1 “ⵡⴰ ⴷ ⴰⵥⴻⵔⴼ ⵉ ⵜⵖⴰⵔⵚⵜ ⵏ ⵓⵎⵡⴰⵔⵡⴰⵙ. ⴰⵇⴰ-ⵜⵜ ⴷ ⵜⴰⵎⵇⴻⴷⴷⴰⵙⵜ ⵇⴰⵄ.

2 ⴷⴻⴳ ⵡⴻⵎⵛⴰⵏ ⵎⴰⵏⵉ ⵖⴰⵔⵔⵚⴻⵏ ⵜⴰⵖⴰⵔⵚⵜ ⵏ ⵡⴻⵛⵎⴰⴹ, ⴰⴷ ⵖⴰⵔⵚⴻⵏ ⵜⴰⵖⴰⵔⵚⵜ ⵏ ⵓⵎⴰⵔⵡⴰⵙ. ⴰⴷ ⵉⵥⴻⴵⴻⵄ ⵉⴷⴰⵎⵎⴻⵏ ⵏⵏⴻⵙ ⵅ ⵓⵄⴰⵍⵟⴰⵔ ⵖⴰⵔ ⵎⴰⵔⵔⴰ ⵉⵖⴻⵥⴷⵉⵙⴻⵏ ⵏⵏⴻⵙ. 3 ⴰⴷ ⴷⴷ-ⵉⵙⵙⵇⴰⵔⵔⴻⴱ ⵎⴰⵔⵔⴰ ⵜⴰⴷⵓⵏⵜ ⵏⵏⴻⵙ: ⴰⵏⴻⵡⵡⴰⵔ ⵏ ⵜⴷⵓⵏⵜ ⴷ ⵜⴷⵓⵏⵜ ⵏⵏⵉ ⵉⴷⵍⵉⵏ ⴰⴷⴰⵏ 4 ⵓⵛⴰ ⴰⴷ ⵉⴽⴽⴻⵙ ⵜⵏⴰⵢⴻⵏ ⵏ ⵜⵉⵥⵥⴰⵍ ⴰⴽ-ⴷ ⵜⴷⵓⵏⵜ ⵉ ⵅⴰⵙⴻⵏⵜ ⵉⴵⴰⵏ ⵖⴰⵔ ⵜⴻⵊⵄⵉⵏⵏⴰ ⵓⵍⴰ ⴷ ⵎⵉⵏ ⵢⵓⵢⵍⴻⵏ ⵖⴰⵔ ⵜⵙⴰ ⵓⵛⴰ ⵢⴰⵔⵙⴰ ⵅ ⵜⵉⵥⵥⴰⵍ, ^□   5 ⵓⵛⴰ ⴰⴽⴻⵀⵀⴰⵏ ⴰⴷ ⵉⵙⵙⴱⴻⵅⵅⴰⵔ ⴰⵢⴰ ⵅ ⵓⵄⴰⵍⵟⴰⵔ ⴰⵎ ⵉⵛⵜ ⵏ ⵜⴻⵡⵀⵉⴱⵜ ⵏ ⵜⵎⴻⵙⵙⵉ ⵉ ⵙⵉⴷⵉ. ⴰⵇⴰ-ⵜⵜ ⴷ ⵜⴰⵖⴰⵔⵚⵜ ⵏ ⵓⵎⴰⵔⵡⴰⵙ. 6 ⵎⴰⵔⵔⴰ ⴰⵡⵜⴻⵎ ⵊⴰⵔ ⵉⴽⴻⵀⵀⴰⵏⴻⵏ ⴰⴷ ⵥⵥⴰⵢⴻⵙ ⵢⴻⵛⵛ. ⴰⴷ ⵉⵜⵜⵡⴰⵛⵛ ⴷⴻⴳ ⵉⵊⵊ ⵏ ⵡⴻⵎⵛⴰⵏ ⴰⵎⵇⴻⴷⴷⴰⵙ, ⴰⵇⴰ-ⵜⵜ ⴷ ⵜⴰⵎⵇⴻⴷⴷⴰⵙⵜ ⵇⴰⵄ. 7 ⴰⴷ ⵜⵉⵍⵉ ⵜⵖⴰⵔⵚⵜ ⵏ ⴷⴷⴻⵏⴱ ⴰⵎ ⵜⵖⴰⵔⵚⵜ ⵏ ⵓⵎⵡⴰⵔⵡⴰⵙ. ⴰⴷ ⵖⴰⵔⵙⴻⵏⵜ ⵢⵉⵍⵉ ⴷ ⵉⵊⵊ ⵏ ⵓⵥⴻⵔⴼ. ⴰⴷ ⵜⵉⵍⵉ ⵜⵖⴰⵔⵚⵜ ⵉ ⵓⴽⴻⵀⵀⴰⵏ, ⵡⴻⵏⵏⵉ ⵜⵓⵖⴰ ⵥⵥⴰⵢⴻⵙ ⵉⴼⴷⵉ ⵅ ⵛⴰ ⵏ ⵢⵉⵊⵊⴻⵏ. ^□   8 ⴰⴽⴻⵀⵀⴰⵏ ⵏⵏⵉ ⵉ ⵖⴰ ⵉⵇⴻⴷⴷⵎⴻⵏ ⵜⴰⵖⴰⵔⵚⵜ ⵏ ⵡⴻⵛⵎⴰⴹ ⵏ ⵛⴰ ⵏ ⵉⵊⵊⴻⵏ, ⵉ ⵓⴽⴻⵀⵀⴰⵏ ⵏⵏⵉ ⴰⴷ ⵜⵉⵍⵉ ⵜⴻⵍⵎⴻⵛⵜ ⵏ ⵜⵖⴰⵔⵚⵜ ⵏ ⵜⵎⴻⵙⵙⵉ ⵏⵏⵉ ⴷⴷ-ⵉⵇⴻⴷⴷⴻⵎ, ⴰⴷ ⵜⵉⵍⵉ ⵉ ⵏⴻⵜⵜⴰ. 9 ⴽⵓⵍ ⵜⴰⵡⵀⵉⴱⵜ ⵏ ⵍⵖⵉⴵⴻⵜ ⵏⵏⵉ ⵉⴳⴳⵯⵉⵏ ⴷⵉ ⵜⴻⴼⵇⵓⵏⵜ ⵓⵍⴰ ⴷ ⵎⴰⵔⵔⴰ ⵎⵉⵏ ⵉⵜⵜⵡⴰⵙⵡⴻⵊⴷⴻⵏ ⴷⵉ ⵟⵟⴰⵊⵊⵉⵏ ⵏⵉⵖ ⴷⴻⴳ ⵡⴻⵅⴷⵉⵎ, ⴰⴷ ⵜⵉⵍⵉ ⵉ ⵓⴽⴻⵀⵀⴰⵏ ⵏⵏⵉ ⵜⵜ ⵉⵇⴻⴷⴷⵎⴻⵏ, ⴰⴷ ⵜⵉⵍⵉ ⵉ ⵏⴻⵜⵜⴰ.

