1 ⵍⴻⵅⵅⵓ ⴰⵢⵜ ⵏ ⵔⵓⴱⵉⵏ, ⴰⵎⴻⵏⵥⵓ ⵏ ⵉⵙⵔⴰⵉⵍ, ⵎⵉⵏⵥⵉ ⵏⴻⵜⵜⴰ ⵜⵓⵖⴰ-ⵜ ⴷ ⴰⵎⴻⵏⵥⵓ, ⵎⴰⵛⴰ ⵓⵎⵉ ⵏⴻⵜⵜⴰ ⵉⵄⴰⵔⵔⴰ ⵅ ⵜⴰⵙⵙⵓⵜ ⵏ ⴱⴰⴱⴰⵙ, ⵜⴻⵎⵎⴻⵡⵛ ⵜⴰⵙⵖⴰⵔⵜ ⵏ ⵜⵎⴻⵏⵥⵓⵜ ⵏⵏⴻⵙ ⵉ ⵉⵃⴻⵏⵊⵉⵔⴻⵏ ⵏ ⵢⵓⵙⵓⴼ, ⵎⵎⵉⵙ ⵏ ⵉⵙⵔⴰⵉⵍ, ⵎⴰⵛⴰ ⵡⴰⵔ ⵉⴵⵉ ⴰⵎⴻⵏⵏⵉ ⴰⵍⴰⵎⵉ ⵏⴻⵜⵜⴰ ⵉⵜⵜⵡⴰⵥⴻⵎⵎⴻⵎ ⴷⵉ ⵍⵉⵙⵜⴰ ⵏ ⵊⵊⴰⴷⵉⵔⴰ ⵄⵍⴰⵃⵙⴰⴱ ⵜⴰⵙⵖⴰⵔⵜ ⵏ ⵜⵎⴻⵏⵥⵓⵜ ⵏⵏⴻⵙ. ^□   2 ⵎⴰⵖⴰⵔ ⵢⴰⵀⵓⴷⴰ ⵉⴷⵡⴻⵍ ⴷ ⴱⵓ-ⵜⴻⵖⵔⵓⴹⵜ ⵊⴰⵔ ⴰⵢⵜⵎⴰⵙ ⵓ ⵥⵥⴰⵢⴻⵙ ⵉⴼⴼⴻⵖ ⴰⵎⴳⴻⵡⵡⴻⴷ, ⵡⴰⵅⵅⴰ ⵜⴰⵙⵖⴰⵔⵜ ⵏ ⵜⵎⴻⵏⵥⵓⵜ ⵜⵓⵖⴰ-ⵜⵜ ⵖⴰⵔ ⵢⵓⵙⵓⴼ.

3 ⵉⵃⴻⵏⵊⵉⵔⴻⵏ ⵏ ⵔⵓⴱⵉⵏ, ⴰⵎⴻⵏⵥⵓ ⵏ ⵉⵙⵔⴰⵉⵍ, ⵜⵓⵖⴰ ⴰⵜⴻⵏ ⴷ ⵃⴰⵏⵓⴽ ⴷ ⴼⴰⵍⵍⵓ, ⵃⴰⵚⵔⵓⵏ ⴷ ⴽⴰⵔⵎⵉ.

4 ⵜⴰⵔⵡⴰ ⵏ ⵢⵓⵡⵉⵍ: ⵎⵎⵉⵙ ⵛⵎⴰⵄⵢⴰ, ⵎⵎⵉⵙ ⵏⵏⴻⵙ ⵀⴰⵊⵓⵊ, ⵎⵎⵉⵙ ⵏⵏⴻⵙ ⵛⵉⵎⵄⵉ, 5 ⵎⵎⵉⵙ ⵏⵏⴻⵙ ⵎⵉⵅⴰ, ⵎⵎⵉⵙ ⵏⵏⴻⵙ ⵔⴰ’ⴰⵢⴰ, ⵎⵎⵉⵙ ⵏⵏⴻⵙ ⴱⴰⵄⵍ, 6 ⵎⵎⵉⵙ ⵏⵏⴻⵙ ⴱⴰ’ⵉⵔⴰ, ⵡⴻⵏⵏⵉ ⵢⵉⵡⵢⵉ ⵜⵉⵖⵍⴰⵜ-ⴼⵉⵍⵏⴰⵙⴰⵔ, ⴰⵊⴻⴵⵉⴷ ⵏ ⴰⵛⵛⵓⵔ, ⴷⵉ ⵍⵎⴻⵏⴼⴰ. ⵏⴻⵜⵜⴰ ⵜⵓⵖⴰ ⴷ ⴰⵎⴻⵇⵇⵔⴰⵏ ⵏ ⵉⵔⵓⴱⵉⵏⵉⵢⵢⴻⵏ.

