1 ⵉⵙⵙⵉⵡⴻⵍ ⵙⵉⴷⵉ ⴰⴽ-ⴷ ⵎⵓⵙⴰ, ⵉⵏⵏⴰ:

2 “ⵙⵉⵡⴻⵍ ⴰⴽ-ⴷ ⴰⵢⵜ ⵏ ⵉⵙⵔⴰⵉⵍ, ⵉⵏⵉ: “ⵅⵎⵉ ⵉ ⵖⴰ ⵜⴻⴽⵙⵉ ⵉⵛⵜ ⵏ ⵜⴻⵎⵖⴰⵔⵜ ⴷⴷⴻⵢⵙⴻⵜ ⵓⵛⴰ ⵜⵓⵔⵓⵡ-ⴷⴷ ⴰⵃⴻⵏⵊⵉⵔ, ⴰⴷ ⵜⵉⵍⵉ ⵜⴻⵅⵎⴻⵊ ⵙⴻⴱⵄⴰ ⵏ ⵡⵓⵙⵙⴰⵏ. ⴰⴷ ⵜⵉⵍⵉ ⵜⴻⵅⵎⴻⵊ ⴰⵎ ⴷⴻⴳ ⵡⵓⵙⵙⴰⵏ ⵏ ⵡⴻⵄⵥⴰⵍ ⵅⵎⵉ ⵅⴰⵙ ⵉⴷⴰⵎⵎⴻⵏ. 3 ⴷⴻⴳ ⵡⴰⵙⵙ ⵡⵉⵙⵙ ⵜⵎⴻⵏⵢⴰ ⵉⵜⵜⵅⴻⵚⵚⴰ ⴰⴷ ⵉⵜⵜⵡⴰⵅⵜⴻⵏ ⴰⵢⵙⵓⵎ ⵏ ⵍⴻⵄⴷⴰⵍⵢⴻⵜ ⵏⵏⴻⵙ. ^■   4 ⴰⵡⴰⵔⵏⵉ ⵉ ⵎⴰⵏ ⴰⵢⴰ ⴰⴷ ⵜⴻⵇⵇⵉⵎ ⵜⵍⴰⵜⴰ ⵓ-ⵜⵍⴰⵜⵉⵏ ⵏ ⵡⵓⵙⵙⴰⵏ ⴷⴻⴳ ⵉⴷⴰⵎⵎⴻⵏ ⵏ ⵓⵙⵉⵥⴷⴻⴳ ⵏⵏⴻⵙ. ⵡⴰⵔ ⵜᵉⵜⵜⵃⵉⴷⵉ ⵡⴰⵍⵓ ⵥⵉ ⵎⵉⵏ ⵉⴵⴰⵏ ⵉⵇⴻⴷⴷⴻⵙ ⵓ ⵡⴰⵔ ⵜᵉⵜⵜⵔⴰⵃ ⵖⴰⵔ ⵣⵥⴰⵡⴻⵛⵜ ⵉⵇⴻⴷⴷⵙⴻⵏ ⴰⵍ ⵖⴰ ⵜⵜⵡⴰⴽⴻⵎⵎⵍⴻⵏ ⵡⵓⵙⵙⴰⵏ ⵏ ⵓⵙⵉⵥⴷⴻⴳ ⵏⵏⴻⵙ. 5 ⵎⴰⵍⴰ ⵜⵓⵔⵓⵡ-ⴷⴷ ⵜⴰⵃⴻⵏⵊⵉⵔⵜ, ⴰⴷ ⵜⵉⵍⵉ ⵜⴻⵅⵎⴻⵊ ⵜⵏⴰⵢⴻⵏ ⵏ ⵙⵉⵎⴰⵏⴰⵜ, ⴰⵎⴻⵛⵏⴰⵡ ⴷⴻⴳ ⵡⵓⵙⵙⴰⵏ ⵏ ⵡⴻⵄⵥⴰⵍ ⵏⵏⴻⵙ. ⴰⵡⴰⵔⵏⵉ ⵎⴰⵏ ⴰⵢⴰ ⴰⴷ ⵜⴻⵇⵇⵉⵎ ⵙⴻⵜⵜⴰ ⵓ-ⵙⴻⵜⵜⵉⵏ ⵏ ⵡⵓⵙⵙⴰⵏ ⴷⴻⴳ ⵉⴷⴰⵎⵎⴻⵏ ⵏ ⵓⵙⵉⵥⴷⴻⴳ ⵏⵏⴻⵙ. ^□   6 ⵅⵎⵉ ⵉ ⵖⴰ ⵜⵜⵡⴰⴽⴻⵎⵎⵍⴻⵏ ⵡⵓⵙⵙⴰⵏ ⵏ ⵓⵙⵉⵥⴷⴻⴳ ⵏ ⵎⵎⵉⵙ ⵏⵉⵖ ⵏ ⵢⴻⴵⵉⵙ, ⵅⴻⵏⵏⵉ ⴰⴷ ⵜⴰⵡⵉ ⵉⵊⵊ ⵏ ⵉⵥⵎⴰⵔ ⵏ ⵉⵊⵊ ⵏ ⵓⵙⴻⴳⴳⵯⴰⵙ ⴰⵎ ⵜⵖⴰⵔⵚⵜ ⵏ ⵡⴻⵛⵎⴰⴹ ⵏⵉⵖ ⵉⵊⵊ ⵏ ⵡⴻⴷⴱⵉⵔ ⴷ ⴰⵎⴻⵥⵢⴰⵏ ⵏⵉⵖ ⵉⵊⵊ ⵏ ⵜⴻⵊⵍⵉⵍⵍⵉⵃⵜ ⴰⵎ ⵜⵖⴰⵔⵚⵜ ⵏ ⴷⴷⴻⵏⴱ ⵖⴰⵔ ⵓⴽⴻⵀⵀⴰⵏ ⵖⴰⵔ ⵡⴰⴷⴰⴼ ⵏ ⵓⵇⵉⴹⵓⵏ ⵏ ⵓⵎⵙⴰⴳⴰⵔ. 7 ⴷ ⵏⴻⵜⵜⴰ ⴰⴷ ⴷⴷ-ⵉⵙⵙⵇⴰⵔⵔⴻⴱ ⵎⴰⵏ ⴰⵢⴰ ⵥⵥⴰⵜ ⵉ ⵡⵓⴷⴻⵎ ⵏ ⵙⵉⴷⵉ ⵓⵛⴰ ⴰⴷ ⵅⴰⵙ ⵉⴼⴷⵉ. ⵅⴻⵏⵏⵉ ⴰⴷ ⵜⵜⵡⴰⵙⵉⵥⴷⴻⴳ ⵙ ⵍⵄⵓⵏⵚⴰⵔ ⵏ ⵉⴷⴰⵎⵎⴻⵏ ⵏⵏⴻⵙ. ⵡⴰ ⴷ ⴰⵥⴻⵔⴼ ⵉ ⵜⴻⵏⵏⵉ ⵉ ⵖⴰ ⵢⴰⵔⵡⴻⵏ ⵉⵊⵊ ⵏ ⵎⵎⵉⵙ ⵏⵉⵖ ⵉⵛⵜ ⵏ ⵢⴻⴵⵉⵙ. ^□   8 ⵎⴰⵍⴰ ⵡⴰⵔ ⵜⵉⵡⵉⴹ ⴰⴷ ⵜⴰⵡⵉ ⵉⵊⵊ ⵥⴻⴳ ⵡⵓⴵⵉ, ⵅⴻⵏⵏⵉ ⴰⴷ ⵜᵉⵟⵟⴻⴼ ⵜⵏⴰⵢⴻⵏ ⵏ ⵜⴻⵊⵍⵉⵍⵍⵉⵃⵉⵏ ⵏⵉⵖ ⵜⵏⴰⵢⴻⵏ ⵏ ⵉⴷⴱⵉⵔⴻⵏ ⵉⵎⴻⵥⵢⴰⵏⴻⵏ, ⵉⵊⵊ ⵉ ⵜⵖⴰⵔⵚⵜ ⵏ ⵡⴻⵛⵎⴰⴹ ⵓ ⵉⵊⵊ ⵉ ⵜⵖⴰⵔⵚⵜ ⵏ ⴷⴷⴻⵏⴱ, ⵓⵛⴰ ⴰⴽⴻⵀⵀⴰⵏ ⴰⴷ ⵅⴰⵙ ⵉⴼⴷⵉ. ⵅⴻⵏⵏⵉ ⴰⴷ ⵜⵉⵍⵉ ⵜⵉⵥⴷⴻⴳ.” ^□