1 ⵉⵎⵙⴰⵔ ⵓⵎⵉ ⵄⴷⵓⵏ ⴰⵟⵟⴰⵙ ⵏ ⵡⵓⵙⵙⴰⵏ ⴰⵡⴰⵔⵏⵉ ⵓⵎⵉ ⵙⵉⴷⵉ ⵜⵓⵖⴰ ⵉⴳⴳⴰ ⵉ ⵉⵙⵔⴰⵉⵍ ⵍⵀⵓⴷⵏⴻⵜ ⵥⵉ ⵎⴰⵔⵔⴰ ⵍⵄⴻⴷⵢⴰⵏ ⵏⵏⴻⵙ ⵉ ⴷ ⴰⵙ ⴷⴷ-ⵉⵏⵏⴹⴻⵏ ⵓ ⵓⵎⵉ ⵜⵓⵖⴰ ⵢⴰⵛⵓⵡⴰ ⵉⵡⵙⴰⵔ, ⵉⵎⵖⴰⵔ ⴷⴻⴳ ⵡⵓⵙⵙⴰⵏ, 2 ⴰⵇⴰ ⵉⵍⴰⵖⴰ ⵢⴰⵛⵓⵡⴰ ⵉ ⵎⴰⵔⵔⴰ ⵉⵙⵔⴰⵉⵍ, ⵉⵎⵖⴰⵔⴻⵏ ⵏⵏⴻⵙ ⴷ ⵉⵥⴻⴵⵉⴼⴻⵏ ⵏⵏⴻⵙ ⴷ ⵍⵇⵓⴹⴰⵜ ⵏⵏⴻⵙ ⴷ ⵉⵡⴻⵇⵇⴰⴼⴻⵏ ⵏⵏⴻⵙ, ⵉⵏⵏⴰ ⴰⵙⴻⵏ: “ⵏⴻⵛⵛ ⵡⵙⴰⵔⴻⵖ ⵓ ⵎⵖⴰⵔⴻⵖ ⴷⴻⴳ ⵡⵓⵙⵙⴰⵏ 3 ⵓⵛⴰ ⴽⴻⵏⵏⵉⵡ ⵜⴻⵥⵔⵉⵎ ⵎⴰⵔⵔⴰ ⵎⵉⵏ ⵉⴳⴳⴰ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ, ⴰⴽ-ⴷ ⵎⴰⵔⵔⴰ ⵍⴻⴳⵏⵓⵙ-ⴰ ⵥⵥⴰⵜ ⵉ ⵜⵉⵟⵟⴰⵡⵉⵏ ⵏⵡⴻⵎ, ⵎⴰⵖⴰⵔ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ ⵙⵉⵎⴰⵏⵜ ⵏⵏⴻⵙ, ⴷ ⵡⴻⵏⵏⵉ ⵉ ⵜⵓⵖⴰ ⵉⵎⵎⴻⵏⵖⴻⵏ ⴷⵉ ⵟⵟⵡⴻⵄ ⵏⵡⴻⵎ. 4 ⵅⵥⴰⵔ ⵏⴻⵛⵛ ⴱⴹⵉⵖ ⴰⵡⴻⵎ ⵍⴻⴳⵏⵓⵙ-ⴰ ⵉ ⵉⵇⵇⵉⵎⴻⵏ ⵊⴰⵔ ⴰⵡⴻⵎ ⵙ ⵜⵇⴻⴷⴷⵓⵃⵜ, ⴰⵎ ⵜⴻⵙⵖⴰⵔⵜ ⵏ ⵍⵡⴰⵔⵜ ⵉ ⵜⵇⴻⴱⴱⴰⵍ ⵏⵡⴻⵎ, ⴰⴽ-ⴷ ⵎⴰⵔⵔⴰ ⵍⴻⴳⵏⵓⵙ ⵉ ⵜⴻⵃⵃⵉⵖ ⵥⵉ ⵍ'ⵓⵔⴷⵓⵏ ⴰⵍ ⵍⴻⴱⵃⴰⵔ ⴰⵎⴻⵇⵇⵔⴰⵏ ⵎⴰⵏⵉ ⵜⵖⴻⴵⵉ ⵜⴼⵓⵛⵜ. 