1 ⵉⵙⵙⵉⵡⴻⵍ ⵙⵉⴷⵉ ⴰⴽ-ⴷ ⵎⵓⵙⴰ, ⵉⵏⵏⴰ:

2 “ⵙⵉⵡⴻⵍ ⴰⴽ-ⴷ ⴰⵢⵜ ⵏ ⵉⵙⵔⴰⵉⵍ ⵓⵛⴰ ⵉⵏⵉ ⴰⵙⴻⵏ: ‘ⵏⴻⵛⵛ ⴷ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ! 3 ⵡⴰⵔ ⵜⵜⴻⴳⴳⴻⵎ ⴰⵎⴻⵛⵏⴰⵡ ⵎⴰⵎⵎⴻⵛ ⵜⵜⴻⴳⴳⴻⵏ ⴷⵉ ⵜⴻⵎⵎⵓⵔⵜ ⵏ ⵎⵉⵚⵔⴰ ⵎⴰⵏⵉ ⵜⵓⵖⴰ ⵜⵥⴻⴷⴷⵖⴻⵎ ⴽⴻⵏⵏⵉⵡ, ⵓ ⵡⴰⵔ ⵜⵜⴻⴳⴳⴻⵎ ⴰⵎⴻⵛⵏⴰⵡ ⵎⴰⵎⵎⴻⵛ ⵜⵜⴻⴳⴳⴻⵏ ⴷⵉ ⵜⴻⵎⵎⵓⵔⵜ ⵏ ⴽⴻⵏⵄⴰⵏ ⵎⴰⵏⵉ ⴽⴻⵏⵏⵉⵡ ⵖⴰ ⵏⴻⴷⵀⴻⵖ, ⵓⵛⴰ ⵡⴰⵔ ⴳⴳⵓⵔ ⴰⴷ ⵜⴻⴷⴷⴰⵔⴻⵎ ⵄⵍⴰⵃⵙⴰⴱ ⵜⵉⵡⴻⵚⵚⴰ ⵏⵙⴻⵏ. ^□   4 ⴰⴷ ⵜⴻⴳⴳⴻⵎ ⵍⴼⴰⵔⴰⵢⵉⴹ ⵉⵏⵓ ⵓⵛⴰ ⴰⴷ ⵜⴻⵃⴹⴰⵎ ⵜⵉⵡⴻⵚⵚⴰ ⵉⵏⵓ ⵎⴰⵃⴻⵏⴷ ⴰⴷ ⴷⴰⵢⵙⴻⵏ ⵜⵓⵢⵓⵔⴻⵎ: ⵏⴻⵛⵛ ⴷ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ! 5 ⴰⴷ ⵜⴻⵃⴹⴰⵎ ⵜⵉⵡⴻⵚⵚⴰ ⵉⵏⵓ ⴷ ⵍⴼⴰⵔⴰⵢⵉⴹ ⵉⵏⵓ: ⴱⵏⴰⴷⴻⵎ ⵏⵏⵉ ⵜⴻⵏⵜ ⵉⵜⵜⴻⴳⴳⴻⵏ, ⴰⴷ ⵥⵥⴰⵢⵙⴻⵏⵜ ⵉⴷⴷⴰⵔ, ⵏⴻⵛⵛ ⴷ ⵙⵉⴷⵉ! ^■  

6 ⵓⵍⴰ ⴷ ⵉⵊⵊ ⵎⴰ ⴰⴷ ⴷⴷ-ⵉⵇⴰⵔⵔⴻⴱ ⵖⴰⵔ ⵛⴰ ⵏ ⵢⵉⵊⵊⴻⵏ ⵥⵉ ⵔⴰⴵ ⵏⵏⴻⵙ ⵃⵉⵎⴰ ⴰⴷ ⵉⵙⵙⵄⴰⵔⵔⴰ ⵍⵄⴰⵔ ⵏⵏⴻⵙ: ⵏⴻⵛⵛ ⴷ ⵙⵉⴷⵉ.