7 ⴰⵢⵜⵎⴰⵙ, ⵜⵜⵡⴰⵙⴻⵜⵜⴼⴻⵏ ⵄⵍⴰⵃⵙⴰⴱ ⵍⴰⴵⴰⵜ ⵏⵙⴻⵏ, ⵓⵎⵉ ⵏⵉⵜⵏⵉ ⵜⵜⵡⴰⵥⴻⵎⵎⴻⵎⴻⵏ ⴷⵉ ⵍⵉⵙⵜⴰ ⵏ ⵊⵊⴰⴷⵉⵔⴰ ⵄⵍⴰⵃⵙⴰⴱ ⴰⵅⵍⴰⵇ ⵏⵙⴻⵏ, ⵜⵓⵖⴰ ⴰⵜⴻⵏ ⴷ ⴰⵥⴻⴵⵉⴼ ⵢⴰⵄⵉⵢⵉⵍ ⴷ ⵣⴰⴽⴰⵔⵉⵢⵢⴰ ^□  

8 ⵓ ⴱⵉⵍⴰⵄ, ⵎⵎⵉⵙ ⵏ ⴰⵙⴰ, ⵎⵎⵉⵙ ⵏ ⵛⴰⵎⵄⵉ, ⵎⵎⵉⵙ ⵏ ⵢⵓⵡⵉⵍ. ⵏⴻⵜⵜⴰ ⵜⵓⵖⴰ ⵉⵥⴻⴷⴷⴻⵖ ⴷⵉ ⵄⴰⵔⵓⵄⵉⵔ ⴰⵍ ⵏⴰⴱⵓ ⴷ ⴱⴰⵄⵍ-ⵎⴰⵄⵓⵏ. 9 ⵉⵥⴷⴻⵖ ⴷⵉ ⵛⵛⴰⵔⵇ ⵖⴰⵔⴻⵙ ⴰⵍ ⵡⴰⴷⴰⴼ ⵖⴰⵔ ⵍⴻⵅⵍⴰ, ⵥⴻⴳ ⵉⵖⵥⴰⵔ ⵏ ⵍⴼⵓⵔⴰⵟ, ⵎⴰⵖⴰⵔ ⵍⴻⴱⵀⴰⵢⴻⵎ ⵏⵙⴻⵏ ⴷⴻⵡⵍⴻⵏ ⵙ ⵡⴰⵟⵟⴰⵙ ⴷⵉ ⵜⴻⵎⵎⵓⵔⵜ ⵏ ⵊⵉⵍⵄⴰⴷ.

10 ⴷⴻⴳ ⵡⵓⵙⵙⴰⵏ ⵏ ⵛⴰⵡⵓⵍ ⴳⴳⵉⵏ ⵏⵉⵜⵏⵉ ⴰⵎⴻⵏⵖⵉ ⴰⴽ-ⴷ ⵉⵀⴰⵊⵔⵉⵢⵢⴻⵏ, ⵉⵏⵏⵉ ⵉⵡⴹⴰⵏ ⵙ ⵓⴼⵓⵙ ⵏⵙⴻⵏ. ⵏⵉⵜⵏⵉ ⴳⴳⵉⵏ ⴰⴷ ⵥⴻⴷⵖⴻⵏ ⴷⴻⴳ ⵉⵇⵉⴹⴰⵏ ⵏⵙⴻⵏ ⵅ ⵎⴰⵔⵔⴰ ⴰⵖⴻⵥⴷⵉⵙ ⵖⴰⵔ ⵛⵛⴰⵔⵇ ⵏ ⵊⵉⵍⵄⴰⴷ.

11 ⵜⴰⵔⵡⴰ ⵏ ⵊⴰⴷ ⵜⵓⵖⴰ ⵥⴻⴷⴷⵖⴻⵏ ⴰⵊⴻⵎⵎⴰⴹⵉⵏ ⵏⵙⴻⵏ ⴷⵉ ⵜⴻⵎⵎⵓⵔⵜ ⵏ ⴱⴰⵛⴰⵏ ⵖⴰⵔⴻⵙ ⴰⵍ ⵙⴰⵍⵅⴰ.

12 ⵢⵓⵡⵉⵍ ⵜⵓⵖⴰ-ⵜ ⴷ ⴰⵥⴻⴵⵉⴼ ⵏⵙⴻⵏ ⵓ ⵛⴰⴼⴰⵎ ⵜⵓⵖⴰ-ⵜ ⴷ ⵡⵉⵙⵙ ⵜⵏⴰⵢⴻⵏ, ⵓⵛⴰ ⵢⴰⵄⵏⴰⵢ ⴷ ⵛⴰⴼⴰⵜ ⵥⴻⴷⵖⴻⵏ ⴷⵉ ⴱⴰⵛⴰⵏ.

13 ⴰⵢⵜⵎⴰⵜⵙⴻⵏ, ⵄⵍⴰⵃⵙⴰⴱ ⵏ ⵍⴰⴵⴰⵜ ⵏⵙⴻⵏ, ⵜⵓⵖⴰ ⴰⵜⴻⵏ ⴷ ⵎⵉⵅⴰⵢⵉⵍ ⴷ ⵎⴰⵛⵓⵍⵍⴰⵎ ⴷ ⵛⴰⴱⵄⴰ ⴷ ⵢⵓⵔⴰⵢ ⴷ ⵢⴰⵄⴽⴰⵏ ⴷ ⵣⵉⵄⴰ ⴷ ⵄⴰⴱⵉⵔ, ⵙⴻⴱⵄⴰ ⵏ ⵡⴰⵡⵎⴰⵜⴻⵏ.

14 ⵉⵏⴰ ⵜⵓⵖⴰ ⴰⵜⴻⵏ ⴷ ⵉⵃⴻⵏⵊⵉⵔⴻⵏ ⵏ ⴰⴱⵉⵃⴰⵢⵉⵍ, ⵎⵎⵉⵙ ⵏ ⵃⵓⵔⵉ, ⵎⵎⵉⵙ ⵏ ⵢⴰⵔⵓⵃ, ⵎⵎⵉⵙ ⵏ ⵊⵉⵍⵄⴰⴷ, ⵎⵎⵉⵙ ⵏ ⵎⵉⵅⴰⵢⵉⵍ, ⵎⵎⵉⵙ ⵏ ⵢⴰⵛⵉⵛⴰⵢ, ⵎⵎⵉⵙ ⵏ ⵢⴰⵀⴷⵓ, ⵎⵎⵉⵙ ⵏ ⴱⵓⵥ.

15 ⴰⵅⵉ, ⵎⵎⵉⵙ ⵏ ⵄⴰⴱⴷⵉⵢⵉⵍ, ⵎⵎⵉⵙ ⵏ ⵊⵓⵏⵉ, ⵜⵓⵖⴰ-ⵜ ⴷ ⴰⵥⴻⴵⵉⴼ ⵏ ⵍⴰⴵ ⵏⵙⴻⵏ.

16 ⵏⵉⵜⵏⵉ ⵥⴻⴷⵖⴻⵏ ⴷⵉ ⵊⵉⵍⵄⴰⴷ, ⴷⵉ ⴱⴰⵛⴰⵏ ⵓ ⴷⵉ ⵜⵏⴻⴷⴷⴰⵎ ⵉ ⵖⴰⵔⴻⵙ ⴷⴷ-ⵉⵇⵇⵏⴻⵏ ⵓ ⴷⵉ ⵎⴰⵔⵔⴰ ⴷⴷⵎⴰⵏⵉ ⵏ ⵜⴰⵔⴻⵡⵙⴰ ⵏ ⵛⴰⵔⵓⵏ ⴰⵍ ⵜⵉⵎⴰⵡⵉⵏ ⵏⵙⴻⵏ.

17 ⵎⴰⵔⵔⴰ ⵉⵏⴰ ⵜⵜⵡⴰⵥⴻⵎⵎⴻⵎⴻⵏ ⴷⵉ ⵍⵉⵙⵜⴰⵜ ⵏ ⵊⵊⴰⴷⵉⵔⴰ ⴷⴻⴳ ⵡⵓⵙⵙⴰⵏ ⵏ ⵢⵓⵜⴰⵎ, ⴰⵊⴻⴵⵉⴷ ⵏ ⵢⴰⵀⵓⴷⴰ, ⵓ ⴷⴻⴳ ⵡⵓⵙⵙⴰⵏ ⵏ ⵢⴰⵔⵓⴱⵄⴰⵎ, ⴰⵊⴻⴵⵉⴷ ⵏ ⵉⵙⵔⴰⵉⵍ.