5 ⵙⵉⴷⵉ, ⴰⵔⴻⴱⴱⵉ ⵏⵡⴻⵎ, ⴰⴷ ⵅⴰⵙⴻⵏ ⵉⴱⴰⵔⵔⴻⵥ ⵥⵥⴰⵜ ⵉ ⵡⵓⴷⴻⵎ ⵏⵡⴻⵎ ⵓ ⴰⴷ ⵅⴰⵙⴻⵏ ⵢⴰⵥⵥⴻⵍ ⵥⵥⴰⵜ ⵉ ⵡⵓⴷⴻⵎ ⵏⵡⴻⵎ ⵓ ⴽⴻⵏⵏⵉⵡ ⴰⴷ ⵜᵉⵟⵟⴼⴻⵎ ⵜⴰⵎⵎⵓⵔⵜ ⵏⵙⴻⵏ ⴷ ⵍⵡⴰⵔⵜ, ⴰⵎ ⵎⴰⵎⵎⴻⵛ ⵉ ⴷ ⴰⵡⴻⵎ ⵉⵙⵙⵉⵡⴻⵍ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ. ^■   6 ⵃⴹⴰⵎ ⴰⵟⵟⴰⵙ ⵙ ⵊⵊⴻⵀⴷ ⵓ ⴳⴳⴻⵎ ⵎⴰⵔⵔⴰ ⵎⵉⵏ ⵢⵓⵔⵉⵏ ⴷⴻⴳ ⵡⴻⴷⵍⵉⵙ-ⴰ ⵉⵜⵜⵡⴰⵏⵏⴹⴻⵏ ⵏ ⵛⵛⴰⵔⵉⵄⴰ ⵏ ⵎⵓⵙⴰ, ⵃⵉⵎⴰ ⵡⴰⵔ ⵅⴰⵙ ⵜⵃⴻⵢⵢⵉⴷⴻⵎ ⵓⵍⴰ ⵖⴰⵔ ⵢⴻⴼⴼⵓⵙ ⵓⵍⴰ ⵖⴰⵔ ⵓⵥⴻⵍⵎⴰⴹ, ^■   7 ⵃⵉⵎⴰ ⴽⴻⵏⵏⵉⵡ ⵡⴰⵔ ⵜⵜⵚⵓⵔⴰⵎ ⵉⵅⴻⴼ ⵏⵡⴻⵎ ⴰⴽ-ⴷ ⵍⴻⴳⵏⵓⵙ-ⴰ ⵉⵏⵏⵉ ⴰⴽⵉⴷⵡⴻⵎ ⵄⴰⴷ ⵉⵇⵇⵉⵎⴻⵏ, ⵓ ⵡⴰⵔ ⵜⵜⴼⴻⴽⴽⴰⵔⴻⵎ ⵄⴰⴷ ⴷⴻⴳ ⵢⵉⵙⴻⵎ ⵏ ⵉⵔⴻⴱⴱⵉⵜⴻⵏ ⵏⵙⴻⵏ ⵓ ⵡⴰⵔ ⵅⴰⵙⴻⵏ ⵜⵜⵊⴰⴵⴰⵎ ⵓ ⵃⵉⵎⴰ ⴽⴻⵏⵏⵉⵡ ⵡⴰⵔ ⴷ ⴰⵙⴻⵏ ⵜⵜⵙⴻⵅⵅⴰⵔⴻⵎ ⵓ ⵡⴰⵔ ⴷ ⴰⵙⴻⵏ ⵜⵜⴰⴹⴰⵔⴻⵎ. ^■   8 ⵎⴰⵖⴰⵔ ⵉⵜⵜⵅⴻⵚⵚⴰ ⴰⴷ ⵜⵍⴻⵚⵇⴻⵎ ⵉ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ, ⴰⵎ ⵎⴰⵎⵎⴻⵛ ⵉ ⵜ ⵜⴻⴳⴳⵉⵎ ⴰⵍ ⴰⵙⵙ-ⴰ. ^■   9 ⵙⵉⴷⵉ ⵢⵓⵥⵥⴻⵍ ⵅ ⵍⴻⴳⵏⵓⵙ ⵎⵖⴰⵔⴻⵏ ⵓ ⵊⵊⴻⵀⴷⴻⵏ ⵥⵥⴰⵜ ⵉ ⵡⵓⴷⴻⵎ ⵏⵡⴻⵎ. ⵓ ⵅⴰⵡⴻⵎ ⴽⴻⵏⵏⵉⵡ, ⴰⵍ ⴰⵙⵙ-ⴰ ⵡⴰⵔ ⴷⵉⵏ ⵃⴻⴷ ⵉⵥⴻⵎⵎⴰⵔⴻⵏ ⴰⴷ ⵉⴱⴻⴷⴷ ⵥⵥⴰⵜ ⵉ ⵡⵓⴷⴻⵎ ⵏⵡⴻⵎ.

