1 ⵓⵎⵉ ⵉⵇⵇⵉⵎ ⵓⵊⴻⴵⵉⴷ ⴷⵉ ⵜⴰⴷⴷⴰⵔⵜ ⵏⵏⴻⵙ ⵓ ⵙⵉⴷⵉ ⵜⵓⵖⴰ ⵉⴳⴳⴰ ⴰⵙ ⵍⴻⵀⵏⴰ ⵥⵉ ⵎⴰⵔⵔⴰ ⵍⵄⴻⴷⵢⴰⵏ ⵏⵏⴻⵙ ⵉ ⴷ ⴰⵙ ⴷⴷ-ⵉⵏⵏⴹⴻⵏ, ⵉⵎⵙⴰⵔ, 2 ⴰⵇⴰ ⵉⵏⵏⴰ ⵓⵊⴻⴵⵉⴷ ⵉ ⵓⵏⴰⴱⵉ ⵏⴰⵜⴰⵏ: “ⵅⵥⴰⵔ, ⵏⴻⵛⵛ ⵥⴻⴷⴷⵖⴻⵖ ⴷⴻⴳ ⵉⵛⵜ ⵏ ⵜⴰⴷⴷⴰⵔⵜ ⵏ ⵓⴽⴻⵛⵛⵓⴹ ⵏ ⵜⵛⴻⵊⵊⴰⵔⵜ ⵏ ⵜⴻⵏⴳⴻⵍⵜ, ⵎⴰⵛⴰ ⵜⵜⴰⴱⵓⵜ ⵏ ⴰⵔⴻⴱⴱⵉ ⵜⵍⴻⵃⵃⴻⴼ ⵙⴰⴷⵓ ⵜⴰⵊⴰⵔⵜⵉⵍⵜ ⵏ ⵓⵇⵉⴹⵓⵏ.” 3 ⵏⴰⵜⴰⵏ ⵉⵏⵏⴰ ⵉ ⵓⵊⴻⴵⵉⴷ: “ⵓⵢⵓⵔ ⵡⴰⵀⴰ, ⴻⴳⴳ ⵎⴰⵔⵔⴰ ⵎⵉⵏ ⵖⴰⵔⴻⴽ ⴷⴻⴳ ⵡⵓⵍ ⵏⵏⴻⴽ, ⵎⴰⵖⴰⵔ ⵙⵉⴷⵉ ⴰⴽⵉⴷⴻⴽ.”

