1 ⵉⵏⴰ ⴷ ⵉⵊⴻⴵⵉⴷⴻⵏ ⵏ ⵜⴻⵎⵎⵓⵔⵜ, ⵉⵏⵏⵉ ⵉⵜⵜⵡⴰⵡⵜⴻⵏ ⵥⴻⴳ ⴰⵢⵜ ⵏ ⵉⵙⵔⴰⵉⵍ ⵓⵛⴰ ⵅⴻⵏⵏⵉ ⵟⵟⴼⴻⵏ ⵏⵉⵜⵏⵉ ⵜⴰⵎⵎⵓⵔⵜ ⵏⵙⴻⵏ ⴷ ⵍⵡⴰⵔⵜ, ⴰⵖⵉⵔⵉⵏ ⵉ ⵍ'ⵓⵔⴷⵓⵏ ⵥⵉ ⵎⴰⵏⵉⵙ ⵉ ⴷ ⵜⵏⴻⵇⵇⴰⵔ ⵜⴼⵓⵛⵜ, ⵥⵉ ⵜⴻⵖⵥⴰⵔⵜ ⵏ ⴰⵔⵏⵓⵏ ⵖⴰⵔⴻⵙ ⴰⵍ ⵉⴷⵓⵔⴰⵔ ⵏ ⵃⵉⵔⵎⵓⵏ ⴷ ⵎⴰⵔⵔⴰ ⵍⴻⵡⴹⴰ ⴷⵉ ⵛⵛⴰⵔⵇ.

2 ⵙⵉⵃⵓⵏ, ⴰⵊⴻⴵⵉⴷ ⵏ ⵉⵎⵓⵔⵉⵢⵢⴻⵏ, ⵡⴻⵏⵏⵉ ⵉ ⵜⵓⵖⴰ ⵉⵥⴻⴷⴷⵖⴻⵏ ⴷⵉ ⵃⴰⵛⴱⵓⵏ, ⵏⴻⵜⵜⴰ ⵉⵃⴽⴻⵎ ⵅ ⵊⵊⵡⴰⵢⴻⵀ ⵥⵉ ⵄⴰⵔⵓⵄⵉⵔ ⵖⴰⵔ ⵜⵎⴰ ⵏ ⵜⴻⵖⵥⴰⵔⵜ ⵏ ⴰⵔⵏⵓⵏ, ⴰⵍ ⵍⵡⴻⵙⵜ ⵏ ⵜⴻⵖⵥⴰⵔⵜ, ⵓ ⵅ ⵡⴻⵥⵢⴻⵏ ⵏ ⵊⵉⵍⵄⴰⴷ ⵖⴰⵔⴻⵙ ⴰⵍ ⵜⵉⵖⵥⴰⵔⵜ ⵏ ⵢⴰⴱⴱⵓⵇ, ⴰⵇⴰ-ⵜ ⴷ ⴰⵢⵎⵉⵔ ⵏ ⴰⵢⵜ ⵏ ⵄⴰⵎⵎⵓⵏ 3 ⵓ ⵅ ⵍⴻⵡⴹⴰ ⵖⴰⵔⴻⵙ ⴰⵍ ⵍⴻⴱⵃⴰⵔ ⵏ ⴽⵉⵏⵏⴰⵔⵓⵜ ⴷⵉ ⵛⵛⴰⵔⵇ ⵓ ⵖⴰⵔⴻⵙ ⴰⵍ ⵍⴻⴱⵃⴰⵔ ⵏ ⵍⴻⵡⴹⴰ, ⵍⴻⴱⵃⴰⵔ ⴰⵎⴻⴵⴰⵃ, ⴷⵉ ⵛⵛⴰⵔⵇ, ⴰⴱⵔⵉⴷ ⵏ ⴱⴰⵢⵜ-ⵢⴰⵛⵉⵎⵓⵜ, ⵓ ⵥⵉ ⵍⵊⴰⵏⵓⴱ ⴰⵍ ⵙⵡⴰⴷⴷⴰⵢ ⵉ ⵜⴻⵢⵙⴰⵔⵉⵏ ⵏ ⴼⵉⵙⵊⴰ.