10 ⵉⵊⵊ ⵏ ⵡⴻⵔⵢⴰⵥ ⵥⵥⴰⵢⵡⴻⵎ ⵉⵥⴻⵎⵎⴰⵔ ⴰⴷ ⵢⴰⵥⵥⴻⵍ ⵅ ⵡⴰⵍⴻⴼ ⵏ ⵢⴻⵔⵢⴰⵥⴻⵏ, ⵎⵉⵏⵥⵉ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ ⵙⵉⵎⴰⵏⵜ ⵏⵏⴻⵙ, ⴷ ⵡⴻⵏⵏⵉ ⵉ ⵅⴰⵡⴻⵎ ⵉⵜⵜⵎⴻⵏⵖⴰⵏ, ⴰⵎ ⵎⴰⵎⵎⴻⵛ ⵜⵓⵖⴰ ⴰⴽⵉⴷⵡⴻⵎ ⵉⵙⵙⵉⵡⴻⵍ. ^■  

11 ⵃⴹⴰⵎ ⵅⴻⵏⵏⵉ ⴰⵍ ⵟⵟⴰⵔⴼ ⵅ ⵍⴻⵄⵎⵓⵔ ⵏⵡⴻⵎ ⵃⵉⵎⴰ ⴰⴷ ⵜⴻⵅⵙⴻⵎ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ.

12 ⵎⵉⵏⵥⵉ ⵎⴰⵍⴰ ⴽⴻⵏⵏⵉⵡ ⵜⵃⴻⵢⵢⴷⴻⵎ ⵅⴰⵙ ⵓⵍⴰ ⴷ ⵉⵛⵜ ⵏ ⵊⵊⵓⵔⵔⴻⵜ ⵡⴰⵀⴰ ⵓⵛⴰ ⴰⴷ ⵜⵍⴻⵚⵇⴻⵎ ⵉ ⵍⴻⴳⵏⵓⵙ ⵉ ⴽⵉⵡⴻⵎ ⵉⵇⵇⵉⵎⴻⵏ ⵓ ⵎⴰⵍⴰ ⴽⴻⵏⵏⵉⵡ ⵜⴷⴻⵡⵍⴻⵎ ⴷ ⵉⴹⴻⴳⴳⵯⴰⵍⴻⵏ ⵓ ⴰⴷ ⵖⴰⵔⵙⴻⵏ ⵜⴰⴷⴼⴻⵎ ⵓ ⵏⵉⵜⵏⵉ ⴰⵎ ⵏⵏⴻⵖⵏⵉ,

13 ⵅⴻⵏⵏⵉ ⴰⴷ ⵜⴻⵙⵙⵏⴻⵎ ⵏⵉⵛⴰⵏ, ⴰⵇⴰ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ, ⵡⴰⵔ ⵉⵜⵜⵉⵥⵥⴻⵍ ⵄⴰⴷ ⵅ ⵍⴻⴳⵏⵓⵙ-ⴰ ⵥⵥⴰⵜ ⵉ ⵡⵓⴷⴻⵎ ⵏⵡⴻⵎ. ⵏⵉⵜⵏⵉ ⴰⴷ ⴷⴻⵡⵍⴻⵏ ⴷ ⵍⴼⴻⵅ ⴷ ⵜⵔⴰⵛⵛⴰ ⵉ ⴽⴻⵏⵏⵉⵡ, ⴷ ⵓⵔⴻⴽⴽⵓⴹ ⴷⴻⴳ ⵉⵖⴻⵥⴷⵉⵙⴻⵏ ⵏⵡⴻⵎ ⴷ ⵉⵙⴻⵏⵏⴰⵏⴻⵏ ⵉ ⵜⵉⵟⵟⴰⵡⵉⵏ ⵏⵡⴻⵎ, ⴰⵍ ⵖⴰ ⵜᵉⵜⵜⵡⴰⵜⴻⵃⵃⴰⵎ ⵥⵉ ⵜⴻⵎⵎⵓⵔⵜ ⵜⴰⵚⴻⴱⵃⴰⵏⵜ ⵉ ⴷ ⴰⵡⴻⵎ ⵉⵡⵛⴰ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ.

