1 ⵓⵎⵉ ⵄⴰⵜⴰⵍⵢⴰ, ⵢⴻⵎⵎⴰⵙ ⵏ ⴰⵅⴰⵥⵢⴰ, ⵜⴻⵥⵔⴰ, ⴰⵇⴰ ⵎⵎⵉⵙ ⵉⵎⵎⵓⵜ, ⵜⴻⴳⴳⴰ ⴰⴷ ⵜⴻⵇⴹⴰ ⵅ ⵎⴰⵔⵔⴰ ⵜⴰⵔⵔⴰⵡⵜ ⵏ ⵍⴰⴵ ⵏ ⵓⵊⴻⴵⵉⴷ. ^■   2 ⵎⴰⵛⴰ ⵢⴰⵀⵓⵛⵉⴱⴰ, ⵢⴻⴵⵉⵙ ⵏ ⵓⵊⴻⴵⵉⴷ ⵢⴰⵀⵓⵔⴰⵎ, ⵓⵞⵎⴰⵙ ⵏ ⴰⵅⴰⵥⵢⴰ, ⵜⴻⴽⵙⵉ ⵢⵓⵡⴰⵛ, ⵎⵎⵉⵙ ⵏ ⴰⵅⴰⵥⵢⴰ, ⵙ ⵜⵏⵓⴼⴼⵔⴰ ⵥⵉ ⵊⴰⵔ ⵉⵃⴻⵏⵊⵉⵔⴻⵏ ⵏ ⵓⵊⴻⴵⵉⴷ ⵏⵏⵉ ⵉⵜⵜⵡⴰⵏⵖⴻⵏ ⵓⵛⴰ ⵜⵉⵡⵢⵉ ⵜ ⴰⴽ-ⴷ ⵜⴻⵎⵖⴰⵔⵜ ⵉ ⵜ ⵉⵙⵙⵓⵟⵟⵓⴹⴻⵏ ⴷⴻⴳ ⵡⴻⵅⵅⴰⵎ ⵏ ⵜⴰⵙⵙⵓⵜ ⵓⵛⴰ ⵜⴻⵙⵙⵏⵓⴼⴼⴰⵔ ⵉ-ⵜ ⴷⵉⵏⵏⵉ ⵥⵉ ⵄⴰⵜⴰⵍⵢⴰ ⵃⵉⵎⴰ ⵡⴰⵔ ⵉⵜⵜⵡⴰⵏⴻⵇⵇ. 3 ⵏⴻⵜⵜⴰ ⵉⵇⵇⵉⵎ ⵉⵏⵓⴼⴼⴰⵔ ⴰⴽⵉⴷⴻⵙ ⵙⴻⵜⵜⴰ ⵏ ⵉⵙⴻⴳⴳⵯⵓⵙⴰ ⴷⵉ ⵜⴰⴷⴷⴰⵔⵜ ⵏ ⵙⵉⴷⵉ, ⵓⵎⵉ ⵜⴻⵃⴽⴻⵎ ⵄⴰⵜⴰⵍⵢⴰ ⵅ ⵜⴻⵎⵎⵓⵔⵜ.