4 ⵓⵍⴰ ⴷ ⵜⴰⵎⵎⵓⵔⵜ ⵏ ⵄⵓⵊ, ⴰⵊⴻⴵⵉⴷ ⵏ ⴱⴰⵛⴰⵏ, ⵡⴻⵏⵏⵉ ⵉⴵⴰⵏ ⵥⵉ ⵎⵉⵏ ⵉⵇⵇⵉⵎⴻⵏ ⵥⴻⴳ ⵉⵔⴰⴼⴰⵡⵉⵢⵢⴻⵏ, ⵉⵏⵏⵉ ⴷ ⵊⵡⴰⵀⴻⵍ, ⵉ ⵜⵓⵖⴰ ⵉⵥⴻⴷⴷⵖⴻⵏ ⴷⵉ ⴰⵛⵜⴰⵔⵓⵜ ⴷ ⵉⴷⵔⴰⵄⵉ. ^■   5 ⵏⴻⵜⵜⴰ ⵉⵃⴽⴻⵎ ⵅ ⵉⴷⵓⵔⴰⵔ ⵏ ⵃⵉⵔⵎⵓⵏ, ⵅ ⵙⴰⵍⵅⴰ ⵓ ⵅ ⵎⴰⵔⵔⴰ ⴱⴰⵛⴰⵏ ⵖⴰⵔⴻⵙ ⴰⵍ ⵡⴻⵢⵎⵉⵔ ⵏ ⵉⵊⴰⵛⵓⵔⵉⵢⵢⴻⵏ ⴷ ⵉⵎⴰⵄⴽⵉⵢⵢⴻⵏ ⵓ ⵅ ⵡⴻⵥⵢⴻⵏ ⵏ ⵊⵉⵍⵄⴰⴷ ⵖⴰⵔⴻⵙ ⴰⵍ ⵜⴰⵎⵎⵓⵔⵜ ⵏ ⵙⵉⵃⵓⵏ, ⴰⵊⴻⴵⵉⴷ ⵏ ⵃⴰⵛⴱⵓⵏ.

6 ⵎⵓⵙⴰ, ⴰⵎⵙⴻⵅⵅⴰⵔ ⵏ ⵙⵉⴷⵉ, ⴰⴽ-ⴷ ⴰⵢⵜ ⵏ ⵉⵙⵔⴰⵉⵍ, ⵜⵓⵖⴰ ⵡⵜⵉⵏ ⵜⴻⵏ ⵓ ⵎⵓⵙⴰ, ⴰⵎⵙⴻⵅⵅⴰⵔ ⵏ ⵙⵉⴷⵉ, ⵜⵓⵖⴰ ⵉⵡⵛⴰ ⵜⴰⵎⵎⵓⵔⵜ ⵏⵏⵉ ⴷ ⵍⵡⴰⵔⵜ ⵉ ⵉⵔⵓⴱⵉⵏⵉⵢⵢⴻⵏ ⴷ ⵉⵊⴰⴷⵉⵢⵢⴻⵏ ⵓ ⵉ ⵡⴻⵥⵢⴻⵏ ⵏ ⵜⴻⵇⴱⵉⵞ ⵏ ⵎⴰⵏⴰⵙⵙⴰ. ^■  

