‏1 مَارَّا إِسْرَائِيل إِتّْوَازمّمْ ذِي لِيسْثَاثْ ن جَّاذِيرَا ؤُ خْزَارْ، نِيثْنِي تّْوَازمّمنْ ذڭْ وذْلِيسْ ن إِجدْجِيذنْ ن إِسْرَائِيل ذ يَاهُوذَا. إِتّْوَانْذهْ يَاهُوذَا غَارْ لْمنْفَا غَارْ بَابِيلْ ذِي سِّيبّثْ ن ڒغْذَارْ نْسنْ.

‏2 إِمزْذَاغْ إِمزْوُورَا إِ ثُوغَا إِزدّْغنْ خْ وَاڭْڒَا نْسنْ، ذِي ثْندَّامْ نْسنْ، ثُوغَا أَثنْ أَيْثْ ن إِسْرَائِيل ذ إِكهَّاننْ ذ إِلَاوِييّنْ ذ إِمْسخَّارنْ ن زَّاوشْثْ ثَامقّْرَانْثْ.

‏3 زڭْ إِحنْجِيرنْ ن يَاهُوذَا ؤُ زڭْ إِحنْجِيرنْ ن بِينْيَامِينْ ؤُ زڭْ إِحنْجِيرنْ ن إِفْرَايِيمْ ؤُ زڭْ إِحنْجِيرنْ ن مَانَاسَّا زذْغنْ إِنَا ذِي ؤُرْشَالِيمْ:

‏4 عُوثَايْ، مِّيسْ ن عَامِّيهُوذْ، مِّيسْ ن عُومْرِي، مِّيسْ ن إِمْرِي، مِّيسْ ن بَانِي. نتَّا ثُوغَا زڭْ إِحنْجِيرنْ ن فَارِيصْ، مِّيسْ ن يَاهُوذَا.

‏5 زڭْ أَشِيلُونِييّنْ: عَاسَايَا، أَمنْزُو أَكْ-ذ إِحنْجِيرنْ نّسْ،

‏6 ؤُ زڭْ إِحنْجِيرنْ ن زَارَاحْ: يَاعُويِيلْ وَاهَا.

أَيْثْمَاثْسنْ ثُوغَا أَثنْ ذِي ستَّا مْيَا ؤُ-ثسْعِينْ.

‏7 زڭْ إِحنْجِيرنْ ن بِينْيَامِينْ سَالُّو، مِّيسْ ن مَاشُولَّامْ، مِّيسْ ن هُوذُويَا، مِّيسْ ن هَاسْنُووَا، ‏8 ذ يِيبْنِييَا، مِّيسْ ن يَارُوحَامْ، ؤُ إِيْلَا، مِّيسْ ن عُوزِّي، مِّيسْ ن مِيكْرِي، ؤُ مَاشُولَّامْ، مِّيسْ ن شَافَاطْيَا، مِّيسْ ن رَاعُويِيلْ، مِّيسْ ن يِيبْنِييَا.

‏9 أَيْثْمَاثْسنْ، تّْوَاستّْفنْ عْلَاحْسَابْ أَخْڒَاقْ نْسنْ، ثُوغَا أَثنْ ذِي ثسْعَا-مْيَا ؤُ-ستَّا ؤُ-خمْسِينْ ن يرْيَازنْ. مَارَّا إِرْيَازنْ-أَ ثُوغَا أَثنْ ذ إِزدْجِيفنْ جَارْ إِبَابَاثنْ ن ڒَادْجَاثْ نْسنْ.

‏10 زڭْ إِكهَّاننْ: يَاذَاعْيَا ذ يَاهُويَارِيبْ ذ يَاكِينْ

‏11 ذ عَازَارْيَا، مِّيسْ ن حِيلْقِييَا، مِّيسْ ن مَاشُولَّامْ، مِّيسْ ن صَاذُوقْ، مِّيسْ ن مَارَايُوثْ، مِّيسْ ن أَخِيطُوبْ، أَمحْضَايِي ن ثَادَّارْثْ ن أَربِّي،

‏12 ذ عَاذَايَا، مِّيسْ ن يَارُوحَامْ، مِّيسْ ن فَاشْحُورْ، مِّيسْ ن مَالْكِييَا، ؤُ مَاعْسَايْ، مِّيسْ ن عَاذِييِيلْ، مِّيسْ ن يَاحْزِيرَا، مِّيسْ ن مَاشُولَّامْ، مِّيسْ ن مَاشِيلِّيمِيثْ، مِّيسْ ن إِمِّيرْ.