4 ⴷⴻⴳ ⵓⵙⴻⴳⴳⵯⴰⵙ ⵡⵉⵙⵙ ⵙⴻⴱⵄⴰ ⵉⵙⵙⴻⴽⴽ ⵢⴰⵀⵓⵢⴰⴷⴰⵄ ⵓⵛⴰ ⵉⵊⵊⴰ ⴰⴷ ⴷⴷ-ⴰⵙⴻⵏ ⵍⵇⴻⴱⵟⴰⵏⴰⵜ ⵅ ⵎⵢⴰ ⵏ ⵉⵄⴻⵙⵙⴰⵙⴻⵏ ⵏ ⴰⵔⵔⵉⵎⴻⵜ ⵓ ⵏ ⵉⵔⴻⵇⵇⴰⵙⴻⵏ ⵏ ⵜⴰⵥⵍⴰ ⵓⵛⴰ ⵉⵙⵙⵎⵓⵏ ⵉ-ⵜⴻⵏ ⵖⴰⵔⴻⵙ ⴷⵉ ⵜⴰⴷⴷⴰⵔⵜ ⵏ ⵙⵉⴷⵉ. ⵏⴻⵜⵜⴰ ⵉⴳⴳⴰ ⴰⴽⵉⴷⵙⴻⵏ ⵉⵊⵊ ⵏ ⵍⵄⴰⵀⴷ ⵓⵛⴰ ⵉⵊⵊⴰ ⵉ-ⵜⴻⵏ ⴰⴷ ⵊⵊⴰⴵⴻⵏ ⴷⵉ ⵜⴰⴷⴷⴰⵔⵜ ⵏ ⵙⵉⴷⵉ. ⵅⴰⵙ ⵓⵛⴰ ⵉⵙⵙⵛⴻⵏ ⴰⵙⴻⵏ ⵎⵎⵉⵙ ⵏ ⵓⵊⴻⴵⵉⴷ. ^■   5 ⵏⴻⵜⵜⴰ ⵢⵓⵎⵓⵔ ⵉ-ⵜⴻⵏ, ⵉⵏⵏⴰ: “ⴷ ⵎⴰⵏ ⴰⵢⴰ ⵉ ⵖⴰ ⵜⴻⴳⴳⴻⵎ: ⵉⵛⵜ ⵏ ⵜⵜⵓⵍⵓⵜ ⵏⵡⴻⵎ, ⵉⵏⵏⵉ ⵉ ⵖⴰ ⵢⴰⴷⴼⴻⵏ ⴷⴻⴳ ⵡⴰⵙⵙ ⵏ ⵙⵙⴻⴱⵜ, ⴰⴷ ⵄⴻⵙⵙⴻⵏ ⵖⴰⵔ ⵜⴰⴷⴷⴰⵔⵜ ⵏ ⵓⵊⴻⴵⵉⴷ. 6 ⵉⵛⵜ ⵏ ⵜⵜⵓⵍⵓⵜ ⴰⴷ ⵜⴱⴻⴷⴷ ⵖⴰⵔ ⵜⴻⵡⵡⴰⵔⵜ ⵏ ⵚⵓⵔ ⵓ ⵉⵛⵜ ⵏ ⵜⵜⵓⵍⵓⵜ ⵖⴰⵔ ⵜⴻⵡⵡⴰⵔⵜ ⴰⵡⴰⵔⵏⵉ ⵉ ⵉⵔⴻⵇⵇⴰⵙⴻⵏ ⵏ ⵜⴰⵥⵍⴰ. ⴰⵎⵎⵓ ⵉ ⵖⴰ ⵜⵄⴻⵙⵙⴻⵎ ⵅ ⵜⴰⴷⴷⴰⵔⵜ ⴷⵉ ⵜⵏⵓⴱⴱⴰⵜ. 7 ⵜⵏⴰⵢⴻⵏ ⵏ ⵉⵥⴻⵢⵏⴰⵜ ⵏⵡⴻⵎ, ⵥⵉ ⵎⴰⵔⵔⴰ ⵉⵏⵏⵉ ⵉ ⵖⴰ ⵉⴼⴼⵖⴻⵏ ⴷⵉ ⵙⵙⴻⴱⵜ, ⴰⴷ ⵃⴹⴰⵏ ⵖⴰⵔ ⵜⴰⴷⴷⴰⵔⵜ ⵏ ⵙⵉⴷⵉ, ⵖⴰⵔ ⵓⵊⴻⴵⵉⴷ. 8 ⴽⴻⵏⵏⵉⵡ ⴰⴷ ⵜⴻⵏⵏⴹⴻⵎ ⵉ ⵓⵊⴻⴵⵉⴷ, ⴽⵓⵍ ⴰⵔⵢⴰⵥ ⵙ ⵍⴻⵙⵏⴰⵃ ⵏⵏⴻⵙ ⴷⴻⴳ ⵓⴼⵓⵙ ⵏⵏⴻⵙ, ⵓ ⵡⴻⵏⵏⵉ ⵉ ⵖⴰ ⵢⴰⵔⵥⵓⵏ ⴰⴷ ⵢⴰⴷⴻⴼ ⵊⴰⵔ ⵍⴻⵚⴼⵓⴼ ⴰⴷ ⵉⵜⵜⵡⴰⵏⴻⵖ. ⵉⵜⵜⵅⴻⵚⵚⴰ ⴽⴻⵏⵏⵉⵡ ⴰⴷ ⵜⴻⵇⵇⵉⵎⴻⵏ ⴰⴽ-ⴷ ⵓⵊⴻⴵⵉⴷ ⵎⴰⵍⴰ ⵏⴻⵜⵜⴰ ⵉⴼⴼⴻⵖ ⵏⵉⵖ ⵎⴰⵍⴰ ⵢⵓⴷⴻⴼ.