7 ⵉⵏⴰ ⴷ ⵉⵊⴻⴵⵉⴷⴻⵏ ⵏ ⵜⴻⵎⵎⵓⵔⵜ ⵉⵏⵏⵉ ⵉ ⵜⵓⵖⴰ ⵉⵜⵜⵡⴰⵡⵜⴻⵏ ⵥⵉ ⵢⴰⵛⵓⵡⴰ ⴷ ⴰⵢⵜ ⵏ ⵉⵙⵔⴰⵉⵍ, ⵖⴰⵔ ⵓⵊⴻⵎⵎⴰⴹ ⵏ ⵍ'ⵓⵔⴷⵓⵏ ⴷⵉ ⵍⵖⴰⵔⴱ, ⵥⵉ ⴱⴰⵄⵍ-ⵊⴰⴷ ⴷⵉ ⵜⴻⵢⵙⴰⵔⵜ ⵏ ⵍⵓⴱⵏⴰⵏ ⵖⴰⵔⴻⵙ ⴰⵍ ⴰⴷⵔⴰⵔ ⴰⵇⴻⵛⵛⴰⵔ ⵡⴻⵏⵏⵉ ⵉⵙⵙⴳⴻⵄⵄⴷⴻⵏ ⵖⴰⵔ ⵙⴰⵄⵉⵔ. ⵓⵛⴰ ⵢⴰⵛⵓⵡⴰ ⵉⵡⵛⴰ ⵉ-ⵜⵜ ⴷ ⵍⵡⴰⵔⵜ ⵉ ⵜⵇⴻⴱⴱⴰⵍ ⵏ ⵉⵙⵔⴰⵉⵍ ⵄⵍⴰⵃⵙⴰⴱ ⵜⴰⵔⴱⵉⵄⵉⵏ ⵏⵙⴻⵏ. ^■   8 ⴷⵉ ⵜⴻⵎⵎⵓⵔⵜ ⵏ ⵉⴷⵓⵔⴰⵔ ⵓ ⴷⵉ ⵜⴻⵎⵎⵓⵔⵜ ⵉⵡⴰⵟⴰⵏ ⵓ ⴷⵉ ⵍⴻⵡⴹⴰ ⵓ ⴷⵉ ⵜⴻⵢⵙⴰⵔⵉⵏ ⵓ ⴷⵉ ⵍⴻⵅⵍⴰ ⵓ ⴷⵉ ⵜⴻⵎⵎⵓⵔⵜ ⵏ ⵍⵊⴰⵏⵓⴱ: ⵉⵃⵉⵜⵜⵉⵢⵢⴻⵏ, ⵉⵎⵓⵔⵉⵢⵢⴻⵏ, ⵉⴽⴻⵏⵄⴰⵏⵉⵢⵢⴻⵏ, ⵉⴼⴰⵔⵉⵥⵉⵢⵢⴻⵏ, ⵉⵃⵉⵡⵉⵢⵢⴻⵏ ⴷ ⵉⵢⴰⴱⵓⵙⵉⵢⵢⴻⵏ.

9 ⴰⵊⴻⴵⵉⴷ ⵏ ⴰⵔⵉⵃⴰ: ⴷ ⵉⵊⵊ. ⴰⵊⴻⴵⵉⴷ ⵏ ⵄⴰⵢ ⵉ ⵉⴵⴰⵏ ⵖⴰⵔ ⵓⵖⴻⵥⴷⵉⵙ ⵏ ⴱⴰⵢⵜ-ⵉⵍ: ⴷ ⵉⵊⵊ.

10 ⴰⵊⴻⴵⵉⴷ ⵏ ⵓⵔⵛⴰⵍⵉⵎ: ⴷ ⵉⵊⵊ. ⴰⵊⴻⴵⵉⴷ ⵏ ⵃⴰⴱⵔⵓⵏ: ⴷ ⵉⵊⵊ.

11 ⴰⵊⴻⴵⵉⴷ ⵏ ⵢⴰⵔⵎⵓⵜ: ⴷ ⵉⵊⵊ. ⴰⵊⴻⴵⵉⴷ ⵏ ⵍⴰⵅⵉⵛ: ⴷ ⵉⵊⵊ.

12 ⴰⵊⴻⴵⵉⴷ ⵏ ⵄⴰⵊⵍⵓⵏ: ⴷ ⵉⵊⵊ. ⴰⵊⴻⴵⵉⴷ ⵏ ⵊⴰⵥⴰⵔ: ⴷ ⵉⵊⵊ.

13 ⴰⵊⴻⴵⵉⴷ ⵏ ⴷⴰⴱⵉⵔ: ⴷ ⵉⵊⵊ. ⴰⵊⴻⴵⵉⴷ ⵏ ⵊⴰⴷⴰⵔ: ⴷ ⵉⵊⵊ.