18 ⵣⴻⴳ ⴰⵢⵜ ⵏ ⵔⵓⴱⵉⵏ ⴷ ⵉⵊⴰⴷⵉⵢⵢⴻⵏ ⴷ ⵡⴻⵥⵢⴻⵏ ⵏ ⵜⴻⵇⴱⵉⵞ ⵏ ⵎⴰⵏⴰⵙⵙⴰ, ⵥⴻⴳ ⴰⵢⵜ ⵏ ⵓⵎⴻⵏⵖⵉ, ⵥⴻⴳ ⵢⴻⵏⵏⵉ ⵢⴰⵔⴻⴱⴱⵓⵏ ⵜⴰⵙⴻⴷⴷⴰⵔⵜ ⵏ ⵓⵄⴻⵙⴽⴰⵔⵉ ⴷ ⵙⵙⵉⴼ ⴷ ⵢⴻⵏⵏⵉ ⵉⵎⴻⵃⴹⴻⵏ ⵍⵇⴻⵡⵙ ⵓ ⵜⵓⵖⴰ ⴷⴰⵔⵔⴱⴻⵏ ⴷⴻⴳ ⵓⵎⴻⵏⵖⵉ, ⴰⵇⴰ ⴷⵉⵏ ⴰⵔⴻⴱⵄⴰ ⵓ-ⵔⴻⴱⵄⵉⵏ-ⴰⵍⴻⴼ ⵓ-ⵙⴻⴱⵄⴰ-ⵎⵢⴰ ⵓ-ⵙⴻⵜⵜⵉⵏ ⵉⵏⵏⵉ ⴷⴷ-ⵉⴼⴼⵖⴻⵏ ⴰⴽ-ⴷ ⵍⵄⴻⵙⴽⴰⵔ.

19 ⵏⵉⵜⵏⵉ ⵎⵎⴻⵏⵖⴻⵏ ⴰⴽ-ⴷ ⵉⵀⴰⵊⵔⵉⵢⵢⴻⵏ ⵓ ⴰⴽ-ⴷ ⵢⴰⵟⵓⵔ ⴷ ⵏⴰⴼⵉⵛ ⴷ ⵏⵓⴷⴰⴱ. 20 ⵏⵉⵜⵏⵉ ⵜⵜⵡⴰⵄⴰⵡⵏⴻⵏ ⴷⴻⴳ ⵓⵎⴻⵏⵖⵉ ⴰⴽⵉⴷⵙⴻⵏ ⵓⵛⴰ ⵉⵀⴰⵊⵔⵉⵢⵢⴻⵏ ⴷ ⵎⴰⵔⵔⴰ ⵉⵏⵏⵉ ⴰⴽⵉⴷⵙⴻⵏ ⵉⴵⴰⵏ, ⵎⵎⴻⵡⵛⴻⵏ ⴷⴻⴳ ⵓⴼⵓⵙ ⵏⵙⴻⵏ, ⵎⴰⵖⴰⵔ ⵏⵉⵜⵏⵉ ⵙⵖⵓⵢⵢⴻⵏ ⴷⴻⴳ ⵓⵎⴻⵏⵖⵉ ⵖⴰⵔ ⴰⵔⴻⴱⴱⵉ ⵓ ⵡⴰⵏⵉⵜⴰ ⵉⵊⵊⴰ ⴰⴷ ⵉⵙⵙⴰⵔⴹⴰ ⵉⵅⴻⴼ ⵏⵏⴻⵙ ⵙ ⵜⵥⴰⴵⵉⵜ ⵢⵓⴵⵖⴻⵏ ⵏⵙⴻⵏ, ⵎⵉⵏⵥⵉ ⵏⵉⵜⵏⵉ ⵜⴻⵛⵍⴻⵏ ⵅⴰⵙ. 21 ⵏⵉⵜⵏⵉ ⵃⴻⵡⵡⵙⴻⵏ ⵍⵎⴰⵍ ⵏⵙⴻⵏ: ⵅⴻⵎⵙⵉⵏ-ⴰⵍⴻⴼ ⵏ ⵉⵍⴻⵖⵎⴰⵏ ⵏⵙⴻⵏ, ⵎⵉⵜⴰⵢⴻⵏ ⵓ-ⵅⴻⵎⵙⵉⵏ-ⴰⵍⴻⴼ ⵏ ⵡⵓⴵⵉ ⵓ ⴰⵍⴼⴰⵢⴻⵏ ⵏ ⵢⴻⵖⵢⴰⵍ ⵓ ⵎⵢⴰⵜ-ⴰⵍⴻⴼ ⵏ ⵉⵡⴷⴰⵏ. ^□   22 ⵎⵉⵏⵥⵉ ⵜⵓⵖⴰ ⴷⵉⵏ ⴰⵟⵟⴰⵙ ⵏ ⵢⵉⵏⵏⵉ ⵉⵜⵜⵡⴰⵏⵖⴻⵏ, ⵎⴰⵖⴰⵔ ⵜⵓⵖⴰ-ⵜ ⴷ ⵉⵊⵊ ⵏ ⵓⵎⴻⵏⵖⵉ ⵏ ⴰⵔⴻⴱⴱⵉ. ⵏⵉⵜⵏⵉ ⴳⴳⵉⵏ ⴰⴷ ⴷⵉⵏ ⵥⴻⴷⵖⴻⵏ ⴷⴻⴳ ⵡⴻⵎⵛⴰⵏ ⵏⵙⴻⵏ ⴰⵍ ⵍⵎⴻⵏⴼⴰ.

