1 ⵉⵙⵙⵉⵡⴻⵍ ⵙⵉⴷⵉ ⴰⴽ-ⴷ ⵢⴰⵛⵓⵡⴰ, ⵉⵏⵏⴰ:

2 “ⵙⵉⵡⴻⵍ ⴰⴽ-ⴷ ⴰⵢⵜ ⵏ ⵉⵙⵔⴰⵉⵍ, ⵉⵏⵉ: ‘ⴰⴷ ⵜⴼⴰⵔⵥⴻⵎ ⵜⵉⵏⴻⴷⴷⴰⵎ ⵏ ⵜⴰⵔⴻⵡⵍⴰ ⵉ ⵢⵉⵅⴻⴼ ⵏⵡⴻⵎ, ⵎⵉⵏ ⵅⴻⴼ ⴷ ⴰⵡⴻⵎ ⵙⵙⵉⵡⵍⴻⵖ ⵙ ⵓⴼⵓⵙ ⵏ ⵎⵓⵙⴰ, ^□  ■   3 ⵃⵉⵎⴰ ⴰⴷ ⵢⴰⵔⵡⴻⵍ ⴷⵉⵏ ⵓⵇⴻⵜⵜⴰⵍ ⵏⵏⵉ ⵉⵏⵖⵉⵏ ⵉⵊⵊ ⵏ ⴱⵏⴰⴷⴻⵎ ⵥⴻⴳ ⵓⵡⴻⴷⴷⴰⵔ, ⴱⵍⴰ ⵎⴰ ⴰⴷ ⴰⵙ ⵉⴳⴳ ⵍⴻⵃⵙⴰⴱ. ⴰⴷ ⵉⵍⵉⵏⵜ ⴷ ⵉⵎⵓⵛⴰⵏ ⵎⴰⵏⵉ ⵉ ⵖⴰ ⵜⴰⵔⴻⵡⵍⴻⵎ ⵥⴻⴳ ⵓⵏⴻⵇⵇⴰⵎ ⵏ ⵉⴷⴰⵎⵎⴻⵏ. ^□   4 ⵎⴰⵍⴰ ⵏⴻⵜⵜⴰ ⵢⴰⵔⵡⴻⵍ ⵖⴰⵔ ⵉⵛⵜⴻⵏ ⵥⵉ ⵜⵏⴻⴷⴷⴰⵎ ⵏⵏⵉ, ⴰⴷ ⵉⴱⴻⴷⴷ ⵖⴰⵔ ⵜⴻⵡⵡⴰⵔⵜ ⵏ ⵜⴻⵏⴷⵉⵏⵜ ⵓⵛⴰ ⴰⴷ ⵉⵃⴰⵊⴰ ⵜⴰⵎⵙⴰⵔⵜ ⵏⵏⴻⵙ ⴷⴻⴳ ⵉⵎⴻⵥⵥⵓⵖⴻⵏ ⵏ ⵉⵎⴻⵇⵇⵔⴰⵏⴻⵏ ⵏ ⵜⴻⵏⴷⵉⵏⵜ. ⵅⴻⵏⵏⵉ ⴰⴷ ⵜ ⵙⵙⵉⴷⴼⴻⵏ ⴷⵉ ⵜⴻⵏⴷⵉⵏⵜ, ⴰⴷ ⴰⵙ ⵡⵛⴻⵏ ⵉⵊⵊ ⵏ ⵡⴻⵎⵛⴰⵏ ⵎⴰⵃⴻⵏⴷ ⴰⴷ ⵖⴰⵔⵙⴻⵏ ⵉⵥⴷⴻⵖ. ^■   5 ⵎⴰⵍⴰ ⵅⴻⵏⵏⵉ ⵉⴹⴼⴰⵔ ⵉ-ⵜ ⵓⵏⴻⵇⵇⴰⵎ ⵏ ⵉⴷⴰⵎⵎⴻⵏ, ⵡⴰⵔ ⴷ ⴰⵙ ⵜⵜⵉⵛⴻⵏ ⴰⵇⴻⵜⵜⴰⵍ ⴷⴻⴳ ⵓⴼⵓⵙ ⵏⵏⴻⵙ, ⵎⴰⵖⴰⵔ ⵏⴻⵜⵜⴰ ⵉⵏⵖⴰ ⴰⵎⵇⴰⵔⵔⴻⴱ ⵏⵏⴻⵙ ⴱⵍⴰ ⵎⴰ ⴰⴷ ⴰⵙ ⵉⴳⴳ ⵍⴻⵃⵙⴰⴱ, ⵜⵓⵖⴰ ⵡⴰⵔ ⵜ ⵉⵛⴰⵔⵀ ⵛⴰ ⵉⴹⴻⵏⵏⴰⴹ ⵏⵉⵖ ⴼⴰⵔⵉⴹⴻⵏⵏⴰⴹ. 6 ⵏⴻⵜⵜⴰ ⴰⴷ ⵉⵇⵇⵉⵎ ⵉⵥⴷⴻⵖ ⴷⵉ ⵜⴻⵏⴷⵉⵏⵜ ⵏⵏⵉ, ⴰⵍ ⵖⴰ ⵉⴱⴻⴷⴷ ⵉ ⵍⴻⵃⴽⴰⵎ ⵥⵥⴰⵜ ⵉ ⵡⵓⴷⴻⵎ ⵏ ⵜⵎⴻⵙⵎⵓⵏⵜ, ⵓⵛⴰ ⴰⵡⴰⵔⵏⵉ ⵉ ⵎⴰⵏ ⴰⵢⴰ ⴰⵍ ⵖⴰ ⵉⵎⵎⴻⵜ ⴰⵔⵔⴰⵢⵙ ⵏ ⵉⴽⴻⵀⵀⴰⵏⴻⵏ ⵡⴻⵏⵏⵉ ⴷⵉⵏ ⵉⴵⴰⵏ ⴷⴻⴳ ⵡⵓⵙⵙⴰⵏ ⵏⵏⵉ. ⵅⴻⵏⵏⵉ ⵉⵥⴻⵎⵎⴰⵔ ⵓⵇⴻⵜⵜⴰⵍ ⴰⴷ ⵉⵄⵇⴻⴱ ⵖⴰⵔ ⵜⴻⵏⴷⵉⵏⵜ ⵏⵏⴻⵙ ⵓ ⵖⴰⵔ ⵜⴰⴷⴷⴰⵔⵜ ⵏⵏⴻⵙ, ⵖⴰⵔ ⵜⴻⵏⴷⵉⵏⵜ ⵉ ⵥⵉ ⴷⴷ-ⵢⴰⵔⵡⴻⵍ.

