‏1 يُوسَا-د غَارِي وَاوَاڒْ ن سِيذِي، إِنَّا:

‏2 ”أَ مِّيسْ ن بْنَاذمْ، أَرّْ ؤُذمْ نّكْ غَارْ هَاجُوجْ زِي ثمُّورْثْ ن مَاجُوجْ، ڒْحَاكمْ ن رُوشْ ذ مَاشِيكْ ذ ثُوبَالْ، ؤُشَا نَابّْ ضِيدّْ نّسْ، ^▫  ▪   ‏3 إِنِي: ’أَمُّو إِ إِقَّارْ سِيذِي إِنُو، سِيذِي: خْزَارْ، نشّْ أَقَا أَيِي ضِيدّْ نّكْ، أَ هَاجُوجْ، ڒْحَاكمْ ن رُوشْ ذ مَاشِيكْ ذ ثُوبَالْ. ^▫   ‏4 نشّْ أَذْ شكْ أَرّغْ أَذْ ثْعقْبذْ ؤُ أَذْ ڭّغْ ثِيسنَّارِينْ ذڭْ إِقَابْسِيونْ نّكْ ؤُشَا أَذْ شكْ سُّوفّْغغْ، شكْ ذ مَارَّا ڒْعسْكَارْ نّكْ، إِيْسَانْ ذ إِمْنَاينْ، مَارَّا أَرْضنْ أَرُّوضْ مْلِيحْ أَطَّاسْ، إِجّْ ن وڭْرَاوْ ذ أَمقّْرَانْ أَطَّاسْ، س ثْسدَّارْثْ ثَامقّْرَانْثْ ذ ثْسدَّارْثْ ثَامژْيَانْثْ ن ؤُعسْكَارِي، مَارَّا نِيثْنِي غَارْسنْ ثِيزمَّارْ ذڭْ ؤُمنْغِي س سِّيفْ. ^▪   ‏5 أَيْثْ ن لْفُورْسْ، ن كُوشْ ؤُ زِي ثمُّورْثْ ن فُوطْ أَكِيذْسنْ، مَارَّا إِذْسنْ س ثْسدَّارْثْ ن ؤُعسْكَارِي ذ لْكَاسْكْ ن نْ ؤُعسْكَارِي، ‏6 جُومَارْ ذ مَارَّا ڒْعسْكَارْ نّسْ، ذ ثَادَّارْثْ ن ثُوجَارْمَا زِي طّْرُوفَا ن شَّامَالْ قَاعْ أَكْ-ذ مَارَّا ڒْعسْكَارْ نّسْ، أَطَّاسْ ن ڒڭْنُوسْ أَقَا أَثنْ أَكِيذكْ. ‏7 إِڒِي ثْوجْذذْ ؤُ سوْجذْ إِخفْ نّكْ، شكْ ذ مَارَّا أَڭْرَاوْ نّكْ نِّي ثسّْمُونذْ غَاركْ، ؤُ إِڒِي ذ أَمحْذَايْ نْسنْ. ‏8 أَوَارْنِي إِ وَاطَّاسْ ن وُوسَّانْ أَذْ ثتّْوَاڒَاغِيذْ، أَوَارْنِي ڒَامِي عْذُونْ أَطَّاسْ ن إِسڭّْوُوسَا أَذْ د-ثَاسذْ غَارْ ثمُّورْثْ نِّي إِتّْوَاعذْڒنْ زِي سِّيفْ، غَارْ إِجّْ ن ڒْڭنْسْ إِ إِتّْوَاسْمُوننْ زِي ڒڭْنُوسْ خْ إِذُورَارْ ن إِسْرَائِيل نِّي ثُوغَا ذ ڒْخِيرْبثْ إِ يِيجّْ ن ڒْوقْثْ ذ أَزِيرَارْ، غَارْ إِجّْ ن ڒْڭنْسْ نِّي إِتّْوَاسُّوفّْغنْ زِي ڒڭْنُوسْ، ؤُ مَارَّا نِيثْنِي زدّْغنْ ذِينِّي ذِي ڒَامَانْ. ‏9 خنِّي أَذْ ثْڭعّْذذْ أَمشْنَاوْ ثَاحَارْيَاضْثْ، أَمشْنَاوْ أَسيْنُو مَاحنْذْ أَذْ ثذْڒذْ ثَامُّورْثْ، شكْ ذ مَارَّا ڒْعسْكَارْ نّكْ ؤُڒَا ذ أَطَّاسْ ن ڒڭْنُوسْ نِّي كِيكْ إِدْجَانْ.‘ “ ^▪  

‏10 ”أَمُّو إِ إِقَّارْ سِيذِي إِنُو، سِيذِي: ’ذڭْ وَاسّْ نِّي أَذْ إِمْسَارْ، أَقَا أَذْ أَذْفنْ إِخَارِّيصنْ ذڭْ وُوڒْ نّكْ ؤُ شكْ أَذْ ثْخَارّْصذْ ذِي ثْمعْمُوتْشْ ثَاعفَّانْثْ.