10 ⴽⵓⵍ ⵜⴰⵡⵀⵉⴱⵜⵏ ⵍⵖⵉⴵⴻⵜ ⵉ ⵉⵜⵜⵡⴰⵅⴻⴵⴹⴻⵏ ⵙ ⵥⵥⴻⵛⵜ ⵏ ⵥⵥⵉⵜⵓⵏ ⵏⵉⵖ ⵢⵓⵥⵖⴻⵏ, ⴰⴷ ⵜⵉⵍⵉ ⵉ ⵎⴰⵔⵔⴰ ⵥⴻⴳ ⵉⵃⴻⵏⵊⵉⵔⴻⵏ ⵏ ⵀⴰⵔⵓⵏ, ⴰⵎ ⵉ ⵢⵉⵊⵊ ⴰⵎ ⵉ ⵡⴻⵏⵏⴻⵖⵏⵉ.

11 ⵡⴰ ⴷ ⴰⵥⴻⵔⴼ ⵉ ⵜⵖⴰⵔⵚⵜ ⵏ ⵍⴻⵀⵏⴰ ⵜⴻⵏⵏⵉ ⵉ ⵖⴰ ⵉⵇⴻⴷⴷⴻⵎ ⴱⵏⴰⴷⴻⵎ ⵉ ⵙⵉⴷⵉ.