7 ⵡⴰⵔ ⴳⴳⵓⵔ ⴰⴷ ⵜⴻⵙⵙⵄⴰⵔⵔⵉⴷ ⵍⵄⴰⵔ ⵏ ⴱⴰⴱⴰⵛ ⴷ ⵍⵄⴰⵔ ⵏ ⵢⴻⵎⵎⴰⵛ. ⴰⵇⴰ-ⵜⵜ ⴷ ⵢⴻⵎⵎⴰⵛ, ⵡⴰⵔ ⴳⴳⵓⵔ ⴰⴷ ⵜⴻⵙⵙⵄⴰⵔⵔⵉⴷ ⵍⵄⴰⵔ ⵏⵏⴻⵙ. 8 ⵍⵄⴰⵔ ⵏ ⵜⴻⵎⵖⴰⵔⵜ ⵏ ⴱⴰⴱⴰ ⴰⵛ ⵡⴰⵔ ⴳⴳⵓⵔ ⴰⴷ ⵜ ⵜⴻⵙⵙⵄⴰⵔⵔⵉⴷ. ⴰⵇⴰ-ⵜ ⴷ ⵍⵄⴰⵔ ⵏ ⴱⴰⴱⴰ ⴰⵛ. ^■   9 ⵅ ⵍⵄⴰⵔ ⵏ ⵓⵞⵎⴰⵛ, ⵢⴻⴵⵉⵙ ⵏ ⴱⴰⴱⴰⵛ ⵏⵉⵖ ⵢⴻⴵⵉⵙ ⵏ ⵢⴻⵎⵎⴰⵛ, ⵏⵉⵖ ⵏⴻⵜⵜⴰⵜ ⵜᵉⵜⵜⵡⴰⵅⵍⴻⵇ-ⴷⴷ ⴷⵉ ⵜⴰⴷⴷⴰⵔⵜ ⵏⵉⵖ ⴱⴰⵔⵔⴰ ⵉ ⵜⴰⴷⴷⴰⵔⵜ, ⴰⵇⴰ ⵍⵄⴰⵔ ⵏⵏⴻⵙ ⵡⴰⵔ ⵜ ⵜⴻⵙⵙⵄⴰⵔⵔⵉ ⵛⴰ.

10 ⵅ ⵍⵄⴰⵔ ⵏ ⵢⴻⴵⵉⵙ ⵏ ⵎⵎⵉⵛ ⵏⵉⵖ ⵏ ⵢⴻⴵⵉⵙ ⵏ ⵢⴻⴵⵉⵛ, ⵡⴰⵔ ⵜⵜⴻⵙⵙⵄⴰⵔⵔⵉ ⵛⴰ ⵍⵄⴰⵔ ⵏⵙⴻⵏ ⵎⵉⵏⵥⵉ ⴰⵇⴰ ⴷ ⵍⵄⴰⵔ ⵏⵏⴻⴽ.

11 ⵡⴰⵔ ⵜⵜⴻⵙⵙⵄⴰⵔⵔⵉ ⵛⴰ ⵍⵄⴰⵔ ⵏ ⵢⴻⴵⵉⵙ ⵏ ⵜⴻⵎⵖⴰⵔⵜ ⵏ ⴱⴰⴱⴰⵛ, ⵜⴻⵏⵏⵉ ⴷⴷ-ⵉⵜⵜⵡⴰⵅⴻⵍⵇⴻⵏ ⵉ ⴱⴰⴱⴰⵛ. ⴰⵇⴰ-ⵜⵜ ⴷ ⵓⵞⵎⴰⵛ. ^■  

12 ⵡⴰⵔ ⴳⴳⵓⵔ ⴰⴷ ⵜⴻⵙⵙⵄⴰⵔⵔⵉⴷ ⵍⵄⴰⵔ ⵏ ⵓⵞⵎⴰⵙ ⵏ ⴱⴰⴱⴰⵛ. ⴰⵇⴰ-ⵜⵜ ⴷ ⵔⴰⴵ ⵏ ⴱⴰⴱⴰⵛ. ^■  

13 ⵡⴰⵔ ⴳⴳⵓⵔ ⴰⴷ ⵜⴻⵙⵙⵄⴰⵔⵔⵉⴷ ⵍⵄⴰⵔ ⵏ ⵓⵞⵎⴰⵙ ⵏ ⵢⴻⵎⵎⴰⵛ, ⵎⵉⵏⵥⵉ ⵏⴻⵜⵜⴰⵜ ⴷ ⵔⴰⴵ ⵏ ⵢⴻⵎⵎⴰⵛ.