14 ⴰⵊⴻⴵⵉⴷ ⵏ ⵃⵓⵔⵎⴰ: ⴷ ⵉⵊⵊ. ⴰⵊⴻⴵⵉⴷ ⵏ ⵄⴰⵔⴰⴷ: ⴷ ⵉⵊⵊ.

15 ⴰⵊⴻⴵⵉⴷ ⵏ ⵍⵉⴱⵏⴰ: ⴷ ⵉⵊⵊ. ⴰⵊⴻⴵⵉⴷ ⵏ ⵄⴰⴷⵓⵍⵍⴰⵎ: ⴷ ⵉⵊⵊ.

16 ⴰⵊⴻⴵⵉⴷ ⵏ ⵎⴰⵇⵇⵉⴷⴰ: ⴷ ⵉⵊⵊ. ⴰⵊⴻⴵⵉⴷ ⵏ ⴱⴰⵢⵜ-ⵉⵍ: ⴷ ⵉⵊⵊ.

17 ⴰⵊⴻⴵⵉⴷ ⵏ ⵜⴰⴼⴼⵓⵃⴰ: ⴷ ⵉⵊⵊ. ⴰⵊⴻⴵⵉⴷ ⵏ ⵃⴰⴼⴰⵔ: ⴷ ⵉⵊⵊ.

18 ⴰⵊⴻⴵⵉⴷ ⵏ ⴰⴼⵉⵇ: ⴷ ⵉⵊⵊ. ⴰⵊⴻⴵⵉⴷ ⵏ ⵍⴰⵛⵛⴰⵔⵓⵏ: ⴷ ⵉⵊⵊ.

19 ⴰⵊⴻⴵⵉⴷ ⵏ ⵎⴰⴷⵓⵏ: ⴷ ⵉⵊⵊ. ⴰⵊⴻⴵⵉⴷ ⵏ ⵃⴰⵚⵓⵔ: ⴷ ⵉⵊⵊ.

20 ⴰⵊⴻⴵⵉⴷ ⵏ ⵛⵉⵎⵔⵓⵏ-ⵎⴰⵔⴰ’ⵓⵏ: ⴷ ⵉⵊⵊ. ⴰⵊⴻⴵⵉⴷ ⵏ ⴰⴽⵛⴰⴼ: ⴷ ⵉⵊⵊ.

21 ⴰⵊⴻⴵⵉⴷ ⵏ ⵜⴰⵄⵏⴰⴽ: ⴷ ⵉⵊⵊ. ⴰⵊⴻⴵⵉⴷ ⵏ ⵎⴰⵊⵉⴷⴷⵓ: ⴷ ⵉⵊⵊ.

22 ⴰⵊⴻⴵⵉⴷ ⵏ ⵇⴰⴷⴰⵛ: ⴷ ⵉⵊⵊ. ⴰⵊⴻⴵⵉⴷ ⵏ ⵢⵓⵇⵏⴰⵄⴰⵎ ⵖⴰⵔ ⴽⴰⵔⵎⴰⵍ: ⴷ ⵉⵊⵊ.

23 ⴰⵊⴻⴵⵉⴷ ⵏ ⴷⵓⵔ ⵅ ⵜⵉⵡⵔⵉⵔⵉⵏ ⵖⴰⵔ ⴷⵓⵔ: ⴷ ⵉⵊⵊ. ⴰⵊⴻⴵⵉⴷ ⵏ ⵊⵓⵢⵉⵎ ⴷⵉ ⵊⵉⵍⵊⴰⵍ: ⴷ ⵉⵊⵊ.

24 ⴰⵊⴻⴵⵉⴷ ⵏ ⵜⵉⵔⵚⴰ: ⴷ ⵉⵊⵊ. ⵎⴰⵔⵔⴰ ⵉⵊⴻⴵⵉⴷⴻⵏ-ⴰ ⴰⵇⴰ ⴰⵜⴻⵏ ⴷⵉ ⵡⴰⵃⵉⵜ ⵓ-ⵜⵍⴰⵜⵉⵏ.