12 ⵎⴰⵍⴰ ⴰⴷ ⵜⵜ ⵉⵇⴻⴷⴷⴻⵎ ⵉ ⵓⵇⴰⴷⵉ, ⵅⴻⵏⵏⵉ ⴰⴷ ⵉⵇⴻⴷⴷⴻⵎ ⴰⴽ-ⴷ ⵜⴻⵡⵀⵉⴱⵜ ⵏ ⵓⵇⴰⴷⵉ ⵓⵍⴰ ⴷ ⵍⴻⵎⵙⴻⵎⵏⴰⵜ ⴱⵍⴰ ⴰⵏⵜⵓⵏ ⵉⵅⴻⴵⴹⴻⵏ ⵙ ⵥⵥⴻⵛⵜ ⴷ ⵜⴻⵍⴼⴰⴼ ⴱⵍⴰ ⴰⵏⵜⵓⵏ ⵜⵜⵡⴰⴷⴻⵀⵏⴻⵏⵜ ⵙ ⵥⵥⴻⵛⵜ ⴷ ⵍⴻⵎⵙⴻⵎⵏⴰⵜ ⵏ ⵡⴰⵔⴻⵏ ⴰⵥⴷⴰⴷ ⵜⵜⵡⴰⵅⴻⴵⴹⴻⵏⵜ ⵙ ⵥⵥⴻⵛⵜ. ^■  

13 ⴰⴽ-ⴷ ⵍⴻⵎⵙⴻⵎⵏⴰⵜ ⴰⴷ ⵉⵇⴻⴷⴷⴻⵎ ⴰⴽ-ⴷ ⵜⴻⵡⵀⵉⴱⵜ ⵏⵏⴻⵙ ⵄⴰⵡⴻⴷ ⴰⵖⵔⵓⵎ ⵙ ⵡⴻⵏⵜⵓⵏ, ⴰⴽ-ⴷ ⵜⴻⵡⵀⵉⴱⵜ ⵏ ⵓⵇⴰⴷⵉ, ⵜⴻⵏⵏⵉ ⵉⴵⴰⵏ ⵥⵉ ⵜⴻⵡⵀⵉⴱⵉⵏ ⵏⵏⴻⵙ ⵏ ⵍⴻⵀⵏⴰ.

14 ⵣⵉ ⴽⵓⵍ ⵜⴰⵡⵀⵉⴱⵜ ⴰⴷ ⵉⵇⴻⴷⴷⴻⵎ ⵉⵛⵜⴻⵏ ⵥⵥⴰⵢⴻⵙ ⴰⵎ ⵜⴻⵡⵀⵉⴱⵜ ⵏ ⵓⵙⴳⴻⵄⵄⴻⴷ ⵉ ⵙⵉⴷⵉ. ⴰⴷ ⵜⵉⵍⵉ ⵉ ⵓⴽⴻⵀⵀⴰⵏ ⵏⵏⵉ ⵉ ⵖⴰ ⵉⵥⴻⴵⵄⴻⵏ ⵉⴷⴰⵎⵎⴻⵏ ⵏ ⵜⵖⴰⵔⵚⴰ ⵏ ⵍⴻⵀⵏⴰ ⵅ ⵓⵄⴰⵍⵟⴰⵔ ⵖⴰⵔ ⵎⴰⵔⵔⴰ ⵉⵖⴻⵥⴷⵉⵙⴻⵏ ⵏⵏⴻⵙ, ⴰⴷ ⵜⵉⵍⵉ ⵉ ⵏⴻⵜⵜⴰ.

15 ⴰⵢⵙⵓⵎ ⵏ ⵜⴻⵡⵀⵉⴱⵜ ⵏ ⵓⵇⴰⴷⵉ, ⵜⴻⵏⵏⵉ ⵉⴵⴰⵏ ⵥⵉ ⵜⴻⵡⵀⵉⴱⵉⵏ ⵏⵏⴻⵙ ⵏ ⵍⴻⵀⵏⴰ, ⴰⴷ ⵉⵜⵜⵡⴰⵛⵛ ⴷⴻⴳ ⵡⴰⵙⵙ ⵉ ⴷⵉ ⵖⴰ ⵉⵇⴻⴷⴷⴻⵎ ⵜⴰⵡⵀⵉⴱⵜ ⵏⵏⴻⵙ. ⵡⴰⵔ ⵉⵜⵜⴻⵊⵊⵉ ⵥⵥⴰⵢⴻⵙ ⵡⴰⵍⵓ ⴰⵍ ⵚⵚⴱⴻⵃ.