9 ⵍⵇⴻⴱⵟⴰⵏⴰⵜ ⵅ ⵎⵢⴰ ⴳⴳⵉⵏ ⴰⵎ ⵎⴰⵎⵎⴻⵛ ⵉⵡⴻⵚⵚⴰ ⵓⴽⴻⵀⵀⴰⵏ ⵢⴰⵀⵓⵢⴰⴷⴰⵄ ⵓⵛⴰ ⴽⵓⵍ ⵉⵊⵊ ⵥⵥⴰⵢⵙⴻⵏ ⵉⴽⵙⵉ ⵉⵔⵢⴰⵥⴻⵏ ⵏⵏⴻⵙ ⵉⵏⵏⵉ ⵢⵓⴷⴼⴻⵏ ⴷⴻⴳ ⵡⴰⵙⵙ ⵏ ⵙⵙⴻⴱⵜ, ⵊⵎⵉⵄ ⴰⴽ-ⴷ ⵢⴻⵏⵏⵉ ⵉⴼⴼⵖⴻⵏ ⴷⴻⴳ ⵡⴰⵙⵙ ⵏ ⵙⵙⴻⴱⵜ ⵓⵛⴰ ⵓⵙⵉⵏ-ⴷⴷ ⵖⴰⵔ ⵓⴽⴻⵀⵀⴰⵏ ⵢⴰⵀⵓⵢⴰⴷⴰⵄ. ^■  

10 ⵉ ⵍⵇⴻⴱⵟⴰⵏⴰⵜ ⵏ ⵎⵢⴰ ⵉⵡⵛⴰ ⵓⴽⴻⵀⵀⴰⵏ ⵍⴰⵏⵙⴰⵜ ⴷ ⵜⵙⴻⴷⴷⴰⵔⵉⵢⵉⵏ ⵉⵇⴻⵙⵃⴻⵏ ⵏ ⵓⵄⴻⵙⴽⴰⵔ ⵉ ⵜⵓⵖⴰ ⵉⴵⴰⵏ ⵏ ⵓⵊⴻⴵⵉⴷ ⴷⴰⵡⵓⴷ, ⵜⵉⵏⵏⵉ ⵜⵓⵖⴰ ⵉⴵⴰⵏ ⴷⵉ ⵜⴰⴷⴷⴰⵔⵜ ⵏ ⵙⵉⴷⵉ.

