵉⵡ ⵥⴰⵔⴻⵖ ⵄⴰⵡⴻⴷ ⵓⵛⴰ ⴰⴷ ⴼⴰⵔⵃⴻⵏ ⵡⵓⵍⴰⵡⴻⵏ ⵏⵡⴻⵎ ⵓⵛⴰ ⵓⵍⴰ ⴷ ⵉⵊⵊ ⵡⴰⵔ ⵥⵥⴰⵢⵡⴻⵎ ⵉⵜⵜⴻⴽⴽⴻⵙ ⵍⴻⴼⵔⴰⵃⴻⵜ ⵏⵡⴻⵎ.

23 ⴷⴻⴳ ⵡⴰⵙⵙ ⵏⵏⵉ ⵡⴰⵔ ⴷ ⴰⵢⵉ ⵜᵉⵜⵜⴰⵔⴻⵎ ⵛⴰ. ⵙ ⵜⵉⴷⴻⵜⵜ, ⵙ ⵜⵉⴷⴻⵜⵜ, ⵏⴻⵛⵛ ⴰⴷ ⴰⵡⴻⵎ ⵉⵏⵉⵖ: ⵎⴰⵔⵔⴰ ⵎⵉⵏ ⵖⴰ ⵜᵉⵜⵜⴰⵔⴻⵎ ⵥⵉ ⴱⴰⴱⴰ ⵙ ⵢⵉⵙⴻⵎ ⵉⵏⵓ, ⴰⴷ ⴰⵡⴻⵎ ⵜ ⵉⵡⵛ. ^■   24 ⴰⵍ ⵉ ⵍⴻⵅⵅⵓ ⵡⴰⵔ ⵜᵉⵜⵜⴰⵔⴻⵎ ⵛⴰ ⵙ ⵢⵉⵙⴻⵎ ⵉⵏⵓ. ⵜⵜⴰⵔⴻⵎ, ⴰⴷ ⵜⴻⴽⵙⵉⵎ, ⵃⵉⵎⴰ ⴰⴷ ⵜⵉⵍⵉ ⵍⴻⴼⵔⴰⵃⴻⵜ ⵏⵡⴻⵎ ⵜⴻⴽⵎⴻⵍ.

25 ⵙⵙⵉⵡⵍⴻⵖ ⴰⵡⴻⵎ ⵅ ⵎⴰⵏ ⴰⵢⴰ ⵙ ⵉⵎⴻⴷⵢⴰ, ⵎⴰⵛⴰ ⴰⴷ ⴷⴷ-ⵜⴰⵡⴻⴹ ⵜⵙⴰⵄⵄⴻⵜ ⵉ ⴷⵉ ⵡⴰⵔ ⵖⴰⵔⵡⴻⵎ ⵉ ⵖⴰ ⵙⵙⵉⵡⵉⵍⴻⵖ ⵄⴰⴷ ⵙ ⵉⵎⴻⵜⵜⵉⵍⴻⵏ, ⵎⴰⵛⴰ ⴰⴷ ⴰⵡⴻⵎ ⴷⴷ-ⴱⴰⵔⵔⵃⴻⵖ ⵅ ⵜⴱⴰⴱⴰⵜ ⵙ ⴱⵟⴰⵢⵟⴰⵢ. 26 ⴷⴻⴳ ⵡⴰⵙⵙ ⵏⵏⵉ ⴰⴷ ⵜᵉⵜⵜⴰⵔⴻⵎ ⵙ ⵢⵉⵙⴻⵎ ⵉⵏⵓ. ⵏⴻⵛⵛ ⵡⴰⵔ ⴷ ⴰⵡⴻⵎ ⵇⵇⴰⵔⴻⵖ ⵛⴰ ⴱⴻⵍⵍⵉ ⴰⴷ ⵜⵜⴰⵔⴻⵖ ⵛⴰ ⵉ ⵜⴱⴰⴱⴰⵜ ⴷⵉ ⵟⵟⵡⴻⵄ ⵏⵡⴻⵎ, 27 ⵎⵉⵏⵥⵉ ⵜⴰⴱⴰⴱⴰⵜ ⵙⵉⵎⴰⵏⵜ ⵏⵏⴻⵙ ⵉⵜⵜⴻⵅⵙ ⴽⴻⵏⵏⵉⵡ, ⵎⵉⵏⵥⵉ ⴽⴻⵏⵏⵉⵡ ⵜⵓⵖⴰ ⵜᵉⵜⵜⴻⵅⵙⴻⵎ ⴰⵢⵉ ⵓⵛⴰ ⴰⵇⴰ ⵜⵓⵎⵏⴻⵎ ⴰⵇⴰ ⵏⴻⵛⵛ ⵥⵉ ⵖⴰⵔ ⴰⵔⴻⴱⴱⵉ ⵉ ⴷⴷ-ⴼⴼⵖⴻⵖ. ^■   28 ⴼⴼⵖⴻⵖ-ⴷⴷ ⵥⵉ ⵜⴱⴰⴱⴰⵜ, ⵓⵙⵉⵖ-ⴷⴷ ⵖⴰⵔ ⴷⴷⵓⵏⴻⵛⵜ. ⴰⴷ ⵊⵊⴻⵖ ⵏⴻⵛⵛ ⵄⴰⵡⴻⴷ ⴷⴷⵓⵏⴻⵛⵜ ⵓⵛⴰ ⴰⴷ ⵔⴰⵃⴻⵖ ⵖⴰⵔ ⵜⴱⴰⴱⴰⵜ.” ^■  