‏11 أَذْ ثِينِيذْ: أَذْ ڭعّْذغْ غَارْ إِشْثْ ن ثمُّورْثْ ثنُّورْزمْ، أَذْ د-أَسغْ غَارْ ينِّي ذِينْ إِدَّارنْ ذِي ڒهْنَا ؤُ غَارْ ينِّي ذِينْ إِزدّْغنْ ذِي ڒَامَانْ، إِنِّي ذِينْ إِزدّْغنْ مَارَّا بْڒَا ڒْحِيضْ ؤُ بْڒَا زّكْرُونَاثْ نِيغْ ثِيوُّورَا،

‏12 مَاحنْذْ أَذْ كشّْضغْ ؤُ أَذْ أَشَارغْ أَڭْڒَا! وَاهْ، مَاحنْذْ أَذْ ثَارّذْ أَفُوسْ نّكْ خْ ڒْخِيرْبَاثْ نِّي ذِي زدّْغنْ ڒخُّو إِوْذَانْ، خْ يِيجّْ نْ ڒْڭنْسْ نِّي إِتّْوَاسْمُوننْ زِي ڒڭْنُوسْ، ونِّي إِكسْبنْ ڒْمَاڒْ ذ وَاڭْڒَا، ونِّي إِزدّْغنْ خْ ثْعبُّوضْثْ ن ثمُّورْثْ.

‏13 شَابَا ذ ذَاذَانْ ذ تُّوجَارْ ن ثَارْشِيشْ ذ مَارَّا أَيْرَاذنْ إِمژْيَانِينْ نْسنْ أَذْ أَشْ إِنِينْ: مَا ثُوسِيذْ مَاحنْذْ أَذْ ثطّْفذْ ثَاكشَّاضْثْ؟ مَا ثسّْمُونذْ أَڭْرَاوْ نّكْ مَاحنْذْ أَذْ ثْكشّْضذْ، حِيمَا أَذْ ثكْسِيذْ نُّوقَارْثْ ذ وُورغْ، حِيمَا أَذْ ثطّْفذْ ڒْمَاڒْ ذ وَاڭْڒَا، حِيمَا أَذْ ثَاشَارذْ ثَاكشَّاضْثْ ثَامقّْرَانْثْ؟‘ “

‏14 ”س ؤُيَا، نَابّْ، أَ مِّيسْ ن بْنَاذمْ، ؤُشَا إِنِي إِ هَاجُوجْ: ’أَمُّو إِ إِقَّارْ سِيذِي إِنُو، سِيذِي: ذڭْ وَاسّْ نِّي، خْمِي إِ غَا إِزْذغْ ڒْڭنْسْ إِنُو إِسْرَائِيل ذِي ڒَامَانْ، مَا شكْ وَارْ ثسِّينذْ مِينْ إِتّْخصَّا أَذْ ث ثڭّذْ؟ ^▫  

‏15 أَذْ د-ثَاسذْ زڭْ ومْشَانْ نّكْ، زِي طّْرُوفَا ن شَّامَالْ قَاعْ، شكْ ذ وَاطَّاسْ نْ ڒڭْنُوسْ أَكِيذكْ. مَارَّا نِيثْنِي ذ إِمْنَاينْ س إِيْسَانْ، إِجّْ ن وڭْرَاوْ ذ أَمقّْرَانْ ذ يِيجّْ ن ڒْعسْكَارْ إِجهْذنْ.