11 ⵉⵔⴻⵇⵇⴰⵙⴻⵏ ⵏ ⵜⴰⵥⵍⴰ ⴱⴻⴷⴷⴻⵏ ⵙ ⵍⴻⵙⵏⴰⵃ ⴷⴻⴳ ⵓⴼⵓⵙ ⵥⴻⴳ ⵓⵖⴻⵥⴷⵉⵙ ⴰⴼⵓⵙⵉ ⵏ ⵡⵓⴷⴻⵎ ⵏ ⵜⴰⴷⴷⴰⵔⵜ ⴰⵍ ⴰⵖⴻⵥⴷⵉⵙ ⴰⵥⴻⵍⵎⴰⴹ ⵏ ⵡⵓⴷⴻⵎ ⵏ ⵜⴰⴷⴷⴰⵔⵜ, ⵖⴰⵔ ⵓⵄⴰⵍⵟⴰⵔ ⵓ ⵖⴰⵔ ⵜⴰⴷⴷⴰⵔⵜ, ⴰⵎⵎⵓ ⵇⵓⵡⵡⴰⵔⴻⵏ-ⴷⴷ ⵉ ⵓⵊⴻⴵⵉⴷ.

12 ⵅⴻⵏⵏⵉ ⵉⵙⵙⵓⴼⴼⴻⵖ-ⴷⴷ ⵎⵎⵉⵙ ⵏ ⵓⵊⴻⴵⵉⴷ ⵖⴰⵔ ⴱⴰⵔⵔⴰ ⵓⵛⴰ ⵉⴳⴳⴰ ⴰⵙ ⵜⴻⵎⵔⵉⵙⵜ ⵏ ⵡⴻⵄⵥⴰⵍ ⵅ ⵓⵥⴻⴵⵉⴼ ⵓⵛⴰ ⵉⵡⵛⴰ ⴰⵙ ⵛⵛⵀⴰⴷⴻⵜ. ⴰⵎⵎⵓ ⵉ ⵜ ⴳⴳⵉⵏ ⴷ ⴰⵊⴻⴵⵉⴷ, ⴷⴻⵀⵏⴻⵏ ⵜ. ⵏⵉⵜⵏⵉ ⵡⵜⵉⵏ ⴷⴻⴳ ⵉⴼⴰⵙⵙⴻⵏ, ⵏⵏⴰⵏ: “ⵜⵓⴷⴰⵔⵜ ⵉ ⵓⵊⴻⴵⵉⴷ!”

13 ⵄⴰⵜⴰⵍⵢⴰ ⵜⴻⵙⵍⴰ ⵍⵃⴻⵙⵙ ⵏ ⵉⵄⴻⵙⴽⴰⵔⵉⵢⵢⴻⵏ ⵏ ⵜⴰⵥⵍⴰ ⴷ ⵡⴻⵏⵏⵉ ⵏ ⵍⴳⴻⵏⵙ ⵓⵛⴰ ⵜⵓⵙⴰ-ⴷⴷ ⵏⴻⵜⵜⴰⵜ ⵖⴰⵔ ⵍⴳⴻⵏⵙ ⵖⴰⵔ ⵜⴰⴷⴷⴰⵔⵜ ⵏ ⵙⵉⴷⵉ.

14 ⵜⴻⵥⵔⴰ, ⵓ ⵅⵥⴰⵔ, ⴰⵊⴻⴵⵉⴷ ⵉⴱⴻⴷⴷ ⵖⴰⵔ ⵓⴱⵉⵍⴰⵔ ⴰⵎ ⵎⴰⵎⵎⴻⵛ ⵜⴻⴵⴰ ⴷⵉ ⵍⵇⴰⵄⵉⴷⴰ ⵓⵛⴰ ⵍⵇⴻⴱⵟⴰⵏⴰⵜ ⴷ ⵉⵏⵏⵉ ⵉⵚⵓⴷⴻⵏ ⴷⵉ ⵍⵖⴰⵢⵟⴰⵜ ⴱⴻⴷⴷⴻⵏ ⵖⴰⵔ ⵓⵊⴻⴵⵉⴷ. ⵎⴰⵔⵔⴰ ⵍⴳⴻⵏⵙ ⵏ ⵜⴻⵎⵎⵓⵔⵜ ⵉⴼⵔⴰⵃ ⵓ ⵉⵚⵓⴹ ⴷⵉ ⵍⵖⴰⵢⵟⴰⵜ. ⵅⴻⵏⵏⵉ ⵜⵛⴰⵔⵔⴻⴳ ⵄⴰⵜⴰⵍⵢⴰ ⴰⵔⵔⵓⴹ ⵏⵏⴻⵙ ⵓⵛⴰ ⵜⴻⵙⵖⵓⵢⵢ: “ⵜⴰⵎⴻⵏⵥⵉⵡⵜ, ⵜⴰⵎⴻⵏⵥⵉⵡⵜ!”