29 ⵏⵏⴰⵏ ⴰⵙ ⵉⵎⴻⵃⴹⴰⵔⴻⵏ ⵏⵏⴻⵙ: “ⴰⵇⴰ ⵍⴻⵅⵅⵓ ⵜⴻⵙⵙⴰⵡⴰⵍⴻⴷ ⵙ ⴱⵟⴰⵢⵟⴰⵢ, ⵡⴰⵔ ⵜⴻⵙⵙⵉⵡⵉⵍⴻⴷ ⵛⴰ ⵙ ⵉⵊⵊ ⵏ ⵓⵎⴻⴷⵢⴰ. 30 ⵍⴻⵅⵅⵓ ⵏⴻⵙⵙⴻⵏ ⴰⵇⴰ ⵜⴻⵙⵙⵏⴻⴷ ⴽⵓⵍⵛⵉ, ⵡⴰⵔ ⵜⴻⵃⴷⵉⵊⴻⴷ ⴰⴷ ⵛⴻⴽ ⵉⵙⵙⴻⵇⵙⴰ ⵃⴻⴷ. ⵣⵉ ⵎⴰⵏⴰⵡⴻⵏⵏⵉ ⵏⵓⵎⴻⵏ ⴰⵇⴰ ⵛⴻⴽ ⵜⴻⴼⴼⵖⴻⴷ-ⴷⴷ ⵥⵉ ⴰⵔⴻⴱⴱⵉ.” ^■   31 ⵢⴻⵛⵛⵓ ⵢⴰⵔⵔⴰ-ⴷⴷ ⵅⴰⵙⴻⵏ: “ⵎⴰ ⵍⴻⵅⵅⵓ ⵜⵓⵎⵏⴻⵎ? 32 ⴰⴷ ⴷⴷ-ⵜⴰⵡⴻⴹ ⵜⵙⴰⵄⵄⴻⵜ, ⴰⵇⴰ ⵜⵉⵡⴻⴹ-ⴷⴷ, ⵉ ⴷⵉ ⵉ ⵖⴰ ⵜᵉⵜⵜⵡⴰⵙⵙⵓⵥⵥⴰⵔⴻⵎ, ⴽⵓⵍ ⵉⵊⵊ ⴰⴷ ⵉⵟⵟⴻⴼ ⵖⴰⵔ ⵡⴻⵎⵛⴰⵏ ⵏⵏⴻⵙ, ⴰⴷ ⴰⵢⵉ ⵜⴻⵊⵊⴻⵎ ⵡⴻⵃⵃⴷⵉ, ⵎⴰⵛⴰ ⵏⴻⵛⵛ ⵡⴰⵔ ⴵⵉⵖ ⴱⵓ ⵡⴻⵃⵃⴷⵉ, ⵎⵉⵏⵥⵉ ⵜⴰⴱⴰⴱⴰⵜ ⴰⵇⴰ-ⵜ ⴰⴽⵉⴷⵉ. ^■   33 ⴰⵇⴰ ⵙⵙⵉⵡⵍⴻⵖ ⴰⴽⵉⴷⵡⴻⵎ ⵙ ⵎⴰⵏ ⴰⵢⴰ ⵃⵉⵎⴰ ⴰⴷ ⵖⴰⵔⵡⴻⵎ ⵢⵉⵍⵉ ⵍⴻⵀⵏⴰ ⴷⴰⵢⵉ. ⴷⵉ ⴷⴷⵓⵏⴻⵛⵜ ⴰⴷ ⵖⴰⵔⵡⴻⵎ ⵜⵉⵍⵉ ⵍⵎⴻⵃⵏⴻⵜ, ⴳⴳⴻⵎ ⵓⵍ, ⵏⴻⵛⵛ ⴰⵇⴰ ⵖⴻⵍⵍⴱⴻⵖ ⵅ ⴷⴷⵓⵏⴻⵛⵜ.” ^■