23 ⵜⴰⵔⵡⴰ ⵏ ⵡⴻⵥⵢⴻⵏ ⵏ ⵜⴻⵇⴱⵉⵞ ⵏ ⵎⴰⵏⴰⵙⵙⴰ ⵥⴻⴷⵖⴻⵏ ⴷⵉ ⵜⴻⵎⵎⵓⵔⵜ ⵏⵏⵉ. ⵏⵉⵜⵏⵉ ⵎⵎⴰⵔⵏⵉⵏ ⵥⵉ ⴱⴰⵛⴰⵏ ⴰⵍ ⴱⴰⵄⵍ-ⵃⵉⵔⵎⵓⵏ ⴷ ⵙⴰⵏⵉⵔ ⴷ ⵡⴻⴷⵔⴰⵔ ⵏ ⵃⴰⵔⵎⵓⵏ. 24 ⵉⵏⴰ ⵜⵓⵖⴰ ⴰⵜⴻⵏ ⴷ ⵉⵥⴻⴵⵉⴼⴻⵏ ⵏ ⵍⴰⴵⴰⵜ ⵏⵙⴻⵏ: ⵄⵉⴼⴰⵔ ⴷ ⵢⴰⵛⵄⵉ ⴷ ⵉⵍⵉⵢⵉⵍ ⴷ ⵄⴰⵥⵔⵉⵢⵉⵍ ⴷ ⵉⵔⵎⵉⵢⴰ ⴷ ⵀⵓⴷⴰⵢⴰ ⴷ ⵢⴰⵃⴷⵉⵢⵉⵍ. ⵏⵉⵜⵏⵉ ⵜⵓⵖⴰ ⴰⵜⴻⵏ ⴷ ⴰⵢⵜ ⵏ ⴱⵓ-ⵜⴻⵖⵔⵓⴹⵜ, ⵉⵔⵢⴰⵥⴻⵏ ⵉⵎⴻⵃⴹⴻⵏ, ⵉⵔⵢⴰⵥⴻⵏ ⵏ ⵢⵉⵙⴻⵎ, ⵉⵥⴻⴵⵉⴼⴻⵏ ⵏ ⵍⴰⴵⴰⵜ ⵏⵙⴻⵏ. 25 ⵏⵉⵜⵏⵉ ⵖⴷⴰⵔⴻⵏ ⴰⵔⴻⴱⴱⵉ ⵏ ⵉⴱⴰⴱⴰⵜⴻⵏ ⵏⵙⴻⵏ ⵓ ⵙⵙⴼⴻⵙⴷⴻⵏ ⵉⵅⴻⴼ ⵏⵙⴻⵏ ⵙ ⵉⵔⴻⴱⴱⵉⵜⴻⵏ ⵏ ⵍⴻⴳⵏⵓⵙ ⵏ ⵜⴻⵎⵎⵓⵔⵜ, ⵉⵏⵏⵉ ⵜⵓⵖⴰ ⵉⵜⴻⵃⵃⴰ ⴰⵔⴻⴱⴱⵉ ⵥⵥⴰⵜ ⵉ ⵡⵓⴷⴻⵎ ⵏⵙⴻⵏ. 26 ⵅⴻⵏⵏⵉ ⵉⵙⵙⴻⴽⴽⴰⵔ ⴰⵔⴻⴱⴱⵉ ⵏ ⵉⵙⵔⴰⵉⵍ ⴱⵓⵃⴱⴻⵍ ⵏ ⴼⵓⵍ, ⴰⵊⴻⴵⵉⴷ ⵏ ⴰⵛⵛⵓⵔ, ⴷ ⴱⵓⵃⴱⴻⵍ ⵏ ⵜⵉⵖⵍⴰⵜ-ⴼⵉⵍⵏⴰⵙⴰⵔ, ⴰⵊⴻⴵⵉⴷ ⵏ ⴰⵛⵛⵓⵔ, ⵓ ⵡⴰⵏⵉⵜⴰ ⵉⵏⴷⴻⵀ ⵉ-ⵜⴻⵏ ⵖⴰⵔ ⵍⵎⴻⵏⴼⴰ, ⵉⵔⵓⴱⵉⵏⵉⵢⵢⴻⵏ ⴷ ⵉⵊⴰⴷⵉⵢⵢⴻⵏ ⴷ ⵡⴻⵥⵢⴻⵏ ⵏ ⵜⴻⵇⴱⵉⵞ ⵏ ⵎⴰⵏⴰⵙⵙⴰ. ⵏⴻⵜⵜⴰ ⵢⵉⵡⵢⵉ ⵜⴻⵏ ⵖⴰⵔ ⵃⴰⵍⴰⵃ ⴷ ⵅⴰⴱⵓⵔ ⴷ ⵀⴰⵔⴰ ⵓ ⵖⴰⵔ ⵉⵖⵥⴰⵔ ⵏ ⵊⵓⵥⴰⵏ, ⵓ ⵏⵉⵜⵏⵉ ⵇⵇⵉⵎⴻⵏ ⴷⵉⵏⵏⵉ ⵖⴰⵔⴻⵙ ⴰⵍ ⴰⵙⵙ-ⴰ.