‏13 أَيْثْمَاثْسنْ إِنِّي ثُوغَا إِقّْننْ غَارْ إِزدْجِيفنْ ن ڒَادْجَاثْ-أَ، ثُوغَا أَثنْ ذڭْ أَڒفْ ؤُ-ستَّا-مْيَا ؤُ-ستِّينْ ن أَيْثْ ن بُو-ثغْرُوضْثْ إِمحْضنْ، إِنِّي إِڭِّينْ ڒْخذْمثْ ن ثْسخَّارْثْ ذِي ثَادَّارْثْ ن أَربِّي.

‏14 زڭْ إِلَاوِييّنْ: شْمَاعْيَا، مِّيسْ ن حَاشُوبْ، مِّيسْ ن عَازْرِيقَامْ، مِّيسْ ن حَاشَابْيَا، زڭْ إِحنْجِيرنْ ن مَارَارِي،

‏15 ذ بَاقْبَاقَارْ ذ حَارَاشْ ذ جَالَالْ ذ مَاثَانْيَا، مِّيسْ ن مِيخَا، مِّيسْ ن زِيكْرِي، مِّيسْ ن أَسَافْ،

‏16 ذ عُوبَايَا، مِّيسْ ن شْمَاعْيَا، مِّيسْ ن جَالَالْ، مِّيسْ ن يَاذُوثُونْ، ذ بَارَاخْيَا، مِّيسْ ن أَسَا، مِّيسْ ن إِلْقَانَا، ونِّي إِزدّْغنْ ذِي ڒذْشُورْ ن إِنُوفَاثِييّنْ.

‏17 إِعسَّاسنْ ن ثوَّارْثْ ثُوغَا أَثنْ ذ شَالُّومْ، عَاقُّوبْ، طَالْمُونْ ذ أَخِيمَانْ ذ ثَاوْمَاثْ نْسنْ. شَالُّومْ ثُوغَا-ث ذ أَزدْجِيفْ.

‏18 أَڒْ ڒخُّو بدّنْ نِيثْنِي غَارْ ثوَّارْثْ ن ؤُجدْجِيذْ ذِي مَانِيسْ إِ د-ثْنقَّارْ ثْفُوشْثْ. نِيثْنِي ذ إِعسَّاسنْ ن ثوَّارْثْ غَارْ ڒمْرَاڭحْ ن ڒْعسْكَارْ ن أَيْثْ ن لَاوِي.

‏19 شَالُّومْ، مِّيسْ ن قُورِي، مِّيسْ ن أَبِييَاسَافْ، مِّيسْ ن قُورَاحْ، ذ أَيْثْمَاسْ إِنِّي ثُوغَا إِقّْننْ غَارْ ڒَادْجْ نّسْ، إِقُورَاحِييّنْ، ثُوغَا أَثنْ خْ ڒْخذْمثْ ن ثْسخَّارْثْ، نِيثْنِي ذ إِعسَّاسنْ ن ثوُّورَا ن ؤُقِيضُونْ، أَمْ مَامّشْ ثُوغَا إِبَابَاثنْ نْسنْ ذ إِعسَّاسنْ ن ثوُّورَا ذِي ڒْمَارْڭحْ ن ڒْعسْكَارْ ن سِيذِي. ‏20 فِينَاحَاسْ، مِّيسْ ن أَلِيعَازَارْ، ثُوغَا-ث زِيشْ ذ أَمْڭوّذْ نْسنْ. سِيذِي ثُوغَا أَكِيذسْ. ‏21 زَاكَارِييَّا، مِّيسْ ن مَاشَالْمِييَا، ثُوغَا-ث ذ أَعسَّاسْ غَارْ وَاذَافْ ن ؤُقِيضُونْ ن ؤُمْسَاڭَارْ.