16 ⵎⴰⵍⴰ ⵜⴰⵡⵀⵉⴱⵜ ⵏⵏⴻⵙ ⵜⵓⵙⴰ-ⴷⴷ ⴰⴽ-ⴷ ⵉⵊⵊ ⵏ ⵍⵡⴰⵄⴷ ⵏⵉⵖ ⵜⴻⴵⴰ ⴷ ⵉⵛⵜ ⵏ ⵜⴻⵡⵀⵉⴱⵜ ⵙ ⵍⵅⴰⴹⴰⵔ, ⴰⴷ ⵜᵉⵜⵜⵡⴰⵛⵛ ⴷⴻⴳ ⵡⴰⵙⵙ ⵉ ⴷⵉ ⵉ ⵜⵜ ⵖⴰ ⵉⵇⴻⴷⴷⴻⵎ ⵓⵛⴰ ⵎⵉⵏ ⵥⵥⴰⵢⴻⵙ ⵉⵛⴻⵟⵟⴻⵏ ⴰⴷ ⵉⵜⵜⵡⴰⵛⵛ ⴷⴻⴳ ⵡⴰⵙⵙ ⵉ ⵜ-ⵉ-ⴷⴷ ⵉⴹⴼⴰⵔⴻⵏ. ^■  

17 ⵎⵉⵏ ⵉⵛⴻⵟⵟⴻⵏ ⵄⴰⴷ ⵥⴻⴳ ⵡⴻⵢⵙⵓⵎ ⵏ ⵜⴻⵡⵀⵉⴱⵜ, ⴰⴷ ⵉⵜⵜⵡⴰⵛⵎⴻⴹ ⵙ ⵜⵎⴻⵙⵙⵉ ⴷⴻⴳ ⵡⴰⵙⵙ ⵡⵉⵙⵙ ⵜⵍⴰⵜⴰ.

18 ⵎⴰⵍⴰ ⵉⵜⵜⵡⴰⵛⵛ ⵥⴻⴳ ⵡⴻⵢⵙⵓⵎ ⵏ ⵜⵖⴰⵔⵚⵜ ⵏ ⵍⴻⵀⵏⴰ ⴷⴻⴳ ⵡⴰⵙⵙ ⵡⵉⵙⵙ ⵜⵍⴰⵜⴰ, ⵅⴻⵏⵏⵉ ⵡⴻⵏⵏⵉ ⵜⵜ ⵉⵇⴻⴷⴷⵎⴻⵏ ⵡⴰⵔ ⵉⵜⵜⵉⵍⵉ ⵉ ⴰⵔⴹⴰ ⵏ ⵙⵉⴷⵉ ⵓ ⵜⴰⵖⴰⵔⵚⵜ ⵡⴰⵔ ⵜᵉⵜⵜⵡⵉⵃⵙⵉⴱ ⵛⴰ ⴷ ⵜⴰⵖⴰⵔⵚⵜ ⵏ ⵍⴻⵀⵏⴰ. ⴰⴷ ⵜⵉⵍⵉ ⴷ ⵉⵛⵜ ⵏ ⵊⵊⵄⵉⴼⴻⵛⵜ ⵓⵛⴰ ⵡⴻⵏⵏⵉ ⵥⵥⴰⵢⴻⵙ ⵖⴰ ⵉⵛⵛⴻⵏ ⴰⴷ ⵢⴰⵔⴱⵓ ⵍⵎⵓⵄⵚⵉⵢⵢⴻⵜ ⵏⵏⴻⵙ.