4 ⴷⵉ ⴵⵉⵍⴻⵜ ⵏⵏⵉ ⵉⵎⵙⴰⵔ ⴰⵇⴰ ⵉⴼⴼⴻⵖ ⵡⴰⵡⴰⵍ ⵏ ⵙⵉⴷⵉ ⵖⴰⵔ ⵏⴰⵜⴰⵏ, ⵉⵏⵏⴰ: 5 “ⵓⵢⵓⵔ, ⵉⵏⵉ ⵉ ⵓⵎⵙⴻⵅⵅⴰⵔ ⵉⵏⵓ, ⵉ ⴷⴰⵡⵓⴷ: “ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ: ‘ⵎⴰ ⵛⴻⴽ ⵜⴻⵅⵙⴻⴷ ⴰⴷ ⴰⵢⵉ ⵜⴻⴱⵏⵉⴷ ⵉⵛⵜ ⵏ ⵜⴰⴷⴷⴰⵔⵜ, ⵎⴰⵃⴻⵏⴷ ⴰⴷ ⴷⴰⵢⴻⵙ ⵥⴻⴷⵖⴻⵖ? 6 ⵄⴻⵎⵎⴰⵔⵚ ⵡⴰⵔ ⵥⴷⵉⵖⴻⵖ ⴷⴻⴳ ⵉⵛⵜ ⵏ ⵜⴰⴷⴷⴰⵔⵜ ⵥⴻⴳ ⵡⴰⵙⵙ ⵓⵎⵉ ⴷⴷ-ⵙⵙⴳⴻⵄⵄⴷⴻⵖ ⴰⵢⵜ ⵏ ⵉⵙⵔⴰⵉⵍ ⵥⵉ ⵎⵉⵚⵔⴰ ⵖⴰⵔⴻⵙ ⴰⵍ ⴰⵙⵙ-ⴰ, ⵎⴰⵛⴰ ⴷⵓⵔⵔⵢⴻⵖ ⴷⴻⴳ ⵉⵊⵊ ⵏ ⵓⵇⵉⴹⵓⵏ, ⴷⴻⴳ ⵉⵛⵜ ⵏ ⵜⵥⴻⴷⴷⵉⵖⵜ. 7 ⵎⴰⵏⵉ ⵎⴰ ⴷⵓⵔⵔⵢⴻⵖ ⴰⴽ-ⴷ ⴰⵢⵜ ⵏ ⵉⵙⵔⴰⵉⵍ, ⵎⴰ ⵏⴻⵛⵛ ⵙⵙⵉⵡⵍⴻⵖ ⵄⴻⵎⵎⴰⵔⵚ ⵓⵍⴰ ⵙ ⵢⵉⵊⵊ ⵏ ⵡⴰⵡⴰⵍ ⵉ ⵢⵉⵛⵜ ⵥⵉ ⵜⵇⴻⴱⴱⴰⵍ ⵏ ⵉⵙⵔⴰⵉⵍ ⵜⵉⵏⵏⵉ ⵉ ⵓⵎⵓⵔⴻⵖ ⴰⴷ ⴰⵔⵡⴻⵙⴻⵏ ⵍⴳⴻⵏⵙ ⵉⵏⵓ ⵉⵙⵔⴰⵉⵍ, ⵓ ⵏⵏⵉⵖ: ‘ⵎⴰⵢⴻⵎⵎⵉ ⵡⴰⵔ ⴷ ⴰⵢⵉ ⵜⴻⴱⵏⵉⵎ ⵉⵛⵜ ⵏ ⵜⴰⴷⴷⴰⵔⵜ ⵏ ⵓⴽⴻⵛⵛⵓⴹ ⵏ ⵜⵛⴻⵊⵊⴰⵔⵜ ⵏ ⵜⴻⵏⴳⴻⵍⵜ?’ 8 ⵅⴻⵏⵏⵉ ⵍⴻⵅⵅⵓ, ⴰⵎⵎⵓ ⵉ ⵉⵜⵜⵅⴻⵚⵚⴰ ⴰⴷ ⵜⵉⵏⵉⴷ ⵉ ⵓⵎⵙⴻⵅⵅⴰⵔ ⵉⵏⵓ, ⵉ ⴷⴰⵡⵓⴷ: ‘ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵏ ⵍⵄⴻⵙⴽⴰⵔⴰⵜ: ⵏⴻⵛⵛ ⵉⵡⵢⴻⵖ-ⴷⴷ ⵛⴻⴽ ⵥⵉ ⵍⴽⵓⵔⵉ, ⵥⵉ ⴹⴻⴼⴼⴰⵔ ⵏ ⵡⵓⴵⵉ, ⵎⴰⵃⴻⵏⴷ ⴰⴷ ⵜⵉⵍⵉⴷ ⴷ ⴰⵎⴳⴻⵡⵡⴻⴷ ⵅ ⵍⴳⴻⵏⵙ ⵉⵏⵓ, ⵅ ⵉⵙⵔⴰⵉⵍ. 9 ⵎⴰⵏⵉ ⵎⴰ ⵜⵓⵢⵓⵔⴻⴷ, ⵏⴻⵛⵛ ⴰⵇⴰ ⴰⵢⵉ ⴰⴽⵉⴷⴻⴽ ⵓ ⵏⴻⵛⵛ ⵇⴹⵉⵖ ⵅ ⵎⴰⵔⵔⴰ ⵍⵄⴻⴷⵢⴰⵏ ⵥⵥⴰⵜ ⵉ ⵡⵓⴷⴻⵎ ⵏⵏⴻⴽ. ⵏⴻⵛⵛ ⴳⴳⵉⵖ ⴰⵛ ⵉⵊⵊ ⵏ ⵉⵙⴻⵎ ⴷ ⴰⵎⴻⵇⵇⵔⴰⵏ ⴰⵎⴻⵛⵏⴰⵡ ⵉⵙⵎⴰⵡⴻⵏ ⵏ ⵉⵎⴻⵇⵇⵔⴰⵏⴻⵏ ⵏⵏⵉ ⵉⴵⴰⵏ ⵅ ⵜⴻⵎⵎⵓⵔⵜ. ^■  