‏22 مَارَّا إِنِّي إِتّْوَافَارْزنْ أَمْ إِعسَّاسنْ ن ثوَّارْثْ غَارْ وَاذَافنْ، ثُوغَا أَثنْ ذِي مِيثَاينْ ؤُ-ثنْعَاشْ ن يرْيَازنْ. نِيثْنِي تّْوَازمّمنْ ذِي لِيسْثَا ن جَّاذِيرَا ذِي ڒذْشُورْ نْسنْ. ذَاوُوذْ ذ شَامْوِيلْ، أَمْوَاڒَاوْ، سّْمثْننْ ثنْ ذِي ڒْفُوسِينَا إِ ذ أَسنْ د-إِتّْوَاوكّْڒنْ. ‏23 نِيثْنِي ثُوغَا تّْعسَّانْ أَكْ-ذ إِحنْجِيرنْ نْسنْ غَارْ ثوُّورَا ن ثَادَّارْثْ ن سِيذِي، ذِي ثَادَّارْثْ ن ؤُقِيضُونْ. ‏24 إِعسَّاسنْ ن ثوُّورَا ثُوغَا بدّنْ غَارْ أَربْعَا ن جّْوَايهْ ن ؤُسمِّيضْ، غَارْ شَّارْقْ، غَارْ ڒْغَارْبْ، غَارْ شَّامَالْ، غَارْ لْجَانُوبْ. ‏25 أَيْثْمَاثْسنْ إِنِّي ثُوغَا إِزدّْغنْ ذِي ڒذْشُورْ نْسنْ، ؤُسِينْ-د ذِي ڒْوَاوْقَاثْ إِتّْوَاڭّنْ حِيمَا أَذْ سخَّارنْ أَكِيذْسنْ سبْعَا ن وُوسَّانْ. ‏26 مَاغَارْ ذِي ڒْخذْمثْ إِ ذ أَسنْ-د إِتّْوَاوكّْڒنْ ثُوغَا نِيثْنِي ذ أَربْعَا ن إِعسَّاسنْ إِمزْوُورَا خْ ثوُّورَا، نِيثْنِي ذ إِلَاوِييّنْ. نِيثْنِي تّْوَاڒقّْمنْ خْ إِخَّامنْ ؤُ خْ ثْخُوبَايْ ن ثَادَّارْثْ ن أَربِّي. ‏27 ذِي دْجِيڒثْ سّنْسنْ ذڭْ ونّضْ ن ثَادَّارْثْ ن أَربِّي، مَاغَارْ ثُوغَا تّْوَاكلّْفنْ س ثْعسَّاسْثْ ذ وَارْزَامْ ن ثوَّارْثْ كُوڒْ ضّْبحْ. ‏28 شَا زَّايْسنْ تّْوَاڭّنْ خْ دُّوزَانَاثْ ن ثْسخَّارْثْ، مَاغَارْ نِيثْنِي حسْبنْ ثنْ ؤُمِي ثنْ سِّيذْفنْ ؤُ ؤُمِي ثنْ سُّوفّْغنْ. ‏29 شَا نّغْنِي زَّايْسنْ تّْوَاڭّنْ خْ دُّوزَانَاثْ ؤُ خْ مَارَّا ڒقْشُوعْ إِقدّْسنْ ؤُ خْ وَارنْ ن سّْمِيذْ ذ بِينُو ذ زّشْثْ ذ جَّاوِي ذ ڒعْطُورْ.

‏30 إِمْسوْجَّاذنْ ن ثْخدْجضْثْ إِتّْفُوحنْ أَكْ-ذ ڒعْطُورْ ثُوغَا أَثنْ زڭْ إِحنْجِيرنْ ن إِكهَّاننْ.

‏31 مَاتِّيثْيَا، إِجّنْ زڭْ أَيْثْ ن لَاوِي، ثُوغَا ذ أَمنْزُو ن شَالُّومْ، أَقُورَاحِي. إِتّْوَاوكّڒْ أَسْ أَذْ إِسّوْجذْ ثَاسْننِّيثْ. ‏32 زڭْ إِحنْجِيرنْ ن إِقَاهَاثِييّنْ، زڭْ أَيْثْمَاثْسنْ، ثُوغَا شَا تّْوَاڒقّْمنْ خْ وغْرُومْ ن وسْشَانْ حِيمَا أَذْ ث سَّارْسنْ ذِي طَّابْڒَا كُوڒْ أَسّْ ن سّبْثْ.