14 ⵡⴰⵔ ⴳⴳⵓⵔ ⴰⴷ ⵜⴻⵙⵙⵄⴰⵔⵔⵉⴷ ⵍⵄⴰⵔ ⵏ ⵓⵎⴰⵙ ⵏ ⴱⴰⴱⴰⵛ ⵓ ⵡⴰⵔ ⴷⴷ-ⵜⵜⵇⴰⵔⵔⴰⴱⴻⴷ ⵖⴰⵔ ⵜⴻⵎⵖⴰⵔⵜ ⵏⵏⴻⵙ, ⴰⵇⴰ-ⵜⵜ ⴷ ⵄⴻⵏⵜⵉⵛ. ^■  

15 ⵡⴰⵔ ⴳⴳⵓⵔ ⴰⴷ ⵜⴻⵙⵙⵄⴰⵔⵔⵉⴷ ⵍⵄⴰⵔ ⵏ ⵜⴻⵎⵖⴰⵔⵜ ⵏ ⵎⵎⵉⵛ, ⴰⵇⴰ-ⵜⵜ ⴷ ⵜⴰⵎⵖⴰⵔⵜ ⵏ ⵎⵎⵉⵛ. ⵡⴰⵔ ⵜⵜⴻⵙⵙⵄⴰⵔⵔⵉ ⵛⴰ ⵍⵄⴰⵔ ⵏⵏⴻⵙ. ^■  

16 ⵡⴰⵔ ⴳⴳⵓⵔ ⴰⴷ ⵜⴻⵙⵙⵄⴰⵔⵔⵉⴷ ⵍⵄⴰⵔ ⵏ ⵜⴻⵎⵖⴰⵔⵜ ⵏ ⵓⵎⴰⵛ, ⴰⵇⴰ-ⵜ ⴷ ⵍⵄⴰⵔ ⵏ ⵓⵎⴰⵛ. ^■  

17 ⵡⴰⵔ ⵜⴻⵙⵙⵄⴰⵔⵔⵉ ⵛⴰ ⵍⵄⴰⵔ ⵏ ⵜⴻⵎⵖⴰⵔⵜ ⴷ ⵢⴻⴵⵉⵙ. ⵡⴰⵔ ⴷⴷ-ⵜⵜⴰⵡⵉ ⵛⴰ ⵢⴻⴵⵉⵙ ⵏ ⵎⵎⵉⵙ ⵏⵉⵖ ⵢⴻⴵⵉⵙ ⵏ ⵢⴻⴵⵉⵙ, ⵎⴰⵃⴻⵏⴷ ⴰⴷ ⵜⴻⵙⵙⵄⴰⵔⵔⵉⴷ ⵍⵄⴰⵔ ⵏⵏⴻⵙ. ⴰⵇⴰ ⴰⵜⴻⵏⵜ ⴷ ⵔⴰⴵ ⵏⵏⴻⴽ, ⴰⵇⴰ-ⵜⵜ ⴷ ⵉⵛⵜ ⵏ ⵜⵎⴻⵄⵎⵓⵞ ⵉⴼⴻⵙⴷⴻⵏ. ^■  

18 ⵡⴰⵔ ⴷⴷ-ⵜⵜⴰⵡⵉ ⵜⴰⵎⵖⴰⵔⵜ ⴷ ⵜⴰⵛⵏⴰ ⴰⴽ-ⴷ ⵓⵞⵎⴰⵙ ⵎⴰⵃⴻⵏⴷ ⴰⴷ ⵜⵜ ⵜⵖⴻⵏⵏⴻⴷ ⴰⵎⵎⵓ ⵅⵎⵉ ⵉ ⵖⴰ ⵜⴻⵙⵙⵄⴰⵔⵔⵉⴷ ⵍⵄⴰⵔ ⵏⵏⴻⵙ ⴰⵎ ⵄⴰⴷ ⵜⴻⴷⴷⴰⵔ.