10 ⵏⴻⵛⵛ ⵏⴻⵢⵢⵛⴻⵖ ⵉⵊⵊ ⵏ ⵡⴻⵎⵛⴰⵏ ⵉ ⵍⴳⴻⵏⵙ ⵉⵏⵓ, ⵉ ⵉⵙⵔⴰⵉⵍ, ⵓⵛⴰ ⵥⵥⵓⵖ ⵜ ⴷⵉⵏ, ⵎⴰⵃⴻⵏⴷ ⴰⴷ ⵉⵥⴷⴻⵖ ⴷⴻⴳ ⵡⴻⵎⵛⴰⵏ ⵏⵏⴻⵙ ⵓ ⵡⴰⵔ ⴳⴳⵓⵔ ⴰⴷ ⵉⵜⵜⵡⴰⵏⵀⴻⵥⵥ ⵄⴰⴷ ⵓ ⵡⴰⵔ ⵜ ⵙⵙⵃⴻⵚⵚⴰⵔⵉⵏ ⵄⴰⴷ ⴰⵢⵜ ⵏ ⵍⵎⵓⵄⵚⵉⵢⵢⴻⵜ ⴰⵎ ⵓⵎⴻⵥⵡⴰⵔⵓ,

11 ⵥⴻⴳ ⵡⴰⵙⵙ ⵏⵏⵉ ⴳⴳⵉⵖ ⵏⴻⵛⵛ ⵍⵇⵓⴹⴰⵜ ⵅ ⵍⴳⴻⵏⵙ ⵉⵏⵓ ⵉⵙⵔⴰⵉⵍ. ⵏⴻⵛⵛ ⵡⵛⵉⵖ ⴰⵛ ⵍⴻⵀⵏⴰ ⵥⵉ ⵎⴰⵔⵔⴰ ⵍⵄⴻⴷⵢⴰⵏ ⵏⵏⴻⴽ ⵓⵛⴰ ⵍⴻⵅⵅⵓ ⴰⴷ ⴰⵛ ⵉⵙⵙⵛⴻⵏ ⵙⵉⴷⵉ, ⴰⵇⴰ ⵙⵉⴷⵉ ⴰⴷ ⴰⵛ ⵉⴳⴳ ⵉⵛⵜ ⵏ ⵜⴰⴷⴷⴰⵔⵜ.

12 ⵍⴰⵎⵉ ⵜⵜⵡⴰⴽⴻⵎⵎⵍⴻⵏ ⵡⵓⵙⵙⴰⵏ ⵏⵏⴻⴽ ⵓⵛⴰ ⵜᵉⵜⵜⵡⴰⵙⴰⵔⵙⴻⴷ ⴷⴻⴳ ⵡⴻⵏⴹⴻⵍ ⵊⴰⵔ ⵍⴻⵊⴷⵓⴷ ⵏⵏⴻⴽ, ⴰⴷ ⴷⴷ-ⵙⵙⴻⴽⴽⴰⵔⴻⵖ ⵥⵥⴰⵔⵉⵄⴻⵜ ⵏⵏⴻⴽ ⵉ ⴷⴷ-ⵉⵜⵜⴻⴼⴼⵖⴻⵏ ⵥⵉ ⴷⴰⵅⴻⵍ ⵏⵏⴻⴽ ⵓ ⵏⴻⵛⵛ ⴰⴷ ⵙⵙⵎⴻⵜⵏⴻⵖ ⵜⴰⴳⴻⵍⴷⴰ ⵏⵏⴻⵙ. ^■  

13 ⵏⴻⵜⵜⴰ ⴰⴷ ⵉⴱⵏⴰ ⵉⵛⵜ ⵏ ⵜⴰⴷⴷⴰⵔⵜ ⵉ ⵢⵉⵙⴻⵎ ⵉⵏⵓ ⵓ ⵏⴻⵛⵛ ⴰⴷ ⵙⵙⵎⴻⵜⵏⴻⵖ ⵍⵄⴰⵔⵛ ⵏ ⵜⴰⴳⴻⵍⴷⴰ ⵏⵏⴻⵙ ⵉ ⵍⴻⴱⴷⴰ. ^■  