‏33 نِيثْنِي ثُوغَا أَثنْ ؤُڒَا ذ إِمذْيَازنْ، إِزدْجِيفنْ جَارْ إِبَابَاثنْ ن ڒَادْجَاثْ جَارْ إِلَاوِييّنْ، إِنِّي إِتّْوَانْفكّنْ زِي ڒخْذَايمْ نّغْنِي مِينْزِي ثُوغَا خَاسنْ حِيمَا أَذْ شغْڒنْ أَكْ-ذ ڒْخذْمثْ-أَ أَسّْ ذ دْجِيڒثْ.

‏34 إِنَا ثُوغَا أَثنْ ذ إِزدْجِيفنْ جَارْ إِبَابَاثنْ ن ڒَادْجَاثْ ن إِلَاوِييّنْ، تّْوَاستّْفنْ عْلَاحْسَابْ أَخْڒَاقْ نْسنْ، إِزدْجِيفنْ إِ إِدْجَانْ. نِيثْنِي ثُوغَا زدّْغنْ ذِي ؤُرْشَالِيمْ.

‏35 ذِي جِيبْعُونْ زذْغنْ يَاعِييِيلْ، بَابَاسْ ن جِيبْعُونْ، ؤُ إِسمْ ن ثمْغَارْثْ نّسْ ثُوغَا-ث مَاعْكَا. ‏36 مِّيسْ نّسْ أَمنْزُو ثُوغَا عَابْذُونْ، ؤُ خنِّي ثُوغَا زدّْغنْ ذِينْ صُورْ ذ قِيسْ ذ نِيرْ ذ نَاذَابْ ‏37 ذ جَاذُورْ ذ أَخِييُو ذ زَاكَارِييَّا ذ مِيقْلُوثْ. ‏38 مِيقْلُوثْ إِجَّا-د شِيمْعَا. ؤُڒَا ذ نِيثْنِي ثُوغَا زدّْغنْ أَجمَّاضْ ن أَيْثْمَاثْسنْ ذِي ؤُرْشَالِيمْ، جْمِيعْ أَكْ-ذ أَيْثْمَاثْسنْ إِنّغْنِي.

‏39 نِيرْ إِجَّا-د قِيسْ ؤُ قِيسْ إِجَّا-د شَاوُولْ ؤُ شَاوُولْ إِجَّا-د يُونَاثَانْ ذ مَالْكِيشُوعَا ذ أَبِينَاذَابْ ذ إِشْبَاعَالْ.

‏40 مِّيسْ ن يُونَاثَانْ ثُوغَا مَارِيبْ-بَاعَالْ ؤُ مَارِيبْ-بَاعَالْ إِجَّا-د مِيخَا.

‏41 إِحنْجِيرنْ ن مِيخَا ثُوغَا أَثنْ ذ فِيثُونْ ذ مَالَاكْ ذ ثَاحْرِيعَا.

‏42 أَحَازْ إِجَّا-د يَاعْرَا ؤُ يَاعْرَا إِجَّا-د عَالْمَاثْ ذ عَازْمُوثْ ذ زِيمْرِي ؤُ زِيمْرِي إِجَّا-د مُوصَا

‏43 ؤُ مُوصَا إِجَّا-د بِينْعَا. مِّيسْ نّسْ ثُوغَا رَافَايَا، مِّيسْ نّسْ إِلْعَاسَا ؤُ مِّيسْ نّسْ أَصِيلْ.

‏44 أَصِيلْ ثُوغَا غَارسْ ستَّا ن إِحنْجِيرنْ ؤُ إِنَا ذ إِسْمَاونْ نْسنْ: عَازْرِيقَامْ ذ بُوكْرَا ذ إِسْمَاعِيلْ ذ شَاعَارْيَا ذ عُوبَاذْيَا ذ حَانَانْ. إِنَا ثُوغَا أَثنْ ذ إِحنْجِيرنْ ن أَصِيلْ.