‏1 ؤُمِي إِژُّودْجْ عِيزْرَا أَمُّو، إِنْعمْ، إِرُو ؤُشَا إِوْضَا خْ إِفَادّنْ زَّاثْ إِ ثَادَّارْثْ ن أَربِّي، أَقَا إِسّْمُونْ-د خَاسْ ڒْغَاشِي ذ أَمقّْرَانْ أَطَّاسْ ن يرْيَازنْ ذ ثمْغَارِينْ ذ أَيْثْ ن إِسْرَائِيل، مِينْزِي ڒْڭنْسْ إِرُو س إِمطَّاونْ إِمقّْرَاننْ. ‏2 خنِّي شَاكَانْيَا، مِّيسْ ن يَاحِييِيلْ، إِجّنْ زڭْ أَيْثْ ن عِيلَامْ، إِطّفْ ذڭْ وَاوَاڒْ، إِنَّا إِ عِيزْرَا:

”نشِّينْ أَقَا نغْذَارْ أَربِّي نّغْ ؤُشَا نشِّينْ نِيوِي ثِيمْغَارِينْ ثِيبَارَّانِييِّينْ زِي ڒڭْنُوسْ ن ثمُّورْثْ نسّزْذغْ إِ-ثنْثْ أَكِيذْنغْ. خنِّي ڒخُّو، أَقَا ذِينْ ڒَايَاسْ إِ إِسْرَائِيل ذِي مَانْ أَيَا. ‏3 أجّْ أَنغْ أَذْ نڭّْ إِجّْ ن ڒْعَاهْذْ أَكْ-ذ أَربِّي حِيمَا أَذْ نَاژّڒْ خْ مَارَّا ثِيمْغَارِينْ ذ مِينْ زَّايْسنْثْ د-إِخڒْقنْ، عْلَاحْسَابْ أَشَاوَارْ ن سِيذِي إِنُو ؤُ ن يِينِّي إِتَّارْجِيجّنْ إِ ڒُومُورْ ن أَربِّي، ؤُشَا خنِّي أَذْ إِتّْوَاڭّْ عْلَاحْسَابْ شَّارِيعَا. ^▫   ‏4 كَّارْ، مِينْزِي ثَامسْڒَاشْثْ-أَ أَقَا-ت خْ وعْرُورْ نّكْ ؤُ نشِّينْ أَكِيذكْ نْبدّْ. إِڒِي ذ أَرْيَازْ، أڭّْ إِ-ث!“

‏5 خنِّي إِكَّارْ عِيزْرَا ؤُشَا إِجَّا إِمقّْرَاننْ ن إِكهَّاننْ ذ إِلَاوِييّنْ ذ مَارَّا إِسْرَائِيل أَذْ جَّادْجنْ أَذْ ڭّنْ عْلَاحْسَابْ أَوَاڒْ-أَ ؤُشَا نِيثْنِي جُّودْجنْ ث. ‏6 خنِّي إِكَّارْ عِيزْرَا إِفّغْ زِي زَّاثْ إِ وُوذمْ ن ثَادَّارْثْ ن أَربِّي، يُوذفْ غَارْ وخَّامْ ن يُوحَانَانْ، مِّيسْ ن إِلْيَاسِيبْ. ؤُمِي يُوذفْ ذِينِّي، وَارْ إِشِّي أَغْرُومْ وَارْ إِسْوِي أَمَانْ، مَاغَارْ إِشْضنْ خْ ڒغْذَارْ ن إِمنْفِييّنْ. ‏7 ؤُشَا ڭِّينْ إِجّْ ن ؤُبَارّحْ ذِي يَاهُوذَا ذ ؤُرْشَالِيمْ إِ مَارَّا أَيْثْ ن لْمنْفَا مَاحنْذْ أَذْ مُوننْ ذِي ؤُرْشَالِيمْ. ‏8 قَاعْ ونِّي وَارْ د يُوسِينْ ذِي ڒْمِيجَارْ ن ثْڒَاثَا ن وُوسَّانْ، أَمْ مَامّشْ إِدْجْ ذڭْ ؤُشَاوَارْ ن ڒْحُوكَّامْ ذ إِمْغَارنْ، مَارَّا أَڭْڒَا نّسْ أَذْ أَسْ إِتّْوَاحَارّمْ ؤُ نتَّا سِيمَانْثْ نّسْ أَذْ إِتّْوَامّْسبْضَا خْ وڭْرَاوْ ن ڒْڭنْسْ ن إِمنْفِييّنْ.