15 ⵎⴰⵛⴰ ⵢⵓⵎⵓⵔ ⵓⴽⴻⵀⵀⴰⵏ ⵢⴰⵀⵓⵢⴰⴷⴰⵄ ⵉ ⵍⵇⴻⴱⵟⴰⵏⴰⵜ ⵅ ⵎⵢⴰ, ⵉⵏⵏⵉ ⵜⵓⵖⴰ ⵉⴵⴰⵏ ⵅ ⵍⵄⴻⵙⴽⴰⵔ, ⵓⵛⴰ ⵉⵏⵏⴰ ⴰⵙⴻⵏ: “ⵙⵓⴼⴼⵖⴻⵎ ⵜⵜ-ⵉ-ⴷⴷ ⵖⴰⵔ ⴱⴰⵔⵔⴰ ⵓⵛⴰ ⵏⵖⴻⵎ ⵡⵉ ⵜⵜ ⵖⴰ ⵉⴹⴼⴰⵔⴻⵏ ⵙ ⵙⵙⵉⴼ.” ⵎⴰⵖⴰⵔ ⴰⴽⴻⵀⵀⴰⵏ ⵜⵓⵖⴰ ⵉⵏⵏⴰ: “ⵡⴰⵔ ⵜⵜ ⵜⵜⴻⵊⵊⵉ ⴰⴷ ⵜᵉⵜⵜⵡⴰⵏⴻⵖ ⴷⵉ ⵜⴰⴷⴷⴰⵔⵜ ⵏ ⵙⵉⴷⵉ.”

16 ⵏⵉⵜⵏⵉ ⵙⵙⴰⵔⵙⴻⵏ ⵅⴰⵙ ⵉⴼⴰⵙⵙⴻⵏ ⵓⵛⴰ ⵍⴰⵎⵉ ⵜⵔⵓⵃ ⵅ ⵡⴻⴱⵔⵉⴷ ⵏ ⵡⴰⴷⴰⴼ ⵏ ⵉⵢⵙⴰⵏ ⵖⴰⵔ ⵜⴰⴷⴷⴰⵔⵜ ⵏ ⵓⵊⴻⴵⵉⴷ, ⵜᵉⵜⵜⵡⴰⵏⴻⵖ ⵏⴻⵜⵜⴰⵜ ⴷⵉⵏⵏⵉ. ^□  

17 ⵢⴰⵀⵓⵢⴰⴷⴰⵄ ⵉⴳⴳⴰ ⵉⵊⵊ ⵏ ⵍⵄⴰⵀⴷ ⵊⴰⵔ ⵙⵉⴷⵉ ⴷ ⵓⵊⴻⴵⵉⴷ ⴷ ⵍⴳⴻⵏⵙ, ⵃⵉⵎⴰ ⴰⴷ ⵉⵍⵉⵏ ⴷ ⵉⵊⵊ ⵏ ⵍⴳⴻⵏⵙ ⵉ ⵙⵉⴷⵉ ⵓⵛⴰ ⵓⵍⴰ ⵊⴰⵔ ⵓⵊⴻⴵⵉⴷ ⴷ ⵍⴳⴻⵏⵙ. ^■  