27 ⵉⵃⴻⵏⵊⵉⵔⴻⵏ ⵏ ⵍⴰⵡⵉ ⵜⵓⵖⴰ ⴰⵜⴻⵏ ⴷ ⵊⴰⵔⵛⵓⵏ, ⵇⴰⵀⴰⵜ ⴷ ⵎⴰⵔⴰⵔⵉ.

28 ⵉⵃⴻⵏⵊⵉⵔⴻⵏ ⵏ ⵇⴰⵀⴰⵜ ⵜⵓⵖⴰ ⴰⵜⴻⵏ ⴷ ⵄⴰⵎⵔⴰⵎ, ⵢⵉⵚⵀⴰⵔ ⴷ ⵃⴰⴱⵔⵓⵏ ⴷ ⵄⵓⵥⵥⵉⵢⵉⵍ.

29 ⵉⵃⴻⵏⵊⵉⵔⴻⵏ ⵏ ⵄⴰⵎⵔⴰⵎ ⵜⵓⵖⴰ ⴰⵜⴻⵏ ⴷ ⵀⴰⵔⵓⵏ ⴷ ⵎⵓⵙⴰ, ⵓ ⵎⴰⵔⵢⴰⵎ ⵓⵞⵎⴰⵜⵙⴻⵏ. ⵉⵃⴻⵏⵊⵉⵔⴻⵏ ⵏ ⵀⴰⵔⵓⵏ ⵜⵓⵖⴰ ⴰⵜⴻⵏ ⴷ ⵏⴰⴷⴰⴱ ⴷ ⴰⴱⵉⵀⵓ, ⴰⵍⵉⵄⴰⵥⴰⵔ ⴷ ⵉⵜⴰⵎⴰⵔ.