14 ⵅⵥⴰⵔ, ⴰⵙⵙ-ⴰ ⵏⴻⵛⵛ ⵙⵉⵎⴰⵏⵜ ⵉⵏⵓ ⴰⴷ ⵓⵢⵓⵔⴻⵖ ⴰⴱⵔⵉⴷ ⵏ ⵎⴰⵔⵔⴰ ⵜⴰⵎⵎⵓⵔⵜ ⵓ ⴽⴻⵏⵏⵉⵡ ⴰⴷ ⵜⴻⵙⵙⵏⴻⵎ ⵙ ⵎⴰⵔⵔⴰ ⵓⵍ ⵏⵡⴻⵎ ⵓ ⵙ ⵎⴰⵔⵔⴰ ⵍⴻⵄⵎⴰⵔ ⵏⵡⴻⵎ, ⴰⵇⴰ ⵓⵍⴰ ⴷ ⵉⵊⵊ ⵏ ⵡⴰⵡⴰⵍ ⵥⵉ ⵎⴰⵔⵔⴰ ⴰⵡⴰⵍⴻⵏ ⵉ ⵅⴰⵡⴻⵎ ⵉⵏⵏⴰ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ, ⵡⴰⵔ ⴷⴷ-ⵉⴼⴼⵉⵖ. ⵎⴰⵔⵔⴰ ⴼⴼⵖⴻⵏ-ⴷⴷ ⵅⴰⵡⴻⵎ, ⵓⵍⴰ ⴷ ⵉⵊⵊ ⵏ ⵡⴰⵡⴰⵍ ⵡⴰⵔ ⵉⵇⵇⵉⵎ ⵡⴰⵔ ⴷⴷ-ⵉⴼⴼⵉⵖ.

15 ⵓⵛⴰ ⴰⴷ ⵉⵎⵙⴰⵔ, ⴰⵎ ⵎⴰⵎⵎⴻⵛ ⵅⴰⵡⴻⵎ ⴷⴷ-ⵢⵓⵙⴰ ⵎⴰⵔⵔⴰ ⴰⵡⴰⵍ ⵉⵛⵏⴰⵏ ⵉ ⴽⵉⴷⵡⴻⵎ ⵉⵙⵙⵉⵡⴻⵍ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ, ⴰⵎⵎⵓ ⵉ ⵅⴰⵡⴻⵎ ⵉ ⵖⴰ ⵉⵙⵙⴻⵇⴼⴻⵍ ⵙⵉⴷⵉ ⵓⵍⴰ ⴷ ⴽⵓⵍ ⴰⵡⴰⵍ ⵉⵄⴻⴼⴼⵏⴻⵏ ⵖⴰⵔⴻⵙ ⴰⵍ ⵏⴻⵜⵜⴰ ⴽⴻⵏⵏⵉⵡ ⵉⵜⴻⵃⵃⴰ ⵥⵉ ⵜⴻⵎⵎⵓⵔⵜ-ⴰ ⵜⴰⵚⴻⴱⵃⴰⵏⵜ ⵉ ⴷ ⴰⵡⴻⵎ ⵉⵡⵛⴰ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ.

16 ⵎⴰⵍⴰ ⴽⴻⵏⵏⵉⵡ ⵜⵄⴻⴷⴷⴰⵎ ⵅ ⵍⵄⴰⵀⴷ ⵏ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ, ⵍⵄⴰⵀⴷ ⵏⵏⵉ ⵅ ⴷ ⴰⵡⴻⵎ ⵢⵓⵎⵓⵔ ⵏⴻⵜⵜⴰ ⵓⵛⴰ ⴽⴻⵏⵏⵉⵡ ⴰⴷ ⵜⵓⵢⵓⵔⴻⵎ ⴰⴷ ⵜⵙⴻⵅⵅⴰⵔⴻⵎ ⵉⵔⴻⴱⴱⵉⵜⴻⵏ ⵏⵏⴻⵖⵏⵉ ⵓⵛⴰ ⴰⴷ ⴰⵙⴻⵏ ⵜⴰⴹⴰⵔⴻⵎ, ⵅⴻⵏⵏⵉ ⴰⴷ ⵅⴰⵡⴻⵎ ⵢⴰⵔⴻⵖ ⵡⴻⵖⴹⴰⴱ ⵏ ⵙⵉⴷⵉ ⵓⵛⴰ ⴽⴻⵏⵏⵉⵡ ⴰⴷ ⵜᵉⵜⵜⵡⴰⵜⴻⵃⵃⴰⵎ ⴷⴻⵖⵢⴰ ⵥⵉ ⵜⴻⵎⵎⵓⵔⵜ ⵜⴰⵚⴻⴱⵃⴰⵏⵜ ⵉ ⴷ ⴰⵡⴻⵎ ⵉⵡⵛⴰ ⵏⴻⵜⵜⴰ.