19 ⵡⴰⵔ ⴷⴷ-ⵜⵜⵇⴰⵔⵔⴰⴱ ⵛⴰ ⵖⴰⵔ ⵉⵛⵜ ⵏ ⵜⴻⵎⵖⴰⵔⵜ ⵅⵎⵉ ⵉ ⵖⴰ ⵜⴻⵄⵥⴻⵍ ⵉⵅⴻⴼ ⵏⵏⴻⵙ ⵥⵉ ⵙⵙⵉⴱⴱⴻⵜ ⵏ ⵍⴻⵅⵎⴻⵊ ⵏⵏⴻⵙ ⵃⵉⵎⴰ ⴰⴷ ⵜⴻⵙⵙⵄⴰⵔⵔⵉⴷ ⵍⵄⴰⵔ ⵏⵏⴻⵙ. ^■   20 ⵡⴰⵔ ⵜⵜᵉⵟⵟⴻⵚ ⴰⴽ-ⴷ ⵜⴻⵎⵖⴰⵔⵜ ⵏ ⵓⵎⵇⴰⵔⵔⴻⴱ ⵏⵏⴻⴽ ⵎⴰⵖⴰⵔ ⴰⵎⵎⵓ ⵥⵥⴰⵢⴻⵙ ⵉ ⵖⴰ ⵜⴼⴻⵙⴷⴻⴷ ⵉⵅⴻⴼ ⵏⵏⴻⴽ. ^■   21 ⵡⴰⵔ ⵜⵜⴻⵊⵊⵉⴷ ⴰⵔⵔⴰⵡ ⵏⵏⴻⴽ ⴰⴷ ⵥⵡⴰⵏ ⵖⴰⵔ ⵎⵓⵍⴰⴽ, ⵡⴰⵔ ⵜⴻⵙⵙⵄⵉⴵⵉⴷ ⵉⵙⴻⵎ ⵏ ⴰⵔⴻⴱⴱⵉ ⵏⵏⴻⴽ, ⵏⴻⵛⵛ ⴷ ⵙⵉⴷⵉ! ^■   22 ⵡⴰⵔ ⵜⵜᵉⵟⵟⴻⵙ ⵛⴰ ⴰⴽ-ⴷ ⵛⴰ ⵏ ⵡⴻⵔⵢⴰⵥ ⴰⵎ ⵜᵉⵜⵜⴻⵚⵚⴻⴷ ⴰⴽ-ⴷ ⵜⴻⵎⵖⴰⵔⵜ. ⴰⵇⴰ-ⵜⵜ ⴷ ⵊⵊⵄⵉⴼⴻⵛⵜ. ^■   23 ⵡⴰⵔ ⴼⴻⵙⵙⴻⴷ ⵛⴰ ⵉⵅⴻⴼ ⵏⵏⴻⴽ ⴰⴽ-ⴷ ⵛⴰ ⵏ ⵍⴻⴱⵀⵉⵎⴻⵜ ⴰⵎ ⵜⴼⴻⵃⵃⵍⴻⴷ ⴰⴽⵉⴷⴻⵙ, ⵓ ⵜⴰⵎⵖⴰⵔⵜ ⵡⴰⵔ ⵜⵜⴱⴻⴷⴷⵉ ⵥⵥⴰⵜ ⵉ ⵍⴻⴱⵀⵉⵎⴻⵜ ⵎⴰⵃⴻⵏⴷ ⴰⴷ ⵜⴼⴻⵙⴷⴻⴷ ⵉⵅⴻⴼ ⵏⵏⴻⵙ ⵥⵥⴰⵢⴻⵙ. ⴰⵇⴰ ⴷ ⵉⵊⵊ ⵏ ⵓⵅⴻⴵⴻⴹ ⵉⴼⴻⵙⴷⴻⵏ. ^■   24 ⵡⴰⵔ ⴼⴻⵙⵙⴷⴻⵎ ⵛⴰ ⵉⵅⴻⴼ ⵏⵡⴻⵎ ⵙ ⵎⴰⵔⵔⴰ ⵜⵉⵎⴻⵙⵍⴰⵢⵉⵏ-ⴰ, ⵎⵉⵏⵥⵉ ⵍⴻⴳⵏⵓⵙ ⵏⵏⵉ ⵉ ⵖⴰ ⵙⵙⵓⴼⴼⵖⴻⵖ ⵥⵥⴰⵜ ⵉ ⵓⵖⴻⵎⴱⵓⴱ ⵏⵡⴻⵎ, ⵜⵓⵖⴰ ⴼⴻⵙⵙⴷⴻⵏ ⵉⵅⴻⴼ ⵏⵙⴻⵏ ⵙ ⵎⴰⵔⵔⴰ ⵜⵉⵎⴻⵙⵍⴰⵢⵉⵏ-ⴰ. 25 ⵙ ⵓⵢⴻⵏⵏⵉ ⵜⴻⴷⵡⴻⵍ ⵜⴻⵎⵎⵓⵔⵜ ⵜⴻⴼⵙⴻⴷ ⵓⵛⴰ ⵏⴻⵛⵛ ⴰⴷ ⴰⵙ ⵅⴻⴵⵚⴻⵖ ⵍⵎⵓⵄⵚⵉⵢⵢⴻⵜ ⵏⵏⴻⵙ ⵓⵛⴰ ⴰⴷ ⵜⵄⵓⵇⵇ ⵜⴻⵎⵎⵓⵔⵜ ⵉⵎⴻⵥⴷⴰⵖ ⵏⵏⴻⵙ. 26 ⵎⴰⵛⴰ ⴽⴻⵏⵏⵉⵡ ⴰⴷ ⵜⴻⵃⴹⴰⵎ ⵜⵉⵡⴻⵚⵚⴰ ⴷ ⵍⴼⴰⵔⴰⵢⵉⴹ ⵉⵏⵓ, ⵡⴰⵔ ⵜⵜⴻⴳⴳⴻⵎ ⵓⵍⴰ ⴷ ⵉⵛⵜ ⵏ ⵍⵃⴰⵊⵊⴻⵜ ⵥⵉ ⵎⴰⵔⵔⴰ ⵊⵊⵄⴰⵢⴻⴼ-ⴰ, ⵏⵉⵖ ⵡⴻⵏⵏⵉ ⵥⵉ ⵜⴰⵔⵡⴰ ⵏ ⵜⴻⵎⵎⵓⵔⵜ ⵓⵍⴰ ⴷ ⴰⴱⴰⵔⵔⴰⵏⵉ ⵏⵏⵉ ⵉⵥⴻⴷⴷⵖⴻⵏ ⴷⵉ ⵍⵡⴻⵙⵜ ⵏⵡⴻⵎ. ^■   27 ⵎⵉⵏⵥⵉ ⵉⵔⵢⴰⵥⴻⵏ ⵏ ⵜⴻⵎⵎⵓⵔⵜ, ⵉⵏⵏⵉ ⵜⵓⵖⴰ ⵇⴱⴻⵍ ⵏⵡⴻⵎ, ⴰⵇⴰ ⴳⴳⵉⵏ ⵎⴰⵔⵔⴰ ⵊⵊⵄⴰⵢⴻⴼ-ⴰ ⵓⵛⴰ ⴰⵎⵎⵓ ⵉ ⵜⴻⴷⵡⴻⵍ ⵜⴻⵎⵎⵓⵔⵜ ⵜⴻⴼⵙⴻⴷ. 28 ⵡⴰⵔ ⵜⵜⴻⵊⵊⵉ ⵜⴰⵎⵎⵓⵔⵜ ⴰⴷ ⴽⴻⵏⵏⵉⵡ ⵜⵄⵓⵇⵇ ⵓⵎⵉ ⵜⵜ ⵜⴼⴻⵙⵙⴷⴻⵎ, ⴰⵎ ⵎⴰⵎⵎⴻⵛ ⵜⵄⵓⵇⵇ ⵜⴻⵎⵎⵓⵔⵜ ⵍⴳⴻⵏⵙ ⵏⵏⵉ ⵜⵓⵖⴰ ⴷⵉⵏ ⵇⴱⴻⵍ ⵏⵡⴻⵎ. 29 ⵎⵉⵏⵥⵉ ⵎⴰⵔⵔⴰ ⵉⵏⵏⵉ ⵉⴳⴳⵉⵏ ⵎⴰⵏ ⵡⴻⵏ ⵎⴰ ⵥⵉ ⵊⵊⵄⴰⵢⴻⴼ-ⴰ, ⴰⵇⴰ ⵍⴻⵄⵎⵓⵔ, ⵉⵏⵏⵉ ⵉ ⵖⴰ ⵉⴳⴳⵉⵏ ⴰⵎⵎⵓ, ⴰⴷ ⵜⵜⵡⴰⵇⴻⴹⵄⴻⵏ ⵥⵉ ⵍⴳⴻⵏⵙ ⵏⵙⴻⵏ. 30 ⴰⴷ ⵜⴻⵃⴹⴰⵎ ⵎⵉⵏ ⴷ ⴰⵡⴻⵎ ⵓⵎⵓⵔⴻⵖ ⵎⴰⵃⴻⵏⴷ ⵡⴰⵔ ⵜⴹⴻⴼⴼⴰⵔⴻⵎ ⵜⵉⵡⴻⵚⵚⴰ ⵢⵓⵔⵚⵓⴹⴻⵏ ⴰⵎ ⵎⴰⵎⵎⴻⵛ ⵜⵜ ⴳⴳⵉⵏ ⵍⴻⴳⵏⵓⵙ ⵇⴱⴻⵍ ⵏⵡⴻⵎ. ⵡⴰⵔ ⵥⵥⴰⵢⵙⴻⵏⵜ ⵜⴼⴻⵙⵙⴷⴻⵎ ⵉⵅⴻⴼ ⵏⵡⴻⵎ. ⵏⴻⵛⵛ ⴷ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ!”