19 ⴰⵢⵙⵓⵎ, ⵡⴻⵏⵏⵉ ⵉⵃⴰⴷⴰⵏ ⵛⴰ ⵏ ⵜⵎⴻⵙⵍⴰⵛⵜ ⵉⵅⴻⵎⵊⴻⵏ, ⵡⴰⵔ ⵥⵥⴰⵢⴻⵙ ⵜⵜᵉⵜⵜⴻⵎ. ⴰⴷ ⵉⵜⵜⵡⴰⵙⴻⵛⵎⴻⴹ ⵙ ⵜⵎⴻⵙⵙⵉ. ⵣⵉ ⵎⵉⵏ ⵉⵛⴻⵟⵟⴻⵏ ⵏ ⵡⴻⵢⵙⵓⵎ, ⵉⵥⴻⵎⵎⴰⵔ ⴰⴷ ⵥⵥⴰⵢⴻⵙ ⵢⴻⵛⵛ ⵎⴰⵔⵔⴰ ⵡⴻⵏⵏⵉ ⵉⵥⴻⴷⴳⴻⵏ. 20 ⴷ ⵡⴻⵏⵏⵉ ⵉ ⵖⴰ ⵉⵛⵛⴻⵏ ⵥⴻⴳ ⵡⴻⵢⵙⵓⵎ ⵏ ⵜⵖⴰⵔⵚⵜ ⵏ ⵍⴻⵀⵏⴰ, ⵜⴻⵏⵏⵉ ⵉⴵⴰⵏ ⵉ ⵙⵉⴷⵉ, ⴰⵎ ⵅⴰⵙ ⵢⴰⵔⵙⴰ ⵍⴻⵅⵎⴻⵊ ⵏⵏⴻⵙ, ⵍⴻⵄⵎⴰⵔ ⵏⵏⵉ ⴰⴷ ⵉⵜⵜⵡⴰⵇⴻⵙⵙ ⵥⵉ ⵍⴳⴻⵏⵙ ⵏⵏⴻⵙ. ^■   21 ⵎⴰⵍⴰ ⵃⴻⴷ ⵉⵃⴰⴷⴰ ⵎⵉⵏ ⵎⴰ ⵉⵅⴻⵎⵊⴻⵏ, ⴰⵎⴻⵛⵏⴰⵡ ⵍⴻⵅⵎⴻⵊ ⵏ ⴱⵏⴰⴷⴻⵎ ⵏⵉⵖ ⵍⴻⵅⵎⴻⵊ ⵏ ⵢⵉⵛⵜ ⵏ ⵍⴻⴱⵀⵉⵎⴻⵜ ⵉⵅⴻⵎⵊⴻⵏ ⵏⵉⵖ ⵎⵉⵏ ⵎⴰ ⵉⴵⴰⵏ ⴷ ⵏⵏⵄⵉ ⵏ ⵍⴻⵅⵎⴻⵊ, ⵓⵛⴰ ⵅⴻⵏⵏⵉ ⴰⴷ ⵢⴻⵛⵛ ⵥⴻⴳ ⵡⴻⵢⵙⵓⵎ ⵏ ⵜⵖⴰⵔⵚⵉⵏ ⵏ ⵍⴻⵀⵏⴰ ⵉ ⵙⵉⴷⵉ, ⵍⴻⵄⵎⴰⵔ ⵏⵏⵉ ⴰⴷ ⵉⵜⵜⵡⴰⵇⴻⵙⵙ ⵥⵉ ⵍⴳⴻⵏⵙ ⵏⵏⴻⵙ.”

22 ⵉⵙⵙⵉⵡⴻⵍ ⵙⵉⴷⵉ ⴰⴽ-ⴷ ⵎⵓⵙⴰ, ⵉⵏⵏⴰ:

23 “ⵙⵉⵡⴻⵍ ⴰⴽ-ⴷ ⴰⵢⵜ ⵏ ⵉⵙⵔⴰⵉⵍ, ⵉⵏⵉ:

‘ⴽⴻⵏⵏⵉⵡ ⵡⴰⵔ ⵜⵜᵉⵜⵜⴻⵎ ⵛⴰ ⵇⴰⵄ ⵜⴰⴷⵓⵏⵜ ⵏ ⵓⴼⵓⵏⴰⵙ ⵏⵉⵖ ⵏ ⵉⵥⵎⴰⵔ ⵏⵉⵖ ⵏ ⵉⵖⴰⵢⴹ. 24 ⵜⴰⴷⵓⵏⵜ ⵏ ⵉⵛⵜ ⵏ ⵍⵅⴻⵛⴱⴻⵜ ⴷ ⵜⴰⴷⵓⵏⵜ ⵏ ⵉⵊⵊ ⵏ ⵓⵎⵓⴷⴷⴰⵔ ⵎⴻⵥⵥⵇⴻⵏ ⵜ, ⵜⵄⴻⴷⴷⴻⵍ ⴰⴷ ⵜᵉⵜⵜⵡⴰⴳⴳ ⵉ ⵎⴰⵎⵎⴻⵛ ⵎⴰ ⵜⴻⴳⴳⴰ ⵍⵅⴻⴷⵎⴻⵜ, ⵎⴰⵛⴰ ⴽⴻⵏⵏⵉⵡ ⵡⴰⵔ ⵥⵥⴰⵢⴻⵙ ⵜᵉⵜⵜⴻⵎ ⵡⴰⵍⵓ. 25 ⵎⵉⵏⵥⵉ ⵎⴰⵏ ⵡⴻⵏ ⵎⴰ ⵉ ⵖⴰ ⵉⵛⵛⴻⵏ ⵜⴰⴷⵓⵏⵜ ⵏ ⵢⵉⵛⵜ ⵏ ⵍⴻⴱⵀⵉⵎⴻⵜ ⵉ ⵥⵉ ⵖⴰ ⵉⵙⵙⵇⴰⵔⵔⴻⴱ ⵉⵛⵜ ⵏ ⵜⴻⵡⵀⵉⴱⵜ ⵏ ⵜⵎⴻⵙⵙⵉ ⵉ ⵙⵉⴷⵉ, ⴱⵏⴰⴷⴻⵎ ⵏⵏⵉ ⵥⵥⴰⵢⴻⵙ ⵉ ⵖⴰ ⵉⵛⵛⴻⵏ, ⴰⴷ ⵉⵜⵜⵡⴰⵇⴻⵙⵙ ⵥⵉ ⵍⴳⴻⵏⵙ ⵏⵏⴻⵙ. ^□   26 ⴷⵉ ⵎⴰⵔⵔⴰ ⵜⵉⵥⴻⴷⴷⵉⵖⵉⵏ ⵏⵡⴻⵎ ⵡⴰⵔ ⵜⵜᵉⵜⵜⴻⵎ ⵓⵍⴰ ⴷ ⵛⴰ ⵥⴻⴳ ⵉⴷⴰⵎⵎⴻⵏ, ⵏⵉⵖ ⵥⴻⴳ ⵉⵊⴹⴰⴹ ⵏⵉⵖ ⵥⵉ ⵍⴻⴱⵀⴰⵢⴻⵎ. ^■   27 ⴽⵓⵍ ⵉⵊⵊⴻⵏ ⵡⴻⵏⵏⵉ ⵉ ⵖⴰ ⵉⵛⵛⴻⵏ ⵛⴰ ⵥⴻⴳ ⵉⴷⴰⵎⵎⴻⵏ, ⵍⴻⵄⵎⴰⵔ ⵏⵏⵉ ⴰⴷ ⵉⵜⵜⵡⴰⵇⴻⵙⵙ ⵥⵉ ⵍⴳⴻⵏⵙ ⵏⵏⴻⵙ.’ ”

28 ⵉⵙⵙⵉⵡⴻⵍ ⵙⵉⴷⵉ ⴰⴽ-ⴷ ⵎⵓⵙⴰ, ⵉⵏⵏⴰ:

29 “ⵙⵉⵡⴻⵍ ⴰⴽ-ⴷ ⴰⵢⵜ ⵏ ⵉⵙⵔⴰⵉⵍ, ⵉⵏⵉ: ‘ⵡⵉ ⵉ ⴷⴷ ⵖⴰ ⵉⵙⵙⵇⴰⵔⵔⴱⴻⵏ ⵜⵖⴰⵔⵚⵜ ⵏⵏⴻⵙ ⵏ ⵍⴻⵀⵏⴰ ⵉ ⵙⵉⴷⵉ, ⴰⴷ ⵉⵇⴻⴷⴷⴻⵎ ⵜⴰⵡⵀⵉⴱⵜ ⵏⵏⴻⵙ ⵉ ⵙⵉⴷⵉ ⵥⵉ ⵜⵖⴰⵔⵚⵜ ⵏ ⵍⴻⵀⵏⴰ ⵏⵏⴻⵙ. 30 ⵙ ⵉⴼⴰⵙⵙⴻⵏ ⵏⵏⴻⵙ ⴰⴷ ⵢⴰⵡⵉ ⵜⵉⵡⵀⵉⴱⵉⵏ ⵏ ⵜⵎⴻⵙⵙⵉ ⵥⵥⴰⵜ ⵉ ⵙⵉⴷⵉ. ⵜⴰⴷⵓⵏⵜ ⵉ ⵉⴵⴰⵏ ⵅ ⵉⴷⵎⴰⵔⴻⵏ ⴰⴷ ⵜⵜ ⵢⴰⵡⵉ ⴰⴽ-ⴷ ⵉⴷⵎⴰⵔⴻⵏ ⵏⵏⵉ, ⵎⴰⵃⴻⵏⴷ ⴰⴷ ⵜⵜ ⵉⵙⵙⴻⵏⵀⴻⵥⵥ ⵥⵉ ⵙⵙⴰ ⵖⴰⵔ ⴷⴰ ⴰⵎⴻⵛⵏⴰⵡ ⵉⵛⵜ ⵏ ⵜⴻⵡⵀⵉⴱⵜ ⵏ ⵡⴻⵏⵀⴻⵥⵥⵉ ⵥⵥⴰⵜ ⵉ ⵡⵓⴷⴻⵎ ⵏ ⵙⵉⴷⵉ. ^■   31 ⴰⴽⴻⵀⵀⴰⵏ ⴰⴷ ⵉⵙⵙⴱⴻⵅⵅⴰⵔ ⵜⴰⴷⵓⵏⵜ ⵅ ⵓⵄⴰⵍⵟⴰⵔ, ⵎⴰⵛⴰ ⵉⴷⵎⴰⵔⴻⵏ ⴰⴷ ⵉⵍⵉⵏ ⵉ ⵀⴰⵔⵓⵏ ⴷ ⵥⴻⴳ ⵉⵃⴻⵏⵊⵉⵔⴻⵏ ⵏⵏⴻⵙ. 32 ⵣⵉ ⵜⵖⴰⵔⵚⴰ ⵏⵡⴻⵎ ⵏ ⵍⴻⵀⵏⴰ ⴰⴷ ⵜⵇⴻⴷⴷⵎⴻⵎ ⵉ ⵓⴽⴻⵀⵀⴰⵏ ⵄⴰⵡⴻⴷ ⴰⵛⴻⴽⵔⵓⴷ ⴰⴼⵓⵙⵉ ⴷ ⵜⴰⵡⵀⵉⴱⵜ ⵏ ⵓⵙⴳⴻⵄⵄⴻⴷ. 33 ⴰⵛⴻⴽⵔⵓⴷ ⴰⴼⵓⵙⵉ ⴰⴷ ⵢⵉⵍⵉ ⴷ ⵜⴰⵙⵖⴰⵔⵜ ⵏ ⵡⴻⵏⵏⵉ ⵥⴻⴳ ⵉⵃⴻⵏⵊⵉⵔⴻⵏ ⵏ ⵀⴰⵔⵓⵏ ⵉ ⵖⴰ ⵉⵇⴻⴷⴷⵎⴻⵏ ⵉⴷⴰⵎⵎⴻⵏ ⵏ ⵜⵖⴰⵔⵚⵉ ⵏ ⵍⴻⵀⵏⴰ ⴷ ⵜⴰⴷⵓⵏⵜ ⵏⵙⴻⵏⵜ. 