14 ⵏⴻⵛⵛ ⴰⴷ ⵉⵍⵉⵖ ⴷ ⴱⴰⴱⴰⵙ ⵉ ⵏⴻⵜⵜⴰ ⵓ ⵏⴻⵜⵜⴰ ⴰⴷ ⵢⵉⵍⵉ ⵉ ⵏⴻⵛⵛ ⴷ ⵎⵎⵉ. ⵎⴰⵍⴰ ⵏⴻⵜⵜⴰ ⵉⴼⴼⴰⵔⵢⴻⴹ, ⴰⴷ ⵜ ⴰⵔⴻⴱⴱⵉⵖ ⵙ ⵡⴻⵄⵎⵓⴷ ⴷ ⵜⴻⵢⵢⵉⵜⴰ ⵏ ⴰⵢⵜ ⵏ ⴱⵏⴰⴷⴻⵎ. ^■  

15 ⵜⴰⵎⴻⵅⵙⵉⵡⵜ ⵉⵏⵓ ⵉⵛⴻⵡⵡⴰⵔⴻⵏ ⵡⴰⵔ ⵥⵥⴰⵢⴻⵙ ⵜⵜⵅⴻⵏⵏⴻⵙ ⴰⵎ ⵎⴰⵎⵎⴻⵛ ⵜⵜⴻⵙⵙⵅⴻⵏⵙⴻⵖ ⵏⴻⵛⵛ ⵅ ⵛⴰⵡⵓⵍ, ⵡⴻⵏⵏⵉ ⴷⴷ-ⴽⴽⵙⴻⵖ ⵥⵉ ⵥⵥⴰⵜ ⵏ ⵡⵓⴷⴻⵎ ⵏⵏⴻⴽ.

16 ⵜⴰⴷⴷⴰⵔⵜ ⵏⵏⴻⴽ ⴷ ⵜⴳⴻⵍⴷⴰ ⵏⵏⴻⴽ ⴰⴷ ⵜⵜⵡⴰⵙⵎⴻⵜⵏⴻⵏⵜ ⵥⵥⴰⵜ ⵉ ⵡⵓⴷⴻⵎ ⵏⵏⴻⴽ ⵉ ⵍⴻⴱⴷⴰ, ⵍⵄⴰⵔⵛ ⵏⵏⴻⴽ ⴰⴷ ⵉⵇⵇⵉⵎ ⵉⴱⴻⴷⴷ ⵉ ⵍⴻⴱⴷⴰ.’ ” ^□  

17 ⵏⴰⵜⴰⵏ ⵉⵙⵙⵉⵡⴻⵍ ⵖⴰⵔ ⴷⴰⵡⵓⴷ ⵏⵉⵛⴰⵏ ⴰⵡⴰⵍⴻⵏ-ⴰ ⴷ ⵉⵊⵊⴻⵏ ⴷ ⵎⴰⵔⵔⴰ ⴰⵙⴰⵔⴳⴻⴱ-ⴰ ⵉ ⵉⵥⴰⵔ.

18 ⵅⴻⵏⵏⵉ ⵢⵓⴷⴻⴼ ⵓⵊⴻⴵⵉⴷ ⴷⴰⵡⵓⴷ ⵓⵛⴰ ⵉⵇⵇⵉⵎ ⵥⵥⴰⵜ ⵉ ⵡⵓⴷⴻⵎ ⵏ ⵙⵉⴷⵉ, ⵉⵏⵏⴰ: “ⵎⵉⵏ ⵄⵏⵉⵖ ⵏⴻⵛⵛ, ⵙⵉⴷⵉ ⵉⵏⵓ ⵙⵉⴷⵉ, ⵓ ⵎⵉⵏ ⵜⴻⵄⵏⴰ ⵜⴰⴷⴷⴰⵔⵜ ⵉⵏⵓ ⴰⵇⴰ ⵛⴻⴽ ⵜⵏⴻⴷⵀⴻⴷ ⴰⵢⵉ-ⴷⴷ ⵖⴰⵔⴻⵙ ⴰⵍ ⴷⴰⵏⵉⵜⴰ?

