‏1 سِيذِي إِنَّا أَيِي: ”رُوحْ إِشْثْ ن ثْوَاڒَا نّغْنِي، أخْسْ ثَامْغَارْثْ نِّي إِتّْوَاسْعِيزّنْ زڭْ ؤُمدُّوكّڒْ نّسْ ن وُوڒْ، مَاشَا وَاخَّا أَمنِّي ثزْنَا، أَمشْنَاوْ سِيذِي إِتّخْسْ أَيْثْ ن إِسْرَائِيل أَمْ نِيثْنِي خزَّارنْ غَارْ إِربِّيثنْ نّغْنِي ؤُ تّخْسنْ صّذْقثْ ن وغْرُومْ س زّْبِيبْ.“ ^▫  

‏2 س ؤُينِّي سْغِيغْ ت إِ نشّْ س خمّسْطَاشْ ن ؤُقِييَّاثْ ن نُّوقَارْثْ ؤُ س إِجّْ ن ’ؤُحُومِيرْ‘ ن إِمنْذِي ؤُ س ڒْقدّْ ن إِجّْ ن ’لَاثَاخْ‘ ن إِمنْذِي. ‏3 نشّْ نِّيغْ أَسْ: ”شمْ أَذْ غَارِي ثقِّيمذْ أَطَّاسْ ن وُوسَّانْ. وَارْ تّڭّْ شَا فَارْقْ-شّْغڒْ ؤُ وَارْ تِّيڒِي ن إِجّْ ن ورْيَازْ نّغْنِي ؤُ ؤُڒَا ذ نشّْ أَذْ إِڒِيغْ إِ شمْ أَمنِّي.“ ^▪   ‏4 مَاغَارْ أَيْثْ ن إِسْرَائِيل أَذْ قِّيمنْ أَطَّاسْ ن وُوسَّانْ بْڒَا أَجدْجِيذْ، بْڒَا ڒْحَاكمْ، بْڒَا ثَاغَارْصْثْ، بْڒَا أَمَايْضُو إِقدّْسنْ، بْڒَا أَبَالْطُو ن ؤُكهَّانْ ذ ڒخْيَاڒَاثْ ن لْ-أَصْنَامْ. ^▪   ‏5 أَوَارْنِي أَسْ أَذْ د-ذوْڒنْ أَيْثْ ن إِسْرَائِيل¸ أَذْ أَرْزُونْ خْ سِيذِي، أَربِّي نْسنْ ؤُ خْ ذَاوُوذْ، أَجدْجِيذْ نْسنْ. ذڭْ ؤُنڭَّارْ ن وُوسَّانْ أَذْ د-أَسنْ تَّارْجِيجِّينْ غَارْ سِيذِي ذ ثْشُونِي نّسْ. ^▪