7 ⵅⴻⵏⵏⵉ ⵇⴻⴷⴷⵙⴻⵏ ⵇⴰⴷⴰⵛ ⴷⴻⴳ ⵉⴷⵓⵔⴰⵔ ⵏ ⵏⴰⴼⵜⴰⵍⵉ ⴷⵉ ⵍⵊⴰⵍⵉⵍ ⵓ ⵛⴰⴽⵉⵎ ⵅ ⵉⴷⵓⵔⴰⵔ ⵏ ⵉⴼⵔⴰⵢⵉⵎ ⵓ ⵇⴰⵔⵢⴰⵜ-ⴰⵔⴱⴰⵄ, ⵜⴻⵏⵏⵉ ⴷ ⵃⴰⴱⵔⵓⵏ, ⴷⵉ ⵜⴻⵎⵎⵓⵔⵜ ⵏ ⵉⴷⵓⵔⴰⵔ ⵏ ⵢⴰⵀⵓⴷⴰ. 8 ⴰⵖⵉⵔⵉⵏ ⵏ ⵍ'ⵓⵔⴷⵓⵏ, ⴷⵉ ⵊⵊⵉⵀⴻⵜ ⵏ ⵛⵛⴰⵔⵇ ⵥⵉ ⴰⵔⵉⵃⴰ, ⵡⵛⵉⵏ ⵏⵉⵜⵏⵉ ⵥⵉ ⵜⴻⵇⴱⵉⵞ ⵏ ⵔⵓⴱⵉⵏ ⴱⴰⵚⴰⵔ ⴷⵉ ⵍⴻⵅⵍⴰ ⵅ ⵍⵡⴰⵟⴰ ⵢⵓⵄⵍⴰⵏ ⵓ ⵥⵉ ⵜⴻⵇⴱⵉⵞ ⵏ ⵊⴰⴷ ⵡⵛⵉⵏ ⵏⵉⵜⵏⵉ ⵔⴰⵎⵓⵜ ⴷⵉ ⵊⵉⵍⵄⴰⴷ ⵓ ⵥⵉ ⵜⴻⵇⴱⵉⵞ ⵏ ⵎⴰⵏⴰⵙⵙⴰ ⵜⴰⵏⴷⵉⵏⵜ ⵏ ⵊⵓⵍⴰⵏ ⴷⵉ ⴱⴰⵛⴰⵏ. ^■  

9 ⵜⵉⵏⴰ ⴷ ⵜⵉⵏⴻⴷⴷⴰⵎ ⵏⵏⵉ ⵉⵜⵜⵡⴰⴳⴳⴻⵏ ⵉ ⵎⴰⵔⵔⴰ ⴰⵢⵜ ⵏ ⵉⵙⵔⴰⵉⵍ ⵓ ⵉ ⵓⴱⴰⵔⵔⴰⵏⵉ ⵏⵏⵉ ⵉ ⵉⵥⴻⴷⴷⵖⴻⵏ ⴷⵉ ⵍⵡⴻⵙⵜ ⵏⵙⴻⵏ, ⵃⵉⵎⴰ ⴽⵓⵍ ⵉⵊⵊ ⵥⴻⴳ ⵉⵏⵏⵉ ⵉⵏⵖⵉⵏ ⵉⵊⵊ ⵏ ⴱⵏⴰⴷⴻⵎ ⵙ ⵓⵡⴻⴷⴷⴰⵔ, ⵉⵥⴻⵎⵎⴰⵔ ⴰⴷ ⴷⵉⵏ ⵢⴰⵔⵡⴻⵍ, ⵃⵉⵎⴰ ⵡⴰⵔ ⵉⵜⵜⵎⴻⵜⵜⵉ ⵙ ⵓⴼⵓⵙ ⵏ ⵉⵏⴻⵇⵇⴰⵎⴻⵏ ⵏ ⵉⴷⴰⵎⵎⴻⵏ ⴰⵍ ⵖⴰ ⵉⴱⴻⴷⴷ ⵉ ⵍⵃⵓⴽⵎ ⵥⵥⴰⵜ ⵉ ⵡⵓⴷⴻⵎ ⵏ ⵜⵎⴻⵙⵎⵓⵏⵜ. ^□