‏9 ذِي ثْڒَاثَا ن وُوسَّانْ نّْجَارْونْ مَارَّا إِرْيَازنْ ن يَاهُوذَا ذ بِينْيَامِينْ ذِي ؤُرْشَالِيمْ. ثُوغَا ذڭْ وَاسّْ وِيسّْ عِيشْرِينْ ن ؤُيُورْ وِيسّْ ثسْعَا. مَارَّا ڒْڭنْسْ إِقِّيمْ ذڭْ وَازَّايْ ن ثَادَّارْثْ ن أَربِّي، تَّارْجِيجنْ زِي ثْمسْڒَاشْثْ-أَ ؤُڒَا زڭْ ونْژَارْ إِ د-إِوتَّانْ س وَاطَّاسْ.

‏10 إِكَّارْ ؤُكهَّانْ عِيزْرَا، إِنَّا أَسنْ: ”كنِّيوْ ثغْذَارمْ ؤُ ثِيوْيمْ ثِيمْغَارِينْ ثِيبَارَّانِييِّينْ زِي ڒڭْنُوسْ ثسّْزذْغمْ ثنْثْ أَكِيذْومْ ؤُ أَمُّو إِ ثڭِّيمْ ثَارْنِيمْ ذڭْ ؤُمَارْوَاسْ ن إِسْرَائِيل.

‏11 خنِّي ڒخُّو، قْذَامْ سِيذِي، أَربِّي ن إِبَابَاثنْ نْومْ، ؤُ ڭّمْ مِينْ إِخْسْ نتَّا ؤُشَا مْسبْضَامْ خْ ڒڭْنُوسْ ن ثمُّورْثْ ؤُڒَا خْ ثمْغَارِينْ ثِيبَارَّانِييِّينْ.“

‏12 مَارَّا أَڭْرَاوْ ن ڒْڭنْسْ يَارَّا-د خَاسْ س جّْهذْ: ”أَقَا-ث خْ وعْرُورْ نّغْ مَاحنْذْ أَذْ نڭّْ عْلَاحْسَابْ أَوَاڒنْ نّكْ!

‏13 مَاشَا أَقَا ذِينْ أَطَّاسْ ن إِوْذَانْ ؤُ أَقَا ذ ڒْوقْثْ ن ونْژَارْ ؤُ وَارْ غَارْسنْ بُو جّهْذْ مَاحنْذْ أَذْ قِّيمنْ بدّنْ بَارَّا ؤُڒَا ذ مَانْ أَيَا وَارْ إِدْجِي ذ إِشْثْ ن ڒْخذْمثْ ن إِجّْ نِيغْ ثْنَاينْ ن وُوسَّانْ، مِينْزِي أَطَّاسْ زَّايْنغْ عدَّانْ ذِي ثْمسْڒَاشْثْ-أَ.