18 ⵅⴰⵙ ⵓⵛⴰ ⵢⵓⴷⴻⴼ ⵎⴰⵔⵔⴰ ⵍⴳⴻⵏⵙ ⵏ ⵜⴻⵎⵎⵓⵔⵜ ⵖⴰⵔ ⵥⵥⴰⵡⴻⵛⵜ ⵏ ⴱⴰⵄⴰⵍ ⵓ ⵀⴻⴷⵎⴻⵏ ⵜⵜ. ⵉⵄⴰⵍⵟⴰⵔⴻⵏ ⵏⵏⴻⵙ ⴷ ⵍⴻⵅⵢⴰⵍⴰⵜ ⵏⵏⴻⵙ ⴰⵔⵥⵉⵏ ⵜⴻⵏ ⵇⴰⵄ. ⵓ ⵏⵉⵜⵏⵉ ⵏⵖⵉⵏ ⵎⴰⵜⵜⴰⵏ, ⴰⴽⴻⵀⵀⴰⵏ ⵏ ⴱⴰⵄⴰⵍ, ⵥⵥⴰⵜ ⵉ ⵉⵄⴰⵍⵟⴰⵔⴻⵏ. ⴰⴽⴻⵀⵀⴰⵏ ⵢⴰⵍⴻⵇⵇⴻⵎ ⵉⵡⴻⵇⵇⴰⴼⴻⵏ ⵅ ⵜⴰⴷⴷⴰⵔⵜ ⵏ ⵙⵉⴷⵉ.

19 ⵏⴻⵜⵜⴰ ⵢⵉⵡⵉ ⵍⵇⴻⴱⵟⴰⵏⴰⵜ ⵅ ⵎⵢⴰ ⴷ ⵉⵄⴻⵙⵙⴰⵙⴻⵏ ⵏ ⴰⵔⵔⵉⵎⴻⵜ ⴷ ⵉⵔⴻⵇⵇⴰⵙⴻⵏ ⵏ ⵜⴰⵥⵍⴰ ⴷ ⵎⴰⵔⵔⴰ ⵍⴳⴻⵏⵙ ⵏ ⵜⴻⵎⵎⵓⵔⵜ ⵓ ⵏⵉⵜⵏⵉ ⵙⵙⴻⵀⵡⴰⵏ ⴰⵊⴻⴵⵉⴷ ⵥⵉ ⵜⴰⴷⴷⴰⵔⵜ ⵏ ⵙⵉⴷⵉ ⵓⵛⴰ ⴽⴽⵉⵏ ⵅ ⵡⴻⴱⵔⵉⴷ ⵏ ⵜⴻⵡⵡⴰⵔⵜ ⵏ ⵉⵔⴻⵇⵇⴰⵙⴻⵏ ⵏ ⵜⴰⵥⵍⴰ ⵜⴻⵏⵏⵉ ⵖⴰⵔ ⵜⴰⴷⴷⴰⵔⵜ ⵏ ⵓⵊⴻⴵⵉⴷ ⵓ ⴷⵉⵏⵏⵉ ⵉⵇⵇⵉⵎ ⵅ ⵍⵄⴰⵔⵛ ⵏ ⵉⵊⴻⴵⵉⴷⴻⵏ. 20 ⵎⴰⵔⵔⴰ ⵍⴳⴻⵏⵙ ⵏ ⵜⴻⵎⵎⵓⵔⵜ ⵉⴼⴰⵔⵃ ⵓⵛⴰ ⵜⴰⵔⵙⴰ ⵜⴻⵏⴷⵉⵏⵜ. ⴰⵇⴰ ⵏⵖⵉⵏ ⵄⴰⵜⴰⵍⵢⴰ ⵙ ⵙⵙⵉⴼ ⵖⴰⵔ ⵜⴰⴷⴷⴰⵔⵜ ⵏ ⵓⵊⴻⴵⵉⴷ.