34 ⵎⵉⵏⵥⵉ ⵏⴻⵛⵛ ⴽⵙⵉⵖ ⵉⴷⵎⴰⵔⴻⵏ ⵏ ⵡⴻⵏⵀⴻⵥⵥⵉ ⴷ ⵓⵛⴻⴽⵔⵓⴷ ⵉ ⴷⴷ-ⵉⵜⵜⵡⴰⵙⵙⴳⴻⵄⵄⴷⴻⵏ ⴷ ⵜⴰⵡⵀⵉⴱⵜ ⵥⵉ ⵜⵖⴰⵔⵚⵉ ⵏ ⵍⴻⵀⵏⴰ ⵏ ⴰⵢⵜ ⵏ ⵉⵙⵔⴰⵉⵍ ⵓ ⵡⵛⵉⵖ ⵜⴻⵏ ⵉ ⵓⴽⴻⵀⵀⴰⵏ ⵀⴰⵔⵓⵏ ⵓ ⵉ ⵉⵃⴻⵏⵊⵉⵔⴻⵏ ⵏⵏⴻⵙ ⴰⵎ ⵉⵛⵜ ⵏ ⵍⴼⴰⵔⵉⴹⴰ ⵉ ⵍⴻⴱⴷⴰ, ⵥⵉ ⵊⵊⵉⵀⴻⵜ ⵏ ⴰⵢⵜ ⵏ ⵉⵙⵔⴰⵉⵍ.’ ” ^■   35 ⵜⴰ ⴷ ⵜⴰⵙⵖⴰⵔⵜ ⵉⵜⵜⵡⴰⵙⴷⴻⵀⵏⴻⵏ ⵏ ⵀⴰⵔⵓⵏ ⴷ ⵜⴻⵙⵖⴰⵔⵜ ⵉⵜⵜⵡⴰⵙⴷⴻⵀⵏⴻⵏ ⵏ ⵉⵃⴻⵏⵊⵉⵔⴻⵏ ⵏⵏⴻⵙ ⵥⵉ ⵜⴻⵡⵀⵉⴱⵉⵏ ⵏ ⵜⵎⴻⵙⵙⵉ ⵏ ⵙⵉⴷⵉ ⴷⴻⴳ ⵡⴰⵙⵙ ⵉ ⵜⴻⵏ ⴷⴷ-ⵉⵙⵙⵇⴰⵔⵔⴻⴱ ⵎⴰⵃⴻⵏⴷ ⴰⴷ ⵉⵍⵉⵏ ⴷ ⵉⴽⴻⵀⵀⴰⵏⴻⵏ ⵉ ⵙⵉⴷⵉ, 36 ⵜⴰⵙⵖⴰⵔⵜ ⵏⵏⵉ ⵉⵡⵛⴰ ⵙⵉⴷⵉ ⵉ ⴰⵢⵜ ⵏ ⵉⵙⵔⴰⵉⵍ ⴷⴻⴳ ⵡⴰⵙⵙ ⵉ ⵜⴻⵏ ⵉⴷⵀⴻⵏ. ⴰⵇⴰ ⴷ ⵉⵛⵜ ⵏ ⵜⴻⵡⵚⴻⵢⵢⴻⵜ ⵉ ⵍⴻⴱⴷⴰ ⵉ ⵎⴰⵔⵔⴰ ⵊⵊⵉⵍⴰⵜ ⵏⵙⴻⵏ. 37 ⵡⴰ ⴷ ⴰⵥⴻⵔⴼ ⵉ ⵜⵖⴰⵔⵚⵜ ⵏ ⵡⴻⵛⵎⴰⴹ ⴷ ⵜⴻⵡⵀⵉⴱⵜ ⵏ ⵍⵖⵉⴵⴻⵜ ⴷ ⵜⵖⴰⵔⵚⵜ ⵏ ⴷⴷⴻⵏⴱ ⴷ ⵜⵖⴰⵔⵚⵜ ⵏ ⵓⵎⴰⵔⵡⴰⵙ ⴷ ⵜⵖⴰⵔⵚⴰ ⵉ ⵓⴷⴻⵛⵛⴻⵏ ⴷ ⵜⵖⴰⵔⵚⵉⵏ ⵏ ⵍⴻⵀⵏⴰ. 38 ⵡⴻⵏⵏⵉ ⵉⵡⴻⵚⵚⴰ ⵙⵉⴷⵉ ⵉ ⵎⵓⵙⴰ ⴷⴻⴳ ⵡⴻⴷⵔⴰⵔ ⵏ ⵙⵉⵏⴰ, ⴰⵙⵙ ⵎⵉⵏ ⴷⵉ ⵢⵓⵎⵓⵔ ⴰⵢⵜ ⵏ ⵉⵙⵔⴰⵉⵍ ⴰⴷ ⵇⴻⴷⴷⵎⴻⵏ ⵜⵉⵡⵀⵉⴱⵉⵏ ⵏⵙⴻⵏ ⵉ ⵙⵉⴷⵉ ⴷⵉ ⵍⴻⵅⵍⴰ ⵏ ⵙⵉⵏⴰ.