19 ⴷⵉ ⵜⵉⵟⵟⴰⵡⵉⵏ ⵏⵏⴻⴽ ⴷ ⵎⴰⵏ ⴰⵢⴰ ⵄⴰⴷ ⴷⵔⵓⵙ, ⴰ ⵙⵉⴷⵉ ⵉⵏⵓ, ⵙⵉⴷⵉ, ⵓ ⵛⴻⴽ ⵜⴻⵙⵙⵉⵡⵍⴻⴷ ⵍⴻⵅⵅⵓ ⵄⴰⴷ ⵅ ⵜⴰⴷⴷⴰⵔⵜ ⵏ ⵓⵎⵙⴻⵅⵅⴰⵔ ⵏⵏⴻⴽ ⵉ ⵡⵓⵙⵙⴰⵏ ⵉⴳⴳⵯⴻⵊⴻⵏ ⵉ ⴷⴷ ⵉⵜⵜⴰⵙⴻⵏ. ⴷ ⵎⴰⵏ ⴰⵢⴰ ⴷ ⵜⴰⵖⵓⵔⵉ ⵏ ⵛⵛⴰⵔⵉⵄⴰ ⵉ ⴱⵏⴰⴷⴻⵎ, ⵙⵉⴷⵉ ⵉⵏⵓ, ⵙⵉⴷⵉ.

20 ⵎⵉⵏ ⴷ ⴰⵛ ⵉ ⵖⴰ ⵢⵉⵏⵉ ⴷⴰⵡⵓⴷ ⵄⴰⴷ ⴽⵜⴰⵔ? ⵛⴻⴽ ⵜⴻⵙⵙⵏⴻⴷ ⴰⵎⵙⴻⵅⵅⴰⵔ ⵏⵏⴻⴽ, ⵙⵉⴷⵉ, ⵉⵏⵓ ⵙⵉⴷⵉ! 21 ⴷⵉ ⵟⵟⵡⴻⵄ ⵏ ⵡⴰⵡⴰⵍ ⵏⵏⴻⴽ ⵓ ⵄⵍⴰⵃⵙⴰⴱ ⵓⵍ ⵏⵏⴻⴽ ⴰⵇⴰ ⵜⴻⴳⴳⵉⴷ ⵎⴰⵔⵔⴰ ⵍⴻⵎⵖⴰⵔⴻⵜ-ⴰ, ⵃⵉⵎⴰ ⴰⴷ ⵜⵜ ⵜⴻⵙⵙⴰⵔⴳⴱⴻⴷ ⵉ ⵓⵎⵙⴻⵅⵅⴰⵔ ⵏⵏⴻⴽ. 22 ⵙ ⵓⵢⴻⵏⵏⵉ ⵛⴻⴽ ⴷ ⴰⵎⴻⵇⵇⵔⴰⵏ, ⵙⵉⴷⵉ ⵉⵏⵓ, ⵙⵉⴷⵉ, ⵎⴰⵖⴰⵔ ⵡⴰⵔ ⴷⵉⵏ ⵉⴵⵉ ⵓⵍⴰ ⴷ ⵉⵊⵊ ⴰⵎ ⵛⴽ ⵓ ⵡⴰⵔ ⴷⵉⵏ ⵉⴵⵉ ⵓⵍⴰ ⴷ ⵉⵊⵊ ⵏ ⵙⵉⴷⵉ ⵎⵖⵉⵔ ⵛⴻⴽ ⵄⵍⴰⵃⵙⴰⴱ ⵎⴰⵔⵔⴰ ⵎⵉⵏ ⵏⴻⵙⵍⴰ ⵙ ⵉⵎⴻⵥⵥⵓⵖⴻⵏ ⵏⵏⴻⵖ. ^■   23 ⵎⴰⵏ ⵡⴻⵏ ⵉ ⵉⴵⴰⵏ ⴰⵎ ⵍⴳⴻⵏⵙ ⵏⵏⴻⴽ, ⴰⵎ ⵉⵙⵔⴰⵉⵍ, ⴰⵢⴻⵏⵏⵉ ⵏ ⵍⴳⴻⵏⵙ ⵅ ⵜⴻⵎⵎⵓⵔⵜ ⵉ ⵖⴰⵔ ⵉⵔⴰⵃ ⴰⵔⴻⴱⴱⵉ ⵃⵉⵎⴰ ⴰⴷ ⵜ ⵉⴼⴷⵉ ⵉ ⵢⵉⵅⴻⴼ ⵏⵏⴻⵙ ⴷ ⵍⴳⴻⵏⵙ ⵓ ⵃⵉⵎⴰ ⴰⴷ ⵉⴳⴳ ⵉ ⵢⵉⵅⴻⴼ ⵏⵏⴻⵙ ⵉⵊⵊ ⵏ ⵢⵉⵙⴻⵎ ⵓ ⵃⵉⵎⴰ ⴰⴷ ⴰⵡⴻⵏ ⵉⴳⴳ ⵉⵛⵜ ⵏ ⵍⵅⴻⴷⵎⴻⵜ ⴷ ⵜⴰⵎⴻⵇⵇⵔⴰⵏⵜ ⵓⵍⴰ ⴷ ⵜⵎⴻⴳⴳⴰ ⴷ ⵜⵉⵎⴻⵇⵇⵔⴰⵏⵉⵏ ⵉ ⵜⴻⵎⵎⵓⵔⵜ ⵏⵏⴻⴽ ⵥⵥⴰⵜ ⵉ ⵡⵓⴷⴻⵎ ⵏ ⵍⴳⴻⵏⵙ ⵏⵏⴻⴽ ⵏⵏⵉ ⵜⴻⴼⴷⵉⴷ ⵉ ⵢⵉⵅⴻⴼ ⵏⵏⴻⴽ ⵥⵉ ⵎⵉⵚⵔⴰ, ⵥⵉ ⵍⴻⴳⵏⵓⵙ ⵓ ⵥⴻⴳ ⵉⵔⴻⴱⴱⵉⵜⴻⵏ ⵏⵙⴻⵏ. ^□  ■   24 ⵛⴻⴽ ⵜⴻⴳⴳⵉⴷ ⵍⴳⴻⵏⵙ ⵏⵏⴻⴽ ⵉⵙⵔⴰⵉⵍ ⴷ ⵉⵊⵊ ⵏ ⵍⴳⴻⵏⵙ ⵉ ⵢⵉⵅⴻⴼ ⵏⵏⴻⴽ ⵉ ⵍⴻⴱⴷⴰ. ⵛⴻⴽ, ⴰ ⵙⵉⴷⵉ, ⴰⵇⴰ ⵛⴻⴽ ⵜⴷⴻⵡⵍⴻⴷ ⴷ ⴰⵔⴻⴱⴱⵉ ⵉ ⵏⵉⵜⵏⵉ.