‏16 أَذْ ثْڭعّْذذْ ضِيدّْ إِ ڒْڭنْسْ إِنُو إِسْرَائِيل، أَمْ إِجّْ ن ؤُسيْنُو، مَاحنْذْ أَذْ ثذْڒذْ ثَامُّورْثْ. أَذْ يِيڒِي ذڭْ ؤُنڭَّارْ ن وُوسَّانْ. نشّْ أَذْ شكْ سِّيوْضغْ خْ ثمُّورْثْ إِنُو، حِيمَا ڒڭْنُوسْ أَذْ أَيِي سّْننْ، خْمِي زَّايكْ إِ غَا تّْوَاقدّْسغْ زَّاثْ إِ ثِيطَّاوِينْ نْسنْ، أَ هَاجُوجْ!‘ “ ^▫  

‏17 ”أَمُّو إِ إِقَّارْ سِيذِي إِنُو، سِيذِي: ’مَا أَقَا شكْ ذ ونِّي خْ سِّيوْڒغْ ذڭْ وُوسَّانْ ن زِيشْ، س ؤُفُوسْ ن إِمْسخَّارنْ إِنُو، إِنَابِييّنْ ن إِسْرَائِيل نِّي ثُوغَا إِتّْنَابّنْ ذڭْ وُوسَّانْ نِّي، ڒْمِيجَاڒْ ن وَاطَّاسْ ن إِسڭّْوُوسَا، بلِّي نشّْ أَذْ شكْ سِّيوْضغْ ضِيدّْ نْسنْ؟‘ “

‏18 ”ذڭْ وَاسّْ نِّي، ذڭْ وَاسّْ إِ ذِي د غَا يَاسْ هَاجُوجْ ضِيدّْ إِ ثمُّورْثْ ن إِسْرَائِيل، أَمُّو إِ إِقَّارْ سِيذِي إِنُو، سِيذِي، أَقَا أَذْ يَاڒِي وسْعَارْ إِنُو ذڭْ ونْزَارنْ إِنُو. ^▫  

‏19 ذِي ثُوسْمِي إِنُو، ذِي ثْمسِّي ن ؤُذُوقّزْ إِنُو ن ؤُفُوڭمْ نِّيغْ: س ثِيذتّْ، أَمْ دَّارغْ نشّْ، مَاڒَا ذڭْ وَاسّْ نِّي وَارْ إِتِّيڒِي إِجّْ ن ونْهزِّي ن ثمُّورْثْ أَمقّْرَانْ ذِي ثمُّورْثْ ن إِسْرَائِيل، ^▪   ‏20 أَڒَامِي إِسڒْمَانْ ن ڒبْحَارْ ذ إِجْضَاضْ ن ؤُجنَّا ذ ڒْمَاڒْ ن ييَّارْ ذ مَارَّا ڒْمَاڒْ نِّي إِتّْپُوعنْ خْ ثمُّورْثْ ذ مَارَّا إِوْذَانْ نِّي إِدْجَانْ خْ وُوذمْ ن ثمُّورْثْ أَذْ أَرْجِيجنْ، ؤُ إِذُورَارْ أَذْ تّْوَامنْضَارنْ ؤُ ڒجْرُوفْ إِعُودْجنْ أَذْ هْرُورَانْ ذ مَارَّا ڒحْيُوضْ أَذْ وْضَانْ. ^▫   ‏21 نشّْ أَذْ د-ڒَاغِيغْ خْ سِّيفْ ضِيدّْ نّسْ خْ مَارَّا إِذُورَارْ إِنُو، أَمُّو إِ إِقَّارْ سِيذِي إِنُو، سِيذِي. سِّيفْ ن كُوڒْ إِجّْ أَذْ يِيڒِي خْ ؤُمَاسْ. ‏22 نشّْ أَذْ خَاسْ حكْمغْ س طَّاعُونْ ؤُ س إِذَامّنْ ؤُشَا أَذْ خَاسْ ڭّغْ ؤُ خْ ڒْعسْكَارْ نّسْ ؤُ خْ وَاطَّاسْ ن ڒڭْنُوسْ نِّي كِيذسْ إِ غَا يِيڒِينْ، أَنْژَارْ إِجهْذنْ ذ إِبْقُوقنْ ن ثبْرُورِي، ثِيمسِّي ذ ڒشْبَارِييّثْ. ‏23 نشّْ أَذْ سّشْنغْ إِخفْ إِنُو ذ أَمقّْرَانْ ذ أَمْقدَّاسْ ؤُ أَذْ تّْوَاسّْنغْ زَّاثْ إِ ثِيطَّاوِينْ ن ڒڭْنُوسْ. نِيثْنِي أَذْ سّْننْ بلِّي نشّْ ذ سِيذِي.“