‏14 أجّْ أَذْ بدّنْ ڒْحُوكَّامْ ذڭْ ومْشَانْ ن مَارَّا أَڭْرَاوْ ن ڒْڭنْسْ ؤُشَا أجّْ أَذْ د-أَسنْ ذڭْ وُوسَّانْ إِتّْوَاڭّنْ، إِنِّي ذِي ثْندَّامْ غَارْسنْ ثِيمْغَارِينْ ثِيبَارَّانِييِّينْ، جْمِيعْ أَكْ-ذ إِمْغَارنْ ن كُوڒْ ثَانْذِينْثْ ذ ڒْقُوضَاثْ نّسْ، أَڒْ خَانغْ غَا إِبعّذْ ڒْحَاذُوقْ ن وغْضَابْ ن أَربِّي نّغْ.“

‏15 مْغِيرْ يُونَاثَانْ، مِّيسْ عَسَائِيلْ، ذ أَحَازْيَا، مِّيسْ ن ثِيقْوَا، ثُوغَا تّْعكّْسنْ خْ مَانْ أَيَا ؤُ مَاشُولَّامْ ذ شَابَاثَايْ، أَلَاوِي، وْشِينْ أَسنْ أَفُوسْ.

‏16 مَاشَا إِرْيَازنْ نِّي إِذوْڒنْ زِي لْمنْفَا ڭِّينْ ث أَمُّو. خنِّي إِتّْوَافَارْزْ ؤُكهَّانْ عِيزْرَا ذ يرْيَازنْ إِنِّي ذ إِزدْجِيفنْ جَارْ إِبَابَاثنْ ن ڒَادْجَاثْ نْسنْ. نِيثْنِي مَارَّا تّْوَاڒَاغَانْ س يِيسمْ نْسنْ ؤُشَا قِّيمنْ ذڭْ وَاسّْ أَمزْوَارُو ن ؤُيُورْ وِيسّْ عشْرَا حِيمَا أَذْ أَرْزُونْ ذِي ثْمسْڒَاشْثْ-أَ

‏17 ؤُ ذڭْ وَاسّْ أَمزْوَارُو ن ؤُيُورْ أَمزْوَارُو كمّْڒنْ نِيثْنِي ثَارزُّوثْ ذِي مَارَّا إِرْيَازنْ نِّي إِڭِّينْ أَذْ سّْزذْغنْ أَكِيذْسنْ ثِيمْغَارِينْ ثِيبَارَّانِييِّينْ.

‏18 إِتّْوَافْ بلِّي إِنِّي زڭْ أَيْثْ ن إِكهَّاننْ إِنِّي إِسّْزذْغنْ غَارْ إِخفْ نْسنْ ثمْغَارِينْ ثِيبَارَّانِييِّينْ، أَقَا أَثنْ زڭْ أَيْثْ ن يشُوعَا، مِّيسْ ن يُوصَاذَاقْ، ؤُ زڭْ أَيْثْمَاسْ، مَاعْشِييَا ذ أَلِيعَازَارْ ذ يَارِيبْ ذ جَاذَالْيَا.

‏19 نِيثْنِي وْثِينْ خْ ؤُفُوسْ أَذْ سّكّنْ ثِيمْغَارِينْ نْسنْ، ؤُ ؤُمِي ذَايْسنْ أَمَارْوَاسْ، أَذْ أَوْينْ إِجّنْ زڭْ وُودْجِي إِ ؤُمَارْوَاسْ نْسنْ.

‏20 زڭْ إِحنْجِيرنْ ن إِمِّيرْ: حَانَانِي ذ زَابَاذْيَا.

‏21 زڭْ إِحنْجِيرنْ ن حَارِيمْ: مَاعْسِييَا ذ إِلِييَا ذ شْمَاعْيَا ذ يَاحِييِيلْ، ذ عُوزِّييَا.

‏22 زڭْ إِحنْجِيرنْ ن فَاشْحُورْ: أَلْيَاعِينَا، مَاعْشِييَا ذ إِسْمَاعِيلْ ذ نَاثَانَايِيلْ ذ يُوزَابَاذْ ذ أَلْعَاسَا.

‏23 زِي إِلَاوِييّنْ: جُوزَابَاذْ ذ شِيمْعِي ذ قَالَايَا، وَا ذ قَالِيطَا، ذ فَاثْحْيَا ذ يَاهُوذَا ذ أَلِيعَازَارْ.