30 ⴰⵍⵉⵄⴰⵥⴰⵔ ⵉⵊⵊⴰ-ⴷⴷ ⴼⵉⵏⴰⵃⴰⵙ, ⴼⵉⵏⴰⵃⴰⵙ ⵉⵊⵊⴰ-ⴷⴷ ⴰⴱⵉⵛⵓⵄⴰ,

31 ⴰⴱⵉⵛⵓⵖⴰ ⵉⵊⵊⴰ-ⴷⴷ ⴱⵓⵇⵇⵉ, ⴱⵓⵇⵇⵉ ⵉⵊⵊⴰ-ⴷⴷ ⵄⵓⵥⵥⵉ,

32 ⵄⵓⵥⵥⵉ ⵉⵊⵊⴰ-ⴷⴷ ⵣⴰⵔⴰⵃⵢⴰ, ⵣⴰⵔⴰⵃⵢⴰ ⵉⵊⵊⴰ-ⴷⴷ ⵎⴰⵔⴰⵢⵓⵜ,

33 ⵎⴰⵔⴰⵢⵓⵜ ⵉⵊⵊⴰ-ⴷⴷ ⴰⵎⴰⵔⵢⴰ, ⴰⵎⴰⵔⵢⴰ ⵉⵊⵊⴰ-ⴷⴷ ⴰⵅⵉⵟⵓⴱ,

34 ⴰⵅⵉⵟⵓⴱ ⵉⵊⵊⴰ-ⴷⴷ ⵚⴰⴷⵓⵇ, ⵚⴰⴷⵓⵇ ⵉⵊⵊⴰ-ⴷⴷ ⴰⵅⵉⵎⴰⵄⴰⵚ,

35 ⴰⵅⵉⵎⴰⵄⴰⵚ ⵉⵊⵊⴰ-ⴷⴷ ⵄⴰⵥⴰⵔⵢⴰ, ⵄⴰⵥⴰⵔⵢⴰ ⵉⵊⵊⴰ-ⴷⴷ ⵢⵓⵃⴰⵏⴰⵏ

36 ⵓ ⵢⵓⵃⴰⵏⴰⵏ ⵉⵊⵊⴰ-ⴷⴷ ⵄⴰⵥⴰⵔⵢⴰ. ⵡⴰⵏⵉⵜⴰ ⵜⵓⵖⴰ ⴷ ⵡⴻⵏⵏⵉ ⵉⵜⵜⵙⴻⵅⵅⴰⵔⴻⵏ ⴰⵎ ⵓⴽⴻⵀⵀⴰⵏ ⴷⵉ ⵜⴰⴷⴷⴰⵔⵜ ⵉ ⵉⴱⵏⴰ ⵙⵓⵍⵉⵎⴰⵏ ⴷⵉ ⵓⵔⵛⴰⵍⵉⵎ.

37 ⵄⴰⵥⴰⵔⵢⴰ ⵉⵊⵊⴰ-ⴷⴷ ⴰⵎⴰⵔⵢⴰ, ⴰⵎⴰⵔⵢⴰ ⵉⵊⵊⴰ-ⴷⴷ ⴰⵅⵉⵟⵓⴱ,

38 ⴰⵅⵉⵟⵓⴱ ⵉⵊⵊⴰ-ⴷⴷ ⵚⴰⴷⵓⵇ, ⵚⴰⴷⵓⵇ ⵉⵊⵊⴰ-ⴷⴷ ⵛⴰⵍⵍⵓⵎ,

39 ⵛⴰⵍⵍⵓⵎ ⵉⵊⵊⴰ-ⴷⴷ ⵃⵉⵍⵇⵉⵢⴰ, ⵃⵉⵍⵇⵉⵢⴰ ⵉⵊⵊⴰ-ⴷⴷ ⵄⴰⵥⴰⵔⵢⴰ,

40 ⵄⴰⵥⴰⵔⵢⴰ ⵉⵊⵊⴰ-ⴷⴷ ⵙⴰⵔⴰⵢⴰ ⵓ ⵙⴰⵔⴰⵢⴰ ⵉⵊⵊⴰ-ⴷⴷ ⵢⴰⵀⵓⵚⴰⴷⴰⵇ.

41 ⵢⴰⵀⵓⵚⴰⴷⴰⵇ ⵢⵓⵢⵓⵔ ⴰⴽⵉⴷⵙⴻⵏ ⵓⵎⵉ ⵙⵉⴷⵉ ⵉⵏⴷⴻⵀ ⵢⴰⵀⵓⴷⴰ ⴷ ⵓⵔⵛⴰⵍⵉⵎ ⵖⴰⵔ ⵍⵎⴻⵏⴼⴰ ⵙ ⵓⴼⵓⵙ ⵏ ⵏⴰⴱⵓⵅⴰⴷⵏⴰⵚⵚⴰⵔ.