25 ⵅⴻⵏⵏⵉ ⵍⴻⵅⵅⵓ, ⵙⵉⴷⵉ ⴰⵔⴻⴱⴱⵉ, ⴻⵊⵊ ⴰⵡⴰⵍ ⵏⵏⵉ ⵜⴻⵙⵙⵉⵡⵍⴻⴷ ⵅ ⵓⵎⵙⴻⵅⵅⴰⵔ ⵏⵏⴻⴽ ⵓ ⵅ ⵜⴰⴷⴷⴰⵔⵜ ⵏⵏⴻⵙ ⴰⴷ ⵉⴱⴻⴷⴷ ⵉ ⵍⴻⴱⴷⴰ ⵓ ⴻⴳⴳ ⴰⵎ ⵎⴰⵎⵎⴻⵛ ⵜⴻⵙⵙⵉⵡⵍⴻⴷ. 26 ⴻⵊⵊ ⵉⵙⴻⵎ ⵏⵏⴻⴽ ⴰⴷ ⵉⵜⵜⵡⴰⵙⵙⴻⵎⵖⴰⵔ ⵉ ⵍⴻⴱⴷⴰ, ⴰⴷ ⵉⵏⵉⵏ: ‘ⵙⵉⴷⵉ ⵏ ⵍⵄⴻⵙⴽⴰⵔⴰⵜ ⵉⵊⴻⵀⴷⴻⵏ ⴰⵇⴰ-ⵜ ⴷ ⴰⵔⴻⴱⴱⵉ ⵅ ⵉⵙⵔⴰⵉⵍ!’, ⵓⵛⴰ ⵉⵍⵉ ⴰⴷ ⵜᵉⵜⵜⵡⴰⵙⵙⴻⵎⵜⴻⵏ ⵜⴰⴷⴷⴰⵔⵜ ⵏ ⵓⵎⵙⴻⵅⵅⴰⵔ ⵏⵏⴻⴽ ⴷⴰⵡⵓⴷ ⵥⵥⴰⵜ ⵉ ⵡⵓⴷⴻⵎ ⵏⵏⴻⴽ. 27 ⵎⴰⵖⴰⵔ ⵛⴻⴽ, ⵙⵉⴷⵉ ⵏ ⵍⵄⴻⵙⴽⴰⵔⴰⵜ, ⴰⵔⴻⴱⴱⵉ ⵏ ⵉⵙⵔⴰⵉⵍ, ⴰⵇⴰ ⵜⴻⵙⵙⴰⵔⴳⴱⴻⴷ ⴷⴻⴳ ⵉⵎⴻⵥⵥⵓⵖⴻⵏ ⵏ ⵓⵎⵙⴻⵅⵅⴰⵔ ⵏⵏⴻⴽ, ⵜⴻⵏⵏⵉⴷ: ‘ⵏⴻⵛⵛ ⴰⴷ ⴰⵛ ⵙⵙⴱⴻⴷⴷⴻⵖ ⵉⵛⵜ ⵏ ⵜⴰⴷⴷⴰⵔⵜ!’ ⵙ ⵓⵢⴻⵏⵏⵉ ⵜⵓⵙⴰ-ⴷⴷ ⴷⴻⴳ ⵡⵓⵍ ⵏ ⵓⵎⵙⴻⵅⵅⴰⵔ ⵏⵏⴻⴽ ⵎⴰⵃⴻⵏⴷ ⴰⴷ ⵉⵥⵥⴰⴵ ⵜⴰⵥⴰⴵⵉⵜ-ⴰ ⵖⴰⵔⴻⴽ. 28 ⵅⴻⵏⵏⵉ ⵍⴻⵅⵅⵓ, ⵙⵉⴷⵉ ⵉⵏⵓ, ⵙⵉⴷⵉ, ⵛⴻⴽ ⴷ ⴰⵔⴻⴱⴱⵉ ⵏⵏⵉ ⵓⵛⴰ ⴰⵡⴰⵍⴻⵏ ⵏⵏⴻⴽ ⴷ ⵜⵉⴷⴻⵜⵜ ⵓ ⵛⴻⴽ ⵜⴻⵙⵙⵉⵡⵍⴻⴷ ⵙ ⵎⴰⵔⵔⴰ ⵜⵛⵓⵏⵉ ⴰⵢⴰ ⵖⴰⵔ ⵓⵎⵙⴻⵅⵅⴰⵔ ⵏⵏⴻⴽ. ^■   29 ⵅⴻⵏⵏⵉ ⵍⴻⵅⵅⵓ, ⵎⴰⵍⴰ ⵜⵓⵙⴰ ⴰⵛ-ⴷⴷ ⵅ ⵍⵅⴰⴹⴰⵔ, ⴱⴰⵔⴻⴽ ⵜⴰⴷⴷⴰⵔⵜ ⵏ ⵓⵎⵙⴻⵅⵅⴰⵔ ⵏⵏⴻⴽ ⵃⵉⵎⴰ ⴰⴷ ⵜⵉⵍⵉ ⵥⵥⴰⵜ ⵉ ⵡⵓⴷⴻⵎ ⵏⵏⴻⴽ ⵉ ⵍⴻⴱⴷⴰ, ⵎⵉⵏⵥⵉ ⵛⴻⴽ, ⴰ ⵙⵉⴷⵉ ⵉⵏⵓ, ⵙⵉⴷⵉ, ⵜⴻⵙⵙⵉⵡⵍⴻⴷ ⴰⵢⴰ ⵓ ⵙ ⵍⴱⴰⵔⴰⴽⴰ ⵏⵏⴻⴽ ⴰⴷ ⵜᵉⵜⵜⵡⴰⴱⴰⵔⴻⴽ ⵜⴰⴷⴷⴰⵔⵜ ⵏ ⵓⵎⵙⴻⵅⵅⴰⵔ ⵏⵏⴻⴽ ⵉ ⵍⴻⴱⴷⴰ.’ ”