‏24 زڭْ إِمذْيَازنْ: أَلْيَاسِيبْ، ؤُ زڭْ إِعسَّاسنْ ن ثوُّورَا: شَالُّومْ ذ طَالَامْ ذ ؤُرِي. ^▫  

‏25 زِي إِسْرَائِيل: زڭْ أَيْثْ ن فَارْعُوشْ: رَامْيَا ذ جِيزِييَا ذ مَالْكِييَا ذ مِييَامِينْ ذ أَلِيعَازَارْ ذ مَالْكِييَا ذ بَانَايَا.

‏26 زڭْ أَيْثْ ن عِيلَامْ: مَاتَّانْيَا، زَاكَارِييَّا ذ يَاحِييِيلْ، ذ عَابْذِي ذ يَارِيمُوثْ ذ إِلِييَا.

‏27 زڭْ أَيْثْ ن زَاتُّو: أَلْيَاعِينَايْ، إِلْيَاشِيبْ، مَاتَّانْيَا ذ يَارِيمُوثْ ذ زَابَاذْ ذ عَازِيزَا.

‏28 زڭْ أَيْثْ ن بَابَايْ: يُوحَانَانْ، حَانَانْيَا، زَابَّايْ ذ عَاثْلَايْ.

‏29 زڭْ أَيْثْ ن بَانِي: مَاشُولَّامْ، مَالُّوخْ ذ عَاذَايَا، يَاشُوبْ ذ شَآلْ، يَارَامُوثْ.

‏30 زڭْ أَيْثْ ن فَاحَاثْ-مُوآبَ: عَاذْنَا ذ كَالَالْ، بَانَايَا، مَاعْسِييَا، مَاتَّانْيَا، بَاصَالِييِيلْ ذ بِينُّويْ ذ مَانَاسَّا.

‏31 زڭْ أَيْثْ ن حَارِيمْ: أَلِيعَازَارْ، جَاشِييَا، مَالْكِييَا، شْمَاعْيَا، شِيمْعُونْ. ‏32 بِينْيَامِينْ، مَالُّوخْ ذ شَامَارْيَا.

‏33 زڭْ أَيْثْ ن حَاشُومْ: مَاتَّانَايْ، مَاتَّاتَّا، زَابَاذْ، إِلِيفَالَاطْ، يَارِيمَايْ، مَانَاسَّا، شِيمْعِي.

‏34 زڭْ أَيْثْ ن بِيغْوَايْ: مَاعَاذَايْ، عَامْرَامْ ذ ؤُوْيِيلْ، ‏35 بَانَايَا، بَاذْيَا، كَالُوهِي، ‏36 وَانْيَا، مَارِيمُوثْ، إِلْيَاشِيبْ، ‏37 مَاتَّانْيَا، مَاتّْنَايْ ذ يَاعْسُو ‏38 ذ بَانِي ذ بِينُّويْ، شِيمْعِي ‏39 ذ شَالْمَايَا ذ نَاثَانْ ذ عَاذَايَا، ‏40 مَاكْنَاذْبَايْ، شَاشَايْ، شَارَايْ، ‏41 عَازَارْيِيلْ ذ شَالَامْيَا، شَامَارْيَا، ‏42 شَالُّومْ، أَمَارْيَا، يُوسُوفْ.

‏43 زڭْ أَيْثْ ن نَاپُو: يَاعِييِيلْ، مَاتِّيثْيَا، زَابَاذْ، زَابِينَا، يَادُّو ذ يُووِيلْ، بَانَايَا.

‏44 مَارَّا إِنَا ثُوغَا إِوْينْ ثِيمْغَارِينْ ثِيبَارَّانِييِّينْ ؤُشَا شَا زَّايْسنْ ثُوغَا غَارْسنْ ثِيمْغَارِينْ ؤُرْونْثْ-إِ-د إِحنْجِيرنْ.